(1)

L-Anness I tal-Ftehim kien emendat bid-Deċiżjoni tal-Kumitat Konġunt taż-ŻEE Nru 60/2010 tal-11 ta’ Ġunju 2010 (1).

(2)

Ir-Regolament tal-Kummissjoni (KE) Nru 180/2008 tat-28 ta’ Frar 2008 li jikkonċerna l-laboratorju ta’ referenza tal-Komunità għall-mard tal-ekwini għajr għall-marda Afrikana taż-żwiemel u li jemenda l-Anness VII tar-Regolament (KE) Nru 882/2004 tal-Parlament Ewropew u tal-Kunsill (2) għandu jiġi inkorporat fil-Ftehim.

(3)

Ir-Regolament tal-Kummissjoni (KE) Nru 616/2009 tat-13 ta’ Lulju 2009 li jimplimenta d-Direttiva tal-Kunsill 2005/94/KE dwar l-approvazzjoni ta’ kompartimenti għat-tjur u ta’ kompartimenti għal għasafar maqbuda oħrajn fir-rigward tal-influwenza avjarja u miżuri ta’ bijosikurezza preventivi addizzjonali f’kompartimenti (3) simili għandu jiġi inkorporat fil-Ftehim.

(4)

Ir-Regolament tal-Kummissjoni (KE) Nru 789/2009 tat-28 ta’ Awwissu 2009 li jemenda r-Regolament (KE) Nru 1266/2007 fir-rigward tal-ħarsien kontra attakki minn vetturi u r-rekwiżiti minimi għall-programmi ta’ monitoraġġ u sorveljanza tal-bluetongue (4) għandu jiġi inkorporat fil-Ftehim.

(5)

Ir-Regolament tal-Kummissjoni (KE) Nru 1156/2009 tas-27 ta’ Novembru 2009 li jemenda r-Regolament (KE) Nru 1266/2007 fir-rigward tal-kondizzjonijiet għall-eżenzjoni ta’ ċerti annimali ta’ speċijiet suxxettibbli mill-projbizzjoni tal-ħruġ stipulata fid-Direttiva tal-Kunsill 2000/75/KE (5) għandu jiġi inkorporat fil-Ftehim.

(6)

Id-Direttiva tal-Kunsill 2008/119/KE tat-18 ta’ Diċembru 2008 li tistabbilixxi l-istandards minimi għall-protezzjoni tal-għoġġiela (6) għandha tiġi inkorporata fil-Ftehim.

(7)

Id-Direttiva tal-Kunsill 2009/157/KE tat-30 ta’ Novembru 2009 dwar annimali tal-ispeċijiet bovini ta’ razza pura għat-tnissil (7) għandha tiġi inkorporata fil-Ftehim.

(8)

Id-Deċiżjoni tal-Kummissjoni 2009/437/KE tat-8 ta’ Ġunju 2009 li temenda d-Deċiżjoni 2007/268/KE dwar l-implimentazzjoni ta’ programmi ta’ sorveljanza għall-influwenza avjarja fit-tjur u fl-għasafar selvaġġi li għandha titwettaq fl-Istati Membri (8) għandha tiġi inkorporata fil-Ftehim.

(9)

Id-Deċiżjoni tal-Kummissjoni 2009/600/KE tal-5 ta’ Awwissu 2009 li temenda d-Deċiżjoni 2003/467/KE fir-rigward tad-dikjarazzjoni li ċerti Stati Membri u reġjuni tagħhom huma uffiċjalment ħielsa mill-bruċellosi bovina (9) għandha tiġi inkorporata fil-Ftehim

(10)

Id-Deċiżjoni tal-Kummissjoni 2009/601/KE tal-5 ta’ Awwissu 2009 li temenda l-Anness I tad-Deċiżjoni 2004/233/KE fir-rigward tal-entrati għall-Ġermanja fil-lista ta’ laboratorji awtorizzati li jiċċekkjaw l-effettività tal-vaċċinazzjoni kontra l-idrofobija f’ċerti karnivori domestiċi (10) għandha tiġi inkorporata fil-Ftehim.

(11)

Id-Deċiżjoni tal-Kummissjoni 2009/621/KE tal-20 ta’ Awwissu 2009 li temenda d-Deċiżjoni 2008/185/KE fir-rigward tal-inklużjoni tal-Irlanda ta’ Fuq fil-lista ta’ reġjuni fejn hemm stabbilit programm approvat ta’ kontroll nazzjonali għall-marda Aujeszky (11) għandha tiġi inkorporata fil-Ftehim.

(12)

Id-Deċiżjoni tal-Kummissjoni 2009/761/KE tal-15 ta’ Ottubru 2009 li temenda d-Deċiżjoni 2003/467/KE fir-rigward tad-dikjarazzjoni li l-Iskozja hi uffiċjalment ħielsa mit-tuberkolosi bovina (12) għandha tiġi inkorporata fil-Ftehim.

(13)

Id-Deċiżjoni tal-Kummissjoni 2009/779/KE tat-22 ta’ Ottubru 2009 li temenda l-Anness I tad-Deċiżjoni 2004/233/KE fir-rigward tad-daħliet għad-Danimarka fil-lista ta’ laboratorji awtorizzati biex jiċċekkjaw l-effettività tal-vaċċinazzjoni kontra l-idrofobija f’ċerti karnivori domestiċi (13) għandha tiġi inkorporata fil-Ftehim.

(14)

Id-Deċiżjoni tal-Kummissjoni 2009/869/KE tas-27 ta’ Novembru 2009 li temenda l-Annessi XI, XII, XV u XVI tad-Direttiva tal-Kunsill 2003/85/KE fir-rigward tal-lista taal-laboratorji awtorizzati jimmaniġġjaw il-vajrus ħaj tal-marda tal-ilsien u d-dwiefer u l-istandards minimi ta’ sigurtà applikabbli għalihom (14) għandha tiġi inkorporata fil-Ftehim.

(15)

Id-Deċiżjoni tal-Kummissjoni 2009/976/KE tal-15 ta’ Diċembru 2009 li temenda l-Anness D tad-Direttiva tal-Kunsill 64/432/KEE fir-rigward ta’ testijiet dijanjostiċi għal-lewkożi enzootika bovina (15) għandha tiġi inkorporata fil-Ftehim.

(16)

Id-Direttiva 2008/119/KE tħassar id-Direttiva tal-Kunsill 91/629/KE (16) li hi inkorporata fil-Ftehim u għalhekk għandha titħassar skont il-Ftehim,

(17)

Id-Direttiva 2009/157/KE tħassar id-Direttiva tal-Kunsill 77/504/KE (17) li hi inkorporata fil-Ftehim u għalhekk għandha titħassar skont il-Ftehim,

(18)

Din id-Deċiżjoni tikkonċerna l-leġiżlazzjoni rigward l-annimali ħajjin għajr il-ħut u l-annimali tal-akwakultura. Il-leġiżlazzjoni li tikkonċerna dawn il-kwistjonijiet ma tapplikax għall-Islanda, kif speċifikat fil-paragrafu 2 tal-Parti Introduttorja tal-Kapitolu I tal-Anness I ta’ mal-Ftehim.

(19)

Din id-Deċiżjoni m’għandhiex tapplika għall-Islanda u għal-Liechtenstein.