19.11.2013 |
MT |
Il-Ġurnal Uffiċjali tal-Unjoni Ewropea |
L 309/49 |
DEĊIŻJONI Nru 4/2013 TAL-KUMITAT TAL-AMBAXXATURI AKP-UE
tas-7 ta’ Novembru 2013
li taħtar membri tal-Bord Eżekuttiv taċ-Ċentru Tekniku ta’ Koperazzjoni Agrikola u Rurali (CTA)
(2013/666/UE)
Il-KUMITAT TAL-AMBAXXATURI AKP-UE,
Wara li kkunsidra l-Ftehim ta’ Sħubija bejn il-membri tal-grupp tal-Istati Afrikani, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta’ Ġunju 2000 (1), kif emendat għall-ewwel darba fil-Lussemburgu fil-25 ta’ Ġunju 2005 (2) u kif emendat it-tieni darba f’Ouagadougou fit-22 ta’ Ġunju 2010 (3), u b’mod partikolari l-Artikolu 3(5) tal-Anness III tiegħu;
Wara li kkunsidra d-Deċiżjoni Nru 4/2006 tal-Kumitat tal-Ambaxxaturi AKP-UE tas-27 ta’ Settembru 2006 dwar l-Istatuti u r-Regoli ta’ Proċedura taċ-Ċentru Tekniku ta’ Koperazzjoni Agrikola u Rurali (ĊTA) (4), u b’mod partikolari l-Artikolu 4(3) tagħha;
Billi:
(1) |
Il-mandat tal-membri tal-Bord Eżekuttiv taċ-Ċentru Tekniku ta’ Koperazzjoni Agrikola u Rurali, kif estiż bid-Deċiżjoni Nru 2/2013 tal-Kumitat tal-Ambaxxaturi AKP-UE (5), skada fil-21 ta’ Awwissu 2013. |
(2) |
Huwa għalhekk meħtieġ li jinħatru membri ġodda, |
IDDEĊIEDA KIF ĠEJ:
Artikolu 1
Mingħajr preġudizzju għal kwalunkwe deċiżjoni sussegwenti li l-Kumitat jista’ jkollu jieħu skont il-qafas tal-prerogattivi tiegħu, dawn li ġejjin qegħdin jinħatru bħala membri tal-Bord Eżekuttiv taċ-Ċentru Tekniku ta’ Koperazzjoni Agrikola u Rurali:
— |
Prof. Eric TOLLENS |
għal mandat ta’ sentejn, li jintemm fis-6 ta’ Novembru 2015 u
— |
Prof. Baba Y. ABUBAKAR |
— |
Prof. Augusto Manuel CORREIA |
— |
Is-Sinjura Helena JOHANSSON |
— |
Dr Faustin R. KAMUZORA |
— |
Prof. Clement K. SANKAT, |
għal mandat ta’ ħames snin, li jintemm fis-6 ta’ Novembru 2018.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-7 ta’ Novembru 2013.
Għall-Kumitat tal-Ambaxxaturi AKP-UE
Il-President
R. KAROBLIS
(1) ĠU L 317, 15.12.2000, p. 3.
(2) Ftehim li jemenda l-Ftehim ta’ Sħubija bejn il-membri tal-Grupp ta’ Stati Afrikani, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta’ Ġunju 2000 (ĠU L 209, 11.8.2005, p. 27).
(3) Ftehim li jemenda għat-tieni darba l-ftehim ta’ sħubija bejn il-Membri tal-grupp ta’ Stati Afrikani, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha min-naħa l-oħra, iffirmat f’Cotonou fit-23 ta’ Ġunju 2000, kif emendat għall-ewwel darba fil-Lussemburgu fil-25 ta’ Ġunju 2005 (ĠU L 287, 4.11.2010, p. 3).
(4) ĠU L 350, 12.12.2006, p. 10.
(5) ĠU L 163, 15.6.2013, p. 30.