Deċiżjoni tal-Kumitat Konġunt taż-ŻEE

Nru 81/2001

tad-19 ta' Ġunju 2001

li temenda l-Anness XX (Ambjent) għall-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "l-Ftehim", u b'mod partikolari l-Artikolu 98 tiegħu,

Billi:

(1) L-Anness XX għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 56/2001 tat-18 ta' Mejju 2001 [1].

(2) Id-Deċiżjoni tal-Kummissjoni 2000/608/KE tas-27 ta' Settembru 2000 dwar in-noti ta' gwida għall-assessjar ta' riskji speċifikati fl-Anness III għad-Direttiva 90/219/KEE dwar l-użu kontenut ta' mikro-organismi modifikati ġenetikament [2] għandha tiġi nkorporata fil-Ftehim,

IDDEĊIEDA KIF ĠEJ:

Artikolu 1

Il-punt li ġej għandu jiddaħħal wara l-punt 24a (Deċiżjoni tal-Kummissjoni 91/448/KEE) fl-Anness XX għall-Ftehim:

"24b. 32000 D 0608: Id-Deċiżjoni tal-Kummissjoni 2000/608/KE tas-27 ta' Settembru 2000 dwar in-noti ta' gwida għall-assessjar ta' riskji speċifikati fl-Anness III għad-Direttiva 90/219/KEE dwar l-użu kontenut ta' mikro-organismi modifikati ġenetikament (ĠU L 258, tat-12.10.2000, p. 43)."

.

Artikolu 2

It-testi tad-Deċiżjoni tal-Kummissjoni 2000/608/KE fil-lingwa Islandiża u f'dik Norveġiża, li għandhom jiġu ppubblikati fis-Suppliment taż-ŻEE għall-Ġurnal Uffiċjali tal-Komunitajiet Ewropej, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar l-20 ta' Ġunju 2001, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE [3].

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej.

Magħmula fi Brussel, fid-19 ta' Ġunju 2001.

Għall-Kumitat Konġunt taż-ŻEE

Il-President

P. Westerlund

[1] ĠU L 165, tal-21.6.2001, p. 62.

[2] ĠU L 258, tat-12.10.2000, p. 43.

[3] Ebda ħtiġiet kostituzzjonali indikati.

--------------------------------------------------