1.   Il-Gżejjer Faeroe għandhom jitħallew jipparteċipaw fi programmi jew f’attivitajiet tal-Unjoni, jew, f’każijiet eċċezzjonali, f’partijiet minnhom li jkunu miftuħa għall-parteċipazzjoni tal-Gżejjer Faeroe, u li jikkontribwixxu għalihom, f’konformità mal-atti bażiċi u kif kopert mill-Protokolli ta' dan il-Ftehim.

2.   It-termini u l-kundizzjonijiet speċifiċi għall-parteċipazzjoni tal-Gżejjer Faeroe fil-Programm Qafas għar-Riċerka u l-Innovazzjoni (2021-2027) huma stabbiliti fil-Protokoll dwar l-assoċjazzjoni tal-Gżejjer Faeroe ma’ Orizzont Ewropa – il-Programm Qafas għar-Riċerka u l-Innovazzjoni (2021-2027). Minkejja l-Artikolu 15(7) ta’ dan il-Ftehim, dak il-Protokoll jista’ jiġi emendat mill-Kumitat Konġunt stabbilit skont dan il-Ftehim.

3.   Minkejja l-Artikolu 15(7) ta’ dan il-Ftehim, it-termini u l-kundizzjonijiet speċifiċi għall-parteċipazzjoni tal-Gżejjer Faeroe fi kwalunkwe programm jew attività partikolari oħra tal-Unjoni għandhom jiġu stabbiliti fi Protokolli ulterjuri ta’ dan il-Ftehim li għandhom jiġu adottati u emendati mill-Kumitat Konġunt stabbilit skont dan il-Ftehim.

4.   Il-Protokolli ta' dan il-Ftehim għandhom:

1.   Il-Gżejjer Faeroe għandhom jipparteċipaw fil-programmi jew fl-attivitajiet tal-Unjoni, jew f’partijiet minnhom, koperti mill-Protokolli ta’ dan il-Ftehim skont it-termini u l-kundizzjonijiet stabbiliti f’dan il-Ftehim, u l-Protokolli tiegħu, kif ukoll fl-atti bażiċi u f’regoli oħra li għandhom x’jaqsmu mal-implimentazzjoni tal-programmi u l-attivitajiet tal-Unjoni.

2.   It-termini u l-kundizzjonijiet imsemmija fil-paragrafu 1 għandhom jinkludu:

3.   It-termini u l-kundizzjonijiet imsemmija fil-punt (b) tal-paragrafu 2 għandhom ikunu ekwivalenti għal dawk applikabbli għall-entitajiet eliġibbli tal-Istati Membri, inkluż il-konformità mal-miżuri restrittivi (4) tal-Unjoni, sakemm ma jkunx previst mod ieħor fit-termini u fil-kundizzjonijiet imsemmija fil-paragrafu 1.

1.   Ir-rappreżentanti tal-Gżejjer Faeroe jew l-esperti mill-Gżejjer Faeroe jew l-esperti maħtura mill-Gżejjer Faeroe għandhom jitħallew jieħdu sehem bħala osservaturi f’kumitati, laqgħat tal-gruppi ta’ esperti jew jew laqgħat simili oħra, sakemm is-suġġett ma jkunx jikkonċerna punti riżervati biss għall-Istati Membri jew ma jkunux relatati ma’ programm jew attività li fiha l-Gżejjer Faeroe ma jkunux qegħdin jipparteċipaw, u dment li dawn ikunu kumitati, laqgħat tal-gruppi ta’ esperti jew laqgħat simili oħra fejn jieħdu sehem rappreżentanti jew esperti tal-Istati Membri, jew esperti maħtura mill-Istati Membri, u li jassistu lill-Kummissjoni Ewropea fl-implimentazzjoni u fil-ġestjoni tal-programmi jew l-attivitajiet tal-Unjoni, jew ta’ partijiet minnhom, li fihom il-Gżejjer Faeroe jipparteċipaw f’konformità mal-Artikolu 3 jew jiġu stabbiliti mill-Kummissjoni Ewropea fir-rigward tal-implimentazzjoni tad-dritt tal-Unjoni fir-rigward ta’ dawn il-programmi jew l- attivitajiet, jew partijiet minnhom. Ir-rappreżentanti tal-Gżejjer Faeroe jew l-esperti mill-Gżejjer Faeroe, jew l-esperti maħtura mill-Gżejjer Faeroe, ma għandhomx ikunu preżenti fil-ħin tal-votazzjoni. Il-Gżejjer Faeroe għandhom jiġu informati bir-riżultat tal-votazzjoni.

2.   Meta l-esperti jew l-evalwaturi ma jinħatrux abbażi tan-nazzjonalità, in-nazzjonalità ma għandhiex tkun raġuni sabiex jiġu esklużi l-esperti u l-evalwaturi tal-Gżejjer Faeroe.

3.   Soġġetta għall-kundizzjonijiet stabbiliti fil-paragrafu 1, il-parteċipazzjoni tar-rappreżentanti tal-Gżejjer Faeroe fil-laqgħat imsemmija fil-paragrafu 1, għandha tkun regolata mill-istess regoli u proċeduri bħal dawk applikabbli għar-rappreżentanti tal-Istati Membri, b’mod partikolari fir-rigward tad-drittijiet tal-kelma, il-wasla ta’ informazzjoni u dokumentazzjoni, sakemm is-suġġett ma jkunx jikkonċerna punti riżervati biss għall-Istati Membri jew fir-rigward ta’ programm jew attività li fiha l-Gżejjer Faeroe ma jkunux qegħdin jipparteċipaw, u r-rimborż tal-ispejjeż tal-ivvjaġġar u tas-sussistenza.

4.   Il-Protokolli għal dan il-Ftehim jistgħu jiddefinixxu arranġamenti dettaljati ulterjuri għall-parteċipazzjoni tal-esperti, kif ukoll għall-parteċipazzjoni tal-Gżejjer Faeroe fil-bordijiet ta’ tmexxija u fl-istrutturi maħluqa għall-finijiet tal-implimentazzjoni ta’ programmi jew attivitajiet tal-Unjoni definiti fil-Protokoll rilevanti.

1.   Il-parteċipazzjoni tal-Gżejjer Faeroe jew tal-entitajiet tal-Gżejjer Faeroe fi programmi jew f’attivitajiet tal-Unjoni, jew f’partijiet minnhom, għandha tkun soġġetta għall-kontribuzzjoni finanzjarja tal-Gżejjer Faeroe għall-finanzjament korrispondenti skont il-baġit tal-Unjoni.

2.   Il-kontribuzzjoni finanzjarja għandha tieħu l-forma tat-total ta’:

3.   Il-kontribuzzjoni finanzjarja għandha tieħu l-forma ta’ pagament annwali li jsir f’pagament wieħed jew aktar.

4.   Mingħajr preġudizzju għall-paragrafu 8 ta’ dan l-Artikolu u għall-Artikolu 7, it-tariffa tal-parteċipazzjoni għandha tkun 4 % tal-kontribuzzjoni operazzjonali annwali u ma għandhiex tkun soġġetta għal aġġustamenti retrospettivi. Mill-2028, il-livell tat-tariffa tal-parteċipazzjoni jista’ jiġi aġġustat mill-Kumitat Konġunt.

5.   Il-kontribuzzjoni operazzjonali għandha tkopri l-infiq operazzjonali u ta’ appoġġ, u għandha tkun addizzjonali, kemm f’approprjazzjonijiet ta’ impenn kif ukoll f’approprjazzjonijiet ta’ pagament, għall-ammonti mdaħħla fil-baġit tal-Unjoni adottat, b’mod definittiv, għal programmi jew għal attivitajiet, jew f’każijiet eċċezzjonali, għal partijiet minnhom, miżjuda, fejn xieraq, bi dħul assenjat estern li ma jirriżultax minn kontribuzzjonijiet finanzjarji għal programmi u attivitajiet tal-Unjoni minn donaturi oħrajn, koperti minn kull Protokoll rispettiv ta’ dan il-Ftehim.

6.   Il-kontribuzzjoni operazzjonali inizjali għandha tkun ibbażata fuq kjavi ta’ kontribuzzjoni definita bħala l-proporzjon tal-Prodott Domestiku Gross (PDG) tal-Gżejjer Faeroe bil-prezzijiet tas-suq għall-PDG tal-Unjoni bil-prezzijiet tas-suq. Il-PDG bil-prezzijiet tas-suq li jridu jiġu applikati għandhom jiġu ddeterminati mis-servizzi dedikati tal-Kummissjoni Ewropea abbażi tal-aktar data statistika reċenti disponibbli għall-kalkoli tal-baġit fis-sena ta’ qabel is-sena li fiha jkun dovut il-pagament annwali. B’deroga minn din ir-regola, għall-2021, il-kontribuzzjoni operazzjonali inizjali għandha tkun ibbażata fuq il-PDG tas-sena 2019 bil-prezzijiet tas-suq. L-aġġustamenti għal din il-kjavi ta’ kontribuzzjoni jistgħu jiġu stabbiliti fil-Protokolli rilevanti ta' dan il-Ftehim.

7.   Il-kontribuzzjoni operazzjonali għandha tkun ibbażata fuq l-applikazzjoni tal-kjavi ta’ kontribuzzjoni għall-approprjazzjonijiet ta’ impenn inizjali, miżjuda kif deskritt fil-paragrafu 5, imdaħħla fil-baġit tal-Unjoni adottat b’mod definittiv għas-sena applikabbli għall-finanzjament tal-programmi jew l-attivitajiet tal-Unjoni, jew, f’każijiet eċċezzjonali, ta’ partijiet minnhom, li fihom jipparteċipaw il-Gżejjer Faeroe.

8.   It-tariffa tal-parteċipazzjoni msemmija fil-paragrafu 2 għandu jkollha l-valur li ġej fis-snin 2021 sa 2027:

9.   Fuq talba, l-Unjoni għandha tipprovdi lill-Gżejjer Faeroe b’informazzjoni fir-rigward tal-parteċipazzjoni finanzjarja tagħha kif inkluża fl-informazzjoni relatata mal-baġit, mal-kontabilità, mal-prestazzjoni u mal-evalwazzjoni pprovduta lill-awtoritajiet baġitarji u tal-kwittanza tal-Unjoni dwar il-programmi u l-attivitajiet tal-Unjoni li fihom jipparteċipaw il-Gżejjer Faeroe. Dik l-informazzjoni għandha tiġi pprovduta wara li jitqiesu kif xieraq ir-regoli tal-Unjoni u tal-Gżejjer Faeroe dwar il-kunfidenzjalità u l-protezzjoni tad-data u hija mingħajr preġudizzju għall-informazzjoni li l-Gżejjer Faeroe huma intitolati li jirċievu skont l-Artikolu 10.

10.   Il-kontribuzzjonijiet kollha mill-Gżejjer Faeroe jew il-pagamenti mill-Unjoni, u l-kalkolu tal-ammonti dovuti jew li għandhom jiġu riċevuti, għandhom isiru f’euro.

11.   Id-dispożizzjonijiet dettaljati għall-implimentazzjoni ta’ dan l-Artikolu huma stabbiliti fil-Protokolli rilevanti.

1.   Jekk ikun previst hekk fi Protokoll rilevanti għal dan il-Ftehim , il-kontribuzzjoni operazzjonali ta’ programm jew attività, jew partijiet minnhom, għal sena N, tista’ tiġi aġġustata ’l fuq jew ’l isfel b’mod retrospettiv f’sena waħda jew aktar sussegwenti abbażi tal-impenji baġitarji magħmula fuq l-approprjazzjonijiet ta’ impenn ta’ dik is-sena, l-implimentazzjoni tagħhom permezz ta’ impenji legali u d-diżimpenn tagħhom.

2.   L-ewwel aġġustament għandu jsir fis-sena N+1 meta l-kontribuzzjoni inizjali għandha tiġi aġġustata ’l fuq jew ’l isfel bid-differenza bejn il-kontribuzzjoni inizjali u kontribuzzjoni aġġustata kkalkolata bl-applikazzjoni tal-kjavi ta’ kontribuzzjoni tas-sena N, aġġustata permezz tal-applikazzjoni ta’ koeffiċjenti jekk il-Protokoll rilevanti għal dan il-Ftehim jipprevedi dan, għas-somma ta’:

3.   Kull sena sussegwenti, sakemm l-impenji baġitarji kollha ffinanzjati skont l-approprjazzjonijiet ta’ impenn li joriġinaw mis-sena N ikunu tħallsu jew ikunu ġew diżimpenjati, u mhux aktar tard minn tliet snin wara tmiem il-programm jew wara tmiem il-qafas finanzjarju pluriennali li jikkorrispondi għas-sena N, skont liema jiġi l-ewwel, l-Unjoni għandha tikkalkola aġġustament tal-kontribuzzjoni tas-sena N billi tnaqqas il-kontribuzzjoni tal-Gżejjer Faeroe bl-ammont miksub bl-applikazzjoni tal-kjavi ta’ kontribuzzjoni, aġġustata jekk il-Protokoll rilevanti ta’ dan il-Ftehim jipprevedi dan, tas-sena N għad-diżimpenji li jsiru kull sena fuq l-impenji tas-sena N iffinanzjati skont il-baġit tal-Unjoni jew minn diżimpenji li jkunu reġgħu saru disponibbli.

4.   Jekk l-approprjazzjonijiet tad-dħul assenjat estern li ma jirriżultawx minn kontribuzzjonijiet finanzjarji għal programmi u għal attivitajiet tal-Unjoni minn donaturi oħrajn koperti minn kull Protokoll rilevanti ta’ dan il-Ftehim jiġu kkanċellati, il-kontribuzzjoni tal-Gżejjer Faeroe għall-programm jew l-attività rilevanti tal-Unjoni, jew partijiet minnhom, għandha titnaqqas bl-ammont miksub bl-applikazzjoni tal-kjavi ta’ kontribuzzjoni, aġġustata jekk il-Protokoll rilevanti jipprevedi dan, tas-sena N għall-ammont imħassar.

1.   Għandu japplika mekkaniżmu ta’ korrezzjoni awtomatika fir-rigward ta’ dawk il-programmi jew l-attivitajiet tal-Unjoni, jew partijiet minnhom, fejn l-applikazzjoni tiegħu hija prevista fil-Protokoll rilevanti ta’ dan il-Ftehim . L-applikazzjoni ta’ dak il-mekkaniżmu ta’ korrezzjoni awtomatika tista’ tkun limitata għal partijiet tal-programm jew tal-attività tal-Unjoni speċifikati fi Protokoll rilevanti li jiġu implimentati permezz ta’ għotjiet li għalihom jiġu organizzati sejħiet kompetittivi. Regoli dettaljati dwar l-identifikazzjoni tal-partijiet tal-programm jew tal-attività tal-Unjoni li għalihom japplika jew ma japplikax il-mekkaniżmu ta’ korrezzjoni awtomatika jistgħu jiġu stabbiliti fil-Protokoll rilevanti.

2.   L-ammont tal-korrezzjoni awtomatika għal programm jew attività tal-Unjoni, jew partijiet minnhom, għandu jkun id-differenza bejn l-ammonti inizjali tal-impenji legali li fil-fatt saru mal-Gżejjer Faeroe jew mal-entitajiet tal-Gżejjer Faeroe ffinanzjati mill-approprjazzjonijiet ta’ impenn tas-sena inkwistjoni u l-kontribuzzjoni operazzjonali korrispondenti mħallsa mill-Gżejjer Faeroe kif aġġustata skont l-Artikolu 7, bl-esklużjoni tan-nefqa ta’ appoġġ, li tkopri l-istess perjodu.

3.   Jistgħu jiġu stabbiliti regoli dettaljati dwar l-istabbiliment tal-ammonti rilevanti tal-impenji legali msemmija fil-paragrafu 2, inkluż fil-każ ta’ konsorzji, u dwar il-kalkolu tal-korrezzjoni awtomatika, fil-Protokoll rilevanti ta’ dan il-Ftehim.

1.   L-Unjoni għandu jkollha d-dritt li twettaq, f’konformità mal-atti applikabbli ta’ istituzzjoni tal-Unjoni waħda jew aktar, jew ta’ korp tal-Unjoni wieħed jew aktar, u kif previst fi ftehimiet u/jew f’kuntratti rilevanti, rieżamijiet u awditi tekniċi, xjentifiċi, finanzjarji jew ta’ tip ieħor, fil-bini ta’ kwalunkwe persuna fiżika residenti fil-Gżejjer Faeroe jew ta’ kwalunkwe entità legali stabbilita fil-Gżejjer Faeroe, u li tirċievi finanzjament tal-Unjoni, kif ukollta’ kwalunkwe parti terza involuta fl-implimentazzjoni ta’ fondi tal-Unjoni li tirrisjedi jew li hija stabbilita fil-Gżejjer Faeroe. Tali rieżamijiet u awditi jistgħu jitwettqu mill-aġenti tal-istituzzjonijiet,il-korpi, l-uffiċċji u l-aġenziji tal-Unjoni, b’mod partikolari tal-Kummissjoni Ewropea u tal-Qorti tal-Awdituri, jew minn persuni oħrajn maħtura mill-Kummissjoni Ewropea f’konformità mad-dritt tal-Unjoni.

2.   L-aġenti tal-istituzzjonijiet, il-korpi, l-uffiċċji u l-aġenziji tal-Unjoni, b’mod partikolari tal-Kummissjoni Ewropea u tal-Qorti tal-Awdituri, u l-persuni l-oħrajn maħtura mill-Kummissjoni Ewropea, għandu jkollhom aċċess xieraq għal siti, xogħlijiet u dokumenti (kemm f’verżjonijiet elettroniċi kif ukoll f’dawk stampati) u għall-informazzjoni kollha meħtieġa sabiex iwettqu tali awditi, inkluż id-dritt li jiksbu kopja fiżika/elettronika ta’ kwalunkwe dokument, jew estratti minnu, jew il-kontenut ta’ kwalunkwe mezz ta’ data miżmum mill-persuna fiżika jew ġuridika awditjata, jew mill-parti terza awditjata.

3.   Il-Gżejjer Faeroe ma għandhomx jipprevjenu jew joħolqu xi ostakolu partikolari għad-dritt ta’ dħul fil-Gżejjer Faeroe u għall-aċċess għall-bini tal-aġenti tal-Unjoniu ta’ persuni oħrajn msemmija fil-paragrafu 2 abbażi tal-eżerċitar tad-dmirijiet tagħhom imsemmija f’dan l-Artikolu.

4.   Ir-rieżamijiet u l-awditi jistgħu jitwettqu, inkluż wara s-sospensjoni tal-applikazzjoni ta’ Protokoll ta’ dan il-Ftehim skont l-Artikolu 15(4) tiegħu, il-waqfien tal-applikazzjoni provviżorja jew it-terminazzjoni ta’ dan il-Ftehim, skont it-termini stabbiliti fl-atti applikabbli ta’ istituzzjoni waħda jew aktar tal-Unjoni, jew ta’ korp wieħed jew aktar tal-Unjoni, u kif previst fil-ftehimiet u/jew fil-kuntratti rilevanti fir-rigward ta’ kwalunkwe impenn legali li jimplimenta l-baġit tal-Unjoni li tkun daħlet għalih l-Unjoni qabel id-data li fiha s-sospensjoni tal-applikazzjoni tal-Protokoll rilevanti, il-waqfien tal-applikazzjoni provviżorja jew it-terminazzjoni ta’ dan il-Ftehim jidħlu fis-seħħ.

1.   Il-Kummissjoni Ewropea u l-Uffiċċju Ewropew ta’ Kontra l-Frodi (OLAF) għandhom ikunu awtorizzati jwettqu investigazzjonijiet amministrattivi, inklużi kontrolli u spezzjonijiet fuq il-post, fit-territorju tal-Gżejjer Faeroe. Dawn l-investigazzjonijiet għandhom jitwettqu f’konformità mat-termini u mal-kundizzjonijiet stabbiliti mill-atti applikabbli ta’ istituzzjoni tal-Unjoni waħda jew aktar.

2.   L-awtoritajiet kompetenti tal-Gżejjer Faeroe għandhom jinformaw lill-Kummissjoni Ewropea jew lill-OLAF, fi żmien raġonevoli, bi kwalunkwe fatt jew suspett li jkunu saru jafu bihom dwar irregolarità, frodi jew attività illegali oħra li taffettwa l-interessi finanzjarji tal-Unjoni.

3.   Il-kontrolli u l-ispezzjonijiet fuq il-post jistgħu jitwettqu fil-bini ta’ kwalunkwe persuna fiżika li tkun residenti fil-Gżejjer Faeroe jew ta’ entità legali li tkun stabbilita fil-Gżejjer Faeroe u li jirċievu fondi tal-Unjoni, kif ukoll ta’ kwalunkwe parti terza involuta fl-implimentazzjoni ta’ fondi tal-Unjoni li tkun residenti jew stabbilita fil-Gżejjer Faeroe.

4.   Il-kontrolli u l-ispezzjonijiet fuq il-post għandhom jitħejjew u jitmexxu mill-Kummissjoni Ewropea jew mill-OLAF b’kollaborazzjoni mill-qrib mal-awtorità kompetenti tal-Gżejjer Faeroe maħtura mill-Gżejjer Faeroe. L-awtorità maħtura għandha tiġi nnotifikata fi żmien raġonevoli minn qabel bil-għan, bl-iskop u bil-bażi legali tal-kontrolli u tal-ispezzjonijiet, sabiex tkun tista’ tipprovdi assistenza. Għal dan il-għan, l-uffiċjali tal-awtoritajiet kompetenti tal-Gżejjer Faeroe, jistgħu jipparteċipaw fil-kontrolli u fl-ispezzjonijiet fuq il-post.

5.   Fuq talba tal-awtoritajiet kompetenti tal-Gżejjer Faeroe, il-kontrolli u l-ispezzjonijiet fuq il-post jistgħu jitwettqu b’mod konġunt mal-Kummissjoni Ewropea jew mal-OLAF.

6.   L-aġenti tal-Kummissjoni Ewropea u l-persunal tal-OLAF għandu jkollhom aċċess għall-informazzjoni u d-dokumentazzjoni kollha, inkluża d-data tal-kompjuter, dwar l-operazzjonijiet ikkonċernati li huma meħtieġa għat-twettiq xieraq tal-kontrolli u tal-ispezzjonijiet fuq il-post. Huma jistgħu, b’mod partikolari, jikkopjaw id-dokumenti rilevanti.

7.   Meta persuna, entità jew parti terza oħra topponi kontroll jew spezzjoni fuq il-post, l-awtoritajiet kompetenti tal-Gżejjer Faeroe, filwaqt li jaġixxu f’konformità mal-liġijiet u r-regolamenti nazzjonali, għandhom jassistu lill-Kummissjoni Ewropea jew lill-OLAF sabiex dawn ikunu jistgħu jaqdu dmirijiethom fit-twettiq tal-kontroll jew l-ispezzjoni fuq il-post. Din l-assistenza għandha tinkludi t-teħid ta’ miżuri xierqa ta’ prekawzjoni skont il-liġi nazzjonali, b’mod partikolari sabiex tiġi ssalvagwardjata l-evidenza.

8.   Il-Kummissjoni Ewropea jew l-OLAF għandhom jinformaw lill-awtoritajiet kompetenti tal-Gżejjer Faeroe bir-riżultat ta’ tali kontrolli u spezzjonijiet. B’mod partikolari, il-Kummissjoni Ewropea jew l-OLAF għandhom jirrapportaw malajr kemm jista’ jkun lill-awtorità kompetenti tal-Gżejjer Faeroe b’kull fatt jew suspett relatat ma’ irregolarità li jkunu saru jafu bih waqt il-kontroll jew l-ispezzjoni fuq il-post.

9.   Mingħajr preġudizzju għall-applikazzjoni tal-liġi kriminali tal-Gżejjer Faeroe, il-Kummissjoni Ewropea tista’ timponi miżuri u penali amministrattivi fuq kwalunkwe persuna fiżika li tkun residenti fil-Gżejjer Faeroe jew kwalunkwe entità ġurifika stabbilita fil-Gżejjer Faeore li tipparteċipa fl-implimentazzjoni ta’ programmjew attività tal-Unjoni f’konformità mal-leġital-Unjoni.

10.   Għall-finijiet tal-implimentazzjoni xierqa ta’ dan l-Artikolu, il-Kummissjoni Ewropea jew l-OLAF u l-awtoritajiet kompetenti tal-Gżejjer Faeroe għandhom jiskambjaw regolarment informazzjoni u, fuq talba ta’ waħda mill-Partijiet, jikkonsultaw lil xulxin.

11.   Sabiex jiġu ffaċilitati l-kooperazzjoni u l-iskambju ta’ informazzjoni effettivi mal-OLAF, il-Gżejjer Faeroe għandhom jaħtru punt ta’ kuntatt.

12.   L-informazzjoni skambjata bejn il-Kummissjoni Ewropea jew l-OLAF u l-awtoritajiet kompetenti tal-Gżejjer Faeroe għandha ssir b’kunsiderazzjoni xierqa tar-rekwiżiti ta’ kunfidenzjalità. Id-data personali inkluża fl-iskambju ta’ informazzjoni għandha tiġi protetta f’konformità mar-regoli applikabbli.

13.   L-awtoritajiet kompetenti tal-Gżejjer Faeroe għandhom jikkooperaw mal-Uffiċċju tal-Prosekutur Pubbliku Ewropew sabiex dan ikun jista’ jwettaq id-dmir tiegħu li jinvestiga, iħarrek u jressaq quddiem il-qorti l-awturi ta’ reati kriminali, kif ukoll il-kompliċi tagħhom, li jaffettwaw l-interessi finanzjarji tal-Unjoni f’konformità mal-liġi applikabbli.

1.   Id-deċiżjonijiet adottati mill-Kummissjoni Ewropea li jimponu obbligu pekunjarju fuq persuni ġuridiċi jew fiżiċi għajr l-Istati fir-rigward ta’ kwalunkwe pretensjoni li tirriżulta mill-programmi, l-attivitajiet, l-azzjonijiet jew il-proġetti tal-Unjoni, għandhom ikunu infurzabbli fil-Gżejjer Faeroe. It-titolu eżekuttiv għandu jiġi mehmuż mad-deċiżjoni rilevanti, mingħajr l-ebda formalità oħra għajr verifika tal-awtentiċità tad-deċiżjoni mill-awtorità nazzjonali maħtura għal dan l-għan mill-gvern tal-Gżejjer Faeroe. Il-gvern tal-Gżejjer Faeroe għandu jgħarraf lill-Kummissjoni Ewropea u lill-Qorti tal-Ġustizzja tal-Unjoni Ewropea bl-awtorità nazzjonali maħtura tiegħu. F’konformità mal-Artikolu 13, il-Kummissjoni Ewropea għandha tkun intitolata tinnotifika tali deċiżjonijiet infurzabbli direttament lil persuni residenti u lil entitajiet ġuridiċi stabbiliti fil-Gżejjer Faeroe. L-infurzar għandu jsir f’konformità mal-liġi u mar-regoli ta’ proċedura tal-Gżejjer Faeroe.

2.   Is-sentenzi u d-digrieti tal-Qorti tal-Ġustizzja tal-Unjoni Ewropea mogħtija b’applikazzjoni ta’ klawżola ta’ arbitraġġ li tinsab f’kuntratt jew fi ftehim fir-rigward ta’ programmi, attivitajiet, azzjonijiet jew proġetti tal-Unjoni, għandhom ikunu infurzabbli fil-Gżejjer Faeroe bl-istess mod bħad-deċiżjonijiet tal-Kummissjoni Ewropea msemmija fil-paragrafu 1.

3.   Il-Qorti tal-Ġustizzja tal-Unjoni Ewropea għandu jkollha ġuriżdizzjoni sabiex tirrieżamina l-legalità tad-deċiżjoni tal-Kummissjoni Ewropea msemmija fil-paragrafu 1 u sabiex tissospendi l-infurzar tagħha. Madankollu, il-Qrati tal-Gżejjer Faeroe għandu jkollhom il-ġuriżdizzjoni fuq ilmenti li l-infurzar ikun qiegħed isir b’mod irregolari.

1.   Il-Kumitat Konġunt huwa b’dan stabbilit. Il-kompiti tal-Kumitat Konġunt għandhom jinkludu:

2.   Id-deċiżjonijiet tal-Kumitat Konġunt għandhom jittieħdu b’kunsens.

3.   Il-Kumitat Konġunt għandu jikkonsisti minn rappreżentanti tal-Unjoni u tal-Gżejjer Faeroe. Huwa għandu jadotta r-Regoli ta’ Proċedura tiegħu.

4.   Il-Kumitat Konġunt jista’ jiddeċiedi li jistabbilixxi kwalunkwe grupp ta’ ħidma/ jew korp konsultattiv fuq bażi ad hoc fil-livell ta’ esperti li jista’ jassisti fit-twettiq tal-implimentazzjoni ta’ dan il-Ftehim.

5.   Il-Kumitat Konġunt għandu jiltaqa’ mill-anqas darba fis-sena, u, kull meta ċirkostanzi speċjali jirrikjedu dan, fuq talba ta’ kwalunkwe waħda mill-Partijiet. Il-laqgħat għandhom jiġu organizzati u ospitati b’mod alternat mill-Unjoni u mill-Gżejjer Faeroe.

6.   Il-Kumitat Konġunt għandu jaħdem fuq bażi kontinwa permezz ta’ skambju ta’ informazzjoni rilevanti bi kwalunkwe mezz ta’ komunikazzjoni, b’mod partikolari fir-rigward tal-parteċipazzjoni/prestazzjoni tal-entitajiet tal-Gżejjer Faeroe. Il-Kumitat Konġunt jista’, b’mod partikolari, iwettaq il-kompiti tiegħu bil-miktub kull meta tinqala’ l-ħtieġa.

1.   Dan il-Ftehim għandu jidħol fis-seħħ fid-data li fiha l-Partijiet jinnotifikaw lil xulxin bit-tlestija tal-proċeduri interni tagħhom meħtieġa għal dak il-għan. Huwa għandu japplika b’mod retroattiv mill-1 ta’ Jannar 2021.

2.   Il-Partijiet jistgħu japplikaw dan il-Ftehim b’mod provviżorju f’konformità mal-proċeduri u l-leġiżlazzjoni interni rispettivi tagħhom. L-applikazzjoni provviżorja għandha tibda fid-data li fiha l-Partijiet jinnotifikaw lil xulxin bit-tlestija tal-proċeduri interni tagħhom meħtieġa għal dak il-għan.

3.   Jekk il-Gżejjer Faeroe jinnotifikaw lill-Unjoni li ma humiex se jlestu l-proċeduri interni tagħhom meħtieġa għad-dħul fis-seħħ ta’ dan il-Ftehim, dan il-Ftehim ma għandux jibqa’ japplika b’mod provviżorju fid-data tal-wasla ta’ din in-notifika mill-Unjoni, li għandha tikkostitwixxi d-data ta’ waqfien għall-finijiet ta’ dan il-Ftehim.

Id-deċiżjonijiet tal-Kumitat Konġunt ma għandhomx jibqgħu japplikaw fl-istess data.

4.   L-applikazzjoni ta’ Protokoll rilevanti għal dan il-Ftehim tista’ tiġi sospiża mill-Unjoni f’każ ta’ pagament parzjali jew ta’ nuqqas ta’ pagament tal-kontribuzzjoni finanzjarja dovuta mill-Gżejjer Faeroe skont il-programm jew l-attività rilevanti tal-Unjoni.

F’każ ta’ nuqqas ta’ pagament li jista’ jipperikola b’mod sinifikanti l-implimentazzjoni u l-ġestjoni tal-programm jew l-attività rilevanti tal-Unjoni, il-Kummissjoni Ewropea għandha tibgħat ittra formali ta’ tfakkira. F’każ li ma jsir l-ebda pagament fi żmien 20 jum tax-xogħol wara l-ittra formali ta’ tfakkira, għandha tiġi nnotifikata s-sospensjoni tal-applikazzjoni tal-Protokoll rilevanti mill-Unjoni lill-Gżejjer Faeroe permezz ta’ ittra formali ta’ notifika, li għandha tidħol fis-seħħ 15-il jum wara l-wasla ta’ din in-notifika mill-Gżejjer Faeroe.

F’każ li l-applikazzjoni ta’ Protokoll tiġi sospiża, l-entitajiet tal-Gżejjer Faeroe ma għandhomx ikunu eliġibbli li jipparteċipaw fi proċeduri ta’ għoti li jkunu għadhom ma tlestewx meta tidħol fis-seħħ is-sospensjoni. Proċedura ta’ għoti għandha titqies bħala li tkun ġiet kompluta meta bħala riżultat ta’ dik il-proċedura jkunu saru impenji legali.

Is-sospensjoni ma għandhiex taffettwa l-impenji legali konklużi mal-entitajiet tal-Gżejjer Faeroe skont il-programm jew l-attività rilevanti tal-Unjoni qabel ma tkun daħlet fis-seħħ is-sospensjoni. Il-Protokoll rilevanti għandu jkompli japplika għal tali impenji legali.

L-Unjoni għandha tinnotifika minnufih lill-Gżejjer Faeroe ladarba l-ammont sħiħ tal-kontribuzzjoni finanzjarja dovuta jkun ġie riċevut mill-Unjoni. Is-sospensjoni għandha titneħħa b’effett immedjat malli ssir din in-notifika.

Mid-data meta titneħħa s-sospensjoni, l-entitajiet tal-Gżejjer Faeroe għandhom jerġgħu jkunu eliġibbli fi proċeduri ta’ għoti mnedija skont il-programm jew l-attività rilevanti tal-Unjoni wara din id-data, u fi proċeduri ta’ għoti mnedija qabel din id-data, li għalihom l-iskadenzi għas-sottomissjoni tal-applikazzjonijiet ma jkunux skadew.

5.   Kwalunkwe Parti tista’ tittermina dan il-Ftehim fi kwalunkwe waqt b’notifika bil-miktub li tinforma lill-Parti l-oħra bl-intenzjoni tagħha li tittermina dan il-Ftehim. Dan il-Ftehim jista’ jiġi tterminat biss fl-intier tiegħu.

It-terminazzjoni tal-Ftehim għandha tidħol fis-seħħ tliet xhur kalendarji wara d-data li fiha n-notifika bil-miktub tkun waslet għand id-destinatarju tagħha. Id-data li fiha tidħol fis-seħħ it-terminazzjoni għandha tikkostitwixxi d-data tat-terminazzjoni għall-finijiet ta’ dan il-Ftehim.

6.   F’każ li l-Ftehim ma jibqax japplika b’mod provviżorju f’konformità mal-paragrafu 3, jew jiġi tterminat f’konformità mal-paragrafu 5, il-Partijiet jaqblu li:

7.   Il-Partijiet għandhom isolvu b’kunsens komuni kwalunkwe konsegwenza oħra tat-terminazzjoni jew tal-waqfien tal-applikazzjoni provviżorja ta’ dan il-Ftehim.

8.   Dan il-Ftehim jista’ jiġi emendat biss bil-miktub u bil-kunsens komuni tal-Partijiet. Id-dħul fis-seħħ tal-emendi se jsegwi l-istess proċedura bħal dik applikabbli għad-dħul fis-seħħ ta’ dan il-Ftehim kif previst fil-paragrafu 1.

9.   Il-Protokolli għandhom jikkostitwixxu parti integrali minn dan il-Ftehim.

10.   Dan il-Ftehim għandu jitfassal f’żewġ kopji bil-Bulgaru, biċ-Ċek, bid-Daniż, bl-Estonjan, bil-Finlandiż, bil-Franċiż, bil-Ġermaniż, bil-Grieg, bl-Ingliż, bl-Irlandi, bil-Kroat, bil-Latvjan, bil-Litwan, bil-Malti, bin-Netherlandiż, bil-Pollakk, bil-Portugiż, bir-Rumen, bis-Slovakk, bis-Sloven, bl-Ispanjol, bit-Taljan, bl-Ungeriż, bl-Iżvediż u bil-lingwi tal-Gżejjer Faeroe, b’kull test ikun ugwalment awtentiku.