Wara li kkunsidra l-Ftehim dwar iż-Żona Ekonomika Ewropea (“il-Ftehim dwar iż-ŻEE”), u b’mod partikolari l-Artikolu 98 tiegħu,

(1)	Ir-Regolament (KE) Nru 2018/643 tal-Parlament Ewropew u tal-Kunsill tal-18 ta’ April 2018 dwar l-istatistika tat-trasport bil-ferrovija (1) għandu jiġi inkorporat fil-Ftehim dwar iż-ŻEE.

(2)	Ir-Regolament (UE) 2018/643 iħassar ir-Regolament (KE) Nru 91/2003 tal-Parlament Ewropew u tal-Kunsill, li huwa inkorporat fil-Ftehim dwar iż-ŻEE u li konsegwentement irid jitħassar skont il-Ftehim dwar iż-ŻEE.

(3)	Jenħtieġ għalhekk, li l-Anness XXI tal-Ftehim dwar iż-ŻEE jiġi emendat skont dan,

Artikolu 1

It-test tal-punt 7 (ir-Regolament (KE) Nru 91/2003 tal-Parlament Ewropew u tal-Kunsill) tal-Anness XXI tal-Ftehim dwar iż-ŻEE jinbidel b’li ġej:

“ 32018 R 0643: Ir-Regolament (UE) Nru 2018/643 tal-Parlament Ewropew u tal-Kunsill tat-18 ta’ April 2018 dwar l-istatistika tat-trasport bil-ferrovija (ĠU L 112, 2.5.2018, p. 1).

Għall-finijiet ta’ dan il-Ftehim, id-dispożizzjonijiet tar-Regolament għandhom jinqraw bl-adattamenti li ġejjin:

(a)	Dan ir-Regolament ma għandux japplika għall-Iżlanda.

(b)	Il-Liechtenstein huwa eżentat milli jirrapporta data dwar oġġetti skont l-Annessi I, III, IV, VI u VII. Sakemm il-limitu fl-Artikolu 4(2)b ma jinqabiżx, kif irrappurtat skont l-Anness VIII, il-Liechtenstein huwa eżentat milli jirrapporta data dwar il-passiġġieri skont l-Annessi II, III u IV.”

Artikolu 2

It-test tar-Regolament (UE) 2018/643 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fis-26 ta’ Ottubru 2019, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1)

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.