Official Journal L 048 , 19/02/1977 P. 0002 - 0003
Finnish special edition: Chapter 3 Volume 8 P. 0117
Greek special edition: Chapter 03 Volume 17 P. 0142
Swedish special edition: Chapter 3 Volume 8 P. 0117
Spanish special edition: Chapter 03 Volume 11 P. 0235
Portuguese special edition Chapter 03 Volume 11 P. 0235
Ir-Regolament tal-Kunsill (KEE) Nru 338/77 ta’ l-14 ta’ Frar 1977 li jemenda r-Regolament (KEE) Nru 315/68 li jistabilixxi standards ta’ kwalità għall-basal tal-fjuri, basal tal-qasab u tuberi IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi il-Komunità Ekonomika Ewropea; Wara li kkunsidra r-Regolament tal-Kunsill (KEE) Nru 234/68 tas-27 ta’ Frar 1968 dwar l-istabbiliment ta’ organizzazzjoni komuni tas-suq tas-siġar ħajjin u pjanti oħra, basal, għeruq u affarijiet oħra ta’ din ix-xorta, fjuri maqtugħa u weraq għat-tiżjin [1], u b’mod speċjali l-Artikolu 3 tiegħu, Wara li kkunsidra l-proposta mressqa mill-Kummissjoni; Billi l-ewwel inċiż ta’ l-Artikolu 2(1) tar-Regolament tal-Kunsill (KEE) Nru 315/68 tat-12 ta’ Marzu 1968 li jistabbilixxi standards ta’ kwalità għall-basal tal-fjuri, basal tal-qasab u tuberi [2], kif emendat l-aħħar mir-Regolament (KEE) Nru 2971/76 [3], jistabbilixxi li jekk il-prodott imsemmi fl-Artikolu 1 ma jkunx konformi ma’ l-istandards ta’ kwalità ma jistax jiġi esibit għall-bejgħ, jiġi offrut għall-bejgħ, jinbiegħ jew jiġi kunsinnat lill-konsumatur għall-ħtiġiet personali tiegħu min-negozjant jew direttament mill-produttur ġewwa l-Komunità; Billi l-prodotti maħsuba għall-konsumaturi jistgħu jiġu ppakkjati fl-istadju tal-produzzjoni jew fl-istadju tal-bejgħ bl-ingrossa; Billi, sabiex jiġi żgurat kontroll iżjed sempliċi u effettiv, il-prodott ippakjat għandu jkun suġġett għall-istandards ta’ kwalità; Billi wkoll l-Anness għar-Regolament tal-Kunsill (KEE) Nru 315/68 jistabbilixxi disposizzjonijiet dwar gradazzjoni tad-daqs; billi dawn id-disposizzjonijiet ma japplikawx għal prodotti tal-ġeneru msemmija hawnhekk: Allium, Anemone, ħlief għall-ispeċi coronaria, Chionodoxa, Endymion, Fritillaria, Puschkinia, Tigridia, Triteleia, u għall-ispeċi Scilla sibirica, il-kultivari u l-ibridi tagħha ħlief għall-kultivar atrocaerulea (Spring beauty); billi, sabiex jinkisbu l-għanijiet ta’ l-istandards ta’ kwalità, iridu jiġu stabbiliti disposizzjonijiet dwar il-gradazzjoni tad-daqs għal dawn il-prodotti, ADOTTA DAN IR-REGOLAMENT: Artikolu 1 It-test ta’ l-Artikolu 2(1) tar-Regolament (KEE) Nru 315/68 għandu jinbidel b’dan li ġej: "1. Jekk il-prodott imsemmi fl-Artikolu 1 ma jkunx konformi ma’ l-istandards ta’ kwalità, ma jistax: - fi ħdan il-Komunità: a) jinżamm jew jiġi trasportat bl-iskop ta’ bejgħ, f’xi stadju tar-reklamar, f’pakketti maħsuba għall-konsumatur; b) jiġi esebit għall-bejgħ, offrut għall-bejgħ, mibjugħ jew fornit lill-konsumatur, minn xi negozjant jew direttament minn xi produttur, - jiġi esportat lejn pajjiżi terzi." Artikolu 2 Għandhom jiżdiedu mat-tabella fil-Kapitolu III ta’ l-Anness tar-Regolament (KEE) Nru 315/68, fl-ordni alfabetika, il-prodotti msemmija fl-Anness ta’ dan ir-Regolament u d-disposizzjonijiet rispettivi marbuta magħhom. Artikolu 3 Dan ir-Regolament jibda' jse fl-1 ta' Lulju 1977 Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fl-14 ta’ Frar 1977. Għall-Kunsill J. Silkin Il-President [1] ĠU L 55, tat-2.3.1968, p. 1. [2] ĠU L 71, tal-21.3.1968, p. 1. [3] ĠU L 339, tat-8.12.1976, p. 17. -------------------------------------------------- ANNESS Deskrizzjoni botanika tal-prodotti | Metodu ta’ gradazzjoni | Daqs minimu | Gradazzjoni tad-daqs | Allium aflatunense, christophii u karataviense | A, B, C | 9.0 ċm | 9-10, 10-12, 12-14, 14 u iżjed | Allium giganteum | A, B, C | 18.0 ċm | 18-20, 20-24, 24 u iżjed | Allium oreophilum | A, B, C | 3.5 ċm | 3.5-4, 4-5, 5-6, 6 u iżjed | Anemone blanda,il-kultivari u l-bridi tagħha | A, B, C | 4.0 ċm | 4-5, 5-7, 7 u iżjed | Anemone St.Bavo,il-kultivari u l-ibridi tagħha | A, B, C | 4.0 ċm | 4-5, 5-6, 6-7, 7 u iżjed | Chionodoxa gigantean, lucilae u sardensis | A, B, C | 4.0 ċm | 4-5, 5-7, 7 u iżjed | Endymion hispanicus Syn. Scilla campanulata, il-kultivari tagħha, u l-ibridi | A, B, C | 7.0 ċm | 7-8, 8-9, 9-10, 10-12, 12 u iżjed | Fritillaria imperialis,il-kultivari u l-ibridi tagħha | A, B, C | 20.0 ċm | 20-22, 22-26, 26 u iżjed | Puschkinia scilloides libanotica | A, B, C | 4.0 ċm | 4-5, 5-7, 7 u iżjed | Scilla sibirica,il-kultivari u l-ibridi tagħha minbarra il-kultivar atrocaerulea | A, B, C | 6.0 ċm | 6-7, 7-8, 8-10, 10 u iżjed | Tigridia pavonia Syn. Ferraria, il-kultivari u l-ibridi tagħha | A, B, C | 5.0 ċm | 5-6, 6-7, 7-8, 8-10, 10 u iżjed | Triteleia Syn. Brodiaea laxa u Koningin Fabiola | A, B, C | 4.0 ċm | 4-5, 5-7, 7 u iżjed | --------------------------------------------------