Id-Deċiżjoni tal-Kunsill

tat-22 ta' Novembru 1984

dwar il-konklużjoni ta' Ftehim fil-forma ta' bdil ta' ittri bejn il-Komunità Ekonomika Ewropea u l-Gvern ta' l-Awstralja dwar l-Arranġament bejn l-Awstralja u l-Komunità dwar il-ġobon

(84/560/KEE)

IL-KUNSILL TAL-KOMUNITAJIET EWROPEJ,

Wara li kkonsidra t-Trattat li waqqaf il-Komunità Ekonomika Ewropea, u b'mod partikolari Artikolu 113 tiegħu,

Wara li kkonsidra r-rakkomandazzjoni mill-Kummisjoni,

Billi waqt in-negozjati kummerċjali dwar il-Ftehim Ġenerali dwar Tariffi u Kummmerċ(GATT), il-Komunità kkonkludiet Ftehim ma’ l-Awstralja dwar il-ġobon [1];

Billi jekk l-għanijiet tal-Ftehim iridu jintlahqu, uhud mid-dispożizzjonijiet tiegħu għandhom jiġu emendati;

Billi l-Kummissjoni bdiet negozjati ma’ l-Awstralja dwar din il-kwistjoni u laħqet ftehim sodisfaċenti ma’ dak il-pajjiż,

IDDEĊIDA KIF ĠEJ:

Artikolu 1

Il-Ftehim fil-forma ta' bdil ta' ittri bejn il-Komunità Ekonomika Ewropea u l-Gvern ta' l-Awstralja dwar l-Arranġament bejn l-Awstralja u l-Komunità dwar il-ġobon qed jiġi approvat f'isem il-Komunità.

Il-kitba tal-Ftehim hija mehmuża ma’ din id-Deċiżjoni.

Artikolu 2

Il-President tal-Kunsill qed jiġi awtorizzat sabiex jagħżel il-persuna li jkollha s-setgħa li tiffirma l-Ftehim sabiex jorbot lill-Komunità.

Magħmul fi Brussel, fit-22 ta' Novembru 1984.

Għall-Kunsill

Il-President

J. Bruton

[1] ĠU L 71, tas-17.3.1980, p.ġ 154.

--------------------------------------------------