Ir-Regolament (KEE) Nru 897/75 tal-Kunsill

tat-18 ta' Marzu 1975

li jikkonkludi l-Protokoll Supplimentari tal-Ftehim bejn il-Komunità Ekonomika Ewropea u r-Repubblika ta' l-Islanda

IL-KUNSILL TAL-KOMUNITAJIET EWROPEJ,

Wara li kkonsidra t-Trattat li jistabbilixxi l-Komunità Ekonomika Ewropea, u partikolarment l-Artikolu 113 tiegħu;

Wara li kkonsidra r-rakkomandazzjoni tal-Kummissjoni;

Billi, minħabba li n-Norveġja ma sseħbitx mal-Komunitajiet Ewropej, il-Protokoll Supplimentaru tal-Ftehim bejn il-Komunità Ekonomika Ewropea u r-Repubblika ta' l-Islanda għandu jiġi konkluż,

ADOTTA DAN IR-REGOLAMENT:

Artikolu 1

Il-Protokoll Supplimentari tal-Ftehim bejn il-Komunità Ekonomika Ewropea u r-Repubblika ta' l-Islanda qiegħed hawnhekk jiġi konkluż f'isem il-Komunità.

It-test tal-Protokoll jinsab hawnhekk anness.

Artikolu 2

Il-President tal-Kunsill qiegħed hawnhekk jiġi awtorizzat li jinnomina l-persuna mogħtija s-setgħa li tiffirma l-Protokoll imsemmi fl-Artikolu 1 u li jikkonferixxi fuqha l-poteri neċessarji li jorbtu lill-Komunità [1].

Artikolu 3

Dan ir-Regolament għandu jibda jseħħ fl-1 ta' Mejju 1975.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-18 ta' Marzu 1975.

Għall-Kunsill

Il-President

R. Ryan

[1] Id-data tal-firma ta' dan il-Protokoll tkun ippubblikata fil-Ġurnal Uffiċjali tal-Komunitajiet Ewropej.

--------------------------------------------------