5.6.2007 |
MT |
Il-Ġurnal Uffiċjali ta’ l-Unjoni Ewropea |
408 |
DEĊIŻJONI Nru 1/2006 TAL-KUMITAT TAL-KOMUNITÀ/L-IŻVIZZERA DWAR IT-TRASPORT BL-AJRU
tat-18 ta' Ottubru 2006
li temenda l-Anness tal-Ftehim bejn il-Komunità Ewropea u l-Konfederazzjoni Żvizzera dwar it-Trasport bl-Ajru
(2006/727/KE)
IL-KUMITAT DWAR IT-TRASPORT BL-AJRU TAL-KOMUNITÀ/L-IŻVIZZERA,
Wara li kkunsidra l-Ftehim bejn il-Komunità Ewropea u l-Konfederazzjoni Żvizzera dwar it-Trasport bl-Ajru, minn hawn “il quddiem 'il-Ftehim”, u b'mod partikolari l-Artikolu 23(4) tiegħu,
IDDEĊIEDA KIF ĠEJ:
Artikolu 1
1. Li ġej għandu jiżdied mal-punt 1 (It-tielet pakkett ta' l-avjazzjoni ta' liberalizzazzjoni u regoli oħra ta' l-avjazzjoni ċivili) ta' l-Anness għall-Ftehim, wara r-referenza għar-Regolament tal-Kunsill Nru 2027/97:
“Nru 889/2002
Ir-Regolament tal-Parlament Ewropew u tal-Kunsill (KE) Nru 889/2002 tat-13 ta' Mejju 2002 li jemenda r-Regolament tal-Kunsill (KE) Nru 2027/97 dwar ir-responsabbiltà ta' trasportaturi bl-ajru fl-eventwalità ta' inċidenti
(Artikolu 1-2)”.
2. Li ġej għandu jiżdied mal-punt 1 (It-tielet pakkett ta' l-avjazzjoni ta' liberalizzazzjoni u regoli oħra ta' l-avjazzjoni ċivili) ta' l-Anness għall-Ftehim, wara r-referenza għar-Regolament tal-Kunsill Nru 95/93:
“Nru 793/2004
Ir-Regolament tal-Parlament Ewropew u tal-Kunsill (KE) Nru 793/2004 tal-21 ta' April 2004 li jemenda r-Regolament tal-Kunsill (KEE) Nru 95/93 dwar regoli komuni għall-allokazzjoni ta' perjodi ta' użu fl-iskeda ta' l-ajruporti tal-Komunità
(Artikolu 1-2)”.
Artikolu 2
Li ġej għandu jiżdied mal-punt 5 (Sikurezza ta' l-Ajru) ta' l-Anness għall-Ftehim:
“Nru 2003/42
Id-Direttiva tal-Parlament Ewropew u tal-Kunsill 2003/42/KE tat-13 ta' Ġunju 2003 dwar rapporti ta' okkorrenza fl-avjazzjoni ċivili
(Artikolu 1-12)”.
Artikolu 3
1. Li ġej għandu jiżdied mal-punt 5 (Sikurezza ta' l-Avjazzjoni) ta' l-Anness għall-Ftehim, wara r-referenza għar-Regolament tal-Kummissjoni (KE) Nru 1138/2004 kif imdaħħla mill-Artikolu 1 paragrafu 5 tad-Deċiżjoni Nru 1/2005 tal-Kumitat tal-Komunità/l-Iżvizzera dwar it-Trasport bl-Ajru tat-12 ta' Lulju 2005 (1):
“Nru 781/2005
Ir-Regolament tal-Kummissjoni (KE) Nru 781/2005 ta' l-24 ta' Mejju 2005 li jemenda r-Regolament (KE) Nru 622/2003 li jistabbilixxi l-miżuri sabiex jiġu implimentati l-istandards bażiċi komuni dwar is-sigurtà fl-avjazzjoni
(Artikolu 1-2)”.
2. Li ġej għandu jiżdied mal-punt 5 (Sikurezza ta' l-Avjazzjoni) ta' l-Anness għall-Ftehim, wara l-inklużjoni msemmija fl-Artikolu 1(1) ta' din id-Deċiżjoni:
“Nru 857/2005
Ir-Regolament tal-Kummissjoni (KE) Nru 857/2005 tas-6 ta' Ġunju 2005 li jemenda r-Regolament (KE) Nru 622/2003 li jistabbilixxi l-miżuri sabiex jiġu implimentati l-istandards bażiċi komuni dwar is-sigurtà fl-avjazzjoni
(Artikolu 1-2)”.
Artikolu 4
1. Li ġej għandu jiżdied mal-punt 6 (Oħrajn) ta' l-Anness għall-Ftehim:
“Nru 261/2004
Ir-Regolament tal-Parlament Ewropew u tal-Kunsill (KE) Nru 261/2004 tal-11 ta' Frar 2004 li jistabbilixxi regoli komuni dwar il-kumpens u l-assistenza għal passiġġieri fil-każ li ma jitħallewx jitilgħu u ta' kanċellazzjoni jew dewmien twil ta' titjiriet, u li li jħassar ir-Regolament (KEE) Nru 295/91
(Artikolu 1-18)”.
2. Li ġej għandu jiżdied mal-punt 6 (Oħrajn) ta' l-Anness għall-Ftehim:
“Nru 2003/96
Id-Direttiva tal-Kunsill 2003/96 tas-27 ta' Ottubru 2003 li tirriforma l-istruttura tal-Komunità dwar tassazzjoni fuq prodotti ta' enerġija u elettriku
(Artikolu 14 paragrafu 1(b) u paragrafu 2)”.
3. F'punt 6 (Oħrajn) ta' l-Anness għall-ftehim, ir-referenza għar-Regolament tal-Kunsill Nru 295(91), revokata mir-Regolament Nru 261/2004, għandha titħassar.
Artikolu 5
Din id-Direttiva għandha tiġi ppubblikata fil-Ġurnal Uffiċjali ta' l-Unjoni Ewropea u fil-Kompendju Uffiċjali tal-Liġi Federali Żvizzera. Tidħol fis-seħħ fl-ewwel jum tat-tieni xahar wara l-adozzjoni tagħha.
Magħmul fi Brussell, nhar it-18 ta' Ottubru 2006.
Għall-Kumitat Konġunt
Il-Kap tad-Delegazzjoni tal-Komunità
Daniel CALLEJA CRESPO
Il-Kap tad-Delegazzjoni Żvizzera
Raymond CRON
(1) ĠU L 210, 12.8.2005, p. 46.