Official Journal L 322 , 06/12/2001 P. 0008 - 0009
Id-Deċiżjoni tal-Kumitat Konġunt taż-ŻEE Nru 103/2001 tat-28 ta' Settembru 2001 li temenda l-Anness I (Materji veterinarji u fitosanitarji) tal-Ftehim dwar iż-ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim dwar iż-Żona Ekonomika Ewropea, minn issa 'l quddiem imsejjaħ "il-Ftehim", u b'mod partikolari l-Artikolu 98 tiegħu, Billi: (1) L-Anness I mal-Ftehim kien emendat bid-Deċiżjoni tal-Kumitat Konġunt taż-ŻEE Nru 61/2001 tad-19 ta' Ġunju 2001 [1]. (2) Ir-Regolament tal-Kummissjoni (KE) Nru 1353/2000 tas-26 ta' Ġunju 2000 li jirrigwarda l-awtorizzazzjoni permanenti ta' additiv u l-awtorizzazzjoni proviżorja għal additivi ġodda, [2] l-użi ta' additivi ġodda u tħejjijiet ġodda fit-tgħam ta' l-annimali irid jiġi inkorporat fil-Ftehim (3) Ir-Regolament tal-Kummissjoni (KE) Nru 1887/2000 tas-6 ta' Settembru 2000 dwar l-awtorizzazzjoni proviżorja għal additiv fit-tgħam [3] irid jiġi inkorporat fil-Ftehim (4) Ir-Regolament tal-Kummissjoni (KE) Nru 2437/2000 tas-26 ta' Ġunju 2000 li jirrigwarda l-awtorizzazzjoni permanenti ta' additiv u l-awtorizzazzjoni proviżorja għal additivi ġodda, l-użi ta' additivi ġodda u tħejjijiet ġodda fit-tgħam ta' l-annimali [4] irid jiġi inkorporat fil-Ftehim. (5) Ir-Regolament tal-Kummissjoni (KE) Nru 2697/2000 tas-6 ta' Settembru 2000 dwar l-awtorizzazzjonijiet proviżorji għall-additivi fit-tgħam [5] irid jiġi inkorporat fil-Ftehim, IDDEĊIEDA DAN LI ĠEJ: Artikolu 1 Il-punti li ġejjin għandhom jiddaħħlu wara l-punt 1o (ir-Regolament tal-Kunsill (KE) Nru 654/2000) fil-Kapitolu II ta' l-Anness I mal-Ftehim: "1p. 32000 R 1353: Ir-Regolament tal-Kummissjoni (KE) Nru 1353/2000 tas-26 ta' Ġunju 2000 li jirrigwarda l-awtorizzazzjoni permanenti ta' additiv u l-awtorizzazzjoni proviżorja għal additivi ġodda, l-użi ta' additivi ġodda u tħejjijiet ġodda fit-tgħam (ĠU L 155, tat-28.6.2000, p. 15). 1q. 32000 R 1887: Ir-Regolament tal-Kummissjoni (KE) Nru 1887/2000 tas-6 ta' Settembru 2000 dwar l-awtorizzazzjoni proviżorja għal additiv ġdid fit-tgħam (ĠU L 227, tas-7.9.2000, p. 13). 1r. 32000 R 2437: Ir-Regolament tal-Kummissjoni (KE) Nru 2437/2000 tat-3 ta' Novembru 2000 li jirrigwarda l-awtorizazzjoni permanenti ta' addittiv u l-awtorizzazzjoni temporanja ta' addittivi ġodda fit-tgħam (ĠU L 280, ta' l-43.11.2000, p.28). ls. 32000 R 2697: Ir-Regolament tal-Kummissjoni (KE) Nru 2697/2000 tas-27 ta' Novembru 2000 li jirrigwarda l-awtorizzazzjonijiet proviżorji għall-additivi fit-tgħam (ĠU L 319, tas-16.12.2000, p. 1)." Artikolu 2 Għandhom ikunu awtentiċi t-testi tar-Regolamenti tal-Kummisjoni (KE) Nri 1353/2000, 1887/2000, 2437/2000 u 2697/2000 fl-ilsien Islandiz u l-ilsien Norveġiż, li jridu jiġu ppubblikati fis-Suppliment għaż-ŻEE mal-Ġurnal Uffiċjali tal-Komunitajiet Ewropej. Artikolu 3 Din id-Deċiżjoni għandha tidħol fis-seħħ fid-29 ta' Settembru 2001, sakemm in-notifiki kollha skond l-Artikolu 103(1) tal-Ftehim ikunu ġew magħmula lill-Kumitat Konġunt għaż-ŻEE [6]. Artikolu 4 Din id-Deċiżjoni għandha tiġi ppubblikata fit-Taqsima għaż-ŻEE tal-Ġurnal Uffiċjali tal-Komunitajiet Ewropej u fis-Suppliment għaż-ŻEE ta' miegħu. Magħmula fi Brussel, fit-28 ta' Settembru 2001. Għall-Kumitat Konġunt taż-ŻEE Il-President E. Bull [1] ĠU L 238, tas-6.9.2001, p. 3. [2] ĠU L 15, tat-28.6.2000, p. 15. [3] ĠU L 227, tas-7.9.2002, p. 13. [4] ĠU L 280, ta' l-4.11.2000, s. 28. [5] ĠU L 319, tas-16.12.2000, s. 1. [6] Ebda ħtiġiet kostituzzjonali indikati. --------------------------------------------------