|
20.11.2008 |
MT |
Il-Ġurnal Uffiċjali ta’ l-Unjoni Ewropea |
L 309/39 |
DEĊIŻJONI TAL-KUMITAT KONĠUNT TAŻ-ŻEE
Nru 109/2008
tas-26 ta’ Settembru 2008
li temenda l-Protokoll 31 tal-Ftehim taż-ŻEE, dwar koperazzjoni f’oqsma speċifiċi lil hinn mill-erba’ libertajiet
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jaġġusta l-Ftehim taż-Żona Ekonomika Ewropea, minn hawn ‘il quddiem imsejjaħ “il-Ftehim”, u b’mod partikolari l-Artikoli 86 u 98 tiegħu,
Billi:
|
(1) |
Il-Protokoll 31 tal-Ftehim kien emendat bid-Deċiżjoni tal-Kumitat Konġunt taż-ŻEE Nru 41/2006 tal-10 ta’ Marzu 2006 (1). |
|
(2) |
Huwa xieraq li tiġi estiża l-koperazzjoni tal-Partijiet Kontraenti tal-Ftehim sabiex tiġi inkluża d-Deċiżjoni tal-Kummissjoni 2008/49/KE tat-12 ta’ Diċembru 2007 li tikkonċerna l-implimentazzjoni tas-Sistema ta’ Tagħrif tas-Suq Intern (STSI) fir-rigward l-protezzjoni tad-dejta personali (2). |
|
(3) |
Il-Protokoll 31 tal-Ftehim għandu jiġi għalhekk emendat sabiex jippermetti li din il-koperazzjoni estiża sseħħ. |
|
(4) |
Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni ta’ individwu fir-rigward tal-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment liberu ta’ dik id-dejta (3) ma ġiex inkorporat fil-Ftehim, |
IDDEĊIEDA DAN LI ĠEJ:
Artikolu 1
Is-subinċiż li ġej għandu jiżdied fir-raba’ inċiż tal-Artikolu 17(5)(b) (Deċiżjoni Nru 2004/387/KE tal-Parlament Ewropew u tal-Kunsill) tal-Protokoll 31 tal-Ftehim:
|
“— |
32008 D 0049: Deċiżjoni tal-Kummissjoni 2008/49/KE tat-12 ta’ Diċembru 2007 li tikkonċerna l-implimentazzjoni tas-Sistema ta’ Tagħrif tas-Suq Intern (STSI) fir-rigward tal-protezzjoni tad-dejta personali (ĠU L 13, 16.1.2008, p. 18).” |
Artikolu 2
Din id-Deċiżjoni għandha tidħol fis-seħħ fil-jum ta’ wara l-aħħar notifika tal-Kumitat Konġunt taż-ŻEE taħt l-Artikolu 103(1) tal-Ftehim (*).
Artikolu 3
Din id-Deċiżjoni għandha tiġi ppubblikata fis-Sezzjoni taż-ŻEE u fis-Suppliment taż-ŻEE tal-Ġurnal Uffiċjali ta’ l-Unjoni Ewropea.
Magħmula fi Brussell, 26 ta’ Settembru 2008.
Għall-Kumitat Konġunt taż-ŻEE
Il-President
L-A.S.T. Prinz Nikolaus von LIECHTENSTEIN
(1) ĠU L 147, 1.6.2006, p. 64.
(2) ĠU L 13, 16.1.2008, p. 18.
(*) Ir-rekwiżiti kostituzzjonali indikati.