Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

DEĊIŻJONI TA’ IMPLIMENTAZZJONI TAL-KUMMISSJONI (UE) 2022/2333

tat-23 ta’ Novembru 2022

dwar ċerti miżuri ta’ emerġenza li għandhom x’jaqsmu mal-ġidri tan-nagħaġ u mal-ġidri tal-mogħoż fi Spanja u li tħassar id-Deċiżjoni ta’ Implimentazzjoni (UE) 2022/1913

(notifikata bid-dokument C(2022) 8629)

(It-test bl-Ispanjol biss huwa awtentiku)

(Test b’rilevanza għaż-ŻEE)

Artikolu 1

Suġġett u kamp ta’ applikazzjoni

Din id-Deċiżjoni tistabbilixxi fil-livell tal-Unjoni:

(a)

iż-żoni ristretti li jinkludu żoni ta’ protezzjoni u ta’ sorveljanza li għandhom jiġu stabbiliti minn Spanja wara tifqigħa jew tifqigħat tal-ġidri tan-nagħaġ u tal-ġidri tal-mogħoż fi Spanja, kif ukoll żona ristretta ulterjuri f’konformità mal-Artikolu 21 tar-Regolament Delegat (UE) 2020/687;

(b)

id-durata tal-miżuri għall-kontroll tal-mard li għandhom jiġu applikati fiż-żoni ta’ protezzjoni f’konformità mal-Artikolu 39 tar-Regolament Delegat (UE) 2020/687, fiż-żoni ta’ sorveljanza f’konformità mal-Artikolu 55 tar-Regolament Delegat (UE) 2020/687 u fiż-żona ristretta ulterjuri f’konformità mal-Artikolu 21 ta’ dak ir-Regolament Delegat.

Artikolu 2

Stabbiliment ta’ żoni ristretti

Spanja għandha tiżgura li:

(a)

jiġu stabbiliti immedjatament mill-awtorità kompetenti ta’ dak l-Istat Membru żoni ristretti li jinkludu żoni ta’ protezzjoni u ta’ sorveljanza u żona ristretta ulterjuri f’konformità mal-Artikolu 21(1) tar-Regolament Delegat (UE) 2020/687 u bil-kundizzjonijiet stipulati f’dak l-Artikolu u fl-Artikolu 23(a) tar-Regolament Delegat (UE) 2020/687;

(b)

iż-żoni ta’ protezzjoni u ta’ sorveljanza u ż-żona ristretta ulterjuri msemmija fil-punt(a) ikunu jinkludu mill-inqas iż-żoni elenkati fl-Anness ta’ din id-Deċiżjoni;

(c)

il-miżuri f’kull żona ristretta għandhom japplikaw mill-inqas sad-dati elenkati fl-Anness ta’ din id-Deċiżjoni.

▼M4

Artikolu 3

Miżuri li jridu jiġu applikati fiż-żoni ta’ protezzjoni, ta’ sorveljanza u ristretti ulterjuri

Il-movimenti tan-nagħaġ u tal-mogħoż fiż-żona ta’ protezzjoni għandhom ikunu permessi biss jekk ikunu ġew awtorizzati mill-awtorità kompetenti u jkunu konformi mal-kundizzjonijiet stabbiliti fil-paragrafi 2, 7 u 8.

Il-movimenti tan-nagħaġ u tal-mogħoż miżmuma fiż-żona ta’ protezzjoni jistgħu jiġu awtorizzati mill-awtorità kompetenti meta dawk il-movimenti tan-nagħaġ u tal-mogħoż ikunu direttament lejn biċċerija li tinsab fl-istess żona ta’ protezzjoni bħall-istabbiliment tal-oriġini, għat-tbiċċir immedjat.

Il-movimenti tan-nagħaġ u tal-mogħoż fiż-żona ta’ sorveljanza għandhom ikunu permessi biss jekk ikunu ġew awtorizzati mill-awtorità kompetenti u jkunu konformi mal-kundizzjonijiet stabbiliti fil-paragrafi 4, 7 u 8.

Il-movimenti tan-nagħaġ u tal-mogħoż miżmuma fiż-żona ta’ sorveljanza jistgħu jiġu awtorizzati mill-awtorità kompetenti meta dawk il-movimenti tan-nagħaġ u tal-mogħoż ikunu direttament lejn biċċerija li tinsab fl-istess żona ta’ sorveljanza bħall-istabbiliment tal-oriġini, għat-tbiċċir immedjat.

Il-movimenti tan-nagħaġ u tal-mogħoż miż-żona ristretta ulterjuri lejn destinazzjoni barra dik iż-żona ristretta ulterjuri għandhom ikunu permessi biss jekk ikunu ġew awtorizzati mill-awtorità kompetenti u jkunu konformi mal-kundizzjonijiet stabbiliti fil-paragrafi 6, 7 u 8.

Il-movimenti tan-nagħaġ u tal-mogħoż miżmuma fiż-żona ristretta ulterjuri barra minn dik iż-żona ristretta ulterjuri jistgħu jiġu awtorizzati mill-awtorità kompetenti meta dawk il-movimenti tan-nagħaġ u tal-mogħoż ikunu direttament lejn biċċerija għat-tbiċċir immedjat.

In-nagħaġ u l-mogħoż li jridu jinġarru għandhom ikunu soġġetti għal spezzjoni klinika mill-awtorità kompetenti 24 siegħa jew inqas qabel id-data tal-ġarr.

Il-mezzi tal-ġarr użati għall-moviment tan-nagħaġ u tal-mogħoż miż-żoni ta’ protezzjoni, ta’ sorveljanza jew ristretti ulterjuri, stabbliti fil-paragrafi 1, 3 u 5 għandhom:

(a)

jikkonformaw mar-rekwiżiti għall-mezzi tal-ġarr stabbiliti fl-Artikolu 24(1) tar-Regolament Delegat (UE) 2020/687;

(b)

jitnaddfu u jiġu diżinfettati qabel kull ġarr tal-annimali bil-kontroll jew bis-superviżjoni tal-awtorità kompetenti;

(c)

jitnaddfu u jiġu diżinfettati f’konformità mar-rekwiżiti għall-mezzi tal-ġarr stabbiliti fl-Artikolu 24(2) tar-Regolament Delegat (UE) 2020/687 bil-kontroll jew bis-superviżjoni tal-awtorità kompetenti;

(d)

ikunu jinkludu biss nagħaġ u mogħoż tal-istess stat ta’ saħħa miżmuma fl-istess stabbiliment;

(e)

jiġu ssiġillati mill-awtorità kompetenti fl-istabbiliment tal-oriġini wara t-tagħbija tal-annimali, u t-tneħħija tas-siġilli tagħmilha l-awtorità kompetenti fil-biċċerija tad-destinazzjoni.

▼B

Artikolu 4

Tħassir tad-Deċiżjoni ta’ Implimentazzjoni (UE) 2022/1913

Id-Deċiżjoni ta’ Implimentazzjoni (UE) 2022/1913 hija mħassra.

▼M5

Artikolu 5

Applikazzjoni

Din id-Deċiżjoni għandha tapplika sal-31 ta’ Diċembru 2023.

▼B

Artikolu 6

Destinatarji

Din id-Deċiżjoni hija indirizzata lir-Renju ta’ Spanja.

▼M5

ANNESS

A. Żoni ta’ protezzjoni u ta’ sorveljanza stabbiliti madwar it-tifqigħat ikkonfermati

Reġjun u numru ta’ referenza tal-ADIS tat-tifqigħa	Żoni stabbiliti bħala żoni ta’ protezzjoni u ta’ sorveljanza, parti miż-żoni ristretti fi Spanja kif imsemmi fl-Artikolu 1	Data sa meta applikabbli
Ir-reġjun ta’ Castilla–La Mancha ES-CAPRIPOX-2023-00003 ES-CAPRIPOX-2023-00004 ES-CAPRIPOX-2023-00005 ES-CARPIPOX-2023-00006 ES-CARPIPOX-2023-00007	Żona ta’ protezzjoni: Żona ta’ protezzjoni li tinkludi ż-żoni li ġejjin: Fil-provinċja ta’ Ciudad Real, il-muniċipalitajiet ta’: — Alcázar de San Juan — Campo de Criptana — Pedro Muñoz Fil-provinċja ta’ Albacete, il-muniċipalità ta’: — Minaya Fil-provinċja ta’ Cuenca, il-muniċipalitajiet ta’: — Sisante — Casas de Fernando Alonso — Casas de Haro — Casas de los Pinos — El Pedernoso — El Provencio — Las Mesas — Las Pedroñeras — Mota del Cuervo — Pozoamargo — San Clemente — Santa María de los Llanos — Vara de Rey	20.7.2023
	Żona ta’ sorveljanza: Żona ta’ sorveljanza li tinkludi ż-żoni li ġejjin: Fil-provinċja ta’ Ciudad Real, il-muniċipalitajiet ta’: — Villarta de San Juan — Villarrubia de los Ojos — Tomelloso — Socuéllamos — Puerto Lápice — Manzanares — Llanos de Caudillo — Las Labores — Herencia — Daimiel — Argamasilla de Alba — Arenas de San Juan — Arenales de San Gregorio Fil-provinċja ta’ Toledo, il-muniċipalitajiet ta’: — Villafranca de los Caballeros — Villacañas — Quintanar de la Orden — Quero — Miguel Esteban — Madridejos — La Villa de Don Fabrique — La Puebla de Almoradiel — El Toboso — Camuñas Fil-provinċja ta’ Cuenca, il-muniċipalitajiet ta’: — Atalaya del Cañavate — Cañada Juncosa — El Cañavate — Honrubia — Pinarejo — Alarcón — Casas de Benítez — Casas de Guijarro — Casasimarro — El Picazo — Pozorrubielos de la Mancha — Quintanar del Rey — Tébar — Valhermoso de la Fuente — Villanueva de la Jara — Belmonte — Carrascosa de Haro — La Alberca de Záncara — Los Hinojosos — Monreal del Llano — Rada de Haro — Santa María del Campo Rus — Villaescusa de Haro (only the exclave of Dehesa de Alcahozo) Fil-provinċja ta’ Albacete, il-muniċipalitajiet ta’: — Fuensanta — La Roda — Munera — Tarazona de la Mancha — Villalgordo del Júcar — Villarrobledo	7.8.2023
	Żona ta’ sorveljanza: Żona ta’ sorveljanza li tinkludi ż-żoni li ġejjin: Fil-provinċja ta’ Ciudad Real, il-muniċipalitajiet ta’: — Alcázar de San Juan — Campo de Criptana — Pedro Muñoz Fil-provinċja ta’ Albacete, il-muniċipalità ta’: — Minaya Fil-provinċja ta’ Cuenca, il-muniċipalitajiet ta’: — Sisante — Casas de Fernando Alonso — Casas de Haro — Casas de los Pinos — El Pedernoso — El Provencio — Las Mesas — Las Pedroñeras — Mota del Cuervo — Pozoamargo — San Clemente — Santa María de los Llanos — Vara de Rey	21.7.2023–7.8.2023

B. Żoni ristretti ulterjuri

Reġjun	Żoni stabbiliti bħala żoni ristretti ulterjuri, parti miż-żoni ristretti fi Spanja kif imsemmi fl-Artikolu 1	Data sa meta applikabbli
Ir-reġjun ta’ Castilla-La Mancha	Żona ristretta ulterjuri li tinkludi l-provinċji li ġejjin: — Albacete — Ciudad Real — Cuenca — Toledo	25.9.2023

		Il-Ġurnal Uffiċjali
		Nru	Paġna	Data
M1	DEĊIŻJONI TA’ IMPLIMENTAZZJONI TAL-KUMMISSJONI (UE) 2023/10 tal-20 ta’ Diċembru 2022	L 2	126	4.1.2023
M2	DEĊIŻJONI TA’ IMPLIMENTAZZJONI TAL-KUMMISSJONI (UE) 2023/414 tas-17 ta’ Frar 2023	L 59	15	24.2.2023
M3	DEĊIŻJONI TA’ IMPLIMENTAZZJONI TAL-KUMMISSJONI (UE) 2023/836 tal-11 ta’ April 2023	L 105	51	20.4.2023
►M4	DEĊIŻJONI TA’ IMPLIMENTAZZJONI TAL-KUMMISSJONI (UE) 2023/872 tal-20 ta’ April 2023	L 113	49	28.4.2023
►M5	DEĊIŻJONI TA’ IMPLIMENTAZZJONI TAL-KUMMISSJONI (UE) 2023/1145 tas-7 ta’ Ġunju 2023	L 151	28	12.6.2023