Protokoll addizzjonali

għall-Ftehim Ewropew li jwaqqaf assoċjazzjoni bejn il-Komunitajiet Ewropej u l-Istati Membri taghhom, min-naħa l-waħda, u r-Rumanija, min-naħa l-oħra

IL-KOMUNITAJIET EWROPEJ U L-KOMUNITÀ EWROPEA DWAR L-ENERĠIJA ATOMIKA, minn issa ‘l quddiem magħrufa bħala "l-Komunità",

min-naħa waħda, u

IR-RUMANIJA,

min-naħa l-oħra,

BILLI l-Ftehim Ewropa li jwaqqaf assoċjazzjoni bejn il-Komunitajiet Ewropej u l-Istati Membri tagħhom, min-naħa waħda, u r-Rumanija, min-naħa l-oħra (minn issa l-quddiem magħruf bħala "l-Ftehim Ewropa") ġie ffirmat fi Brussel fl-1 ta' Frar 1993;

BILLI l-għanijiet tal-Ftehim Ewropa imsemmija fl-Artikolu 1 ta' l-istess Ftehim jinkludu disposizzjonijiet għal struttura xierqa għall-integrazzjoni gradwali tar-Rumanija fil-Komunità;

BILLI l-Komunità u r-Rumanija iddeċidew fit-Titoli VI u VII tal-Ftehim Ewropa li jippromwovu l-koperazzjoni ekonomika u kulturali;

BILLI l-Kunsill Ewropew waqt il-laqgħa tiegħu f'Kopenħagen fil-21 u fit-22 ta' Ġunju 1993 laqa' tajjeb il-possibiltà offruta lill-pajjiżi assoċjati li jipparteċipaw fi programmi Komunitarji taħt il-Ftehim Ewropa;

BILLI l-konklużjonijiet tal-Presidenza tal-Kunsill Ewropew li ltaqa' f'Kopenħagen fil 21 u fit-22 ta' Ġunju 1993 jipprovdu illi l-koperazzjoni fil-futur mal-pajjiżi assoċjati għandha tiġi addattata għall-għanijiet tal-adeżjoni li issa ġiet imwaqqfa', u li din il-koperazzjoni għandha tinkludi il-parteċipazzjoni tal-pajjiżi assoċjati fi programmi Komunitarji, bil-għan li tiġi msaħħa l-integrazzjoni,

IDDEĊIDEW li jikkonkludu dan il-Protokoll u għal dan l-iskop innominaw bhala l-plenipotenzarji tagħhom;

IL-KOMUNITÀ EWROPEA:

Pierre de Boissieu

Ambaxxatur,

Rappreżentant Permanenti tar-Repubblika Franċiża,

President tal-Kumitat tar-Rappreżentanti Permanenti

IL-KOMUNITÀ EWROPEA DWAR L-ENERĠIJA ATOMIKA:

Günther Burghardt

Direttur Ġenerali tad-Direttorat Ġenerali għar-Relazzjonijiet Politiċi Esterni tal-Kummissjoni tal-Komunitajiet Ewropej

IR-RUMANIJA:

Constantin Ene

Ambaxxatur straordinarju u plenipotenzarju,

Kap tal-Missjoni Rumena għall-Unjoni Ewropea

LI, wara li partu l-Pieni Poteri tagħhom, li nstabu li kienu fil-forma korretta u dovuta,

FTEHMU KIF ĠEJ:

Artikolu 1

Ir-Rumanija tista' tipparteċipa fi programmi ta' struttura Komunitarji, fi programmi speċifiċi, fi proġetti jew f'azzjonijiet oħra fl-oqsma ta':

- r-riċerka u żvilupp teknoloġiku,

- s-servizzi ta' l-informazzjoni,

- l-ambjent,

- l-edukazzjoni, taħriġ u żgħażagħ,

- il-politika soċjali u s-saħħa,

- il-protezzjoni tal-konsumatur,

- l-intrapriżi żgħar u medji,

- it-turiżmu,

- il-kultura,

- is-settur awdjoviżiv,

- il-protezzjoni ċivili,

- il-faċilitazzjoni tal-kummerċ,

- l-enerġija,

- it-trasport, u

- il-ġlieda kontra d-droga u l-vizzju tad-droga.

Il-partijiet jistgħu jiftiehmu li jżidu oqsma oħra mal-attivitajiet Komunitarji hawn fuq elenkati, fejn hu meqjus li jkunu ta' interess għalihom it-tnejn jew li jikkontribwixxu għall-kisba ta' l-għanijiet tal-Ftehim Ewropa.

Artikolu 2

Mingħajr preġudizzju għall-parteċipazzjoni eżistenti tar-Rumanija fl-attivitajiet imsemmijja fl-Artikolu 1, l-Assoċjazzjoni tal-Kunsill imwaqqaf mill-Ftehim Ewropa għandu jiddeċiedi t-termini u l-kondizzjonijiet għall-parteċipazzjoni tar-Rumanija fl-attivitajiet imsemmija fl-Artikolu 1.

Artikolu 3

Il-kontribut finanzjarju tar-Rumanija għall-attivitajiet imsemmijja fl-Artikolu 1 għandu jiġi bbażat fuq il-prinċipju li r-Rumanija għandha tħallas l-ispejjeż li jirriżultaw mill-parteċipazzjoni tagħha.

Jekk ikun meħtieġ, il-Komunità tista' tiddeċiedi każ b' każ, u skond ir-regoli applikabbli għall-budget ġenerali tal-Komunitajiet Ewropej, li tħallas suppliment għall-kontribut tar-Rumanija.

Il-partijiet jistgħu jiftehemu illi għandhom japplikaw id-disposizzjonijiet tat-Titolu VIII tal-Ftehim ta' l-Ewropa dwar il-koperazzjoni finanzjarja.

Artikolu 4

Dan il-Protokoll għandu jidħol fis-seħħ fl-ewwel jum tat-tieni xahar li jiġi wara d-data li fiha il-Partijiet jinnotifikaw lill-xulxin dwar it-tmiem tal-proċeduri meħtieġa għal dak l-iskop.

Artikolu 5

Dan il-Protokoll għandu jiġi meqjus bhala addizzjonali għall-Ftehim Ewropa bejn il-Komunità u r-Rumanija. Id-disposizzjonijiet kollha ġenerali, istituzzjonali u finali għandhom jibdew jgħoddu mid-dħul fis-seħħ ta' dan il-Protokoll.

Artikolu 6

Dan il-Protokoll għandu jiġi magħmul f'żewġ kopji f'dawn l-ilsna: id-Daniż, l-Olandiż, l-Ingliż, il-Franċiż, il-Ġermaniż, il-Grieg, it-Taljan, il-Portugiż, l-Ispanjol, l-Isvediż u r-Rumen, u kull wieħed minn dawn it-testi għandu jkun awtentiku indaqs.

Hecho en Bruselas, el treinta de junio de mil novecientos noventa y cinco.Udfærdiget i Bruxelles den tredivte juni nitten hundrede og femoghalvfems.Geschehen zu Brüssel am dreißigsten Juni neunzehnhundertfünfundneunzig.Έγινε στις Βρυξέλλες, στις τριάντα Ιουνίου χίλια εννιακόσια ενενήντα πέντε.Done at Brussels on the thirtieth day of June in the year one thousand nine hundred and ninety-five.Fait à Bruxelles, le trente juin mil neuf cent quatre-vingt-quinze.Fatto a Bruxelles, addì trenta giugno millenovecentonovantacinque.Gedaan te Brussel, de dertigste juni negentienhonderd vijfennegentig.Feito em Bruxelas, em trinta de Junho de mil novecentos e noventa e cinco.Tehty Brysselissä kolmantenakymmenentenä päivänä kesäkuuta vuonna tuhatyhdeksänsataayhdeksänkymmentäviisi.Utfärdat i Bryssel den trettionde juni nittonhundranittiofem.Făcut la Bruxelles la treizeci iunie una mie nouă sute nouăzeci şi cinci.

Por la Comunidad EuropeaFor Det Europæiske FællesskabFür die Europäische GemeinschaftΓια την Ευρωπαϊκή ΚοινότηταFor the European CommunityPour la Communauté européennePer la Comunità europeaVoor de Europese GemeenschapPela Comunidade EuropeiaEuroopan yhteisön puolestaPå Europeiska gemenskapens vägnar

+++++ TIFF +++++

Por la Comunidad Europea de la Energía AtómicaFor Det Europæiske AtomenergifællesskabFür die Europäische AtomgemeinschaftΓια την Ευρωπαϊκή Κοινότητα Ατομικής ΕνεργείαςFor the European Atomic Energy CommunityPour la Communauté européenne de l'énergie atomiquePer la Comunità europea dell'energia atomicaVoor de Europese Gemeenschap voor AtoomenergiePela Comunidade Europeia da Energia AtómicaEuroopan atomienergiayhteisön puolestaPå Europeiska atomenergigemenskapens vägnar

+++++ TIFF +++++

Pentru Guvernul României

+++++ TIFF +++++

--------------------------------------------------