Id-Deċiżjoni tal-Kumitat Konġunt taż-ŻEE

Nru 85/2003

ta' l-20 ta' Ġunju 2003

li temenda Protokoll 31 tal-Ftehim taż-ŻEE, dwar kooperazzjoni f'oqsma speċifiċi barra mill-erba' libertajiet

IL-KUMITAT KONĠUNT TAŻ-ŻEE,

Wara li kkunsidraw il-Ftehim taż-ŻEE, kif emendat mill-Protokoll li jirranġa l-Ftehim taż-ŻEE, hawnhekk iżjed 'il quddiem msejjaħ "il-Ftehim", u b'mod partikolari l-Artikolu 86 u 98 tiegħu,

Billi:

(1) Protokoll 31 tal-Ftehim kien amendat permezz ta' Deċiżjoni tal-Kumitat Konġunt taż-ŻEE Nru 64/2003 tas-16 ta' Mejju 2003 [1].

(2) Huwa xieraq li testendi l-kooperazzjoni tal-Partijiet Kontraenti għall-qbil biex jinkludi Deċiżjoni Nru 291/2003/KE tal-Parlament Ewropew u tal-Kunsill tas-6 ta' Frar 2003 li jistabbilixxi s-Sena Ewropea ta' Edukazzjoni permezz ta' l-Isport 2004 [2].

(3) Protokoll 31 għall-Ftehim għandu għalhekk jiġi amendat sabiex din il-kooperazzjoni estiża sseħħ mill-1 ta' Jannar 2003,

IDDEĊIEDA DAN LI ĠEJ:

Artikolu 1

L-Artikolu 4 (Edukazzjoni, taħriġ u żgħożija) ta' Protokoll 31 għall-Qbil għandu jiġi amendat kif ġej:

1. Il-punt li ġej ser ikun inserit wara punt 2f (Azzjonijiet preparatorji għall-kooperazzjoni fl-oqsma ta' l-Edukazzjoni u ta' politika taż-żagħżagħ):

"2g. L-Istati ta' l-EFTA għandhom, b'effett mill-1 ta' Jannar 2003, jipparteċipaw fl-azzjonijiet li ġejjin:

- 32003 D 0291: Deċiżjoni Nru 291/2003/KE tal-Parlament Ewropew u tal-Kunsill tas-6 ta' Frar 2003 tistabbilixxi is-Sena Ewropea ta' Edukazzjoni permezz ta' l-Isport (ĠU L 43, tat-18.2.2003, p. 1)."

2. F'punt 3, il-kelmiet "2e and 2f" għandhom jiġu mibdula fil-kelmiet "2e, 2f and 2g".

Artikolu 2

Din id-Deċiżjoni għandha tidħol fis-seħħ fl-ewwel ġurnata wara l-aħħar notifika lill-Kumitat Konġunt taż-ŻEE taħt l-Artikolu 103(1) tal-Ftehim [3].

Għandhom jibdew jgħoddu mill-1 ta' Jannar 2003.

Artikolu 3

Din id-Deċiżjoni għandha tiġi ppubblikata fis-Suppliment taż-ŻEE, fil-Ġurnal Uffiċjali ta' l-Unjoni Ewropea.

Magħmul fi Brussel, fl-20 ta' Ġunju 2003.

Għall-Kumitat Konġunt taż-ŻEE

Il-President

P. Westerlund

[1] ĠU L 193, tal-31.7.2003, p. 54.

[2] ĠU L 43, tat-18.2.2003, p. 1.

[3] Ħtiġijiet kostituzzjonali indikati

--------------------------------------------------