Ir-Regolament tal-Kunsill (KEE) Nru 3398/80

tat-8 ta' Diċembru 1980

ddwar il-konklużjoni tal-Protokoll Addizzjonali mal-Ftehim bejn il-Komunità Ekonomika Ewropea u l-Konfederazzjoni Svizzera konsegwenti għall-adeżjoni tar-Repubblika Ellenika mal-Komunità

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari Artikolu 113 tiegħu,

Wara li kkunsidra r-rakkomandazzjoni mill-Kummissjoni,

Billi huwa meħtieġ li jkun approvat il-Protokoll Addizzjonali mal-Ftehim bejn il-Komunità Ekonomika Ewropea u l-Konfederazzjoni Svizzera [1] iffirmat fi Brussel fit-22 ta' Lulju 1972, sabiex iqis l-adeżjoni tar-Repubblika Ellenika mal-Komunità,

ADOTTA DAN IR-REGOLAMENT:

Artikolu 1

Il-Protokoll Addizzjonali mal-Ftehim bejn il-Komunità Ekonomika Ewropea u l-Konfederazzjoni Svizzera konsegwenti għall-adeżjoni tar-Repubblika Ellenika mal-Komunità huwa hawnhekk approvat f'isem il-Komunità.

It-test ta' dan il-Protokoll huwa anness ma' dan ir-Regolament.

Artikolu 2

Il-President tal-Kunsill għandu jagħti n-notifika provduta f'Artikolu 12 tal-Protokoll Addizzjonali.

Artikolu 3

Dan ir-Regolament għandu jidħol fis-seħħ fil-jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-8 ta' Diċembru 1980.

Għall-Kunsill

Il-President

C. Ney

[1] ĠU L 300, tal-31.12.1972, p. 189.

--------------------------------------------------