Ir-Regolament tal-Kunsill (KEE) Nru 3179/78

tat-28 ta' Diċembru 1978

li jirrigwarda l-konklużjoni mill-Komunità Ekonomika Ewropea tal-Konvenzjoni dwar il-Kooperazzjoni Multilaterali Futura dwar is-Sajd fl-Atlantiku tal-Majjistral

IL-KUNSILL TAL-KOMUNITAJIET EWROPEJ,

Wara li kkonsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 43 tiegħu,

Wara li kkonsidra l-proposta tal-Kummissjoni,

Wara li kkonsidra l-opinjoni tal-Parlament Ewropew [1],

Billi l-Komunità pparteċipat fin-negozjati għal Konvenzjoni Ġdida Internazzjonali dwar is-Sajd fiż-żona ta' l-Atlantiku tal-Majjistral;

Billi l-Konvenzjoni dwar il-Kooperazzjoni Multilaterali Futura dwar is-Sajd fl-Atlantiku tal-Majjistral iffirmata fl-24 ta' Ottubru 1978 għandha tiġi konkluża mill-Komunità,

ADOTTA DAN IR-REGOLAMENT:

L-Artikolu 1

Il-Konvenzjoni dwar il-Kooperazzjoni Multilaterali Futura dwar is-Sajd fl-Atlantiku tal-Majjistral hija hawnhekk approvata f'isem il-Komunità.

It-test tal-Konvenzjoni hu mehmuż ma' dan ir-Regolament.

L-Artikolu 2

Il-President tal-Kunsill għandu jiddeposita l-istrument ta' l-approvazzjoni mal-Gvern tal-Kanada skond l-Artikolu XXII tal-Konvenzjoni [2].

L-Artikolu 3

Dan ir-Regolament għandu jidħol fis-seħħ fil-jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tieghu u japplika direttament fl-Istati Membri kollha.

Magħmul fi Brussel, fit-28 ta' Diċembru 1978.

Għall-Kunsill

Il-President

H.-D. Genscher

[1] Opinjoni mogħtija fil-15 ta' Diċembru 1978 (għadha mhix ippubblikata fil-Ġurnal Uffiċjali).

[2] Id-data tad-dħul fis-seħħ tal-Konvenzjoni trid tiġi ppublikata fil-Ġurnal Uffiċjali tal-Komunitajiet Ewropej mis-Segretarjat Ġenerali tal-Kunsill.

--------------------------------------------------