Official Journal L 103 , 12/04/2001 P. 0005 - 0006
Deċiżjoni tal-Kumitat Konġunt taż-ŻEE Nru 3/2000 ta' l-4 ta' Frar 2000 li temenda l-Anness II (Regolamenti, standards, ittestjar u ċertifikazzjoni tekniċi) u l-Anness XIII (Trasport) għall-Ftehim taż-ŻEE IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "l-Ftehim", u b'mod partikolari l-Artikolu 98 tiegħu, Billi: (1) L-Anness II għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 82/98 tal-25 ta' Settembru 1998 [1]; (2) L-Anness XIII għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 178/1999 tas-17 ta' Diċembru 1999 [2]; (3) Id-Direttiva tal-Kunsill 1999/36/KE tad-29 ta' April 1999 dwar apparat tal-pressjoni li jista' jinġarr [3] għandha tiġi nkorporata fil-Ftehim; (4) Id-Direttiva tal-Kunsill 1999/36/KE għandha l-għan illi ttejjeb is-sigurtà fir-rigward ta' apparat tal-pressjoni li jista' jinġarr u li tiżgura il-moviment liberu ta' apparat u hija għalhekk għandha tiġi nkorporata kemm fl-Anness II kif ukoll fl-Anness XIII għal-Ftehim, IDDEĊIEDA KIF ĠEJ: Artikolu 1 Il-punt li ġej għandu jiddaħħal wara l-punt 6b (Direttiva 97/23/KE tal-Parlament Ewropew u tal-Kunsill) fil-Kapitolu VIII ta' l-Anness II għall-Ftehim: "6b. 399 L 0036: Id-Direttiva tal-Kunsill 1999/36/KE tad-29 ta' April 1999 (ĠU L 138, tat-8.7.1997, p. 20)." Artikolu 2 Il-punt li ġej għandu jiddaħħal wara l-punt 17e (Direttiva tal-Kunsill 94/55/KE) fl-Anness XIII għall-Ftehim: "17f. 399 L 0036: Id-Direttiva tal-Kunsill 1999/36/KE tad-29 ta' April 1999 (ĠU L 138, tat-8.7.1997, p. 20)." Artikolu 3 Il-punt li ġej għandu jiddaħħal wara l-punt 42b (Direttiva tal-Kunsill 96/49/KE) fl-Anness XIII għall-Ftehim: "42c. 399 L 0036: Id-Direttiva tal-Kunsill 1999/36/KE tad-29 ta' April 1999 (ĠU L 138, tat-8.7.1997, p. 20)." Artikolu 4 It-testi tad-Direttiva tal-Kunsill 1999/36/KE fil-lingwa Islandiża u f'dik Norveġiża, li huma annessi għall-verżjonijiet tal-lingwi rispettivi ta' din id-Deċiżjoni, huma awtentiċi. Artikolu 5 Din id-Deċiżjoni għandha tidħol fis-seħħ nhar il-5 ta' Frar 2000, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE [4]. Artikolu 6 Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej. Magħmula fi Brussel, fl-4 ta' Frar 2000. Għall-Kumitat Konġunt taż-ŻEE Il-President F. Barbaso [1] ĠU L 189, tat-22.7.1999, p. 52. [2] ĠU L 61, ta' l-1.3.2001. [3] ĠU L 138, ta' l-1.6.1999, p. 20. [4] Ebda ħtiġiet kostituzzjonali indikati. --------------------------------------------------