|
16.12.2010 |
MT |
Il-Ġurnal Uffiċjali tal-Unjoni Ewropea |
L 332/48 |
DEĊIŻJONI TAL-KUMITAT KONĠUNT TAŻ-ŻEE
Nru 98/2010
tal-1 ta’ Ottubru 2010
li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jaġġusta l-Ftehim dwar iż-Żona Ekonomika Ewropea, minn issa ‘l quddiem imsejjaħ “il-Ftehim”, u b’mod partikolari l-Artikolu 98 tiegħu,
Billi:
|
(1) |
L-Anness I tal-Ftehim ġie emendat bid-Deċiżjoni tal-Kumitat Konġunt taż-ŻEE Nru 43/2010 tat-30 ta’ April 2010 (1). |
|
(2) |
Ir-Regolament tal-Kummissjoni (KE) Nru 637/2009 tat-22 ta’ Lulju 2009 li jistabbilixxi regoli ta’ implimentazzjoni dwar kemm ikunu xierq l-ismijiet mogħtija lil ċerti varjetajiet ta’ speċji ta’ pjanti agrikoli u speċji ta’ ħaxix tal-ikel (2) għandu jiġi inkorporat fil-Ftehim. |
|
(3) |
Ir-Regolament (KE) Nru 637/2009 jħassar ir-Regolament tal-Kummissjoni (KE) Nru 930/2000 (3) li hu inkluż fil-Ftehim u li konsegwentement għandu jitħassar skont il-Ftehim. |
|
(4) |
Din id-Deċiżjoni m’għandhiex tapplika għal-Liechtenstein, |
IDDEĊIEDA KIF ĠEJ:
Artikolu 1
It-test tal-punt 18 (Ir-Regolament tal-Kummissjoni (KE) Nru 930/2000) tal-Parti 2 tal-Kapitolu III tal-Anness I tal-Ftehim għandu jinbidel b’dan li ġej:
“32009 R 0637: Ir-Regolament tal-Kummissjoni (KE) Nru 637/2009 tat-22 ta’ Lulju 2009 li jistabbilixxi regoli ta’ implimentazzjoni dwar kemm ikunu xierqa l-ismijiet mogħtija lil ċerti varjetajiet ta’ speċji ta’ pjanti agrikoli u speċji ta’ ħaxix tal-ikel (ĠU L 191, 23.7.2009, p. 10).
Id-dispożizzjonijiet tar-Regolament għandhom, għall-iskopijiet tal-Ftehim preżenti, jinqraw bl-addattazzjoni li ġejja:
Referenzi għal atti oħra fir-Regolament għandhom ikunu kkunsidrati bħala rilevanti safejn u fil-forma li dawk l-atti huma inkorporati fil-Ftehim.”
Artikolu 2
It-testi tar-Regolament (KE) Nru 637/2009, fil-lingwa Islandiża u dik Norveġiża, li għandhom jiġu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fl-1 ta’ Novembru 2010, sakemm in-notifiki kollha taħt l-Artikolu 103(1) tal-Ftehim ikunu saru lill-Kumitat Konġunt taż-ŻEE (*).
Artikolu 4
Din id-Deċiżjoni għandha tiġi ppubblikata fit-Taqsima taż-ŻEE u fis-Suppliment taż-ŻEE ta’ Il-Ġurnal Uffiċjali tal-Unjoni Ewropea.
Magħmul fi Brussell, l-1 ta’ Ottubru 2010.
Għall-Kumitat Konġunt taż-ŻEE
Il-President
Stefán Haukur JÓHANNESSON
(1) ĠU L 181, 15.7.2010, p. 11.
(2) ĠU L 191, 23.7.2009, p. 10.
(*) L-ebda rekwiżiti kostituzzjonali ma huma indikati.