1.4.2017   

MT

Il-Ġurnal Uffiċjali tal-Unjoni Ewropea

L 89/1

Avviż dwar l-applikazzjoni proviżorja tal-Ftehim ta' Sħubija Strateġika (SPA) bejn l-Unjoni Ewropea u l-Istati Membri tagħha, minn naħa waħda, u l-Kanada, min-naħa l-oħra

Il-Ftehim ta' Sħubija Strateġika (SPA) bejn l-Unjoni Ewropea u l-Istati Membri tagħha, minn naħa waħda, u l-Kanada, min-naħa l-oħra (1), iffirmat fi Brussell fit-30 ta' Ottubru 2016, għandu, skont l-Artikolu 30.2 tiegħu, jiġi applikat b'mod proviżorju mill-1 ta' April 2017. Bis-saħħa tal-Artikolu 3 tad-Deċiżjoni tal-Kunsill tat-28 ta' Ottubru 2016 dwar l-iffirmar u l-applikazzjoni proviżorja tal-Ftehim, il-partijiet li ġejjin tal-Ftehim għandhom jiġu applikati b'mod proviżorju bejn l-Unjoni u l-Kanada, iżda biss sa fejn ikopru kwistjonijiet li jaqgħu taħt il-kompetenza tal-Unjoni, inkluż kwistjonijiet li jaqgħu taħt il-kompetenza tal-Unjoni li tiddefinixxi u timplimenta politika estera u ta' sigurtà komuni:

(a)

Titolu I: l-Artikolu 1;

(b)

Titolu II: l-Artikolu 2;

(c)

Titolu III: l-Artikolu 4(1), l-Artikolu 5 u l-Artikolu 7(b);

(d)

Titolu IV:

—

l-Artikolu 9, l-Artikoli 10(2), 10(3), 12(4), 12(5) u 12(10), u l-Artikoli 14, 15, 16 u 17;

—

l-Artikoli 12(6), 12(7), 12(8), 12(9) u l-Artikolu 13, sa fejn dawn id-dispożizzjonijiet huma limitati għall-materji li fir-rigward tagħhom l-Unjoni tkun diġà eżerċitat il-kompetenzi tagħha internament;

(e)

Titolu V: l-Artikolu 23(2);

(f)

Titolu VI: l-Artikoli 26, 27 u 28;

(g)

Titolu VII: l-Artikoli 29, 30, 31, 32, 33 u 34, sa fejn dawn id-dispożizzjonijiet huma limitati għall-fini li tiġi żgurata l-applikazzjoni proviżorja tal-Ftehim.

(1)  ĠU L 329, 3.12.2016, p. 45.