Deċiżjoni tal-Kumitat Konġunt taż-ŻEE

Nru 77/98

tal-31 ta' Lulju 1998

li temenda l-Protokoll 21 għall-Ftehim taż-ŻEE, dwar l-implimentazzjoni tar-regoli ta' kompetizzjoni applikabbli għal impriżi

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala l-Ftehim, u b'mod partikolari l-Artikolu 98 tiegħu,

Billi r-Regolament tal-Kummissjoni (KE) Nru 447/98 ta' l-1 ta' Marzu 1998 dwar in-notifiki, limiti ta' żmien u tismigħ li għalihom hemm provdut fir-Regolament tal-Kunsill (KEE) Nru 4064/89 dwar il-kontroll ta' konċentrazzjoni bejn l-impriżi [1], li jieħu post ir-Regolament tal-Kummissjoni (KE) Nru 3385/94 dwar in-notifiki, limiti ta' żmien u tismigħ li għalihom hemm provdut fir-Regolament tal-Kunsill (KEE) Nru 4064/89 dwar il-kontroll ta' konċentrazzjoni bejn l-impriżi [2], għandu jiġi nkorporat fil-Ftehim;

Billi l-lista li tinsab fl-Artikolu 3(1) tal-Protokoll 21 għall-Ftehim tirrifletti l-istat ġenerali tal-liġi tal-Komunità f'dan il-qasam;

Billi l-Protokoll 21 għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 27/98 tas-27 ta' Marzu 1998 [3];

Billi r-Regolament tal-Kummissjoni (KE) Nru 447/98 għandu jiġi inkluż fil-lista li hemm fl-Artikolu 3(1) tal-Protokoll 21 għall-Ftehim,

IDDEĊIEDA KIF ĠEJ:

Artikolu 1

Fl-Artikolu 3(1) tal-Protkoll 21 għall-Frehim, il-punt 2 (Regolament tal-Kummissjoni (KE) Nru 3384/94) għandu jiġi mibdul b'li ġej:

"2. 398 R 0447: Ir-Regolament tal-Kummissjoni (KE) Nru 447/98 ta' l-1 ta' Marzu 1998 dwar notifiki, limiti ta' żmien u tismigħ li hemm provdut għalihom fir-Regolament tal-Kunsill (KEE) Nru 4064/89 dwar il-kontroll tal-konċentrazzjoni bejn l-impriżi (ĠU L 61, tat-2.3.1998, p. 1)"

.

Artikolu 2

It-testi tar-Regolament tal-Kummissjoni (KE) Nru 447/98 il-lingwa Islandiża u f'dik Norveġiża, li huma annessi għall-verżjonijiet rispettivi tal-lingwa għal din id-Deċiżjoni, huma awtentiċi.

Artikolu 3

Din id-Deċiżjoni għandha tidħol fis-seħħ nhar l-1 ta' Settembru 1998, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE.

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej.

Magħmula fi Brussel, fil-31 ta' Lulju 1998.

Għall-Kumitat Konġunt taż-ŻEE

Il-President

N. v. Liechtenstein

[1] ĠU L 61, tat-2.3.1998, p. 1.

[2] ĠU L 377, tal-31.12.1994, p. 1.

[3] ĠU L 310, tal-19.11.1998, p. 9.

--------------------------------------------------