Deċiżjoni tal-Kumitat Konġunt taż-ŻEE

Nru 162/1999

tas-26 ta' Novembru 1999

li temenda l-Anness II (Regolamenti, standards, testijiet u ċertifikazzjonijiet tekniċi) għall-Qbil taż-ŻEE

IL-KUMITAT KONĠUNT TAŻ-ŻEE,

Wara li kkunsidra il-Qbil dwar iż-Żona Ekonomika Ewropea, kif emendat mill-Protokoll li jaġġusta l-Ftehim fuq iż- Żona Ekonomika Ewropea, hawnhekk iżjed 'il quddiem msejjaħ "il-Ftehim", u b'mod partikolari l-Artikolu 98 tiegħu,

Billi:

(1) L-Anness II tal-Ftehim kien emendat bid-Deċiżjoni tal-Kumitat Konġunt taż-ŻEE Nru 63/1999 tat-28 ta' Mejju 1999 [1].

(2) Id-Direttiva tal-Kummissjoni 98/101/KE tat-22 ta' Diċembru 1998 tadatta għal progress tekniku, Direttiva tal-Kunsill 91/157/ŻEE dwar batteriji u akkumulaturi li jkunu nstabu fihom ċerti sostanzi perikolużi [2], għandha tkun inkoroporata fil-Ftehim,

IDDEĊIEDA DAN LI ĠEJ:

Artikolu 1

L-inċiż li ġej għandu jiżdied f'punt 11 (Direttiva tal-Kunsill 91/157/ŻEE) f'Kapitolu XV ta' l-Anness II għall-Ftehim:

398 L 0101 : : Id-Direttiva tal-Kummissjoni 98/101/KE tat-22 Diċembru 1998 (ĠU L 1, tal-5.1.1999, p. 1)."

Artikolu 2

It-testi tad-Direttiva tal-Kummissjoni 98/101/KE fil-lingwi ta' l-Iżlanda u tan-Norveġja, li huma annessi mal-verżjonijiet tal-lingwi rispettivi ta' din id-Deċiżjoni, huma awtentiċi.

Artikolu 3

Din id-Deċiżjoni għandha tidħol fis-seħħ fis-27 ta' Novembru 1999, sakemm in-notifiki kollha taħt l-Artikolu 103(1) tal-Ftehim ingħataw lill-Kumitat Konġunt taż-ŻEE.

Artikolu 4

Din id-Deċiżjoni għandha tkun ippubblikata fit-taqsima taż-ŻEE tal-, u fis-Suppliment taż-ŻEE tal-Ġurnal Uffiċjali tal-Komunitajiet Ewropej.

Magħmul fi Brussel, 26 Novembru 1999.

Għall-Kumitat Konġunt taż-ŻEE

Il-President

N. v. Liechtenstein

[1] ĠU L 284, tad-9.11.2000, p. 45.

[2] ĠU L 1, tal-5.1.1999, p. 1.

--------------------------------------------------