IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,

Billi:

(1)	Ir-Regolament (UE) 2019/515 tal-Parlament Ewropew u tal-Kunsill tad-19 ta’ Marzu 2019 dwar ir-rikonoxximent reċiproku ta’ merkanzija kummerċjalizzati legalment fi Stat Membru ieħor u li jħassar ir-Regolament (KE) Nru 764/2008 (1) għandu jiġi inkorporat fil-Ftehim dwar iż-ŻEE.

(2)	Ir-Regolament (UE) 2019/515 iħassar ir-Regolament (KE) Nru 764/2008 tal-Parlament Ewropew u tal-Kunsill (2), li huwa inkorporat fil-Ftehim dwar iż-ŻEE u li konsegwentement irid jitħassar skont il-Ftehim dwar iż-ŻEE.

(3)	Jenħtieġ għalhekk, li l-Anness II tal-Ftehim dwar iż-ŻEE jiġi emendat skont dan,

ADOTTAT DIN ID-DEĊIŻJONI:

Artikolu 1

Il-Kapitolu XIX tal-Anness II tal-Ftehim dwar iż-ŻEE għandu jiġi emendat kif ġej:

Dan li ġej jiddaħħal wara l-punt 3t (id-Deċiżjoni tal-Kummissjoni (UE) 2015/547):

“3u.

32019 R 0515: Ir-Regolament (UE) 2019/515 tal-Parlament Ewropew u tal-Kunsill tad-19 ta’ Marzu 2019 dwar ir-rikonoxximent reċiproku ta’ merkanzija kummerċjalizzati legalment fi Stat Membru ieħor u li jħassar ir-Regolament (KE) Nru 764/2008 (ĠU L 91, 29.3.2019, p. 1.).

Id-dispożizzjonijiet tar-Regolament għandhom, għall-finijiet ta’ dan il-Ftehim, jinqraw bl-adattamenti li ġejjin:

(a)	Fir-rigward tal-Istati tal-EFTA, dan ir-Regolament għandu japplika biss għall-prodotti koperti mill-Artikolu 8(3) tal-Ftehim dwar iż-ŻEE.

(b)

Ir-Regolament ma japplikax għal-Liechtenstein fir-rigward ta’ prodotti koperti mill-Anness I, mill-Kapitoli XII u XXVII tal-Anness II u mill-Protokoll 47 tal-Ftehim, sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ fi prodotti agrikoli hija estiża għal-Liechtenstein.

(c)	Il-kliem ‘l-Artikolu 34 TFUE’ għandu jaqra ‘l-Artikolu 11 tal-Ftehim dwar iż-ŻEE’;

(d)	Il-kliem ‘l-Artikolu 36 TFUE’ għandu jaqra ‘l-Artikolu 13 tal-Ftehim dwar iż-ŻEE’;

(e)	Fl-Artikolu 8, il-kliem ‘il-Kummissjoni’ għandu jinbidel bil-kliem ‘l-Awtorità ta’ Sorveljanza tal-EFTA’ meta d-deċiżjoni amministrattiva inkwistjoni tkun ittieħdet minn awtorità li tinsab fi Stat tal-EFTA.”

2.	It-test tal-punt 3f (ir-Regolament (KE) Nru 764/2008 tal-Parlament Ewropew u tal-Kunsill) għandu jitħassar.

Artikolu 2

It-test tar-Regolament (UE) 2019/515 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fil-15 ta’ Lulju 2020, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fs-Suppliment taż-ŻEE, ta’ Il-Ġurnal Uffiċjali tal-Unjoni Ewropea.