27.3.2014   

MT

Il-Ġurnal Uffiċjali tal-Unjoni Ewropea

L 92/29

DEĊIŻJONI TAL-KUMITAT KONĠUNT TAŻ-ŻEE

Nru 203/2013

tat-8 ta’ Novembru 2013

li temenda l-Anness XIII (Trasport) tal-Ftehim ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) Nru 104/2013 tal-4 ta’ Frar 2013 li jemenda r-Regolament (UE) Nru 185/2010 fir-rigward tal-iskrinjar ta’ passiġġieri u ta’ persuni għajr il- passiġġieri permezz ta’ tagħmir għall-Individwazzjoni ta’ Traċċi ta’ Splussivi (ETD - Explosive Trace Detection) flimkien ma’ tagħmir li jinżamm fl-Idejn għall-Individwazzjoni tal-Metall (HHMD - Hand Held Metal Detection) (1) irid jiġi inkorporat fil-Ftehim ŻEE.

(2)

Id-Deċiżjoni ta’ Implimentazzjoni tal-Kummissjoni 2013/511/UE tal-4 ta’ Frar 2013 li temenda d-Deċiżjoni tal-Kummissjoni C (2010) 774 fir-rigward tal-iskrinjar ta’ passiġġieri u ta’ persuni għajr il-passiġġieri permezz ta’ tagħmir għall-Individwazzjoni ta’ Traċċi ta’ Splussivi (ETD) flimkien ma’ tagħmir li jinżamm fl-Idejn għall-Individwazzjoni tal-Metall (HHMD) trid tiġi inkorporata fil-Ftehim ŻEE.

(3)

Għalhekk l-Anness XIII ta’ mal-Ftehim ŻEE għandu jiġi emendat kif meħtieġ,

ADOTTA DIN ID-DEĊIŻJONI:

Artikolu 1

L-Anness XIII tal-Ftehim ŻEE se jiġi emendat kif ġej:

1.

L-inċiż li ġej jiddaħħal fil-punt 66he (ir-Regolament tal-Kummissjoni (UE) Nru 185/2010):

“—

32013 R 0104: Ir-Regolament ta’ Implimentazzjoni tal-Kummissjoni (UE) Nru 104/2013 tal-4 ta’ Frar 2013 (ĠU L 34, 5.2.2013, p. 13).”

2.

L-inċiż li ġej jiddaħħal fil-punt 66hf (id-Deċiżjoni tal-Kummissjoni C (2010) 774 finali):

“—

32013 D 0511: Id-Deċiżjoni ta’ Implimentazzjoni tal-Kummissjoni 2013/511/UE tal-4 ta’ Frar 2013 li temenda d-Deċiżjoni tal-Kummissjoni C (2010) 774 rigward tal-iskrinjar ta’ passiġġieri u ta’ persuni għajr il-passiġġieri permezz ta’ tagħmir għall-Individwazzjoni ta’ Traċċi ta’ Splussivi (ETD) flimkien ma’ tagħmir li jinżamm fl-Idejn għall-Individwazzjoni tal-Metall (HHMD).”

Artikolu 2

It-testi tar-Regolament ta’ Implimentazzjoni (UE) Nru 104/2013 bil-lingwa Islandiża u b’dik Norveġiża, li jridu jiġu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.

Artikolu 3

Din id-Deċiżjoni se tidħol fis-seħħ fid-9 ta’ Novembru 2013, dment li jkunu saru n-notifiki kollha, skont l-Artikolu 103(1) tal-Ftehim ŻEE (*).

Artikolu 4

Din id-Deċiżjoni se tiġi ppubblikata fit-Taqsima taż-ŻEE ta’ Il-Ġurnal Uffiċjali tal-Unjoni Ewropea u fis-Suppliment taż-ŻEE tiegħu.

Magħmul fi Brussell, it-8 ta’ Novembru 2013.

Għall-Kumitat Konġunt taż-ŻEE

Il-President

Thórir IBSEN

(1)  ĠU L 34, 5.2.2013, p. 13.

(*)  L-ebda rekwiżit kostituzzjonali ma huwa indikat.