|
16.12.2010 |
MT |
Il-Ġurnal Uffiċjali tal-Unjoni Ewropea |
L 332/54 |
DEĊIŻJONI TAL-KUMITAT KONĠUNT TAŻ-ŻEE
Nru 104/2010
tal-1 ta' Ottubru 2010
li temenda l-Anness XIII (Trasport) tal-Ftehim taż-ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat permezz tal-Protokoll li jaġġusta l-Ftehim dwar iż-Żona Ekonomika Ewropea, minn issa ’l quddiem imsejjaħ “il-Ftehim”, u b'mod partikolari l-Artikolu 98 tiegħu,
Billi:
|
(1) |
L-Anness XIII tal-Ftehim ġie emendat mid-Deċiżjoni tal-Kumitat Konġunt taż-ŻEE Nru 90/2010 tal-2 ta' Lulju 2010 (1). |
|
(2) |
Id-Deċiżjoni tal-Kummissjoni 2009/810/KE tat-22 ta' Settembru 2008 li tfassal il-formola standard għar-rappurtar imsemmija fl-Artikolu 17 tar-Regolament (KE) Nru 561/2006 tal-Parlament Ewropew u tal-Kunsill (2) trid tiġi inkorporata fil-Ftehim. |
|
(3) |
Id-Deċiżjoni 2009/810/KE tħassar id-Deċiżjoni tal-Kummissjoni 93/173/KEE (3), li hi inkorporata fil-Ftehim u li konsegwentement għandha titħassar skont il-Ftehim. |
IDDEĊIEDA KIF ĠEJ:
Artikolu 1
L-Anness XIII tal-Ftehim għandu jiġi emendat kif ġej:
|
1. |
Il-punt li ġej għandu jiġi miżjud wara l-punt 24e (Regolament (KE) Nru 561/2006 tal-Parlament Ewropew u tal-Kunsill):
|
|
2. |
It-test tal-punt 20a (Deċiżjoni tal-Kummissjoni 93/173/KEE) għandu jitħassar. |
Artikolu 2
It-testi tad-Deċiżjoni 2009/810/KE fil-lingwa tal-Islanda u fil-lingwa Norveġiża, li għandhom jiġu ppubblikati fis-Suppliment taż-ŻEE ma' Il-Ġurnal Uffiċjali tal-Unjoni Ewropea, għandhom jitqiesu li huma awtentiċi.
Artikolu 3
Din id-Deċiżjoni għandha tidħol fis-seħħ nhar l-1 ta' Novembru 2010, kemm-il darba ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE (*).
Artikolu 4
Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta' Il-Ġurnal Uffiċjali tal-Unjoni Ewropea.
Magħmul fi Brussell, l-1 ta’ Ottubru 2010.
Għall-Kumitat Konġunt taż-ŻEE
Il-President
Stefán Haukur JÓHANNESSON
(1) ĠU L 277, 21.10.2010, p. 43.
(2) ĠU L 289, 5.11.2009, p. 9.
(3) ĠU L 72, 25.3.1993, p. 33.
(*) Mhuma indikati l-ebda rekwiżiti kostituzzjonali.