Wara li kkunsidra l-Ftehim dwar iż-Żona Ekonomika Ewropea (“il-Ftehim dwar iż-ŻEE”), u b’mod partikolari l-Artikolu 98 tiegħu,

(1)	Id-Direttiva (UE) 2019/1161 tal-Parlament Ewropew u tal-Kunsill tal-20 ta’ Ġunju 2019 li temenda d-Direttiva 2009/33/KE dwar il-promozzjoni ta’ vetturi ta' trasport fuq it-triq nodfa u effiċjenti fl-użu tal-enerġija (1) għandha tiġi inkorporata fil-Ftehim dwar iż-ŻEE.

(2)	Jenħtieġ għalhekk, li l-Anness XX tal-Ftehim dwar iż-ŻEE jiġi emendat skont dan,

Artikolu 1

L-inċiż li ġej jiżdied fil-punt 21av (id-Direttiva 2009/33/KE tal-Parlament Ewropew u tal-Kunsill) fl-Anness XX tal-Ftehim dwar iż-ŻEE:

“, kif emendata bi:

—	32019 L 1161: Id-Direttiva (UE) 2019/1161 tal-Parlament Ewropew u tal-Kunsill tal-20 ta’ Ġunju 2019 (ĠU L 188, 12.7.2019, p. 116).

Għall-finijiet ta’ dan il-Ftehim, id-dispożizzjonijiet tad-Direttiva għandhom jinqraw bl-adattamenti li ġejjin:

(a)	Dan li ġej għandu jiżdied fit-Tabella 3 tal-Anness: “ L-Iżlanda 38,5  % 38,5  % Il-Liechtenstein 38,5  % 38,5  % In-Norveġja 38,5  % 38,5  % ”

(b)	Dan li ġej għandu jiżdied fit-Tabella 4 tal-Anness: “ L-Iżlanda 10  % 15  % 45  % 65  % Il-Liechtenstein 10  % 15  % 45  % 65  % In-Norveġja 10  % 15  % 45  % 65  % ” ’

Artikolu 2

It-test tad-Direttiva (UE) 2019/1161 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fid-29 ta’ Ottubru 2022, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*), jew fil-jum tad-dħul fis-seħħ tad-Deċiżjoni tal-Kumitat Konġunt taż-ŻEE Nru 49/2022 tat-18 ta’ Marzu 2022 (2), skont liema data tkun l-iżjed tard.

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.