|
10.1.2019 |
MT |
Il-Ġurnal Uffiċjali tal-Unjoni Ewropea |
L 8/36 |
DEĊIŻJONI Nru 5/2018 TAL-KUMITAT TAL-AMBAXXATURI AKP-KE
tas-17 ta' Diċembru 2018
li taħtar il-membri fuq il-Bord Eżekuttiv taċ-Ċentru Tekniku ta' Kooperazzjoni Agrikola u Rurali (ĊTA) [2019/32]
Il-KUMITAT TAL-AMBAXXATURI AKP-UE,
Wara li kkunsidra l-Ftehim ta' Sħubija bejn il-membri tal-Grupp tal-Istati Afrikani, tal-Karibew u tal-Paċifiku, min-naħa l-waħda, u l-Komunità Ewropea u l-Istati Membri tagħha, min-naħa l-oħra (1), u partikolarment l-Artikolu 3(5) tal-Anness III tiegħu,
Wara li kkunsidra d-Deċiżjoni Nru 5/2013 tal-Kumitat tal-Ambaxxaturi AKP-UE tas-7 ta' Novembru 2013 dwar l-Istatuti taċ-Ċentru Tekniku ta' Kooperazzjoni Agrikola u Rurali (ĊTA) (2), u b'mod partikolari l-Artikolu 5(4) tal-Anness tagħha;
Billi:
|
(1) |
L-Artikolu 5(4) tal-Istatuti taċ-ĊTA jipprevedi li l-membri tal-Bord Eżekuttiv taċ-Ċentru Tekniku ta' Kooperazzjoni Agrikola u Rurali (ĊTA) għandhom jinħatru mill-Kumitat tal-Ambaxxaturi AKP-UE f'konformità mal-proċeduri stabbiliti mill-Kumitat għal perijodu ta' mhux aktar minn ħames snin, soġġetti għal reviżjoni ta' nofs it-term. |
|
(2) |
Skont id-Deċiżjoni Nru 4/2016 tal-Kumitat tal-Ambaxxaturi AKP-UE tat-30 ta' Settembru 2016 li taħtar membru tal-Bord Eżekuttiv taċ-Ċentru Tekniku ta' Kooperazzjoni Agrikola u Rurali (ĊTA) (3), il-mandat ta' membru tal-Bord Eżekuttiv skada fis-6 ta' Novembru 2018. |
|
(3) |
Skont l-Artikolu 95(1) tiegħu, il-Ftehim ta' Sħubija AKP-UE ser jiskadi fid-29 ta' Frar 2020. Għalhekk, tliet membri ġodda għandhom jiġu maħtura għall-Bord Eżekuttiv u żewġ membri tal-Bord Eżekuttiv għandhom jinħatru mill-ġdid għall-perijodu li fadal qabel l-iskadenza tal-Ftehim, |
IDDEĊIEDA KIF ĠEJ:
Artikolu 1
(1) Il-Professur Augusto Manuel CORREIA u s-Sinjura Helena JOHANSSON għandhom jinħatru mill-ġdid bħala membri tal-Bord Eżekuttiv taċ-ĊTA sad-29 ta' Frar 2020.
(2) Il-persuni li ġejjin għandhom jinħatru membri tal-Bord Eżekuttiv taċ-ĊTA:
|
— |
is-Sur David HUNTER, |
|
— |
is-Sur Abel KPAWILINA-NAMKOISSE, |
|
— |
Dr. Boitshoko NTSHABELE. |
Artikolu 2
Bla ħsara għal kwalunkwe deċiżjoni sussegwenti li l-Kumitat tal-Ambaxxaturi AKP-UE jista' jieħu fil-qafas tal-prerogattivi tiegħu, il-Bord Eżekuttiv taċ-ĊTA għandu jkun magħmul kif ġej:
|
— |
il-Professur Augusto Manuel CORREIA, |
|
— |
is-Sur David HUNTER, |
|
— |
is-Sinjura Helena JOHANSSON, |
|
— |
is-Sur Abel KPAWILINA-NAMKOISSE, |
|
— |
Dr. Boitshoko NTSHABELE, u |
|
— |
is-Sinjura Frederike PRAASTERINK, |
li l-mandat tagħhom jiskadi fid-29 ta' Frar 2020.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-17 ta' Diċembru 2018.
Għall-Kumitat tal-Ambaxxaturi AKP-UE
Il-President
N. MARSCHIK
(1) ĠU L 317, 15.12.2000, p. 3.