(i)

li tkun konformi mal-obbligi stabbiliti fl-Artikolu 8 tal-Konvenzjoni;

(ii)

li taċċetta s-somma massima għal kull Carnet TIR, iddeterminata mill-Partijiet Kontraenti li tista’ tkun pretiża mill-assoċjazzjoni skont l-Artikolu 8, paragrafu 3 tal-Konvenzjoni;

(iii)

li tivverifika kontinwament u, partikolarment, qabel ma titlob awtorizzazzjoni għal aċċess ta’ persuni għall-proċedura TIR, l-issodisfar tal-kundizzjonijiet u r-rekwiżiti minimi kif stabbiliti fil-Parti II ta’ dan l-Anness;

(iv)

li tipprovdi l-garanziji tagħha għall-obbligazzjonijiet kollha li daħlet għalihom fil-pajjiż fejn hija stabbilita b’konnessjoni mal-operazzjonijiet koperti mill-Carnets TIR maħruġa minnha stess u mill-assoċjazzjonijiet barranin affiljati mal-istess organizzazzjoni internazzjonali li magħha hija affiljata hija stess;

(v)

li tkopri l-obbligazzjonijiet tagħha għas-sodisfazzjon tal-awtoritajiet kompetenti tal-Parti Kontraenti fejn hija stabbilita ma’ kumpanija tal-assigurazzjoni, ma’ grupp ta’ assiguraturi jew ma’ istituzzjoni finanzjarja. Il-kuntratt(i) tal-assigurazzjoni jew tal-garanzija finanzjarja għandu/għandhom ikopri/ikopru l-obbligazzjonijiet kollha tagħha b’konnessjoni mal-operazzjonijiet koperti mill-Carnets TIR maħruġa minnha stess u mill-assoċjazzjonijiet barranin affiljati mal-istess organizzazzjoni internazzjonali li magħha hija affiljata hi stess;

Iż-żmien biex jinħareġ avviż għat-tmiem tal-kuntratt(i) tal-assigurazzjoni jew tal-garanzija finanzjarja m’għandux ikun inqas miż-żmien biex jinħareġ avviż għat-tmiem tal-ftehim bil-miktub jew ta’ kwalunkwe strument legali ieħor kif imsemmi fil-paragrafu 1(d). Kopja ċċertifikata tal-kuntratt(i) tal-assigurazzjoni jew tal-kuntratt(i) finanzjarju/finanzjarji kif ukoll il-modifikazzjonijiet sussegwenti kollha tiegħu/tagħhom għandhom jiġu ppreżentati quddiem il-Bord Eżekuttiv TIR, inkluża traduzzjoni ċċertifikata, jekk ikun meħtieġ, bl-Ingliż, bil-Franċiż jew bir-Russu;

(vi)

li tipprovdi lill-Bord Eżekuttiv TIR, sal-1 ta’ Marzu ta’ kull sena, bil-prezz ta’ kull tip ta’ Carnets TIR li toħroġ;

(vii)

li tħalli lill-awtoritajiet kompetenti jivverifikaw ir-rekords u l-kotba tal-kontijiet kollha miżmuma li jkunu relatati mal-amministrazzjoni tal-proċedura TIR;

(viii)

li taċċetta proċedura biex it-tilwim li jinqala’ minħabba użu mhux xieraq jew inkorrett tal-Carnets TIR jiġi solvut b’mod effiċjenti, u kull meta jkun possibbli mingħajr ma jsir rikors għall-qrati;

(ix)

li tikkonforma strettament mad-deċiżjonijiet tal-awtoritajiet kompetenti tal-Parti Kontraenti fejn hija stabbilita rigward ir-revoka jew l-irtirar tal-awtorizzazzjoni skont l-Artikolu 6 tal-Konvenzjoni u skont il-Parti II ta’ dan l-Anness jew rigward l-esklużjoni ta’ persuni skont l-Artikolu 38 tal-Konvenzjoni;

(x)

li taqbel li timplimenta fedelment id-deċiżjonijiet kollha adottati mill-Kumitat Amministrattiv u mill-Bord Eżekuttiv TIR sakemm l-awtoritajiet kompetenti tal-Parti Kontraenti fejn hija stabbilita l-assoċjazzjoni jkunu aċċettawhom.