Official Journal L 284 , 24/10/1985 P. 0001 - 0007
Spanish special edition: Chapter 04 Volume 4 P. 0010
Portuguese special edition Chapter 04 Volume 4 P. 0010
Id-Deċiżjoni tal-Kummissjoni tas-16 ta' Settembru 1985 dwar applikazzjonijiet għal ħlas lura u l-ħlas bil-quddiem fejn għandhom x'jaqsmu ċerti miżuri sabiex tkun aġġustata l-kapaċità fis-settur tas-sajd (85/474/KEE) IL-KUNSILL TAL-KOMUNITAJIET EWROPEJ, Wara li kkunsidra it-Trattat li waqqaf l-Komunità Ekonomika Ewropea, Wara li kkunsidra d-Direttiva tal-Kunsill 83/515/KEE ta' l-4 t'Ottubru 1983 dwar ċerti miżuri sabiex tkun aġġustata l-kapaċità fis-settur tas-sajd [1], u b'mod partikolari Artikolu 10(4) tiegħu, Billi applikazzjonijiet għall-ħlas lura u ħlas bil-quddiem li għandhom ikunu sottomessi mill-Ístati Membri lill-Kummissjoni jrid ikun fihom ċerti partikolari li juru li l-ispiża tkun konformi mad-Direttiva 83/515/KEE u tirrelata ma' miżuri approvati mill-Kummissjoni skond Artikolu 7 ta' dik id-Direttiva; Billi, sabiex ikun jista' jsir kontroll effettiv, l-Istati Membri jridu jżommu d-dokumenti ta' sapport li fuq il-bażi tagħhom l-għajnuniet kienu kalkulati skond id-dispożizzjoni tal-Kummissjoni għal perjodu ta' tliet snin wara l-ħlas tal-ħlas b'lura finali; Billi, sabiex jingħata effett lill-possibilità li għandha l-Kummissjoni li tagħmel ħlas bil-quddiem, iridu jsiru regoli dettaljati u proċeduri; Billi l-miżuri speċifikati f'din id-Deċiżjoni huma skond l-opinjoni tal-Kumitat Permanenti għall-Industrija tas-Sajd, ADDOTTA DIN ID-DEĊIŻJONI: Artikolu 1 Applikazzjonijiet għal ħlas b'lura kif imsemmi f'Artikolu 10(1) ta' Direttiva 83/515/KEE għandhom ikunu konformi mat-tabelli f'Annessi 1, 2 u 3. Artikolu 2 L-Istati Membri għandhom iżommu għad-dispożizzjoni tal-Kummissjoni għal perjodu ta' tliet snin wara l-ħlas tal-ħlas b'lura finali d-dokumentazzjoni relevanti kollha jew kopji ċertifikati li għab-bażi tagħhom l-għajnuniet provduti f'Direttiva 83/515/KEE kienu kalkulati, u l-faxxikoli kompluti tal-benefiċjarji. Artikolu 3 Applikazzjonijiet għal ħlas bil-quddiem imsemmija f'Artikolu 10(3) ta' Direttiva 83/515/KEE għandhom ikunu sottomessi mill-Istat Membru relevanti. Tali applikazzjonijiet għandhom isiru fil-forma mniżżla f'Anness 4. Artikolu 4 1. Ħlasijiet bil-quddiem m'għandhomx ikunu aktar minn 25 % ta' l-ammont ta' spiża eliġibbli li tkun mistennija fis-sena li fiha dan il-ħlas ikun jirrelata. 2. Ħlasijiet bil-quddiem li ma jintużawx fis-sena li fiha jkunu tħallsu għandhom ikunu mnaqqsa mill-ħlas bil-quddiem li jseħħ fis-sena ta' wara. Il-Kummissjoni tista' titlob l-Istat Membru konċernat li jrodd lura parti, jew il-ħlas bil-quddiem kollu magħmul fejn dan it-tnaqqis ma jkunx possibli. Artikolu 5 1. Fi tmiem ta' kull sena li fiha jsir ħlas lilhom, l-Istati Membri għandhom jistabbilixxu rapport dwar l-operazzjonijiet li jkunu saru matul dik is-sena. 2. Ħlasijiet bil-quddiem għas-sena li tkun tmiss m'għandhomx isiru sakemm ir-rapport imsemmi fil-paragrafu 1 ikun ġie sottomess lill-Kummissjoni. Artikolu 6 Il-lista ta' bastimenti li għalihom il-premium tat-tmiem finali jkunu ġie mogħti għandu jkun pjanat bl-użu ta' formula li mudell tagħha qiegħed f'Anness 5. Għandha tkun mogħtija lill-Kummissjoni qabel l-applikazzjoni għall-ħlas lura. Artikolu 7 Din id-Deċiżjoni hija ndirizzata lill-Istati Membri. Magħmul Brussel, fis-16 ta' Settembru 1985. Għall-Kummissjoni Frans Andriessen Viċi-President [1] ĠU L 290, tat-22.10.1983, p. 15. -------------------------------------------------- ANNESS 1 APPLIKAZZJONI GĦAL ĦLAS B’LURA TA’ SPEJJEŻ RELATAT MA’ 19. SKOND DIRETTIVA TAL-KUNSILL 83/515/KEE +++++ TIFF +++++ -------------------------------------------------- ANNESS 2 APPLIKAZZJONI GĦAL-ĦLAS B'LURA TA' SPEJJEŻ RELATATI MA 19… SKOND ARTIKOLU 3 TA' DIRETTIVA 83/515/KEE (TNAQQIS TEMPORANJU TAL-KAPAĊITÀ) +++++ TIFF +++++ -------------------------------------------------- ANNESS 3 APPLIKAZZJONI GĦALL-ĦLAS LURA TA’ L-ISPIŻA RELATAT MA’ 19… SKOND ARTIKOLU 5 TAD-DIRETTIVA 83/515/KEE (TNAQQIS PERMANENTI TA’ KAPAĊITÀ) +++++ TIFF +++++ -------------------------------------------------- ANNESS 4 APPLIKAZZJONI GĦAL-ĦLAS BIL-QUDDIEM TA' 19… SKOND ID-DIRETTIVA 83/515/KEE A. Miżuri temporanji li jinvolvu t-tnaqqis temporanju tal-kapaċità ta' produzzjoni +++++ TIFF +++++ 1. | Nefqa eliġibli li mistennija issir f'19 | = … (f'munita nazzjonali) | 2. | Ammont ta' ħlas bil-quddiem li għalih saret l-applikazzjoni (massimu ta' 25 % ta' 1) | = … (f'munita nazzjonali) | B. Miżuri temporanji li jinvolvu t-tnaqqis temporanju tal-kapaċità ta' produzzjoni +++++ TIFF +++++ 1. | Nefqa eliġibli li mistennija issir f'19 | = … (f'munita nazzjonali) | 2. | Ammont ta' ħlas bil-quddiem li għalih saret l-applikazzjoni (massimu ta' 25 % ta' 1) | = … (f'munita nazzjonali) | Data, timbru u firma ta' l-awtorita kompetenti -------------------------------------------------- ANNESS 5 DESKRIZZJONI TA' KULL BASTIMENT LI GĦALIH INGĦATA PREMIUM TAT-TMIEM FINALI +++++ TIFF +++++ --------------------------------------------------