Ir-raba’ Direttiva tal-Kummissjoni

tat-22 ta’ Settembru 1983

li tadatta għal progress tekniku l-Anness VI tad-Direttiva tal-Kunsill 76/768/KEE dwar l-approssimazzjoni tal-liġijiet ta’ l-Istati Membri li għandhom x’jaqsmu mal-prodotti kosmetiċi

(83/496/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet tal-Istati Membri li għandhom x’jaqsmu mal-prodotti kosmetiċi [1], kif emendata l-aħħar bid-Direttiva 83/341/KEE [2], u b’mod partikulari l-Artikolu 8(2) tagħha,

Billi, fid-dawl tar-riżultati tar-riċerka xjentifika u teknika l-aktar riċenti, l-użu ta’ 4,4-dimethyl-1,3-oxazolidine u 1,2-dibromo-2,4-dicyanobutane bħala preservattivi fi prodotti kosmetiċi jista’ jkun permissibbli, suġġett għal ċerti kondizzjonijiet;

Billi d-dispożizzjonijiet ta’ din id-Direttiva huma bi qbil ma’ l-opinjoni tal-Kumitat dwar l-Adattazzjoni għal Progress Tekniku tad-Direttivi dwar it-Tneħħija ta’ l-Ostakoli Tekniċi għall-Kummerċ tal-Prodotti Kosmetiċi,

ADOTTAT DIN ID-DIRETTIVA:

L-Artikolu 1

Dan li ġej huwa b’hekk miżjud mal-Parti 2 ta’ l-Anness VI tad-Direttiva 76/768/KEE:

"Nru ta’ Referenza | Sustanza | L-ogħla konċentrazzjoni awtorizzata | Limitazzjonijiet u ħtiġiet | Kondizzjonijiet ta’ l-użu u twissijiet li għandhom ikunu stampati fuq it-tikketta |

a | b | ċ | d | e |

59 | 1,2-dibromo-2,4-dicyanobutane | 0,1 % | M’għandux ikun użat fi prodotti kosmetiċi ta’ protezzjoni mix-xemx | |

60 | 4,4-dimethyl-1,3-oxazolidine | 0,1 % | Biss għal prodotti li jitlaħalħu wara l-użu | |

| | | Il-pH tal-prodott lest ma għandux ikun aktar baxx minn 6" | |

L-Artikolu 2

L-Istati Membri għandhom idaħħlu fis-seħħ il-liġijiet, ir-regolamenti jew id-dispożizzjonijiet amministrattivi meħtieġa sabiex ikunu konformi ma’ din id-Direttiva mhux aktar tard mill-31 ta’ Diċembru 1984.

Huma għandhom jinfurmaw minnufih lill-Kummissjoni b’dan.

L-Artikolu 3

Din id-Direttiva hija ndirizzata lill-Istati Membri.

Magħmula fi Brussel, fit-22 ta’ Settembru 1983.

Għall-Kummissjoni

Karl-Heinz Narjes

Membru tal-Kummissjoni

[1] ĠU L 262, tas-27.9.1976, p. 169.

[2] ĠU L 188, tat-13.7.1983, p. 15.

--------------------------------------------------