31.12.2008 |
MT |
Il-Ġurnal Uffiċjali ta’ l-Unjoni Ewropea |
255 |
DEĊIŻJONI TAL-KUMITAT KONĠUNT ŻEE NRU 36/2005
tal-11 ta’ Marzu 2005
li temenda l-Anness II (Regolamenti tekniċi, standards, testijiet u ċertifikazzjoni) għall-Ftehim dwar iż-ŻEE
IL-KUMITAT KONĠUNT ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn ' il quddiem imsejjaħ “il-Ftehim”, u b'mod partikolari l-Artikolu 98 tiegħu,
Billi:
(1) |
L-Anness II għall-Ftehim kif emendat bid-Deċiżjoni Nru 9/2005 tal-Kumitat Konġunt ŻEE tat-8 ta' Frar 2005 (1). |
(2) |
Id-Direttiva 2004/12/KE tal-Parlament Ewropew u tal-Kunsill tal-11 ta' Frar 2004 li temenda d-Direttiva 94/62/KE fuq l-ippakkjar u l-iskart ta' l-ippakkjar (2) għandha tiġi inkorporata fil-Ftehim, |
IDDEĊIEDA KIF ĠEJ:
Artikolu 1
Il-Punt 7 (id-Direttiva 94/62/KE tal-Parlament Ewropew u tal-Kunsill) fil-Kapitolu XVII ta' l-Anness II tal-Ftehim għandu jiġi emendat kif ġej:
1) |
dan li ġej għandu jiżdied qabel l-arranġamenti transitorji: “, kif emendat bi:
|
2) |
dan li ġej għandu jinżied wara l-arranġamenti transitorji: “Id-dispożizzjonijiet tad-Direttiva għandhom, għall-finijiet ta' dan il-Ftehim, jinqraw bl-adattamenti li ġejjin: Fl-Artikolu 6(7), il-kelma, ‘l-Iżlanda’ għandha tiddaħħal wara l-kelma ‘l-Irlanda’ u, il-kliem ‘il-preżenza ta' żoni rurali u densità ta' popolazzjoni baxxa’ għandhom jiddaħħlu wara l-kelma ‘żoni’.”. |
Artikolu 2
Dawn it-testi tad-Direttiva 2004/12/KE bil-lingwa Iżlandiża u dik Norveġiża, li għandhom jiġu ppubblikati fis-Suppliment ŻEE ta’ Il-Ġurnal Uffiċjali ta' l-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fit-12 ta’ Marzu 2005, sakemm in-notifiki kollha taħt l-Artikolu 103(1) tal-ftehim ikunu saru lill-Kumitat Konġunt ŻEE (*).
Artikolu 4
Din id-Deċiżjoni għandha tiġi ppubblikata fit-Taqsima ŻEE u fis-Suppliment ŻEE ta’ Il-Ġurnal Uffiċjali ta' l-Unjoni Ewropea.
Magħmula fi Brussell, 11 ta’ Marzu 2005.
Ġħall-Kumitat Konġunt ŻEE
Il-President
Richard WRIGHT
(1) ĠU L 161, 23.6.2005, p. 20.
(2) ĠU L 47, 18.2.2004, p. 26.
(*) L-ebda ħtiġijiet kostituzzjonali indikati.