li temenda l-Konvenzjoni ta' l-20 ta' Mejju 1987 dwar proċedura ta’ transitu komuni

Wara li kkunsidra l-Konvenzjoni ta' l-20 ta' Mejju 1987 dwar proċedura ta' transitu komuni (1), (minn issa 'l quddiem imsejħa “il-Konvenzjoni”), u b'mod partikolari l-Artikolu 15(3)(a) tagħha,

1. Din id-Deċiżjoni għandha tidħol fis-seħħ fid-data ta' l-adozzjoni tagħha.

2. Il-formoli bbażati fuq il-formoli kampjun fl-Annessi B1, B2, B4, B5 u B6 għall-Appendiċi III jistgħu jibqgħu jintużaw, soġġetti għall-adattamenti ġeografiċi meħtieġa u għall-adattamenti dwar l-indirizz ta' notifika jew l-aġent awtorizzat, sa mhux aktar tard mill-31 ta' Diċembru 2006.

ANNESS C

L-Appendiċi III huwa emendat kif ġej:

Fl-Anness A7, it-Titolu II, it-Taqsima I għandha tiġi emendata kif ġej:

Taħt il-Kaxxa 2, it-tielet paragrafu, għandu jiżdied l-inċiż li ġej:

“—

Diverși”

Taħt il-Kaxxa 31, fl-ewwel paragrafu, għandu jiżdied l-inċiż li ġej:

“—

Vrac”

ċ)

Taħt il-Kaxxa 40, għandu jiżdied l-inċiż li ġej:

“—

Diverși”

Fl-Anness A8, il-Parti B għandha tiġi emendata kif ġej:

Taħt il-Kaxxa 2, għandu jiżdied l-inċiż li ġej:

“—

Diverși”

Taħt il-Kaxxa 14, l-ewwel paragrafu, għandu jiżdied l-inċiż li ġej:

“—

Expeditor”

ċ)

Taħt il-Kaxxa 31, l-ewwel paragrafu, għandu jiżdied l-inċiż li ġej:

“—

Vrac”

Fl-Anness A9, taħt il-kaxxa 51, għandu jiddaħħal il-kodiċi li ġej fil-lista bejn il-kodiċi applikabbli għan-Norveġja u l-Isvizzera:

“Rumanija

RO”

L-Anness B1 għandu jiġi sostitwit b'dan li ġej:

"ANNESS B1

PROĊEDURA TA' TRANSITU KOMUNI/KOMUNITARJA

Test ta 'immaġni

DOKUMENT TA' GARANZIJA

GARANZIJA INDIVIDWALI

I. Impenn tal-garanti

1. Is-sottoskritt (1)

residenti fi (2)

b'dan in solidum jiggarantixxi, fl-uffiċċju ta' garanzija ta'

sa ammont massimu ta'

favur il-Komunità Ewropea magħmula mir-Renju tal-Bejġju, ir-Repubblika Ċeka, ir-Renju tad-Danimarka, ir-Repubblika Federali tal-Ġermanja, ir-Repubblika ta’ l-Estonja, ir-Repubblika Ellenika, ir-Renju ta’ Spanja, ir-Repubblika Franċiża, l-Irlanda, ir-Repubblika Taljana, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, il-Gran Dukat tal-Lussemburgu, ir-Repubblika ta’ l-Ungerija, ir-Repubblika ta’ Malta, ir-Renju ta’ l-Olanda, ir-Repubblika ta’ l-Awstrija, ir-Repubblika tal-Polonja, ir-Repubblika Portugiża, ir-Repubblika tas-Slovenja, ir-Repubblika Slovakka, ir-Repubblika tal-Finlandja, ir-Renju ta’ l-Isvezja, ir-Renju Unit tal-Gran Brittanja u l-Irlanda ta’ Fuq, u r-Repubblika ta’ l-Islanda, ir-Renju tan-Norveġja, ir-Rumanija, il-Konfederazzjoni Svizzera, il-Prinċipat ta’ Andorra u r-Repubblika ta’ San Marino (3), kwalunkwe ammont ta’prinċipali, responsabbiltajiet ulterjuri, spejjeż u inċidentali — iżda mhux multi — li għalihom il-prinċipal, (4)

jista' jkun jew isir responsabbli lejn il-pajjiżi msemmija hawn fuq fil-forma ta' dazju jew ħlasijiet oħra applikabbli għall-merkanzija deskritta hawn taħt imqiegħda taħt il-proċedura ta' transitu Komunitarja jew komuni mill-uffiċċju tat-tluq ta'

lejn l-uffiċċju ta' destinazzjoni ta'

Deskrizzjoni tal-merkanzija:

2. Is-sottoskritt jimpenja ruħu li jħallas is-somom mitluba ma' l-ewwel applikazzjoni bil-miktub mill-awtoritajiet kompetenti tal-pajjiżi msemmija fil-punt 1 u mingħajr il-possibbiltà ta' posponiment tal-ħlas ’l hinn minn perijodu ta' 30 jum mid-data ta' l-applikazzjoni, sakemm huwa jew kwalunkwe persuna oħra kkonċernata ma tistabbilixxix qabel jiskadi dak il-perijodu, għas-sodisfazzjon ta' l-awtoritajiet kompetenti, li l-operazzjoni ntemmet.

Fuq it-talba tas-sottoskritt u għal kwalunkwe raġuni rikonoxxuta bħala valida, l-awtoritajiet kompetenti jistgħu jiddifferixxu 'l hinn minn perijodu ta' 30 jum mid-data ta' applikazzjoni għal ħlas il-perijodu li fih huwa obbligat li jħallas is-somom mitluba. L-ispejjeż imġarrba bħala riżultat ta' l-għoti ta' dan il-perijodu addizzjonali, b'mod partikolari kwalunkwe imgħax, għandhom jiġu kkalkolati b'tali mod li l-ammont ikun ekwivalenti għal dak li jitħallas taħt ċirkostanzi simili fis-suq monetarju jew fis-suq finanzjarju fil-pajjiż ikkonċernat.

3. Dan l-impenn għandu jkun validu mill-jum ta' l-aċċettazzjoni tiegħu mill-uffiċċju ta' garanzija. Is-sottoskritt jibqa' responsabbli għall-ħlas ta' kwalunkwe dejn li jinqala' matul l-operazzjoni ta' transitu Komunitarja jew komuni kopert minn dan l-impenn u mibdi qabel ma tkun daħħlet fis-seħħ xi revoka jew seħħet kanċellazzjoni tal-garanzija, ukoll jekk it-talba għall-ħlas issir wara dik id-data.

(1) Kunjom u ismijiet, jew isem ta' l-impriża.

(2) L-indirizz sħiħ.

(3) Ħassar l-isem tal-Parti jew Partijiet jew Stati Kontraenti (Andorra jew San Marino) li m'hemmx transitu mit-territorju tagħhom. Ir-referenzi għall-Prinċipat ta' l-Andorra u r-Repubblika ta' San Marino għandhom japplikaw biss għall-operazzjonijiet ta' transitu Komunitarji.

(4) Il-kunjom u l-isem, jew isem ta' l-impriża u l-indirizz sħiħ tal-prinċipal.

Test ta 'immaġni

4. Għall-fini ta' dan l-impenn is-sottoskritt jagħti l-indirizz għal serivizz tiegħu 5 f'kull wieħed mill-pajjiżi l-oħra msemmija fil-paragrafu 1, kif ġej:

Pajjiż	Kunjom u ismijiet, jew isem ta' l-impriża, u l-indirizz sħiħ
…	…

Is-sottoskritt jirrikonoxxi li l-korrispondenza u l-avviżi kollha u kwalunkwe formalità jew proċedura marbuta ma' dan l-impenn indirizzati lil jew seħħew bil-miktub f'wieħed mill-indirizzi tiegħu ta' notifika għandhom jiġu aċċettati bħala debitament imwassla lilu.

Is-sottoskritt jirrikonoxxi l-ġurisdizzjoni tal-qrati tal-postijiet fejn għandu indirizz ta' notifika.

Is-sottoskritt jimpenja ruħu li ma jibdilx l-indirizzi tiegħu ta' notifika jew, li jekk ikollu jbiddel wieħed jew iktar minn dawk l-indirizzi, javża bil-quddiem lill-uffiċċju tal-garanzija.

Magħmul fi, fil-

(Firma) (6)

II. Aċċettazzjoni mill-uffiċċju ta' garanzija

Uffiċċju ta' garanzija L-impenn tal-garanti aċċettata fi … biex ikopri l-operazzjoni ta' transitu Komunitarja/komuni li seħħet taħt id-dikjarazzjoni ta' transitu Nru … ta' … (7)

(Timbru u firma)

(5) Jekk, fil-liġi tal-pajjiż, ma jkun hemm l-ebda dispożizzjoni dwar l-indirizz ta' notifika l-garanti għandu jaħtar, f'dan il-pajjiż, aġent awtorizzat biex jirċievi kwalunkwe komunikazzjoni indirizzata lilu u l-konferma fit-tieni subparagrafu u l-impenn fir-raba' subparagrafu tal-paragrafu 4 għandhom jikkorrispondu. Il-qrati tal-pajjiżi li fihom jinsabu l-indirizzi ta' notifika tal-garanti jew ta' l-aġenti tiegħu għandu jkollhom ġurisdizzjoni fit-tilwim rigward din il-garanzija.

(6) Il-persuna li qed tiffirma d-dokument għandha ddaħħal bil-kitba dan li ġej qabel il-firma tagħha: «Garanzija għall-ammont ta' …», fejn l-ammont jinkiteb bil-kliem.

(7) Trid titlesta mill-uffiċċju ta' tluq.

L-Anness B2 għandu jiġi sostitwit b'dan li ġej:

"ANNESS B2

PROĊEDURA TA' TRANSITU KOMUNI/KOMUNITARJA

Test ta 'immaġni

DOKUMENT TA' GARANZIJA

GARANZIJA INDIVIDWALI FIL-FORMA TA' DOKUMENTI TA' KREDITU

I. Impenn tal-garanti

1. Is-sottoskritt (1)

residenti fi (2)

b'dan in solidum jiggarantixxi, fl-uffiċċju tal-garanzija ta'

favur il-Komunità Ewropea magħmula mir-Renju tal-Bejġju, ir-Repubblika Ċeka, ir-Renju tad-Danimarka, ir-Repubblika Federali tal-Ġermanja, ir-Repubblika ta’ l-Estonja, ir-Repubblika Ellenika, ir-Renju ta’ Spanja, ir-Repubblika Franċiża, l-Irlanda, ir-Repubblika Taljana, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, il-Gran Dukat tal-Lussemburgu, ir-Repubblika ta’ l-Ungerija, ir-Repubblika ta’ Malta, ir-Renju ta’ l-Olanda, ir-Repubblika ta’ l-Awstrija, ir-Repubblika tal-Polonja, ir-Repubblika Portugiża, ir-Repubblika tas-Slovenja, ir-Repubblika Slovakka, ir-Repubblika tal-Finlandja, ir-Renju ta’ l-Isvezja, ir-Renju Unit tal-Gran Brittanja u l-Irlanda ta’ Fuq, u tar-Repubblika ta’ l-Islanda, ir-Renju tan-Norveġja, ir-Rumanija, il-Konfederazzjoni Svizzera, il-Prinċipat ta’ Andorra u r-Repubblika ta’ San Marino (3),

kwalunkwe ammont ta' prinċipali, responsabbiltajiet ulterjuri, spejjeż u inċidentali -iżda mhux multi — li għalihom prinċipal jista' jkun jew isir responsabbli lejn l-Istati msemmija hawn fuq għal dejn fl-għamla ta' dazju jew ħlasijiet oħra applikabbli għal merkanzija mqiegħda taħt il-proċedura ta' transitu Komunitarja jew komuni, li fir-rigward tagħhom s-sottoskritt aċċetta li joħroġ dokumenti ta' kreditu ta' garanzija individwali għal massimu ta' EUR 7 000 għal kull dokument ta' kreditu.

2. Is-sottoskritt jimpenja ruħu li jħallas ma' l-ewwel applikazzjoni bil-miktub mill-awtoritajiet kompetenti tal-pajjiżi msemmija fil-paragrafu 1, sa massimu ta' EUR 7 000 għal kull dokument ta' kreditu ta' garanzija individwali u mingħajr il-possibbiltà ta' posponiment tal-ħlas ’l hinn minn perijodu ta' 30 jum mid-data ta' l-applikazzjoni, sakemm huwa jew kwalunkwe persuna oħra kkonċernata ma tistabbilixxix qabel jiskadi dak il-perijodu, għas-sodisfazzjon ta' l-awtoritajiet kompetenti, li l-operazzjoni ntemmet.

3. Dan l-impenn għandu jkun validu mill-jum ta' l-aċċettazzjoni tiegħu mill-uffiċċju ta' garanzija. Is-sottoskritt għandu jibqa' responsabbli għall-ħlas ta' kwalunkwe dejn li jirriżulta minn kwalunkwe operazzjoni ta' transitu Komunitarja jew komuni koperti minn dan l-impenn u li nbdew qabel ma daħħlet fis-seħħ kwalunkwe tħassir jew kanċellazzjoni tal-garanzija, anke jekk l-ordni għall-ħlas issir wara dik id-data.

(1) Kunjom u ismijiet, jew isem ta' l-impriża.

(2) L-indirizz sħiħ.

(3) Għal operazzjonijiet ta' transitu Komunitarji biss.

Test ta 'immaġni

4. Għall-fini ta' dan l-impenn is-sottoskritt jagħti l-indirizz ta' notifika tiegħu (4) f'kull wieħed mill-pajjiżi l-oħra msemmija fil-paragrafu 1, kif ġej:

Pajjiż	Kunjom u ismijiet, jew isem ta' l-impriża, u l-indirizz sħiħ
…	…

Is-sottoskritt jirrikonoxxi l-ġurisdizzjoni tal-qrati tal-postijiet fejn għandu indirizz ta' notifika.

Is-sottoskritt jimpenja ruħu li ma jibdilx l-indirizzi tiegħu ta' notifika jew, li jekk ikollu jbiddel wieħed jew iktar minn dawk l-indirizzi, javża bil-quddiem lill-uffiċċju tal-garanzija.

Magħmul fi …, fil- …

(Firma) (5)

II. Aċċettazzjoni mill-uffiċċju tal-garanzija

Uffiċċju tal-garanzija

L-impenn tal-garanti aċċettata fil-

(Timbru u firma)

(4) Jekk, fil-liġi tal-pajjiż, ma jkun hemm l-ebda dispożizzjoni dwar l-indirizz ta' notifika l-garanti għandu jaħtar, f'dan il-pajjiż, aġent awtorizzat biex jirċievi kwalunkwe komunikazzjoni indirizzata lilu u l-konferma fit-tieni subparagrafu u l-impenn fir-raba' subparagrafu tal-paragrafu 4 għandhom jikkorrispondu. Il-qrati tal-postijiet li fihom jinsabu l-indirizzi ta' notifika tal-garanti jew ta' l-aġenti tiegħu għandu jkollhom ġurisdizzjoni fit-tilwim rigward din il-garanzija.

(5) Il-firma trid tkun preċeduta minn dan li ġej bil-kitba tal-firmatarju nnifsu: “Garanzija”.

L-Anness B4 għandu jiġi sostitwit b'dan li ġej:

“ANNESS B 4

PROĊEDURA TA' TRANSITU KOMUNI/KOMUNITARJA

Test ta 'immaġni

DOKUMENT TA' GARANZIJA

GARANZIJA KOMPRENSIVA

I. Impenn tal-garanti

1. Is-sottoskritt (1)

residenti fi (2)

b'dan in solidum jiggarantixxi, fl-uffiċċju ta' garanzija ta'

sa ammont massimu ta'

li jirrappreżenta 100/50/30 % (3) ta' l-ammont ta' referenza, favur il-Komunità Ewropea magħmula mir-Renju tal-Belġju, ir-Repubblika Ċeka, ir-Renju tad-Danimarka, ir-Repubblika Federali tal-Ġermanja, ir-Repubblika ta' l-Estonja, ir-Repubblika Ellenika, ir-Renju ta' Spanja, ir-Repubblika Franċiża, l-Irlanda, ir-Repubblika Taljana, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, il-Gran Dukat tal-Lussemburgu, ir-Repubblika ta' l-Ungerija, ir-Repubblika ta' Malta, ir-Renju ta' l-Olanda, ir-Repubblika ta' l-Awstrija, ir-Repubblika tal-Polonja, ir-Repubblika Portugiża, ir-Repubblika tas-Slovenja, ir-Repubblika tas-Slovakkja, ir-Repubblika tal-Finlandja, ir-Repubblika ta' l-Isvezja, ir-Renju Unit tal-Gran Brittanja u ta' l-Irlanda ta' Fuq, u r-Repubblika ta' l-Islanda, ir-Renju tan-Norveġja, ir-Rumanija, il-Konfederazzjoni Svizzera, il-Prinċipat ta' Andorra u r-Repubblika ta' San Marino, (4)

kwalunkwe ammont ta' prinċipali responsabbiltajiet ulterjuri, spejjeż u inċidentali — iżda mhux multi — li għalihom prinċipal (5)

jista' jkun jew isir responsabbli lejn l-Istati msemmija hawn fuq għal dejn fl-għamla ta' dazju jew ħlasijiet oħra applikabbli għall-merkanzija deskritta mqiegħda taħt il-proċedura ta' transitu Komunitarja jew komuni.

2. Is-sottoskritt jobbliga ruħu li jħallas is-somom mitluba sas-somma massima msemmija hawn fuq, ma' l-ewwel talba bil-miktub mill-awtoritajiet kompetenti tal-pajjiżi msemmija fil-paragrafu 1 u mingħajr il-possibbiltà ta' posponiment tal-ħlas ’l hinn minn perijodu ta' 30 jum mid-data ta' l-applikazzjoni, sakemm huwa jew kwalunkwe persuna oħra kkonċernata ma tistabbilixxix qabel għeluq dak il-perijodu, għas-sodisfazzjon ta' l-awtoritajiet kompetenti, li l-proċedura kienet intemmet.

Dan l-ammont ma jistax jitnaqqas bi kwalunkwe somma diġà mħallsa taħt it-termini ta' dan l-impenn sakemm s-sottoskritt ma jiġix imsejjaħ iħallas dejn li jirriżulta matul operazzjoni ta' transitu Komunitarja jew komuni li nbdiet qabel ma ġiet irċevuta d-domanda preċedenti għall-ħlas jew fi żmien 30 jum wara dan.

3. Dan l-impenn għandu jkun validu mill-jum ta' l-aċċettazzjoni tiegħu mill-uffiċċju tal-garanzija. Is-sottoskritt għandu jibqa' responsabbli għall-ħlas ta' kwalunkwe dejn li jirriżulta matul kwalunkwe operazzjoni ta' transitu Komunitarja jew komuni koperti minn dan l-impenn u li nbdew qabel ma daħal fis-seħħ kwalunkwe tħassir jew kanċellazzjoni tal-garanzija, anke jekk l-ordni għall-ħlas issir wara dik id-data.

(1) Kunjom u ismijiet, jew isem ta' l-impriża.

(2) L-indirizz sħiħ.

(3) Ħassar dak li ma japplikax.

(4) Ħassar l-isem tal-Parti jew Partijiet jew Stati Kontraenti (Andorra jew San Marino) li m'hemmx transitu mit-territorju tagħhom. Ir-referenzi għall-Prinċipat ta' l-Andorra u r-Repubblika ta' San Marino għandhom japplikaw biss għall-operazzjonijiet ta' transitu Komunitarji.

(5) Il-kunjom u l-isem, jew isem ta' l-impriża u l-indirizz sħiħ tal-prinċipal.

Test ta 'immaġni

4. Għall-fini ta' dan l-impenn is-sottoskritt jagħti l-indirizz ta' notifika tiegħu (6) f'kull wieħed mill-pajjiżi l-oħra msemmija fil-paragrafu 1, kif ġej:

Pajjiż	Kunjom u ismijiet, jew isem ta' l-impriża, u l-indirizz sħiħ
…	…

Is-sottoskritt jirrikonoxxi li l-korrispondenza u l-avviżi kollha u kwalunkwe formalità jew proċedura marbuta ma' dan il-impenn indirizzati lil jew seħħew bil-miktub f'wieħed mill-indirizzi tiegħu ta' notifika għandhom jiġu aċċettati bħala debitament imwassla lilu.

Is-sottoskritt jirrikonoxxi l-ġurisdizzjoni tal-qrati tal-postijiet fejn għandu indirizz ta' notifika.

Is-sottoskritt jimpenja ruħu li ma jibdilx l-indirizzi tiegħu ta' notifika jew, li jekk ikollu jbiddel wieħed jew iktar minn dawk l-indirizzi, javża bil-quddiem lill-uffiċċju tal-garanzija.

Magħmul fi, fil-

(Firma) (7)

II. Aċċettazzjoni mill-uffiċċju tal-garanzija

Uffiċċju tal-garanzija

L-impenn tal-garanti aċċettata fil-

(Timbru u firma)

(6) Jekk, fil-liġi tal-pajjiż, ma jkun hemm l-ebda dispożizzjoni dwar l-indirizz ta' notifika l-garanti għandu jaħtar, f'dan il-pajjiż, aġent awtorizzat biex jirċievi kwalunkwe komunikazzjoni indirizzata lilu u l-konferma fit-tieni subparagrafu u l-impenn fir-raba' subparagrafu tal-paragrafu 4 għandhom jikkorrispondu. Il-qrati tal-postijiet li fihom jinsabu l-indirizzi ta' notifika tal-garanti jew ta' l-aġenti tiegħu għandu jkollhom ġurisdizzjoni fit-tilwim rigward din il-garanzija.

(7) Il-firma trid tkun preċeduta minn dan li ġej bil-kitba tal-firmatarju nnifsu: “Garanzija għall-ammont ta' …”, fejn l-ammont jinkiteb bil-kliem.’

7.	Fil-kaxxa 7 ta' l-Anness B5, il-kelma “Rumanija” għandha tiddaħħal bejn il-kliem “Norveġja” u “Svizzera”.

8.	Fil-kaxxa 6 ta' l-Anness B6, il-kelma “Rumanija” għandha tiddaħħal bejn il-kliem “Norveġja” u “Svizzera”.

Fil-punt 1.2.1 ta' l-Anness B7, għandu jiżdied l-inċiż li ġej:

“—

Validitate limitată”