Id-Direttiva tal-Kummissjoni

ta’ l-15 ta’ Diċembru 1982

li taddatta għad-Direttiva tal-Kunsill 76/622/KEE dwar progress tekniku fuq l-approssimazzjoni tal-liġijiet ta’ l-Istati Membri rigward l-istrutturi ta’ protezzjoni kontra l-qlib ta’ tratturi bir-roti għall-agrikoltura jew għall-forestrija (testjar statiku)

(82/953/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 74/150/KEE ta’ l-4 ta’ Marzu 1974 dwar l-approssimazzjoni tal-liġijiet ta’ l-Istati Membri rigward l-approvazzjoni tat-tip ta’ tratturi bir-roti għall-agrikoltura jew għall-forestrija [1], kif emendata l-aħħar bid-Direttiva 79/694/KEE [2] u bl-Att ta’ l-Adeżjoni tal-Greċja, u b’mod partikolari l-Artikolu 11 tiegħu,

Billi, bħala riżultat ta’ l-esperjenza miksuba f’dan il-qasam, u meta wieħed iżomm f’moħħu s-sitwazzjoni preżenti, huwa issa possibbli li ċerti dispożizzjonijiet tad-Direttiva tal-Kunsill 79/662/KEE [3] isiru aktar kompleti u jiġu aktar konformi mal-kondizzjonijiet ta’ testjar reali;

Billi d-dispożizzjonijiet ta’ din id-Direttiva għandhom ikunu mingħajr preġudizzju għad-Direttiva tal-Kunsill 77/536/KEE tat-28 ta’ Ġunju 1977 dwar l-approssimazzjoni tal-liġijiet ta’ l-Istati Membri rigward strutturi ta’ protezzjoni kontra l-qlib ta’ tratturi bir-roti għall-agrikoltura jew għall-forestrija [4]; billi, għal dan il-għan, it-tratturi jistgħu, sa data li trid tiġi speċifikata, jiġu mgħammra bi struttura ta’ protezzjoni kontra l-qlib li tikkonforma mad-Direttiva 77/536/KEE jew ma’ din id-Direttiva;

Billi, id-disposizzjonjiet ta’ din id-Direttiva huma konformi ma’ l-opinjoni tal-Kumitat fuq l-Addattament għall-Progress Tekniku tad-Direttivi fuq it-Tneħħija ta’ Ostakoli Tekniċi għall-Kummerċ fis-Settur tat-Tratturi għall-Agrikoltura jew għall-Forestrija,

ADOTTAT DIN ID-DIRETTIVA:

L-Artikolu 1

L-Annessi II, III u IV tad-Direttiva 79/622/KEE huma hawnhekk emendati skond l-Anness ta’ din id-Direttiva.

L-Artikolu 2

1. B’effett mill-1 ta’ Ottubru 1983, l-ebda Stat Membru ma jista’:

- jirrifjuta li jagħti approvazzjoni tat-tip tal-KEE, li joħroġ id-dokumenti msemmija fl-aħħar inċiż ta’ l-Artikolu 10(1) tad-Direttiva 74/150/KEE jew li jagħti approvazzjoni tat-tip nazzjonali, rigward tip ta’ trattur, jew

- jipprojbixxi d-dħul fis-servizz ta’ tratturi,

jekk l-istruttura ta’ protezzjoni kontra l-qlib ta’ dan it-tip ta’ trattur jew ta’ dawn it-tratturi tikkonforma mad-dispożizzjonijiet ta’ din id-Direttiva.

2. B’effett mill-1 ta’ Ottubru 1984, Stat Membru:

- m’ għandux joħroġ aktar id-dokument msemmi fl-aħħar inċiż ta’ l-Artikolu 10(1) tad-Direttiva 74/150/KEE għal tip ta’ trattur li l-istruttura ta’ protezzjoni kontra l-qlib ma tikkonformax mad-dispożizzjonijiet ta’ din id-Direttiva,

- jista’ jirrifjuta li jagħti approvazzjoni tat-tip nazzjonali rigward tip ta’ trattur li l-istruttura ta’ protezzjoni kontra l-qlib ma tikkonformax mad-dispożizzjonijiet ta’ din id-Direttiva.

3. B’effett mill-1 ta’ Ottubru 1985, l-Istati Membri jistgħu jiprojbixxu d-dħul fis-servizz ta’ trattuti li l-istruttura ta’protezzjoni kontra l-qlib ma tikkonformax mad-dispożizzjonijiet ta’ din id-Direttiva.

4. Id-dispożizzjonijiet tal-paragrafi 1 sa 3 għandhom ikunu mingħajr preġudizzju għad-dispożizzjonijiet tad-Direttiva 77/536/KEE.

L-Artikolu 3

L-Istati Membri għandhom idaħħlu fis-seħħ id-dispożizzjonijiet neċessarji biex ikunu konformi ma’ din id-Direttiva l-aktar tard sat-30 ta’ Diċembru 1983. Huma għandhom jinfurmaw lill-Kummissjoni dwar dan minnufih.

L-Artikolu 4

Din id-Direttiva hija indirizzata lill-Istati Membri.

Magħmula fi Brussel, fil-15 ta’ Diċembru 1982.

Għall-Kummissjoni

Karl-Heinz Narjes

Membru tal-Kummissjoni

[1] ĠU L 84, tat-28.3.1974, p. 10.

[2] ĠU L 205, tat-13.8.1979, p.17.

[3] ĠU L 179, tas-17.7.1979, p.1

[4] ĠU L 220, tad-29.8.1977, p. 1.

--------------------------------------------------

L-ANNESS

L-Anness II tad-Direttiva 79/622/KEE huwa emendat kif ġej:

L-entrata 4.1.1 għandha titħassar.

L-entrata 4.1.2 għandha ssir l-entrata 4.1.1 kif ġej:

"4.1.1. L-ebda parti miż-żona ta’ spazju ħieles kif deskritta fl-entrata 3.2 ta’ l-Anness III ma tkunx ġiet mdaħħla, jew tkun barra l-protezzjoni ta’, l-istruttura ta’ protezzjoni matul it-testijiet speċifikati fl-entrati 1.2, 1.3, 1.5, 1.6 u, fejn addattat, 1.7 ta’ l-Anness III,.

Jekk ikun sar test ta’ tagħbija eċċessiv, il-forza applikata meta l-enerġija speċifikata hija assorbita għandha tkun akbar minn 0.8 tal-forza massima li jkun hemm kemm matul it-test prinċipali u kemm matul it-test ta’ tagħbija eċċessiva kkonċernati (ara l-figuri 4b u 4ċ ta’ l-Anness IV)."

L-entrata 4.1.3 għandha ssir l-entrata 4.1.2.

Wara l-entrata 4.1.3 (issa 4.1.2) għandha tiġi nkorporata entrata ġdida 4.1.3 kif ġej:

"4.1.3. Fil-punt meta l-livell ta’ enerġija mitluba tintlaħaq f’kull waħda mit-testijiet speċifikati ta’ tagħbija orizzontali, l-forza għandha taqbeż 0.8 Fmass."

Sezzjoni 6

"SIMBOLI"

hija hawnhekk emendata kif ġej:

Is-simbolu li ġej għandu jiżdied wara s-simbolu D:

"D’ = = deflessjoni (mm) ta’ l-istruttura għall-enerġija kkalkulata mitluba."

It-test tas-simbolu F’għandu jinbidel b’li ġej:

"F’= = il-forza ta’ l-enerġija kkalkulata mitluba."

It-test tas-simbolu F-D għandu jiġi emendat kif ġej:

"F-D = = kurva ta’ forza/deflessjoni."

It-test li jiddeskrivi s-simbolu Eil 2 għandu jiġi emendat kif ġej:

"Eil 2 = = id-dħul ta’ enerġija li trid tiġi assorbita matul l-applikazzjoni tat-tieni tagħbija lonġitudinali (J)."

Is-simboli Ei, E’1, Ea u E”1 għandhom jitħassru.

L-Anness III tad-Direttiva 79/622/KEE huwa hawnhekk emendat kif ġej:

L-entrata 1.2 għandha tiġi mibdula b’li ġej:

"1.2. Tagħbija lonġitudinali (ara l-Figura 2 ta’ l-Anness IV)

L-applikazzjoni tat-tagħbija għandha tkun orizzontali u parallela mal-pjan medjan vertikali tat-trattur.

Għal tratturi li għandhom mill-anqas 50 % tal-massa tagħhom, kif definita fl-entrata 1.3 ta’ l-Anness II, fuq ir-roti ta’ wara, it-tagħbija lonġitudinali ta’ wara u t-tagħbija laterali għandha tiġi applikata fuq naħat differenti tal-pjan lonġitudinali medjan ta’ l-istruttura ta’ protezzjoni. Għal tratturi li għandhom mill-anqas 50 % tal-massa tagħhom fuq ir-roti ta’ quddiem, it-tagħbija lonġitudinali ta’ quddiem għandha tkun fuq l-istess naħa tal-pjan lonġitudinali medjan ta’ l-istruttura ta’ protezzjoni bħat-tagħbija laterali.

Għandha tiġi applikata fuq il-parti strutturali trasversali l-aktar ‘il fuq ta’ l-istruttura ta’ protezzjoni (jiġifieri, l-parti li x’aktarx tolqot l-art l-ewwel fil-każ ta’ qlib).

Il-punt ta’ applikazzjoni tat-tagħbija għandu jkun mqiegħed wieħed minn sitta tal-wisa’ tan-naħa ta’ fuq ta’ l-istruttura ta’ protezzjoni ‘l ġewwa mill-kantuniera ta’ barra. Il-wisa’ ta’ l-istruttura ta’ protezzjoni għandha tittieħed bħala d-distanza ta’ bejn iż-żewġ linji paralleli mal-pjan medjan vertikali tat-trattur li jmiss l-estremitajiet ta’ barra ta’ l-istruttura ta’ protezzjoni fi pjan orizzontali li jmiss in-naħa ta’ fuq tal-membri strutturali trasversali l-aktar ‘il fuq.

It-tul tat-travu ma’ għandux ikun inqas minn terz tal-wisa’ ta’ l-istruttura ta’ protezzjoni (kif deskritt qabel) u mhux aktar minn 49 mm akbar minn dan il-minimu.

It-tagħbija lonġitudinali hija applikata minn wara jew minn quddiem, kif definit fl-entrata 3.1.1.1 ta’ l-Anness II.

It-test għandu jitwaqqaf kull meta:

(a) l-enerġija tat-tensjoni assorbita mill-istruttura ta’ protezzjoni hija ugwali għal jew akbar mid-dħul ta’ l-enerġija meħtieġa Eil 1 (fejn Eil 1 = 1.4 mt);

(b) l-istruttura tidħol mingħajr dritt fiż-żona ta’ spazju ħieles jew tħalli liż-żona ta’ spazju ħieles mingħajr protezzjoni."

L-entrata 1.4 għandha tiġi mibdula b’dan li ġej:

"1.4. Test ta’ eċċess ta’ tagħbija

1.4.1. Meta jkun hemm tiċrit, qsim jew liwi waqt it-test ta’ tagħbija orizzontali, jista’ jkun hemm bżonn ta’ test ta’ eċċess ta’ tagħbija biex tiġi ddeterminata s-saħħa residwa ta’ l-istruttura u jiġi żgurat li hija biżżejjed biex tiflaħ għal kwalunkwe qlib suċċessiv (ara l-figuri 4a, 4b u 4ċ).

Għandu jsir test ta’ eċċess ta’ tagħbija fil-każijiet kollha fejn il-forza tonqos b’aktar minn 3 % matul l-aħħar 5 % tad-deflessjoni milħuq meta l-enerġija mitluba hija assorbita mill-istruttura (ara l-Figura 4b).

1.4.2. It-test ta’ eċċess ta’ tagħbija jinvolvi ż-żieda gradwali tat-tagħbija orizzontali b’żidiet ta’ 5 % ta’ l-enerġija inizzjali mitluba sa massimu ta’ 20 % ta’ enerġija miżjuda (ara l-figura 4 ċ).

1.4.2.1. Il-test ta’ eċċess ta’ tagħbija huwa sodisfaċenti jekk, wara kull żieda b’5, 10 jew 15 % f’enerġija mitluba, il-forza tonqos b’anqas minn 3 % għal żieda ta’ 5 % u tibqa’ aktar minn 0.8 Fmass.

1.4.2.2. Il-test ta’ eċċess ta’ tagħbija huwa sodisfaċenti jekk, wara li l-istruttura tkun assorbit 20 % ta’ enerġija miżjuda, il-forza taqbeż 0.8 Fmass.

1.4.2.3. Matul it-test ta’ eċċess ta’ tagħbija huma permessi xquq jew tiċritiet addizzjonali u/jew id-dħul fi jew in-nuqqas ta’ protezzjoni taż-żona ta’ spazju ħieles minħabba diformazzjoni elastika. Madankollu, wara t-tneħħija tat-tagħbija, l-istruttura ma’ għandhiex tidħol fiż-żona ta’ spazju ħieles, li għandha tkun protetta kompletament."

L-entrati 3.1 sa 3.1.4 għandhom jitħassru.

L-entrati 3.2 u 3.3 għandhom isiru l-Entrati 3.1 u 3.2 rispettivament.

L-Anness IV tad-Direttiva 79/622/KEE huwa hawnhekk emendat kif ġej:

"FIGURI

Figura 1: Il-punt ta’ applikazzjoni ta’ tagħbija laterali

Figura 2: Il-punt ta’ applikazzjoni ta’ tagħbija lonġitudinali minn wara

Figura 3: Eżempju ta’ arranġament għal test ta’ tkissir

Figura 4a: Kurva forza/deflessjoni - m’hemmx bżonn ta’ test ta’ eċċess ta’ tagħbija

Figura 4b: Kurva forza/deflessjoni- hemm bżonn ta’ test ta’ eċċess ta’ tagħbija

Figura 4ċ: Kurva forza/deflessjoni- it-test ta’ eċċess ta’ tagħbija jrid titkompla

Figura 5: Illustrazzjoni tat-termini permanenti, elastiċi u deflessjoni totali

Figura 6a: Veduta mill-ġenb taż-żona ta’ spazju ħieles

Figura 6b: Veduta minn quddiem/minn wara taż-żona ta’ spazju ħieles

Figura 6ċ: Veduta isometrika

Figura 7: Apparat għad-determinazzjoni tal-punt ta’ referenza tas-sedil

Figura 8: Metodu ta’ kif jiġi ddeterminat il-punt ta’ referenza tas-sedil"

Fil-verżjoni Ingliża biss, it-titolu tal-Figura 1 għandu jinbidel b’li ġej:

"Point of application of lateral loading."

Id-dijagrammi tal-Figuri 2, 4a, 4b u 4ċ, għandhom jinbidlu b’li ġej:

+++++ TIFF +++++

+++++ TIFF +++++

Figure 2Point of application of rear logitudinal loading (when at least 50 % of the tractor mass rest on the rear wheels)Figure 4aForce/deflection curve - overload test not necessary

1. Point of reference a F' = 0,95 D'

1.1 The overload test is not necessary since a F' < 1, 03 F'.

+++++ TIFF +++++

Figure 4bForce/deflection curve - overload test necessary

1. Point of reference a F' = 0,95 D'

1.1 The overload test is necessary since a F' < 1, 03 F'.

1.2 The overload test is satisfactory since bF' > and bF' > 0,8 Fmax.

+++++ TIFF +++++

Figure 4cForce/deflection curve - overload test to be continued

1. Point of reference a F' = 0,95 D'

1.1 The overload test is necessary since a F' < 1, 03 F'.

1.2 Since bF' < 0,97 aF' the overload test must be continued.

1.3 Since cF' < 0,97 bF' the overload test must be continued.

1.4 Since dF' < 0,97 cF' the overload test must be continued.

1.5 The overload test is satisfactory since eF' > 0,8 Fmax.

NB:

If at any time F drops below 0,8 Fmax, the structure is rejected.

--------------------------------------------------