6.10.2011 |
MT |
Il-Ġurnal Uffiċjali tal-Unjoni Ewropea |
L 262/54 |
DEĊIŻJONI TAL-KUMITAT KONĠUNT TAŻ-ŻEE
Nru 83/2011
tal-1 ta’ Lulju 2011
li temenda l-Anness XVI (Akkwist) tal-Ftehim taż-ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat permezz tal-Protokoll li jaġġusta l-Ftehim dwar iż-Żona Ekonomika Ewropea, minn issa ’l quddiem imsejjaħ “il-Ftehim”, u b’mod partikolari l-Artikolu 98 tiegħu,
Billi:
(1) |
L-Anness XVI tal-Ftehim kien emendat permezz tad-Deċiżjoni tal-Kumitat Konġunt taż-ŻEE Nru 14/2010 tad-29 ta’ Jannar 2010 (1). |
(2) |
Ir-Regolament tal-Kummissjoni (KE) Nru 1150/2009 tal-10 ta’ Novembru 2009 li jemenda r-Regolament (KE) Nru 1564/2005 dwar formoli standard għall-pubblikazzjoni ta’ avviżi fil-qafas ta’ proċeduri ta’ akkwist pubbliku skont id-Direttivi tal-Kunsill 89/665/KEE u 92/13/KEE (2), għandu jiġi inkorporat fil-Ftehim. |
(3) |
Ir-Regolament tal-Kummissjoni (KE) Nru 1177/2009 tat-30 ta’ Novembru 2009 li jemenda d-Direttivi 2004/17/KE, 2004/18/KE u 2009/81/KE tal-Parlament Ewropew u tal-Kunsill fir-rigward tal-limiti ta’ applikazzjonijiet għall-proċeduri tal-għoti tal-kuntratti (3), għandu jiġi inkorporat fil-Ftehim. |
(4) |
Id-Direttiva 2007/66/KE tal-Parlament Ewropew u tal-Kunsill tal-11 ta’ Diċembru 2007 li temenda d-Direttivi tal-Kunsill 89/665/KEE u 92/13/KEE fir-rigward tat-titjib fl-effettività ta’ proċeduri ta’ reviżjoni dwar l-għoti ta’ kuntratti pubbliċi (4), għandha tiġi inkorporata fil-Ftehim, |
ADOTTA DIN ID-DEĊIŻJONI:
Artikolu 1
L-Anness XVI tal-Ftehim għandu jiġi emendat kif ġej:
1. |
L-inċiż li ġej għandu jiżdied fil-punt 2 (id-Direttiva 2004/18/KE tal-Parlament Ewropew u tal-Kunsill) u fil-punt 4 (id-Direttiva 2004/17/KE tal-Parlament Ewropew u tal-Kunsill):
|
2. |
Dan li ġej għandu jiddaħħal fil-punt 5 (id-Direttiva tal-Kunsill 89/665/KEE): “ , kif emendat permezz ta’:
|
3. |
It-test fl-adattament (b) tal-punt 5 (id-Direttiva tal-Kunsill 89/665/KEE) għandu jiġi sostitwit bit-test li ġej: “Ir-referenza għall-‘Artikolu 234 tat-Trattat’ fl-Artikolu 2(9) għandha tiġi sostitwita, għall-Istati tal-EFTA, bir-referenza għall-‘Artikolu 34 tal-Ftehim bejn l-Istati tal-EFTA dwar it-twaqqif ta’ Awtorità tas-Sorveljanza u Qorti tal-Ġustizzja’.” |
4. |
L-inċiż li ġej għandu jiżdied mal-punt 5a (id-Direttiva tal-Kunsill 92/13/KEE):
|
5. |
It-test fl-adattament (b) tal-punt 5a (id-Direttiva tal-Kunsill 92/13/KEE) għandu jiġi sostitwit bit-test li ġej: “Ir-referenza għall-‘Artikolu 234 tat-Trattat’ fl-Artikolu 2(9) għandha tiġi sostitwita, għall-Istati tal-EFTA, bir-referenza għall-‘Artikolu 34 tal-Ftehim bejn l-Istati tal-EFTA dwar it-twaqqif ta’ Awtorità tas-Sorveljanza u Qorti tal-Ġustizzja.” |
6. |
It-test fl-adattament (c) u (d) fil-punt 5a (id-Direttiva tal-Kunsill 92/13/KEE) u fl-Appendiċi 14 (L-AWTORITAJIET NAZZJONALI LI JISTGĦU JIĠU INDIRIZZATI LILHOM TALBIET GĦALL-APPLIKAZZJONI TAL-PROĊEDURA TA’ KONĊILJAZZJONI MSEMMIJA FL-ARTIKOLU 9 TAD-DIRETTIVA TAL-KUNSILL 92/13/KEE) għandu jitħassar. |
7. |
L-inċiż li ġej għandu jiżdied mal-punt 6c (ir-Regolament tal-Kummissjoni (KE) Nru 1564/2005):
|
Artikolu 2
It-testi tar-Regolamenti (KE) Nru 1150/2009 u (KE) Nru 1177/2009, u tad-Direttiva 2007/66/KE fil-lingwa Islandiża u dik Norveġiża, li għandhom jiġu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fit-2 ta’ Lulju 2011, sakemm in-notifiki kollha skont l-Artikolu 103(1) tal-Ftehim ikunu saru lill-Kumitat Konġunt taż-ŻEE (*).
Artikolu 4
Din id-Deċiżjoni għandha tiġi ppubblikata fis-Sezzjoni taż-ŻEE ta’ Il-Ġurnal Uffiċjali tal-Unjoni Ewropea u fis-Suppliment taż-ŻEE tiegħu.
Magħmul fi Brussell, l-1 ta’ Lulju 2011.
Għall-Kumitat Konġunt taż-ŻEE
Il-President
Kurt JÄGER
(1) ĠU L 101, 22.4.2010, p. 24.
(2) ĠU L 313, 28.11.2009, p. 3.
(3) ĠU L 314, 1.12.2009, p. 64.
(4) ĠU L 335, 20.12.2007, p. 31.
(*) Ir-rekwiżiti kostituzzjonali huma indikati.