|
8.10.2016 |
MT |
Il-Ġurnal Uffiċjali tal-Unjoni Ewropea |
L 273/3 |
FTEHIM
fil-forma ta' Skambju ta' Ittri bejn l-Unjoni Ewropea u r-Repubblika Iżlamika tal-Afganistan dwar l-estensjoni tal-ftehim bejn l-Unjoni Ewropea u r-Repubblika Iżlamika tal-Afganistan dwar l-istatus tal-Missjoni tal-Pulizija tal-Unjoni Ewropea fl-Afganistan (EUPOL AFGHANISTAN)
A. Ittra mill-Unjoni Ewropea
Brussell, l-4 ta' Awwissu 2016
Eċċellenza,
Fit-30 ta' Mejju 2007, il-Kunsill stabbilixxa, bl-Azzjoni Konġunta 2007/369/PESK, il-Missjoni tal-Pulizija tal-UE fl-Afganistan (EUPOL AFGHANISTAN) bl-għan li tikkontribwixxi għall-ħolqien, taħt appartenenza Afgana, ta' arranġamenti tal-pulizija sostenibbli u effettivi.
Fl-14 ta' Ottubru 2010, l-Unjoni Ewropea u r-Repubblika Iżlamika tal-Afganistan iffirmaw ftehim dwar l-Istatus tal-EUPOL AFGHANISTAN. Dan il-Ftehim jiskadi fl-14 ta' Ottubru 2016. L-Artikolu 20(4) tiegħu jistipula li dan il-Ftehim jista' jiġi emendat permezz ta' ftehim bil-miktub bejn il-Partijiet.
Il-mandat tal-EUPOL AFGHANISTAN jiskadi fil-31 ta' Diċembru 2016. Wara din id-data, il-proċess tat-terminazzjoni tal-missjoni, inkluża d-dispożizzjoni tal-assi tagħha, huwa mistenni li jdum għal perijodu ta' mhux aktar minn disa' xhur.
Fid-dawl ta' dan ta' hawn fuq, nipproponi li l-Ftehim dwar l-Istatus tal-EUPOL AFGHANISTAN tal-14 ta' Ottubru 2010 jiġi estiż għal perijodu ta' sena (waħda) sakemm ma jiġix terminat minn waħda mill-Partijiet b'notifika bil-miktub minn qabel ta' 3 (tliet) xhur u japplika għall-persunal tal-UE inkarigat mit-terminazzjoni tal-EUPOL AFGHANISTAN kif ukoll għall-assi meħtieġa biex iwettaq il-kompiti tiegħu.
Jekk jogħġbok infurmani jekk taqbilx dwar din il-proposta. Jekk inti taqbel dwarha, din l-ittra, flimkien mat-tweġiba tiegħek, ser tikkostitwixxi emenda permezz ta' ftehim bil-miktub tal-ftehim imsemmi hawn fuq bejn l-Unjoni Ewropea u r-Repubblika Iżlamika tal-Afganistan dwar l-EUPOL AFGHANISTAN fis-sens tal-Artikolu 20(4) ta' dan il-ftehim, li jidħol fis-seħħ fid-data tar-riċezzjoni tal-ittra ta' tweġiba tiegħek.
Nassigurak, Eċċellenza, mill-ikbar stima li għandi lejk.
Għall-Unjoni Ewropea
Federica MOGHERINI
B. Ittra mir-Repubblika Iżlamika tal-Afganistan
Kabul, it-3 ta' Settembru 2016
Għażiża Rappreżentant Għoli,
Nirringrazzjak tal-ittra tiegħek datata l-4 ta' Awwissu 2016 dwar l-estensjoni tal-Ftehim dwar il-Missjoni tal-Pulizija tal-UE fl-Afganistan, li taqra kif ġej:
“Fit-30 ta' Mejju 2007, il-Kunsill stabbilixxa, bl-Azzjoni Konġunta 2007/369/PESK, il-Missjoni tal-Pulizija tal-UE fl-Afganistan (EUPOL AFGHANISTAN) bl-għan li tikkontribwixxi għall-ħolqien, taħt appartenenza Afgana, ta' arranġamenti tal-pulizija sostenibbli u effettivi.
Fl-14 ta' Ottubru 2010, l-Unjoni Ewropea u r-Repubblika Iżlamika tal-Afganistan iffirmaw ftehim dwar l-Istatus tal-EUPOL AFGHANISTAN. Dan il-Ftehim jiskadi fl-14 ta' Ottubru 2016. L-Artikolu 20(4) tiegħu jistipula li dan il-Ftehim jista' jiġi emendat permezz ta' ftehim bil-miktub bejn il-Partijiet.
Il-mandat tal-EUPOL AFGHANISTAN jiskadi fil-31 ta' Diċembru 2016. Wara din id-data, il-proċess tat-terminazzjoni tal-missjoni, inkluża d-dispożizzjoni tal-assi tagħha, huwa mistenni li jdum għal perijodu ta' mhux aktar minn disa' xhur.
Fid-dawl ta' dan ta' hawn fuq, nipproponi li l-Ftehim dwar l-Istatus tal-EUPOL AFGHANISTAN tal-14 ta' Ottubru 2010 jiġi estiż għal perijodu ta' sena (waħda) sakemm ma jiġix terminat minn waħda mill-Partijiet b'notifika bil-miktub minn qabel ta' 3 (tliet) xhur u japplika għall-persunal tal-UE inkarigat mit-terminazzjoni tal-EUPOL AFGHANISTAN kif ukoll għall-assi meħtieġa biex iwettaq il-kompiti tiegħu.
Jekk jogħġbok infurmani jekk taqbilx dwar din il-proposta. Jekk inti taqbel dwarha, din l-ittra, flimkien mat-tweġiba tiegħek, ser tikkostitwixxi emenda permezz ta' ftehim bil-miktub tal-ftehim imsemmi hawn fuq bejn l-Unjoni Ewropea u r-Repubblika Iżlamika tal-Afganistan dwar l-EUPOL AFGHANISTAN fis-sens tal-Artikolu 20(4) ta' dan il-ftehim, li jidħol fis-seħħ fid-data tar-riċezzjoni tal-ittra ta' tweġiba tiegħek.”
Għandi l-pjaċir ninfurmak li naqbel mat-termini suġġeriti fl-ittra tiegħek.
Nassigurak, Sinjura, mill-ikbar stima li għandi lejk.
Għar-Repubblika Iżlamika tal-Afganistan
Salahuddin RABBANI