Deċiżjoni tal-Kumitat Konġunt taż-ŻEE

Nru 1/2001

tal-31 ta' Jannar 2001

li temenda l-Anness II (Regolamenti, standards, ittestjar u ċertifikazzjoni tekniċi) għall-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "l-Ftehim", u b'mod partikolari l-Artikolu 98 tiegħu,

Billi:

(1) L-Anness II għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 74/2000 tat-2 ta' Ottubru 20001 [1].

(2) Id-Direttiva tal-Kummissjoni 1999/21/KE tal-25 ta' Marzu 1999 dwar ikel djetetiku għal għanijiet mediċi speċjali [2], kif ikkoreġuta bil-ĠU L 2, tal-5.1.2000, p. 79, għandha tiġi nkorporata fil-Ftehim,

IDDEĊIEDA KIF ĠEJ:

Artikolu 1

Il-punt li ġej għandu jiddaħħal wara l-punt 54v (Deċiżjoni tal-Kummissjoni 1999/217/KE) fil-Kapitolu XII ta' l-Anness II għall-Ftehim:

"54w. 399 L 0021: Id-Direttiva tal-Kummissjoni 1999/21/KE tal-25 ta' Marzu 1999 dwar ikel djetetiku għal għanijiet mediċi speċjali, kif ikkoreġuta bil-ĠU L 2, tal-5.1.2000, p. 79, (ĠU L 91, tas-7.4.1999, p.29)."

Artikolu 2

It-testi tad-Direttiva tal-Kunsill 1999/21/KE, kif ikkoreġuta bil-ĠU L 2, tal-5.1.2000, p. 79, fil-lingwa Islandiża u f'dik Norveġiża, li għandhom jiġu ppubblikati fis-Suppliment taż-ŻEE għall-Ġurnal Uffiċjali tal-Komunitajiet Ewropej, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar l-1 ta' Frar 1998, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE [3].

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej.

Magħmula fi Brussel, fil-31 ta' Jannar 2001.

Għall-Kumitat Konġunt taż-ŻEE

Il-President

P. Westerlund

[1] ĠU L 315, ta' l-14.12.2000, p. 11.

[2] ĠU L 91, tas-7.4.1999, p. 29, kif ikkoreġuta bi ĠU L 2, tal-5.1.2000, p. 79.

[3] Ebda ħtiġiet kostituzzjonali indikati.

--------------------------------------------------