30.1.2020 |
MT |
Il-Ġurnal Uffiċjali tal-Unjoni Ewropea |
L 26/62 |
DEĊIŻJONI TAL-KUMITAT KONĠUNT TAŻ-ŻEE
Nru 65/2018
tat-23 ta’ Marzu 2018
li temenda l-Anness XIII (Trasport) tal-Ftehim ŻEE [2020/82]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,
Billi:
(1) |
Ir-Regolament ta’ Implimentazzjoni tal-Kummissjoni (UE) 2016/480 tal-1 ta’ April 2016 li jistabbilixxi regoli komuni li jikkonċernaw l-interkonnessjoni tar-reġistri elettroniċi nazzjonali tal-impriżi tat-trasport bit-triq u li jħassar ir-Regolament (UE) Nru 1213/2010 (1) irid jiġi inkorporat fil-Ftehim ŻEE. |
(2) |
Ir-Regolament ta’ Implimentazzjoni tal-Kummissjoni (UE) 2017/1440 tat-8 ta’ Awwissu 2017 li jemenda r-Regolament ta’ Implimentazzjoni (UE) 2016/480 li jistabbilixxi regoli komuni li jikkonċernaw l-interkonnessjoni tar-reġistri elettroniċi nazzjonali tal-impriżi tat-trasport bit-triq (2) irid jiġi inkorporat fil-Ftehim ŻEE. |
(3) |
Ir-Regolament ta’ Implimentazzjoni (UE) Nru 2016/480 iħassar, b’effett mit-30 ta’ Jannar 2019, ir-Regolament tal-Kummissjoni (UE) Nru 1213/2010 (3), li huwa inkorporat fil-Ftehim ŻEE u li konsegwentement irid jitħassar skont il-Ftehim ŻEE b’effett mit-30 ta’ Jannar 2019. |
(4) |
Għalhekk, l-Anness tal-Ftehim ŻEE jenħtieġ li jiġi emendat skont dan, |
ADOTTA DIN ID-DEĊIŻJONI:
Artikolu 1
L-Anness XIII tal-Ftehim ŻEE għandu jiġi emendat kif ġej:
1. |
Dan li ġej jiddaħħal wara l-punt 19ac (ir-Regolament tal-Kummissjoni (UE) Nru 2016/403):
|
2. |
It-test tal-punt 19ab (ir-Regolament tal-Kummissjoni (UE) Nru 1213/2010) għandu jitħassar b’effett mit-30 ta’ Jannar 2019. |
Artikolu 2
It-testi tar-Regolamenti ta’ Implimentazzjoni (UE) 2016/480 u (UE) 2017/1440 bil-lingwa Iżlandiża u b’dik Norveġiża, li ser jiġu ppubblikati fis-Suppliment dwar iż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fl-24 ta’ Marzu 2018, bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*1).
Artikolu 4
Din id-Deċiżjoni għandha tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.
Magħmul fi Brussell, it-23 ta’ Marzu 2018.
Għall-Kumitat Konġunt taż-ŻEE
Il-President
Claude MAERTEN
(3) ĠU L 335, 18.12.2010, p. 21.
(*1) Ma huwa indikat l-ebda rekwiżit kostituzzjonali.