25.9.2008

Il-Ġurnal Uffiċjali ta’ l-Unjoni Ewropea

L 257/19

DEĊIŻJONI TAL-KUMITAT KONĠUNT TAŻ-ŻEE

Nru 60/2008

tas-6 ta’ Ġunju 2008

li temenda l-Anness I (Kwistjonijiet veterinarji u fitosanitarji) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn 'il quddiem imsejjaħ “il-Ftehim”, u b’mod partikolari l-Artikolu 98 tiegħu,

Billi:

(1)	L-Anness I tal-Ftehim kien emendat bid-Deċiżjoni tal-Kumitat Konġunt taż-ŻEE Nru 44/2008 tal-25 ta’ April 2008 (1).

(2)

Id-Deċiżjoni tal-Kummissjoni 2007/852/KE tat-13 ta’ Diċembru 2007 li temenda d-Deċiżjoni 2005/5/KE rigward provi u testijiet komparattivi tal-Komunità fuq żrieragħ u materjal ta’ propagazzjoni ta’ l-Asparagus officinalis skond id-Direttiva tal-Kunsill 2002/55/KE (2) għandha tkun integrata fil-Ftehim.

(3)

Id-Deċiżjoni tal-Kummissjoni 2007/853/KE tat-13 ta’ Diċembru 2007 dwar il-kontinwazzjoni fis-sena 2008 ta’ provi u testijiet komparattivi tal-Komunità fuq żerriegħa u materjal għat-tixrid ta’ l-Asparagus officinali skond id-Direttiva tal-Kunsill 2002/55/KE (3) u li nbdew fl-2005 għandha tkun integrata fil-Ftehim.

(4)	Din id-Deċiżjoni m’għandhiex tapplika għal-Liechtenstein,

IDDEĊIEDA KIF ĠEJ:

Artikolu 1

Parti 2 ta’ Kapitolu III ta’ L-Anness I tal-Ftehim għandha tkun emenda kif inhu ġej:

(1)

Li ġej għandu jinżdied fil-punt 39 (Deċiżjoni tal-Kummissjoni 2005/5/KE):

“, kif emendat b’li ġej:

—	32007 D 0852: Id-Deċiżjoni tal-Kummissjoni 2007/852/KE tat-13 ta’ Diċembru 2007 (ĠU L 335, 20.12.2007, p. 57).”

(2)

Il-punt li ġej għandu jkun miżjud wara l-punt 50 (id-Deċiżjoni tal-Kummissjoni 2007/66/KE):

“51.

32007 D 0853: Id-Deċiżjoni tal-Kummissjoni 2007/853/KE tat-13 ta’ Diċembru 2007 dwar il-kontinwazzjoni fis-sena 2008 ta’ provi u testijiet komparattivi tal-Komunità fuq żerriegħa u materjal għat-tixrid ta’ l-Asparagus officinali skond id-Direttiva tal-Kunsill 2002/55/KE u li nbdew fl-2005 (ĠU L 335, 20.12.2007, p. 59)”

Artikolu 2

It-testi tad-Deċiżjonijiet 2007/852/KE u 2007/853/KE fil-lingwa Iżlandiża u dik Norveġiża, li se jiġu ppubblikati fis-Suppliment taż-ŻEE tal-Ġurnal Uffiċjali ta’ l-Unjoni Ewropea, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ fis-7 ta’ Ġunju 2008, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

Artikolu 4

Din id-Deċiżjoni għandha tkun ippublikata fis-Sezzjoni ŻEE u fis-Suppliment ŻEE tal-Ġurnal Uffiċjali ta’ l-Unjoni Ewropea.

Magħmula fi Brussell, 6 ta’ Ġunju 2008.

Għall-Kumitat Konġunt taż-ŻEE

Il-President

Alan SEATTER

(1) ĠU L 223, 21.8.2008, p. 37.

(2) ĠU L 335, 20.12.2007, p. 57.

(3) ĠU L 335, 20.12.2007, p. 59.

(*) Ebda rekwiżiti kostituzzjonali m’huma indikati.