02020R2151 — MT — 18.12.2020 — 000.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
IR-REGOLAMENT TA’ IMPLIMENTAZZJONI TAL-KUMMISSJONI (UE) 2020/2151 tas-17 ta’ Diċembru 2020 li jistabbilixxi regoli dwar l-ispeċifikazzjonijiet armonizzati ta’ mmarkar għall-prodotti tal-plastik li jintużaw darba biss elenkati fil-Parti D tal-Anness tad-Direttiva (UE) 2019/904 tal-Parlament Ewropew u tal-Kunsill dwar it-tnaqqis tal-impatt ta’ ċerti prodotti tal-plastik fuq l-ambjent (ĠU L 428 18.12.2020, p. 57) |
Ikkoreġut bi:
IR-REGOLAMENT TA’ IMPLIMENTAZZJONI TAL-KUMMISSJONI (UE) 2020/2151
tas-17 ta’ Diċembru 2020
li jistabbilixxi regoli dwar l-ispeċifikazzjonijiet armonizzati ta’ mmarkar għall-prodotti tal-plastik li jintużaw darba biss elenkati fil-Parti D tal-Anness tad-Direttiva (UE) 2019/904 tal-Parlament Ewropew u tal-Kunsill dwar it-tnaqqis tal-impatt ta’ ċerti prodotti tal-plastik fuq l-ambjent
(Test b’rilevanza għaż-ŻEE)
Artikolu 1
Imballaġġ
Għall-finijiet ta’ dan ir-Regolament, “imballaġġ” tfisser imballaġġ għall-bejgħ u imballaġġ ta’ prodotti fi gruppi kif iddefinit fil-punt 1 tal-Artikolu 3 tad-Direttiva 94/62/KE tal-Parlament Ewropew u tal-Kunsill ( 1 ).
Artikolu 2
Speċifikazzjonijiet armonizzati ta’ mmarkar
Artikolu 3
Lingwi
It-test informattiv tal-immarkar għandu jinkiteb bil-lingwa uffiċjali jew bil-lingwi tal-Istat Membru jew tal-Istati Membri fejn il-prodott tal-plastik li jintuża darba biss jitqiegħed fis-suq.
Artikolu 4
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mit-3 ta’ Lulju 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
ANNESS I
Speċifikazzjonijiet armonizzati ta’ mmarkar għal assorbenti sanitarji (pads), u għal tampuni u applikaturi tat-tampuni
1. L-imballaġġ tal-assorbenti sanitarji (pads), b’erja tas-superfiċje ta’ 10 cm2 jew aktar, għandu jkollu l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar tal-imballaġġ tal-assorbenti sanitarji (pads) li jitqiegħdu fis-suq qabel l-4 ta’ Lulju 2022 jista’ jitwaħħal permezz ta’ stikers.
2. L-imballaġġ tat-tampuni u tal-applikaturi tat-tampuni, b’erja tas-superfiċje ta’ 10 cm2 jew aktar, għandu jkollu l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar tal-imballaġġ tat-tampuni u tal-applikaturi tat-tampuni li jitqiegħdu fis-suq qabel l-4 ta’ Lulju 2022 jista’ jitwaħħal permezz ta’ stikers.
3. L-immarkar stabbilit fil-punti 1 u 2 għandu jikkonforma mar-rekwiżiti stabbiliti f’dan il-punt.
Pożizzjoni tal-immarkar
L-immarkar għandu jitqiegħed orizzontalment fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, skont liema jkun jidher l-aktar ċar.
Meta l-immarkar tad-daqs minimu ma jkunx jista’ joqgħod fl-intier tiegħu fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, jista’ jitqiegħed parzjalment fuq żewġ naħat tal-imballaġġ, jiġifieri fuq quddiem u fuq in-naħa ta’ fuq, jew fuq quddiem u fil-ġenb, skont liema jkun jidher l-aktar ċar.
Fejn ma jkunx possibbli li l-immarkar jitqiegħed orizzontalment minħabba l-forma jew id-daqs tal-imballaġġ, jista’ jiddawwar 90° u jitqiegħed vertikalment.
Il-kaxxi tal-immarkar ma għandhomx ikunu separati.
Meta jinfetaħ l-imballaġġ skont kwalunkwe istruzzjoni, l-immarkar jenħtieġ li ma jitqattax u li jkun jista’ jibqa’ jinqara.
Daqs tal-immarkar
►C1 L-immarkar għandu jkun magħmul minn żewġ kaxxi, waħda ħamra u waħda blu tal-istess daqs, li jitqiegħdu ħdejn xulxin, u kaxxa sewda rettangolari li jkun fiha t-test informattiv “PLASTIK FIL-PRODOTT”, imqiegħda taħt iż-żewġ kaxxi tal-istess daqs. ◄ Il-proporzjon bejn l-għoli u t-tul tal-immarkar għandu jkun 1:2.
Meta l-erja tan-naħa ta’ quddiem jew tal-wiċċ ta’ fuq ta’ barra tal-imballaġġ li fuqha jitqiegħed l-immarkar tkun inqas minn 65 cm2, id-daqs minimu tal-immarkar għandu jkun 1,4 cm x 2,8 cm (3,92 cm2). Fil-każijiet l-oħrajn kollha, l-immarkar għandu jkopri mill-inqas 6 % tal-erja tas-superfiċje li jitqiegħed fuqha. Id-daqs massimu meħtieġ tal-immarkar għandu jkun ta’ 3 cm x 6 cm (18-il cm2).
Disinn tal-immarkar
Id-disinn tal-immarkar għandu jiġi riprodott mingħajr ma jiżdied l-ebda effett, u mingħajr ma jiġu aġġustati l-kuluri jew jiġi mmanipulat jew estiż l-isfond. L-immarkar għandu jkun riprodott b’riżoluzzjoni minima ta’ 300 tikka għal kull pulzier meta jiġi stampat fid-daqs proprju. L-immarkar għandu jkun imdawwar b’linja bajda rqiqa.
►C1 It-test informattiv “PLASTIK FIL-PRODOTT” għandu jkun b’ittri kapitali u bit-tipa Helvetica Bold. ◄ Id-daqs tat-tipa għandu jkun mill-inqas 5 pt u massimu ta’ 14-il pt.
Meta t-test informattiv jiġi tradott f’lingwa oħra jew f’diversi lingwi uffiċjali tal-Istati Membri, it-test informattiv tradott għandu jitqiegħed jew qrib l-immarkar, jew ġewwa l-kaxxa rettangolari s-sewda, taħt l-ewwel lingwa, u għandu jkun jidher ċar fiż-żewġ każijiet. F’każijiet eċċezzjonali minħabba restrizzjonijiet mil-lat ta’ spazju fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, it-test informattiv tradott f’lingwa oħra jew f’diversi lingwi uffiċjali tal-Istati Membri jista’ jitqiegħed x’imkien ieħor fuq l-imballaġġ, qrib kemm jista’ jkun tal-immarkar u fejn ikun jidher ċar. It-test informattiv tradott għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas 5 pt u massimu ta’ 14-il pt. Meta t-test informattiv f’lingwi addizzjonali jitqiegħed fil-kaxxa rettangolari s-sewda, jistgħu jsiru derogi mid-daqs massimu meħtieġ tal-immarkar.
Għandhom jintużaw il-kuluri li għandhom il-kodiċijiet tal-kuluri li ġejjin:
ANNESS II
Speċifikazzjonijiet armonizzati ta’ mmarkar għal wet wipes
1. L-imballaġġ tal-wet wipes (jiġifieri wipes imxarrbin minn qabel tal-kura personali u għal użu domestiku), b’erja tas-superfiċje ta’ 10 cm2 jew aktar, għandu jkollu l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar tal-imballaġġ tal-wet wipes li jitqiegħdu fis-suq qabel l-4 ta’ Lulju 2022 jista’ jitwaħħal permezz ta’ stikers.
2. L-immarkar għandu jikkonforma mar-rekwiżiti stabbiliti f’dan il-punt.
Pożizzjoni tal-immarkar
L-immarkar għandu jitqiegħed orizzontalment fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, skont liema jkun jidher l-aktar ċar.
Meta l-immarkar tad-daqs minimu ma jkunx jista’ joqgħod fl-intier tiegħu fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, jista’ jitqiegħed parzjalment fuq żewġ naħat tal-imballaġġ, jiġifieri fuq quddiem u fuq in-naħa ta’ fuq, jew fuq quddiem u fil-ġenb, skont liema jkun jidher l-aktar ċar.
Fejn ma jkunx possibbli li l-immarkar jitqiegħed orizzontalment minħabba l-forma jew id-daqs tal-imballaġġ, jista’ jiddawwar 90° u jitqiegħed vertikalment.
Il-kaxxi tal-immarkar ma għandhomx ikunu separati.
Meta jinfetaħ l-imballaġġ skont kwalunkwe istruzzjoni, l-immarkar jenħtieġ li ma jitqattax u li jkun jista’ jibqa’ jinqara.
Daqs tal-immarkar
►C1 L-immarkar għandu jkun magħmul minn żewġ kaxxi, waħda ħamra u waħda blu tal-istess daqs, li jitqiegħdu ħdejn xulxin, u kaxxa sewda rettangolari li jkun fiha t-test informattiv “PLASTIK FIL-PRODOTT”, imqiegħda taħt iż-żewġ kaxxi tal-istess daqs. ◄ Il-proporzjon bejn l-għoli u t-tul tal-immarkar għandu jkun 1:2.
Meta l-erja tan-naħa ta’ quddiem jew tal-wiċċ ta’ fuq ta’ barra tal-imballaġġ li fuqha jitqiegħed l-immarkar tkun inqas minn 65 cm2, id-daqs minimu tal-immarkar għandu jkun 1,4 cm x 2,8 cm (3,92 cm2). Fil-każijiet l-oħrajn kollha, l-immarkar għandu jkopri mill-inqas 6 % tal-erja tas-superfiċje li jitqiegħed fuqha. Id-daqs massimu meħtieġ tal-immarkar għandu jkun ta’ 3 cm x 6 cm (18-il cm2).
Disinn tal-immarkar
Id-disinn tal-immarkar għandu jiġi riprodott mingħajr ma jiżdied l-ebda effett, u mingħajr ma jiġu aġġustati l-kuluri jew jiġi mmanipulat jew estiż l-isfond. L-immarkar għandu jkun riprodott b’riżoluzzjoni minima ta’ 300 tikka għal kull pulzier meta jiġi stampat fid-daqs proprju. L-immarkar għandu jkun imdawwar b’linja bajda rqiqa.
►C1 It-test informattiv “PLASTIK FIL-PRODOTT” għandu jkun b’ittri kapitali u bit-tipa Helvetica Bold. ◄ Id-daqs tat-tipa għandu jkun mill-inqas 5 pt u massimu ta’ 14-il pt.
Meta t-test informattiv jiġi tradott f’lingwa oħra jew f’diversi lingwi uffiċjali tal-Istati Membri, it-test informattiv tradott għandu jitqiegħed jew qrib l-immarkar, jew ġewwa l-kaxxa rettangolari s-sewda, taħt l-ewwel lingwa, u għandu jkun jidher ċar fiż-żewġ każijiet. F’każijiet eċċezzjonali minħabba restrizzjonijiet mil-lat ta’ spazju fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, it-test informattiv tradott f’lingwa oħra jew f’diversi lingwi uffiċjali tal-Istati Membri jista’ jitqiegħed x’imkien ieħor fuq l-imballaġġ, qrib kemm jista’ jkun tal-immarkar u fejn ikun jidher ċar. It-test informattiv tradott għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas 5 pt u massimu ta’ 14-il pt. Meta t-test informattiv f’lingwi addizzjonali jitqiegħed fil-kaxxa rettangolari s-sewda, jistgħu jsiru derogi mid-daqs massimu meħtieġ tal-immarkar.
Għandhom jintużaw il-kuluri li għandhom il-kodiċijiet tal-kuluri li ġejjin:
ANNESS III
Speċifikazzjonijiet armonizzati ta’ mmarkar għal prodotti tat-tabakk bil-filtri u filtri mqiegħda fis-suq għal użu flimkien mal-prodotti tat-tabakk
1. Pakkett individwali kif definit fil-punt 30 tal-Artikolu 2 tad-Direttiva 2014/40/KE (“pakkett individwali”) u ppakkjar estern kif definit fil-punt 29 tal-Artikolu 2 tad-Direttiva 2014/40/KE (“ippakkjar estern”) għall-prodotti tat-tabakk bil-filtri b’erja tas-superfiċje ta’ 10 cm2 jew aktar; u l-imballaġġ għall-filtri mqiegħda fis-suq għal użu flimkien mal-prodotti tat-tabakk b’erja tas-superfiċje ta’ 10 cm2 jew aktar għandu jkollu l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar ta’ pakkett individwali u tal-imballaġġ estern għall-prodotti tat-tabakk bil-filtri u l-imballaġġ għall-filtri kummerċjalizzati għal użu flimkien mal-prodotti tat-tabakk li jitqiegħdu fis-suq qabel l-4 ta’ Lulju 2022, jista’ jitwaħħal permezz ta’ stikers.
2. L-immarkar għandu jikkonforma mar-rekwiżiti stabbiliti f’dan il-punt.
Pożizzjoni tal-immarkar
Prodotti tat-tabakk bil-filtri
L-immarkar għandu jitqiegħed orizzontalment fuq il-wiċċ estern ta’ wara tal-pakkett individwali u fuq l-imballaġġ ta’ barra.
Meta l-immarkar tad-daqs minimu ma jkunx jista’ joqgħod orizzontalment fuq il-wiċċ ta’ wara ta’ barra tal-pakkett individwali, jista’ jiddawwar 90° u jitqiegħed vertikalment fuq il-wiċċ ta’ wara jew fuq kwalunkwe wiċċ laterali estern tal-pakkett individwali. Fil-każijiet kollha, għandu jkun viżibbli b’mod ċar.
Il-kaxxi tal-immarkar ma għandhomx ikunu separati.
L-immarkar ma għandu jfixkel bl-ebda mod il-viżibbiltà tat-twissijiet tas-saħħa meħtieġa mid-Direttiva 2014/40/UE.
L-immarkar ma għandux ikun mgħotti totalment jew parzjalment minn tikketti jew timbri oħra.
Meta jinfetaħ il-pakkett individwali u l-imballaġġ estern skont kwalunkwe struzzjoni, l-immarkar jenħtieġ li ma jitqattax u li jkun jista’ jibqa’ jinqara.
Filtri mqiegħda fis-suq għal użu flimkien mal-prodotti tat-tabakk
L-immarkar għandu jitqiegħed orizzontalment fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, skont liema jkun jidher l-aktar ċar.
Meta l-immarkar tad-daqs minimu ma jkunx jista’ joqgħod fl-intier tiegħu fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, jista’ jitqiegħed orizzontalment parzjalment fuq żewġ naħat tal-imballaġġ, jiġifieri fuq quddiem u fuq in-naħa ta’ fuq, jew fuq quddiem u fil-ġenb, skont liema jkun jidher l-aktar ċar.
Fejn ma jkunx possibbli li l-immarkar jitqiegħed orizzontalment minħabba l-forma jew id-daqs tal-imballaġġ, jista’ jiddawwar 90° u jitqiegħed vertikalment.
Il-kaxxi tal-immarkar ma għandhomx ikunu separati.
Meta jinfetaħ l-imballaġġ skont kwalunkwe istruzzjoni, l-immarkar jenħtieġ li ma jitqattax u li jkun jista’ jibqa’ jinqara.
Daqs tal-immarkar
►C1 L-immarkar għandu jkun magħmul minn żewġ kaxxi, waħda ħamra u waħda blu tal-istess daqs, li jitqiegħdu ħdejn xulxin, u kaxxa sewda rettangolari li jkun fiha t-test informattiv “PLASTIK FIL-FILTRU” , imqiegħda taħt iż-żewġ kaxxi tal-istess daqs. ◄ Il-proporzjon bejn l-għoli u t-tul tal-immarkar għandu jkun 1:2.
Prodotti tat-tabakk bil-filtri
Meta l-erja tal-wiċċ ta’ wara ta’ barra tal-pakkett individwali tkun inqas minn 65 cm2, id-daqs minimu tal-immarkar għandu jkun 1,4 cm x 2,8 cm (3,92 cm2). Fil-każijiet l-oħrajn kollha, l-immarkar għandu jkopri mill-inqas 6 % tal-erja tas-superfiċje li jitqiegħed fuqha. Id-daqs massimu meħtieġ tal-immarkar għandu jkun ta’ 3 cm x 6 cm (18-il cm2).
Għal filtri mqiegħda fis-suq għal użu flimkien mal-prodotti tat-tabakk
Meta l-erja tan-naħa ta’ quddiem jew tal-wiċċ ta’ fuq ta’ barra tal-imballaġġ li fuqha jitqiegħed l-immarkar tkun inqas minn 65 cm2, id-daqs minimu tal-immarkar għandu jkun 1,4 cm x 2,8 cm (3,92 cm2). Fil-każijiet l-oħrajn kollha, l-immarkar għandu jkopri mill-inqas 6 % tal-erja tas-superfiċje li jitqiegħed fuqha. Id-daqs massimu meħtieġ tal-immarkar għandu jkun ta’ 3 cm x 6 cm (18-il cm2).
Disinn tal-immarkar
Id-disinn tal-immarkar għandu jiġi riprodott mingħajr ma jiżdied l-ebda effett, u mingħajr ma jiġu aġġustati l-kuluri jew jiġi mmanipulat jew estiż l-isfond. L-immarkar għandu jkun riprodott b’riżoluzzjoni minima ta’ 300 tikka għal kull pulzier meta jiġi stampat fid-daqs proprju. L-immarkar għandu jkun imdawwar b’linja bajda rqiqa.
►C1 It-test informattiv “PLASTIK FIL-FILTRU” għandu jkun b’ittri kapitali u bit-tipa Helvetica Bold. ◄ Id-daqs tat-tipa għandu jkun mill-inqas 5 pt u massimu ta’ 14-il pt.
Meta t-test informattiv jiġi tradott f’lingwa oħra jew f’diversi lingwi uffiċjali tal-Istati Membri, it-test informattiv tradott għandu jitqiegħed jew qrib l-immarkar, jew ġewwa l-kaxxa rettangolari s-sewda, taħt l-ewwel lingwa, u għandu jkun jidher ċar fiż-żewġ każijiet. F’każijiet eċċezzjonali minħabba restrizzjonijiet mil-lat ta’ spazju fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, it-test informattiv tradott f’lingwa oħra jew f’diversi lingwi uffiċjali tal-Istati Membri jista’ jitqiegħed x’imkien ieħor fuq l-imballaġġ, qrib kemm jista’ jkun tal-immarkar u fejn ikun jidher ċar. It-test informattiv tradott għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas 5 pt u massimu ta’ 14-il pt. Meta t-test informattiv f’lingwi addizzjonali jitqiegħed fil-kaxxa rettangolari s-sewda, jistgħu jsiru derogi mid-daqs massimu meħtieġ tal-immarkar.
Għandhom jintużaw il-kuluri li għandhom il-kodiċijiet tal-kuluri li ġejjin:
ANNESS IV
Speċifikazzjonijiet armonizzati ta’ mmarkar għal tazez għax-xorb
1. It-tazez għax-xorb magħmula parzjalment mill-plastik għandu jkollhom l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar tat-tazez għax-xorb magħmula parzjalment mill-plastik u li jitqiegħdu fis-suq qabel l-4 ta’ Lulju 2022, jista’ jitwaħħal permezz ta’ stikers.
2. It-tazez għax-xorb magħmulin kompletament mill-plastik għandu jkollhom jew l-immarkar stampat li ġej jew l-immarkar imnaqqax/imbuzzat li ġej:
Stampat
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li tipprovdi kuntrast mal-paġna l-bajda. |
Permezz ta’ deroga mill-ewwel sentenza ta’ dan il-punt, l-immarkar tat-tazez għax-xorb magħmula kompletament mill-plastik u li jitqiegħdu fis-suq qabel l-4 ta’ Lulju 2022, jista’ jitwaħħal permezz ta’ stikers.
Imnaqqax/imbuzzat
Nota |
: |
il-linja s-sewda madwar l-immarkar u l-isfond il-griż mhumiex parti minnu. L-uniku għan tagħha huwa li tipprovdi kuntrast mal-paġna l-bajda. |
3. L-immarkar għat-tazez għax-xorb magħmulin parzjalment mill-plastik għandu jikkonforma mar-rekwiżiti stabbiliti f’dan il-punt.
Pożizzjoni tal-immarkar
Tazez tradizzjonali:
L-immarkar għandu jitqiegħed orizzontalment fuq il-wiċċ ta’ barra tat-tazza lil hinn mix-xifer sabiex jiġi evitat il-kuntatt ma’ ħalq il-konsumatur meta jkun qed jixrob. L-immarkar ma għandux jitqiegħed taħt il-bażi tat-tazza.
Tazez tax-xampanja:
L-immarkar għandu jitqiegħed orizzontalment fuq il-wiċċ ta’ barra tat-tazza, inkluż in-naħa ta’ fuq tal-bażi li żżomm is-sieq. L-immarkar għandu jitqiegħed lil hinn mix-xifer sabiex jiġi evitat il-kuntatt ma’ ħalq il-konsumatur meta jkun qed jixrob. L-immarkar ma għandux jitqiegħed taħt il-bażi tat-tazza.
Fejn ma jkunx possibbli li l-immarkar jitqiegħed orizzontalment minħabba l-forma jew id-daqs tat-tazza, jista’ jiddawwar 90° u jitqiegħed vertikalment.
Il-kaxxi tal-immarkar ma għandhomx ikunu separati.
Daqs tal-immarkar
►C1 L-immarkar għandu jkun magħmul minn żewġ kaxxi, waħda ħamra u waħda blu tal-istess daqs, li jitqiegħdu ħdejn xulxin, u kaxxa sewda rettangolari li jkun fiha t-test informattiv “PLASTIK FIL-PRODOTT”, imqiegħda taħt iż-żewġ kaxxi tal-istess daqs. ◄ Il-proporzjon bejn l-għoli u t-tul tal-immarkar għandu jkun 1:2.
Għat-tazez b’volum ta’ inqas minn 500 ml, id-daqs minimu tal-immarkar għandu jkun ta’ 1,4 cm x 2,8 cm (3,92 cm2).
Għat-tazez b’volum ta’ 500 ml jew aktar, id-daqs minimu tal-immarkar għandu jkun ta’ 1,6 cm x 3,2 cm (5,12 cm2).
Disinn tal-immarkar
Id-disinn tal-immarkar għandu jiġi riprodott mingħajr ma jiżdied l-ebda effett, u mingħajr ma jiġu aġġustati l-kuluri jew jiġi mmanipulat jew estiż l-isfond. L-immarkar għandu jkun riprodott b’riżoluzzjoni minima ta’ 300 tikka għal kull pulzier meta jiġi stampat fid-daqs proprju. L-immarkar għandu jkun imdawwar b’linja bajda rqiqa.
►C1 It-test informattiv “PLASTIK FIL-PRODOTT” għandu jkun b’ittri kapitali u bit-tipa Helvetica Bold. ◄ Id-daqs tat-tipa għandu jkun mill-inqas ta’ 5 pt għat-tazez ta’ inqas minn 500 ml u ta’ 6 pt għat-tazez ta’ 500 ml jew aktar.
Meta t-test informattiv jiġi tradott f’lingwa oħra jew f’diversi lingwi uffiċjali tal-Istati Membri, it-test informattiv tradott għandu jitqiegħed jew qrib l-immarkar, jew ġewwa l-kaxxa rettangolari s-sewda, taħt l-ewwel lingwa, u għandu jkun jidher ċar fiż-żewġ każijiet. F’każijiet eċċezzjonali minħabba restrizzjonijiet mil-lat ta’ spazju fuq il-wiċċ ta’ barra tat-tazza, it-test informattiv tradott f’lingwa oħra jew f’diversi lingwi uffiċjali tal-Istati Membri jista’ jitqiegħed x’imkien ieħor fuq it-tazza, qrib kemm jista’ jkun tal-immarkar u fejn ikun jidher ċar. It-test informattiv tradott għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas ta’ 5 pt għat-tazez ta’ inqas minn 500 ml u ta’ 6 pt għat-tazez ta’ 500 ml jew aktar. Meta t-test informattiv f’lingwi addizzjonali jitqiegħed fil-kaxxa rettangolari sewda, huma possibbli derogi mid-daqs massimu meħtieġ tal-immarkar.
Għandhom jintużaw il-kuluri li għandhom il-kodiċijiet tal-kuluri li ġejjin:
4. L-immarkar tat-tazez għax-xorb magħmulin kollha kemm huma mill-plastik għandu jikkonforma mar-rekwiżiti stabbiliti f’dan il-punt
Pożizzjoni tal-immarkar
Tazez tradizzjonali
L-immarkar għandu jitqiegħed orizzontalment fuq il-wiċċ ta’ barra tat-tazza, fil-post fejn ikun jidher l-aktar ċar. L-immarkar ma għandux jitqiegħed taħt il-bażi tat-tazza. Meta jkun stampat, l-immarkar għandu jitqiegħed lil hinn mix-xifer sabiex jiġi evitat il-kuntatt ma’ ħalq il-konsumatur meta jkun qed jixrob. Fil-każ ta’ tazez li mhumiex lixxi, l-immarkar ma għandux jiġi mnaqqax/imbuzzat fuq il-biċċiet li jidħlu ’l ġewwa.
Tazez tax-xampanja
L-immarkar għandu jitqiegħed orizzontalment fuq il-wiċċ ta’ barra tat-tazza, inkluż in-naħa ta’ fuq tal-bażi li żżomm is-sieq, fil-post fejn ikun jidher l-aktar ċar. L-immarkar ma għandux jitqiegħed taħt il-bażi tat-tazza. Meta jkun stampat, l-immarkar għandu jitqiegħed lil hinn mix-xifer sabiex jiġi evitat il-kuntatt ma’ ħalq il-konsumatur meta jkun qed jixrob. Fil-każ ta’ tazez li mhumiex lixxi, l-immarkar ma għandux jiġi mnaqqax/imbuzzat fuq il-biċċiet li jidħlu ’l ġewwa.
Fejn ma jkunx possibbli li l-immarkar jitqiegħed orizzontalment minħabba l-forma jew id-daqs tat-tazza, jista’ jiddawwar 90° u jitqiegħed vertikalment.
Daqs tal-immarkar
L-immarkar għandu jkollu forma rettangolari u l-proporzjon bejn l-għoli u t-tul huwa ta’ 1:2.
Għat-tazez b’volum ta’ inqas minn 500 ml, id-daqs minimu tal-immarkar għandu jkun ta’ 1,4 cm x 2,8 cm (3,92 cm2).
Għat-tazez b’volum ta’ 500 ml jew aktar, id-daqs minimu tal-immarkar għandu jkun ta’ 1,6 cm x 3,2 cm (5,12 cm2).
Disinn tal-immarkar
Stampat:
Id-disinn tal-immarkar għandu jiġi riprodott b’linka sewda mingħajr ma jiżdied l-ebda effett jew mingħajr ma jiġi mmanipulat jew estiż l-isfond. L-immarkar għandu jkun riprodott b’riżoluzzjoni minima ta’ 300 tikka għal kull pulzier meta jiġi stampat fid-daqs proprju. Jenħtieġ li l-immarkar ikun jikkuntrasta b’mod qawwi biżżejjed mal-isfond biex ikun jista’ jinqara sew. Għal dan il-għan, jenħtieġ li l-kontorn tal-immarkar ikun stampat f’wieħed minn dawn il-kuluri.
Imnaqqax/imbuzzat:
Id-disinn tal-immarkar għandu jiġi riprodott mingħajr ma jiżdiedu effetti jew mingħajr ma jiġi mmanipulat jew estiż l-isfond. Il-kontorn abjad kif muri fl-immarkar taħt il-punt 1.2 ta’ dan l-Anness jirrappreżenta l-linji li għandhom jiġu mnaqqxa jew imbuzzati fuq it-tazza.
►C1 It-test informattiv “MAGĦMUL MINN PLASTIK” għandu jkun b’ittri kapitali u bit-tipa Helvetica Bold. ◄ Id-daqs tat-tipa għandu jkun mill-inqas ta’ 5 pt għat-tazez ta’ inqas minn 500 ml u ta’ 6 pt għat-tazez ta’ 500 ml jew aktar.
Meta t-test informattiv jiġi tradott f’lingwa oħra jew f’diversi lingwi uffiċjali tal-Istati Membri, it-test informattiv tradott għandu jitqiegħed jew qrib l-immarkar, jew ġewwa l-kaxxa rettangolari s-sewda, taħt l-ewwel lingwa, u għandu jkun jidher ċar fiż-żewġ każijiet. F’każijiet eċċezzjonali minħabba restrizzjonijiet mil-lat ta’ spazju fuq il-wiċċ ta’ barra tat-tazza, it-test informattiv tradott f’lingwa oħra jew f’diversi lingwi uffiċjali tal-Istati Membri jista’ jitqiegħed x’imkien ieħor fuq it-tazza, qrib kemm jista’ jkun tal-immarkar u fejn ikun jidher ċar. It-test informattiv tradott għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas ta’ 5 pt għat-tazez ta’ inqas minn 500 ml u ta’ 6 pt għat-tazez ta’ 500 ml jew aktar.
Meta jkun stampat, għandhom jintużaw il-kuluri li għandhom il-kodiċijiet tal-kuluri li ġejjin:
( 1 ) Id-Direttiva tal-Parlament Ewropew u tal-Kunsill 94/62/KE tal-20 ta’ Diċembru 1994 dwar l-imballaġġ u l-iskart mill-imballaġġ (ĠU L 365, 31.12.1994, p. 10).