ASSEMBLEA PARLAMENTARI KONĠUNTA TAL-FTEHIM TA’ SĦUBIJA KONKLUŻ BEJN IL-MEMBRI TAL-GRUPP TAL-ISTATI AFRIKANI, TAL-KARIBEW U TAL-PAĊIFIKU, MINN NAĦA, U TAL-UNJONI U L-ISTATI MEMBRI TAGĦHA, MIN-NAĦA L-OĦRA

MINUTI TAS-SEDUTA TAT-TNEJN, IS-17 TA’ MARZU 2014

2014/C 345/01

Werrej

Seduta inawgurali formali

Seduta tal-Assemblea Parlamentari Konġunta

Kompożizzjoni tal-Assemblea Parlamentari Konġunta

Akkreditament tar-rappreżentanti mhux parlamentari

MINUTI TAS-SEDUTA TAT-TNEJN, is-17 TA’ MARZU 2014

(Is-seduta nfetħet fil-11.05 a.m.)

Seduta inawgurali formali

Indirizzaw l-Assemblea dawn li ġejjin:

Louis Michel, Kopresident tal-Assemblea Parlamentari Konġunta, Fitz A. Jackson, Kopresident tal-Assemblea Parlamentari Konġunta, u Evangelos Meimarakis, Kelliem tal-Parlament Hellenic.

(Is-seduta ġiet aġġornata f'12.15 u kompliet fit-15.05 p.m.)

PRESIDENZA: Louis MICHEL

Kopresident

Seduta tal-Assemblea Parlamentari Konġunta

Il-Kopresident laqa' lill-parteċipanti kollha.

Kompożizzjoni tal-Assemblea Parlamentari Konġunta

Il-Kopresident ħabbar li l-lista tal-membri tal-Assemblea Parlamentari Konġunta, kif imgħoddija mill-awtoritajiet tal-istati tal-AKP u l-Parlament Ewropew, kienet se tkun annessa mal-minuti.

Akkreditar tar-rappreżentant mhux parlamentari

Il-Kopresident ħabbar li talba għal akkreditament ta' rappreżentant mhux parlamentari kienet riċevuta skont l-Artikolu 17(1) tal-Ftehim ta' Cotonou u l-Artikolu 1(2) tar-Regoli ta' Proċedura tal-Assemblea Parlamentari Konġunta, minħabba każijiet eċċezzjonali ta' forza maġġuri. Il-preżenza tar-rappreżentant se jiġi rrekordjat u ismu se jiġi elenkat fl-anness tal-minuti.

1.   Adozzjoni tal-aġenda (AP101.540)

L-aġenda ġiet adottata kif tidher f'dawn il-minuti.

2.   Approvazzjoni tal-minuti tal-aħħar seduta tas-26 sessjoni tal-Assemblea Parlamentari Konġunta (ĠU C 64, 4.3.2014)

Il-minuti ġew approvati.

3.   Avviżi tal-Kopresidenti, inklużi d-deċiżjonijiet meħuda fil-laqgħa tal-Bureau tas-16 ta’ Marzu 2014

Il-Kopresident irrapporta dwar ir-riżultati tal-laqgħa tal-Bureau li saret fis-16 ta' Marzu 2014.

Ittieħdu d-deċiżjonijiet li ġejjin:

Il-Kopresident ħabbar is-skadenzi li ġejjin:

4.   Tema urġenti nru 1: id-drittijiet soċjali, ekonomiċi u tal-bniedem tal-migranti fil-pajjiżi tal-AKP u tal-UE

Kelliema: Roberto Ridolfi (il-Kummissjoni Ewropea), Boniface Yehouetome (Benin), Edit Bauer, Ahamada Chanfi Djaé (il-Komoros), Musa Hussein Naib (l-Eritrea), Catherine Bearder, Netty Baldeh (il-Gambja), Alban Sumana Kingsford Bagbin (il-Gana), Abdikadir Omar Aden (il-Kenja), Ana Rita Geremias Sithole (il-Możambik), Slavi Binev, Abdourahamane Chegou (in-Niġerja), Mariya Gabriel, Adjedoue Weidou (iċ-Ċad) u Michael Gahler.

Il-membri enfasizzaw li l-migrazzjoni hija fenomenu naturali globali li għandha diversi kawżi ta' għeruq, fosthom il-faqar u l-kunflitt, iżda titnissel ukoll minn aspirazzjonijiet tal-individwali għal ħajja aħajr. Il-kelliema enfasizzaw li minkejja li l-migrazzjoni kellha diversi impatti fuq il-pajjiżi ta' oriġini, ta' tranżitu u ta' destinazzjoni, jinħtieġu risposti komuni. Huma fakkru fl-avvenimenti traġiċi li wasslu għat-telf ta' ħajjiet u talbu għal kooperazzjoni AKP-UE aktar b'saħħitha biex jiġi żġurat l-akbar rispett għad-drittijiet tal-migranti u għall-intensifikazzjoni fil-ġlieda kontra t-traffikar tal-bniedem. Il-Membri talbu wkoll għal attenzjoni speċjali għar-refuġjati u għat-tisħiħ tal-kanali tal-migrazzjoni legali.

5.   Integrazzjoni reġjonali u modernizzazzjoni tad-dwana għal żvilupp sostenibbli fil-pajjiżi tal-AKP, b'kooperazzjoni mal-UE-{}-

Kumitat għall-Iżvilupp Ekonomiku, il-Finanzi u l-Kummerċ

Korapporteurs: Piet Van Der Walt (in-Namibja) u Oldřich Vlasák

Piet Van Der Walt (in-Namibja) u Peter Štastný (li qed jieħu post Oldřich Vlasák) ippreżentaw ir-rapport.

Kelliema: Mo-Mamo Karerwa (Burundi), Peter Štastný, Norbert Neuser, Olle Schmidt, Alban Sumana Kingsford Bagbin (il-Gana), Abdikadir Omar Aden (il-Kenja), Sábado Teresa Malendza (Mozambique), Abdourahamane Chegou (in-Niġerja), Adjedoue Weidou (iċ-Ċad), Michael Gahler, Komi Selom Klassou (it-Togo), Kennedy K. Hamudulu (iż-Zambja), Mohammed Mukhtar Ahmed (in-Niġerja) u Roberto Ridolfi (il-Kummissjoni Ewropea).

Il-Membri enfasizzaw l-importanza li tissaħħaħ il-kooperazzjoni bilaterali u reġjonali f'affarijiet doganali f'termini ta' trawwim tal-integrazzjoni reġjonali. Huma enfasizzaw l-irwol vitali li l-amministrazzjonijiet doganali għandhom fil-ġbir ta' dazji u taxxi, iżda enfasizza l-ħtieġa li tissaħħaħ il-kapaċità tagħhom fil-pajjiżi tal-AKP bil-ħsieb li jiġu ffaċilitati l-flussi tal-kummerċ u jittejbu miżuri ta' infurzar, inkluż fil-ġlieda kontra l-korruzzjoni u reati oħra. Membri laqgħu l-ftehim tal-faċilitazzjoni tal-kummerċ tad-Disa' Konferenza Ministerjali tad-WTO f'Bali, immirat lejn it-tnaqqis tal-burokrazija u t-tħaffif tal-approvazzjoni doganali. Il-membri talbu għal assistenza fl-implimentazzjoni tagħha (eż. permezz tal-Għajnuna għall-Kummerċ).

Piet Van Der Walt (Namibja) u Peter Štastný (li qed jieħu post Oldřich Vlasák) għalqu d-dibattitu.

6.   Tema urġenti nru 2: il-kriżi fir-Repubblika Ċentru-Afrikana

Kelliema: Vincent Ringenberg (EEAS), Mo-Mamo Karerwa (il-Burundi), Mariya Gabriel, Gberi Kombo (il-Kamerun), Miguel Ángel Martínez Martínez, Dambert René Ndouane (Repubblika tal-Kongo), Louis Michel, Christophe Apala Pen’apala Lutundula (Repubblika Demokratika tal-Kongo), Mohammed Mukhtar Ahmed (in-Niġerja), Netty Baldeh (il-Gambja), Abdikadir Omar Aden (il-Kenja), Abdourahamane Chegou (in-Niġerja), Michael Gahler, Adjedoue Weidou (iċ-Ċad), Komi Selom Klassou (Togo), Jacob Oulanyah (Uganda), Peter Štastný and Laurent N’gon-Baba (Repubblika tal-Afrika Ċentrali).

Il-membri talbu azzjoni rapida mill-komunità internazzjonali fir-Repubblika Ċentru-Afrikana, u faħħru l-pajjiżi involuti fl-isforzi kontinwi għall-iżvilupp umanitarju u tas-sigurtà. Il-kelliema enfasizzaw il-ħtieġa li jerġgħu jiġu stabbiliti l-paċi u s-sigurtà u biex jiġi żgurat finanzjament adegwat għar-ristawr tal-istat tad-dritt u s-servizzi pubbliċi bażiċi. Il-membri kkundannaw l-abbużi tad-drittijiet tal-bniedem, waqt li saħqu l-importanza tal-ġlieda kontra l-impunità u l-ħolqien ta' kundizzjonijiet għar-ritorn tar-refuġjati. Huma esprimew l-appoġġ tagħhom għall-mexxejja tranżitorji tar-Repubblika tal-Afrika Ċentrali u enfasizzaw li l-komunità internazzjonali għandha tiżgura li l-elezzjonijiet parlamentari u presidenzjali jistgħu jsiru kif skedat.

7.   Rapport tas-sħab ekonomiċi u soċjali

Preżentazzjoni ta' Xavier Verboven, President tal-Kumitat ta' Segwitu tal-AKP, Kumitat Ekonomiku u Soċjali Ewropew

Is-Sur Verboven ipprovda aġġornament dwar laqgħa ta' netwerk bejn l-UE u l-Afrika tal-partijiet interessati ekonomiċi u soċjali li saret fil-4-5 ta' Marzu 2014, u enfasizza l-importanza tal-impjieg taż-żgħażagħ, il-protezzjoni soċjali, is-sigurtà alimentari u l-isfidi tal-migrazzjoni.

Il-membri laqgħu l-kooperazzjoni kontinwa fost is-soċjetajiet ċivili kemm tal-pajjiżi tal-UE kif ukoll tal-pajjiżi tal-AKP, u enfasizzaw il-ħtieġa li tiġi żgurata sinerġija aħjar bejn is-sistemi tal-edukazzjoni u l-ħtiġijiet tas-suq tax-xogħol.

Kelliema: Adjedoue Weidou (iċ-Ċad), Ousmane Kaba (il-Ginea) u Miguel Ángel Martínez Martínez.

Is-Sur Verboven għalaq id-dibattitu.

(Is-seduta ntemmet fis-18.25 p.m)