30.7.2015 |
MT |
Il-Ġurnal Uffiċjali tal-Unjoni Ewropea |
L 202/5 |
DEĊIŻJONI TAL-KUMITAT KONĠUNT TAŻ-ŻEE
Nru 162/2014
tal-25 ta' Settembru 2014
li temenda l-Anness I (Kwistjonijiet veterinarji u fitosanitarji) tal-Ftehim ŻEE [2015/1230]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b'mod partikolari l-Artikolu 98 tiegħu,
Billi:
(1) |
Id-Deċiżjoni ta' Implimentazzjoni tal-Kummissjoni 2014/90/UE tal-14 ta' Frar 2014 li temenda l-Anness I tad-Deċiżjoni 2004/558/KE fir-rigward tal-approvazzjoni ta' programm ta' kontroll għall-qerda tar-rinotraċeite bovina infettiva f'reġjun fl-Italja (1) għandha tiġi inkorporata fil-Ftehim ŻEE. |
(2) |
Id-Deċiżjoni ta' Implimentazzjoni tal-Kummissjoni 2014/91/UE tal-14 ta' Frar 2014 li temenda l-Anness II tad-Deċiżjoni 93/52/KEE fir-rigward tar-rikonoxximent ta' ċerti reġjuni fl-Italja u Spanja bħala uffiċjalment ħielsa mill-bruċellożi (B. melitensis) u li temenda l-Annessi I, II u III tad-Deċiżjoni 2003/467/KE fir-rigward tad-dikjarazzjoni tal-Ungerija bħala uffiċjalment ħielsa mit-tuberkulożi, ir-Rumanija u ċerti reġjuni fl-Italja bħala uffiċjalment ħielsa mill-bruċellożi, u ċerti reġjuni fl-Italja bħala uffiċjalment ħielsa mil-lewkożi enzootika bovina (2) għandha tiġi inkorporata fil-Ftehim ŻEE. |
(3) |
Deċiżjoni ta' Implimentazzjoni tal-Kummissjoni 2014/177/UE tas-27 ta' Marzu 2014 li temenda l-Anness II tad-Deċiżjoni 2003/467/KE fir-rigward tad-dikjarazzjoni tal-Litwanja bħala Stat Membru ħieles mill-bruċellożi (3) għandha tiġi inkorporata fil-Ftehim ŻEE. |
(4) |
Din id-Deċiżjoni tikkonċerna leġiżlazzjoni rigward annimali ħajjin li mhumiex ħut u annimali tal-akkwakultura. Leġiżlazzjoni li tikkonċerna dawn il-kwistjonijiet ma tapplikax għall-Islanda, kif speċifikat fil-paragrafu 2 tal-Parti Introduttorja tal-Kapitolu 1 tal-Anness 1 tal-Ftehim ŻEE. Għaldaqstant, din id-Deċiżjoni ma tapplikax għall-Islanda. |
(5) |
Din id-Deċiżjoni tikkonċerna l-leġiżlazzjoni rigward kwistjonijiet veterinarji. Il-leġiżlazzjoni dwar kwistjonijiet veterinarji ma tapplikax għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Svizzera dwar il-kummerċ fi prodotti agrikoli tiġi estiża għal-Liechtenstein, kif speċifikat fl-adattamenti settorjali tal-Anness I tal-Ftehim ŻEE. Għaldaqstant, din id-Deċiżjoni ma tapplikax għal-Liechtenstein. |
(6) |
L-Anness I tal-Ftehim ŻEE għandu għaldaqstant jiġi emendat skont dan, |
ADOTTA DIN ID-DEĊIŻJONI:
Artikolu 1
Il-Parti 4.2 tal-Kapitolu I tal-Anness I tal-Ftehim ŻEE jiġi emendat kif ġej:
1. |
L-inċiż li ġej jiżdied mal-punt 14 (Deċiżjoni tal-Kummissjoni 93/52/KEE):
|
2. |
L-inċiżjonijiet li ġejjin jiżdiedu mal-punt 70 (Deċiżjoni tal-Kummissjoni 2003/467/KE):
|
3. |
L-inċiż li ġej jiżdied mal-punt 80 (Deċiżjoni tal-Kummissjoni 2004/558/KE):
|
Artikolu 2
It-testi tad-Deċiżjonijiet ta' Implimentazzjoni 2014/90/UE, 2014/91/UE u 2014/177/UE fil-lingwa Norveġiża, li jiġu ppublikati fis-Suppliment ŻEE ta' Il-Ġurnal Uffiċjali tal-Unjoni Ewropea, ikunu awtentiċi.
Artikolu 3
Din id-Deċiżjoni tidħol fis-seħħ fis-26 ta' Settembru 2014, bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*).
Artikolu 4
Din id-Deċiżjoni tiġi ppubblikata fit-Taqsima taż-ŻEE u fis-Suppliment taż-ŻEE ta' Il-Ġurnal Uffiċjali tal-Unjoni Ewropea.
Magħmul fi Brussell, il-25 ta' Settembru 2014.
Għall-Kumitat Konġunt taż-ŻEE
Il-President
Kurt JÄGER
(1) ĠU L 46, 18.2.2014, p. 10.
(2) ĠU L 46, 18.2.2014, p. 12.
(3) ĠU L 95, 29.3.2014, p. 45.
(*) L-ebda rekwiżiti kostituzzjonali ma huma indikati.