Id-Direttiva tal-Kunsill

ta’ l-20 ta’ Lulju, 1972

li temenda d-Direttiva dwar l-introduzzjoni ta’ metodi tal-Komunità ta’ teħid ta’ kampjuni u ta’ analiżi għall-kontroll uffiċjali ta’ l-għalf

(72/275/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi-Komunità Ekonomika Ewropea, u b’mod partikolari l-Artikolu 43 u 100 tat-Trattat,

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew,

Wara li kkunsidra l-opinjoni tal-Kumitat Ekonomiku u Soċjali,

Billi l-Artikolu 4 tad-Direttiva tal-Kunsill ta’ l-20 ta’ Lulju, 1970 [1] dwar l-introduzzjoni ta’ metodi tal-Komunità għat-teħid ta’ kampjuni u analiżi għall-kontroll uffiċjali ta’ l-għalf tipprovdi li l-proċedura għal din l-introduzzjoni stabbilita fl-Artikolu 3 ta’ din id-Direttiva trid tispiċċa fi żmien tmintax-il xahar wara d-data li fiha kwistjoni tkun l-ewwel riferuta lill-Kumitat Permanenti għall-Għalf jew taħt l-Artikolu 3(1) jew taħt kull dispożizzjoni korrispondenti oħra;

Billi żewġ abozzi tad-Direttivi tal-Kummissjoni kienu l-ewwel tpoġġew quddiem il-Kumitat fl-ewwel laqgħa tiegħu fil-15 u fis-16 ta’ Diċembru, 1970; billi, din il-proċedura għandha tkun intemmet fis-16 ta’ Ġunju, 1972;

Billi, iżda, din il-proċedura ġiet ippruvata kompletament sodisfaċenti fl-imgħoddi u għalhekk għandha tkun miżmuma lil hinn mill-perjodu stabbilit oriġinarjament,

ADOTTA DIN ID-DIRETTIVA:

L- Artikolu 1

L-Artikolu 4 tad-Direttiva tal-Kunsill ta’ l-20 ta’ Lulju, 1970 hu hawnhekk revokat b’effett mis-16 ta’ Ġunju, 1972.

L- Artikolu 2

Din id-Direttiva hi indirizzata lill-Istati Membri.

Magħmula fi Brussel, fl-20 ta’ Lulju 1972.

Għall-Kunsill

Il-President

T. Westerterp

[1] ĠU L 170, tat-3.8.1970, p. 2.

--------------------------------------------------