Official Journal L 154 , 13/06/2002 P. 0027 - 0027
Deċiżjoni tal-Kumitat Konġunt taż-ŻEE Nru 40/2002 tad-19 ta' April 2002 li temenda L-Anness XX (Ambjent) taż-ŻEE IL-KUMITAT KONĠUNT ŻEE, Wara li ikkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn hawn il-quddiem referut bħala "il-Ftehim", u partikolarment l-Artikolu 98 tiegħu, Billi: (1) L-Anness XX tal-Ftehim kien emendat bid-Deċiżjoni tal-Kumitat Konġunt ŻEE Nru 9/2002 ta' 1 ta' Frar 2002 [1]. (2) Id-Deċiżjoni tal-Kunsill 2001/573/KE tat-23 ta' Lulju 2001 li temenda id-Deċiżjoni tal-Kummissjoni 2000/532/KE f'dak li jirrigwardja il-lista ta' skart [2] għandha tkun inkorporata fil-Ftehim, IDDEĊIEDA KIF ĠEJ: Artikolu 1 Dan l-inċiż li ġej għandu jkun miżjud mal-punt 32aa (Id-Deċiżjoni tal-Kummissjoni 2000/532/KE) ta' l-Anness XX tal-Ftehim: "- 32001 D 0573: Id-Deċiżjoni tal-Kummissjoni 2001/573/KE tal-21 ta' Lulju 2001 (ĠU L 203, tat-28.7.2001, p. 18)." Artikolu 2 It-testi tad-Direttiva 2000/573/KE fil-lingwi Islandiż u Norveġiż, li għandhom ikunu ppublikati fis-Suppliment ŻEE tal-Ġurnal Uffiċjali tal-Komunitajiet Ewropej, għandhom ikunu awtentiċi. Artikolu 3 Din id-Deċiżjoni għandha tidħol fis-seħħ fl-20 ta' April 2002, basta li n-notifiki kollha permezz ta' l-Artikolu 103(1) tal-Ftehim ikunu saru mill-Kumitat Konġunt ŻEE [3]. Artikolu 4 Din id-Deċiżjoni għandha tkun ippublikata fis-Sezzjoni ŻEE ta', u fis-Suppliment ŻEE ta', il-Ġurnal Uffiċjali tal-Komunitajiet Ewropej. Magħmula fi Brussel, fid-19 ta' April 2002. Għall-Kumitat Konġunt ŻEE Il-President P. Westerlund [1] ĠU L 88, ta' l-4.4.2002, p. 20. [2] ĠU L 203, tat-28.7.2001, p. 18. [3] L-ebda ħtiġiet konstituzzjonali m'huma indikati. --------------------------------------------------