Official Journal L 284 , 09/11/2000 P. 0049 - 0050
Deċiżjoni tal-Kumitat Konġunt taż-ŻEE Nru 65/1999 tat-28 ta' Mejju 1999 li temenda l-Anness II (Regolamenti, standards, ittestjar u ċertifikazzjoni tekniċi) għall-Ftehim taż-ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "il-Ftehim", u b'mod partikolari l-Artikolu 98 tiegħu, Billi: (1) l-Anness II għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 32/1999 tas-26 ta' Marzu 1999 [1]. (2) d-Deċiżjoni tal-Kummissjoni 97/751/KE tal-31 ta' Ottubru 1997 dwar regolament tekniku komuni għal ħtiġiet ta' tqabbid għal apparat terminali ta' interface għal konnessjoni ma' linji mikrija 140 Mbit/s diġitali mhux strutturati u strutturati [2] għandha tiġi inkorporata fil-Ftehim, IDDEĊIEDA KIF ĠEJ: Artikolu 1 Il-punt li ġej għandu jiddaħħal wara l-punt 4zg. (Id-Direttiva 98/13/KE tal-Parlament Ewropew u tal-Kunsill) fil-Kapitolu XVIII ta' l-Anness II għall-Ftehim: "4zh. 397 D 0751: Id-Deċiżjoni tal-Kummissjoni 97/751/KE tal-31 ta' Ottubru 1997 dwar regolament tekniku komuni għal ħtiġiet ta' tqabbid għal apparat terminali ma' interface għal tqabbid ma' linji mikrija 140 Mbit/s diġitali mhux strutturati u strutturati (ĠU L 305, tat-8.11.1997, p. 66)." Artikolu 2 It-testi tad-Deċiżjoni tal-Kummissjoni 97/751/KE fil-lingwa Islandiża u f'dik Norveġiża, li huma annessi għall-verżjonijiet tal-lingwi rispettivi ta' din id-Deċiżjoni, huma awtentiċi. Artikolu 3 Din id-Deċiżjoni għandha tidħol fis-seħħ nhar id-29 ta' Mejju 1999, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE. Artikolu 4 Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej. Magħmula fi Brussel, fit-28 ta' Mejju 1999. Għall-Kumitat Konġunt taż-ŻEE Il-President F. Barbaso [1] ĠU L 266, tad-19.10.2000. [2] ĠU L 305, tat-8.11.1997, p. 66. --------------------------------------------------