02019R0979 — MT — 17.09.2020 — 001.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
REGOLAMENT DELEGAT TAL-KUMMISSJONI (UE) 2019/979 tal-14 ta’ Marzu 2019 li jissupplimenta r-Regolament (UE) 2017/1129 tal-Parlament Ewropew u tal-Kunsill fir-rigward tal-istandards tekniċi regolatorji dwar l-informazzjoni finanzjarja ewlenija fis-sommarju ta’ prospett, il-pubblikazzjoni u l-klassifikazzjoni tal-prospetti, ir-reklami għal titoli, is-supplimenti għal prospett, u l-portal ta’ notifika, u li jħassar ir-Regolament ta’ Delega tal-Kummissjoni (UE) Nru 382/2014 u r-Regolament Delegat tal-Kummissjoni (UE) 2016/301 (ĠU L 166 21.6.2019, p. 1) |
Emendat bi:
|
|
|
Il-Ġurnal Uffiċjali |
||
|
Nru |
Paġna |
Data |
||
|
REGOLAMENT DELEGAT TAL-KUMMISSJONI (UE) 2020/1272 tal-4 ta’ Ġunju 2020 |
L 300 |
1 |
14.9.2020 |
|
REGOLAMENT DELEGAT TAL-KUMMISSJONI (UE) 2019/979
tal-14 ta’ Marzu 2019
li jissupplimenta r-Regolament (UE) 2017/1129 tal-Parlament Ewropew u tal-Kunsill fir-rigward tal-istandards tekniċi regolatorji dwar l-informazzjoni finanzjarja ewlenija fis-sommarju ta’ prospett, il-pubblikazzjoni u l-klassifikazzjoni tal-prospetti, ir-reklami għal titoli, is-supplimenti għal prospett, u l-portal ta’ notifika, u li jħassar ir-Regolament ta’ Delega tal-Kummissjoni (UE) Nru 382/2014 u r-Regolament Delegat tal-Kummissjoni (UE) 2016/301
(Test b’rilevanza għaż-ŻEE)
KAPITOLU I
INFORMAZZJONI FINANZJARJA EWLENIJA FIS-SOMMARJU TAL-PROSPETT
TAQSIMA 1
Kontenut tal-informazzjoni finanzjarja ewlenija fis-sommarju tal-prospett
Artikolu 1
Kontenut minimu tal-informazzjoni finanzjarja ewlenija fis-sommarju ta’ prospett
1. L-informazzjoni finanzjarja ewlenija fis-sommarju ta’ prospett għandha tkun magħmula mill-informazzjoni finanzjarja stabbilita fl-Annessi għar-Regolament Delegat tal-Kummissjoni 2019/980 ( 1 ).
2. Meta kwalunkwe informazzjoni msemmija fit-tabelli relevanti stabbiliti fl-Annessi I sa VI ta’ dan ir-Regolament ma tkunx inkluża fir-rapporti finanzjarji tal-emittent, l-emittent għandu jiżvela entrata korrispondenti fir-rapporti finanzjarji tiegħu minflok.
3. L-emittent jista’ jinkludi partiti addizzjonali jew miżuri ta’ prestazzjoni alternattivi fis-sommarju ta’ prospett fejn dawn ikunu informazzjoni finanzjarja ewlenija dwar l-emittent jew dwar it-titoli li jkunu qed jiġu offruti jew ammessi għall-kummerċ f’suq regolat. Għall-finijiet tal-ewwel sentenza, miżuri ta’ prestazzjoni alternattivi għandhom ikunu miżuri finanzjarji tal-prestazzjoni finanzjarja storika u futura, il-pożizzjoni finanzjarja, jew flussi tal-flus, għajr miżuri finanzjarji definiti fil-qafas tar-rapportar finanzjarju applikabbli.
4. Emittenti li ma jaqgħu taħt l-ebda tip ta’ emittent identifikat fl-Artikoli 2 sa 8 għandhom jippreżentaw l-informazzjoni finanzjarja ewlenija msemmija fit-tabelli li jqisu l-aktar mill-qrib mat-tip ta’ titoli maħruġa.
5. L-informazzjoni finanzjarja ewlenija għandha tiġi ppreżentata għan-numru ta’ snin meħtieġa mir-Regolament Delegat tal-Kummissjoni għat-tip ta’ ħruġ u ta’ titoli maħruġa.
Artikolu 2
Informazzjoni finanzjarja ewlenija għal entitajiet mhux finanzjarji li joħorġu titoli ta’ ekwità
Meta l-emittent ikun entità mhux finanzjarja li toħroġ titoli ta’ ekwità, is-sommarju ta’ prospett għandu jkun fih l-informazzjoni finanzjarja ewlenija msemmija fit-tabelli stipulati fl-Anness I.
Artikolu 3
Informazzjoni finanzjarja ewlenija għal entitajiet mhux finanzjarji li joħorġu titoli mingħajr ekwità
Meta l-emittent ikun entità mhux finanzjarja li toħroġ titoli mingħajr ekwità, is-sommarju ta’ prospett għandu jkun fih l-informazzjoni finanzjarja ewlenija msemmija fit-tabelli stabbiliti fl-Anness II.
Artikolu 4
Informazzjoni finanzjarja ewlenija għall-istituzzjonijiet ta’ kreditu
Meta l-emittent ikun istituzzjoni ta’ kreditu, is-sommarju ta’ prospett għandu jkun fih l-informazzjoni finanzjarja ewlenija msemmija fit-tabelli stipulati fl-Anness III.
Artikolu 5
Informazzjoni finanzjarja ewlenija għall-kumpaniji tal-assigurazzjoni
Meta l-emittent ikun istituzzjoni ta’ kreditu, is-sommarju ta’ prospett għandu jkun fih l-informazzjoni finanzjarja ewlenija msemmija fit-tabelli stipulati fl-Anness IV.
Artikolu 6
Informazzjoni finanzjarja ewlenija għal veikoli bi skop speċjali li joħorġu titoli ggarantiti b’assi
Meta l-emittent ikun veikolu bi skop speċjali li joħroġ titoli ggarantiti b’assi, is-sommarju ta’ prospett għandu jkun fih l-informazzjoni finanzjarja ewlenija msemmija fit-tabelli stabbiliti fl-Anness V.
Artikolu 7
Informazzjoni finanzjarja ewlenija għall-fondi tat-tip magħluq
Meta l-emittent ikun fond tat-tip magħluq, is-sommarju ta’ prospett għandu jkun fih l-informazzjoni finanzjarja ewlenija msemmija fit-tabelli stipulati fl-Anness VI.
Artikolu 8
Informazzjoni finanzjarja ewlenija għall-garanti
Meta garanzija hija marbuta mat-titoli, l-informazzjoni finanzjarja ewlenija dwar il-garanti għandha tiġi ppreżentata bħallikieku l-garanti kien l-emittent tal-istess tip ta’ titolu li huwa s-suġġett tal-garanzija permezz tat-tabelli stabbiliti fl-Annessi minn I sa VI. Meta l-garanzija tingħata għal titoli ggarantiti b’assi, l-informazzjoni finanzjarja ewlenija dwar il-garanti għandha tiġi ppreżentata bħallikieku l-garanti kien l-emittent tat-titoli sottostanti.
TAQSIMA 2
Format tal-informazzjoni finanzjarja ewlenija fis-sommarju tal-prospett
Artikolu 9
Format tal-informazzjoni finanzjarja ewlenija fis-sommarju ta’ prospett
1. L-informazzjoni finanzjarja ewlenija għandha tiġi ppreżentata f’format tabulari skont it-tabelli tal-Annessi minn I sa VI ta’ dan ir-Regolament.
2. Kwalunkwe informazzjoni finanzjarja storika fis-sommarju ta’ prospett, li ma tkunx estratta mid-dikjarazzjonijiet finanzjarji, għandha tiġi identifikata bħala tali.
3. Fejn informazzjoni pro forma li għandha tiġi inkluża fis-sommarju ta’ prospett taffettwa l-informazzjoni finanzjarja ewlenija msemmija fit-tabella relevanti tal-Annessi minn I sa VI ta’ dan ir-Regolament, dik l-informazzjoni pro forma għandha tiġi ppreżentata f’kolonni addizzjonali fit-tabelli stabbiliti fl-Annessi minn I sa VI ta’ dan ir-Regolament jew bħala tabella separata. Meta jkun meħtieġ għall-fehim tagħha, l-informazzjoni pro forma għandha tkun akkumpanjata bi spjegazzjoni qasira taċ-ċifri ppreżentati fil-kolonni addizzjonali jew tabella separata.
Meta fil-każ ta’ bidla grossa sinifikanti tiġi inkluża informazzjoni kwalitattiva biss fil-prospett, dikjarazzjoni f’dak is-sens għandha tiġi inkluża fis-sommarju ta’ dak il-prospett.
4. Meta l-emittent għandu passat finanzjarju kumpless kif stipulat fl-Artikolu 18 tar-Regolament Delegat 2019/980, l-informazzjoni finanzjarja ewlenija fis-sommarju tal-prospett għandha tkun ippreżentata b’mod konsistenti mal-prospett u bl-użu tat-tabelli rilevanti fl-Annessi minn I sa VI mar-Regolament.
KAPITOLU II
PUBBLIKAZZJONI TAL-PROSPETT
Artikolu 10
Pubblikazzjoni tal-prospett
1. Meta prospett, magħmul minn dokument wieħed jew minn dokumenti separati, ikun fih iperlinks għal siti web, huwa għandu jinkludi dikjarazzjoni li tgħid li l-informazzjoni fuq is-siti web ma tifformax parti mill-prospett u ma ġietx skrutinizzata jew approvata mill-awtorità kompetenti. Dan ir-rekwiżit ma għandux japplika għal iperlinks għall-informazzjoni li tkun inkorporata b’referenza.
2. Meta prospett jiġi ppubblikat skont l-Artikolu 21(2) tar-Regolament (UE) 2017/1129, għandhom jittieħdu miżuri fuq is-siti web użati għall-pubblikazzjoni tal-prospett biex jiġi evitat li jkunu fil-mira residenti ta’ Stati Membri jew pajjiżi terzi għajr dawk fejn it-titoli jiġu offruti lill-pubbliku.
KAPITOLU III
DATA LI TISTA’ TINQARA MILL-MAGNI GĦALL-KLASSIFIKAZZJONI TAL-PROSPETTI
Artikolu 11
Data għall-klassifikazzjoni tal-prospetti
Meta tipprovdi lill-ESMA b’kopja elettronika ta’ prospett approvat, inklużi kwalunkwe suppliment u kundizzjonijiet finali fejn applikabbli, l-awtorità kompetenti għandha tipprovdi wkoll lill-ESMA d-datali takkumpanjahom relevanti għall-klassifikazzjoni tal-prospetti skont it-tabelli stabbiliti fl-Anness VII ta’ dan ir-Regolament.
Artikolu 12
Arranġamenti prattiċi biex ikun żgurat li d-data tkun tista’ tinqara mill-magni
L-awtorità kompetenti għandha tipprovdi d-data li takkumpanja msemmija fl-Artikolu 11 f’format XML komuni u skont il-format u l-istandards stabbiliti fit-tabelli fl-Anness VII.
KAPITOLU IV
REKLAMI
Artikolu 13
IDENTIFIKAZZJONI TAL-PROSPETT
Fejn l-emittent, l-offerent jew il-persuna li titlob ammissjoni għall-kummerċ f’suq regolat hija soġġetta għall-obbligu li tfassal prospett, reklam għandu jidentifika b’mod ċar dak il-prospett billi:
jidentifika b’mod ċar is-sit web fejn il-prospett huwa ppubblikat, jew se jkun ippubblikat, fejn ir-reklamar jiġi mxerred f’forma miktuba u b’mezz ieħor li mhux elettroniku;
jinkludi iperlink għall-prospett u għall-kundizzjonijiet finali relevanti ta’ prospett bażi fejn ir-reklam jixxerred f’forma miktuba b’mezzi elettroniċi, jew billi jiġi inkluż iperlink għas-sit web fejn il-prospett se jiġi ppubblikat jekk il-prospett għadu ma ġiex ippubblikat;
jinkludi informazzjoni eżatta dwar fejn jista’ jinkiseb il-prospett, u informazzjoni eżatta dwar l-offerta ta’ titoli jew l-ammissjoni għall-kummerċ f’suq regolat relatat magħha, fejn ir-reklam jixxerred f’forma jew b’mezz li ma jaqax fil-kamp ta’ applikazzjoni tal-punti (a) jew (b).
Artikolu 14
Kontenut meħtieġ
1. Ir-reklami mxerrda lill-investituri individwali potenzjali għandhom jinkludu l-elementi li ġejjin:
il-kelma “reklam”, b’mod prominenti. Meta reklam jixxerred f’forma orali, l-iskop tal-komunikazzjoni għandu jkun identifikat b’mod ċar fil-bidu tal-messaġġ;
dikjarazzjoni li l-approvazzjoni tal-prospett ma għandhiex tinftiehem bħala approvazzjoni tat-titoli offruti jew ammessi għall-kummerċ f’suq regolat fejn ir-reklam ikun fih referenza għal prospett approvat minn awtorità kompetenti;
rakkomandazzjoni li investituri potenzjali jaqraw il-prospett qabel ma jagħmlu deċiżjoni ta’ investiment sabiex jifhmu bis-sħiħ ir-riskji u l-benefiċċji potenzjali assoċjati mad-deċiżjoni li jinvestu fit-titoli fejn ir-reklam ikun fih referenza għal prospett approvat minn awtorità kompetenti;
allert ta’ komprensjoni meħtieġ skont il-punt (b) tal-Artikolu 8(3) tar-Regolament (UE) Nru 1286/2014 tal-Parlament Ewropew u tal-Kunsill ( 2 ) meta:
ir-reklam jirrigwarda titoli kumplessi li mhumiex l-istrumenti finanzjarji msemmija fil-punti (i), (ii) u (vi) tal-Artikolu 25(4)(a) tad-Direttiva 2014/65/UE tal-Parlament Ewropew u tal-Kunsill ( 3 ); u
l-allert ta’ komprensjoni hu, jew se jkun, inkluż fis-sommarju tal-prospett.
2. Ir-reklami bil-miktub, li jiġu disseminati lil investituri individwali potenzjali, għandhom ikunu differenti biżżejjed fil-format u fit-tul mill-prospett biex ma tkun possibbli l-ebda konfużjoni mal-prospett.
Artikolu 15
Disseminazzjoni tar-reklami
1. Ir-reklami mxerrda lill-investituri potenzjali għandhom jiġu emendati meta:
suppliment għall-prospett huwa sussegwentement ippubblikat f’konformità mal-Artikolu 23 tar-Regolament (UE) 2017/1129;
il-fattur ġdid sinifikanti, żball materjali jew ineżattezza materjali msemmija fis-suppliment tirrendi lir-reklam preċedentement imxerred b’mod materjali ineżatt jew li jqarqu.
L-ewwel subparagrafu ma għandux japplika wara l-għeluq finali tal-perjodu tal-offerta lill-pubbliku jew wara ż-żmien meta jibda l-kummerċ f’suq regolat, skont liema minnhom iseħħ l-aħħar.
2. Ir-reklami emendati kif imsemmija fil-paragrafu 1 għandhom jiġu disseminati lill-investituri potenzjali mingħajr dewmien żejjed wara l-pubblikazzjoni tas-suppliment għall-prospett u għandu jkun fihom dan kollu li ġej:
referenza ċara għall-verżjoni ineżatta jew qarrieqa tar-reklam;
spjegazzjoni li r-reklam ġie emendat minħabba li kien fih informazzjoni materjalment ineżatta jew qarrieqa;
deskrizzjoni ċara tad-differenzi bejn iż-żewġ verżjonijiet tar-reklam.
3. Bl-eċċezzjoni tar-reklami disseminati oralment, ir-reklami emendati skont il-paragrafu 1 għandhom jixxerrdu mill-inqas permezz tal-istess mezzi bħar-reklam preċedenti.
Artikolu 16
Informazzjoni dwar offerti ta’ titoli
1. Informazzjoni żvelata f’forma orali jew miktuba li tikkonċerna offerta ta’ titoli lill-pubbliku jew ammissjoni għall-kummerċ f’suq regolat, kemm bħala reklam jew għal skopijiet oħra, ma għandhiex:
tikkontradixxi l-informazzjoni fil-prospett;
tirreferi għal informazzjoni li tikkontradixxi dak li jkun jinsab fil-prospett;
tippreżenta l-informazzjoni fil-prospett b’mod żbilanċjat materjalment, inkluż permezz tal-preżentazzjoni ta’ aspetti negattivi ta’ tali informazzjoni b’inqas prominenza mill-aspetti pożittivi, l-ommissjoni jew il-preżentazzjoni selettiva ta’ ċerta informazzjoni;
ikun fiha miżuri alternattivi ta’ prestazzjoni sakemm ma jkunux inklużi fil-prospett.
2. Għall-finijiet tal-paragrafu 1, l-informazzjoni fil-prospett għandha tikkonsisti jew f’informazzjoni inkluża fil-prospett, jekk ikun diġà ppubblikat, jew informazzjoni li għandha tkun inkluża fil-prospett, jekk il-prospett għandu jkun ippubblikat f’data aktar tard.
3. Għall-finijiet tal-punt (d) tal-paragrafu 1, miżuri ta’ prestazzjoni alternattivi għandhom jikkonsistu minn miżuri finanzjarji tal-prestazzjoni finanzjarja storika jew futura, il-pożizzjoni finanzjarja, jew flussi ta’ flus, għajr miżuri finanzjarji definiti fil-qafas tar-rapportar finanzjarju applikabbli.
Artikolu 17
Proċedura għall-kooperazzjoni bejn awtoritajiet kompetenti
1. Meta l-awtorità kompetenti ta’ Stat Membru li fih jiġi disseminat reklam temmen li l-kontenut ta’ dak ir-reklam mhuwiex konsistenti mal-informazzjoni fil-prospett, hija tista’ titlob l-assistenza tal-awtorità kompetenti tal-Istat Membru tad-domiċilju. Meta mitluba tagħmel dan, l-awtorità kompetenti tal-Istat Membru li fih qed jixxerred ir-reklam għandha tikkomunika dan li ġej lill-awtorità kompetenti tal-Istat Membru ta’ domiċilju:
ir-raġunijiet tagħha għaliex temmen li l-kontenut tar-reklam huwa inkonsistenti mal-informazzjoni fil-prospett;
ir-reklam relevanti u, fejn neċessarju, traduzzjoni tar-reklam fil-lingwa tal-prospett jew f’lingwa komuni fl-isfera tal-finanzi internazzjonali.
2. L-awtorità kompetenti tal-Istat Membru ta’ domiċilju għandha, mill-aktar fis possibbli, tibgħat lill-awtorità kompetenti fejn ikun qed jixxerred ir-reklam ir-riżultati tal-valutazzjoni tagħha tal-konsistenza tar-reklam mal-informazzjoni fil-prospett.
KAPITOLU V
SUPPLIMENTI GĦALL-PROSPETT
Artikolu 18
Pubblikazzjoni ta’ suppliment għall-prospett
1. Suppliment għall-prospett għandu jkun ippubblikat fis-sitwazzjonijiet li ġejjin:
rapporti finanzjarji annwali awditjati ġodda jiġu ppubblikati minn dawn li ġejjin:
emittent fejn prospett ikun relatat ma’ ishma jew titoli trasferibbli oħra ekwivalenti għal ishma;
emittent tal-ishma sottostanti jew titoli trasferibbli oħrajn ekwivalenti għal ishma fil-każ tat-titoli msemmija fl-Artikoli 19(2), jew 20(2) tar-Regolament Delegat (UE) 2019/980;
emittent tal-ishma sottostanti ta’ riċevuti depożitarji msemmija fl-Artikoli 6 u 14 tar-Regolament Delegat 2019/980;
emittent ippubblika previżjoni jew estimu ta’ profitt wara l-approvazzjoni tal-prospett meta previżjoni jew estimu ta’ profitt huwa meħtieġ li jkun inkluż fil-prospett skont ir-Regolament Delegat 2019/980;
fil-prospett tkun inkluża emenda għal previżjoni jew estimu ta’ profitt jew l-irtirar ta’ tali previżjoni jew estimu;
iseħħ tibdil fil-kontroll fir-rigward ta’ dawn li ġejjin:
emittent fejn prospett ikun relatat ma’ ishma jew titoli trasferibbli oħra ekwivalenti għal ishma;
emittent tal-ishma sottostanti jew titoli trasferibbli oħrajn ekwivalenti għal ishma fil-każ li prospett huwa relatat ma’ titoli msemmija fl-Artikoli 19(2), jew 20(2) tar-Regolament Delegat (UE) 2019/980;
emittent tal-ishma sottostanti ta’ riċevuti depożitarji msemmija fl-Artikoli 6 u 14 tar-Regolament Delegat 2019/980;
partijiet terzi jagħmlu offerta ġdida ta’ akkwist kif definita fl-Artikolu 2(1)(a) tad-Direttiva 2004/25/KE tal-Parlament Ewropew u tal-Kunsill ( 4 ) jew ir-riżultat ta’ kwalunkwe offerta ta’ akkwist jsir disponibbli fir-rigward ta’ kwalunkwe tip ta’ titoli li ġejjin:
l-ekwità tal-emittent meta prospett ikun relatat ma’ ishma jew titoli trasferibbli oħra ekwivalenti għal ishma;
l-ekwità tal-emittent tal-ishma sottostanti jew titoli trasferibbli oħrajn ekwivalenti għal ishma fil-każ li prospett huwa relatat ma’ titoli msemmija fl-Artikoli 19(2), jew 20(2) tar-Regolament Delegat (UE) 2019/980;
l-ekwità tal-emittent tal-ishma sottostanti ta’ riċevuti depożitarji meta prospett jitfassal skont l-Artikoli 6 u 14 tar-Regolament Delegat (UE) 2019/980;
id-dikjarazzjoni tal-kapital operatorju inkluża fi prospett issir suffiċjenti jew insuffiċjenti għar-rekwiżiti preżenti tal-emittent, fir-rigward ta’:
ishma jew titoli trasferibbli oħrajn ekwivalenti għal ishma;
titoli kif imsemmija fl-Artikolu 19(2) tar-Regolament Delegat (UE) 2019/980;
riċevuti depożitarji maħruġa fuq ishma msemmija fl-Artikoli 6 u 14 tar-Regolament Delegat 2019/980;
emittent ikun qed ifittex l-ammissjoni għall-kummerċ f’mill-anqas suq regolat addizzjonali f’mill-inqas Stat Membru wieħed addizzjonali jew ikollu l-ħsieb li jagħmel offerta ta’ titoli lill-pubbliku f’mill-inqas Stat Membru wieħed addizzjonali li ma jkunx imsemmi fil-prospett;
fil-każ ta’ prospett dwar titoli ta’ ekwità jew titoli trasferibbli oħra ekwivalenti għal ishma; jew titoli msemmija fl-Artikoli 19(2) jew 20(2) tar-Regolament Delegat (UE) 2019/980; x’aktarx li impenn finanzjarju ġdid sinifikanti jagħti lok għal bidla grossa sinifikanti kif definit fl-Artikolu 1, punt (e), ta dak ir-Regolament Delegat;
l-ammont nominali aggregat tal-programm tal-offerta jiżdied.
KAPITOLU VI
ARRANĠAMENTI TEKNIĊI GĦALL-FUNZJONAMENT TAL-PORTAL TA’ NOTIFIKA
Artikolu 19
Tlugħ ta’ dokumenti u ta’ data li takkumpanjahom
Meta ttella’ kwalunkwe dokument imsemmi fl-Artikolu 25(6) tar-Regolament (UE) 2017/1129 fil-portal ta’ notifika, l-awtorità kompetenti għandha tiżgura li dawk id-dokumenti jkunu f’format elettroniku li jippermetti li jsir tiftix li ma jistax jiġi modifikat u li jkollhom magħhom id-data relatata ma’ dawk id-dokumenti kif speċifikat fit-tabelli tal-Anness VII ta’ dan ir-Regolament f’format XML komuni.
Artikolu 20
Ipproċessar u notifika ta’ dokumenti u ta’ data li takkumpanjahom
1. L-ESMA għandha tiżgura li l-portal ta’ notifika awtomatikament jipproċessa u jikkontrolla d-dokumenti kollha mtellgħin u d-data li takkumpanjahom u tinnotifika lill-awtorità kompetenti li qed ittellagħhom jekk l-applowdjar kienx ta’ suċċess u jekk l-applowdjar kienx fih xi żball.
2. L-ESMA għandha tiżgura li l-portal ta’ notifika jibgħat notifiki ta’ dokumenti applowdjati u tad-data li takkumpanjahom lill-awtoritajiet kompetenti relevanti.
Artikolu 21
Tniżżil ta dokumenti u ta’ data li takkumpanjahom
L-ESMA għandha tiżgura li l-portal ta’ notifika jagħmel id-dokumenti mtellgħin u d-data li takkumpanjahom disponibbli għall-awtoritajiet kompetenti relevanti.
KAPITOLU VII
DISPOŻIZZJONIJIET FINALI
Artikolu 22
Tħassir
Ir-Regolament ta’ Delega (UE) Nru 382/2014 tħassar.
Ir-Regolament Delegat (UE) 2016/301 tħassar.
Artikolu 22a
Sommarji ta’ prospetti approvati bejn il-21 ta’ Lulju 2019 u s-16 ta’ Settembru 2020 għal entitajiet mhux finanzjarji li joħorġu titoli ta’ ekwità
Sommarji ta’ prospetti li fihom informazzjoni kif imsemmija fit-Tabella 3 tal-Anness I u li ġew approvati bejn il-21 ta’ Lulju 2019 u s-16 ta’ Settembru 2020 għandhom jibqgħu validi sa tmiem il-validità ta’ dawk il-prospetti.
Artikolu 23
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-21 ta’ Lulju 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
ANNESS I
ENTITAJIET MHUX FINANZJARJI (TITOLI TA’ EKWITÀ)
Tabella 1
Rapport tal-introjtu għal entitajiet mhux finanzjarji (titoli ta’ ekwità)
|
|
Sena |
Sena -1 |
Sena -2 |
Interim |
Tqabbil interim mal-istess perjodu fis-sena preċedenti |
|
*Dħul totali |
|
|
|
|
|
|
*Redditu/telf operatorju jew miżura oħra simili ta’ prestazzjoni finanzjarja użata mill-emittent fir-rapporti finanzjarji |
|
|
|
|
|
|
*Redditu jew telf nett (għar-redditu jew telf nett fir-rapporti finanzjarji konsolidati attribwibbli lil titolari ta’ ekwità tal-kumpanija omm) |
|
|
|
|
|
|
#Tkabbir tad-dħul sena fuq sena |
|
|
|
|
|
|
Marġni ta’ redditu operatorju |
|
|
|
|
|
|
Marġni ta’ redditu nett |
|
|
|
|
|
|
#Qligħ għal kull sehem |
|
|
|
|
|
Tabella 2
Karta bilanċjali għal entitajiet mhux finanzjarji (titoli ta’ ekwità)
|
|
Sena |
Sena -1 |
Sena -2 |
Interim |
|
*Assi totali |
|
|
|
|
|
*Ekwità totali |
|
|
|
|
|
#Dejn finanzjarju nett (dejn fit-tul flimkien ma’ dejn fuq perjodu ta’ żmien qasir minus il-kontanti) |
|
|
|
|
Tabella 3
Rapport tal-flussi tal-flus għal entitajiet mhux finanzjarji (titoli ta’ ekwità)
|
|
Sena |
Sena -1 |
Sena -2 |
Interim |
Tqabbil interim mal-istess perjodu fis-sena preċedenti |
|
*Flussi ta’ flus netti relevanti minn attivitajiet operatorji u/jew flussi ta’ flus minn attivitajiet ta’ investiment u/jew flus minn attivitajiet ta’ finanzjament |
|
|
|
|
|
ANNESS II
ENTITAJIET MHUX FINANZJARJI (TITOLI LI MHUMIEX TA’ EKWITÀ)
Tabella 1
Rapport tal-introjtu għal titoli li mhumiex ta’ ekwità
|
|
Sena |
Sena -1 |
Interim |
Tqabbil interim mal-istess perjodu fis-sena preċedenti |
|
*Redditu/telf operatorju jew miżura oħra simili ta’ prestazzjoni finanzjarja użata mill-emittent fir-rapporti finanzjarji |
|
|
|
|
Tabella 2
Karta bilanċjali għal titoli li mhumiex ta’ ekwità
|
|
Sena |
Sena -1 |
Interim |
|
*Dejn finanzjarju nett (dejn fit-tul flimkien ma’ dejn fuq perjodu ta’ żmien qasir minus il-kontanti) |
|
|
|
|
#Proporzjon kurrenti (assi kurrenti/obbligazzjonijiet kurrenti) |
|
|
|
|
#Proporzjon ta’ dejn-ekwità (obbligazzjonijiet totali/ekwità totali tal-azzjonisti) |
|
|
|
|
#Proporzjon ta’ kopertura tal-imgħax (introjtu operatorju/spiża tal-imgħax) |
|
|
|
Tabella 3
Rapport tal-flussi tal-flus għal titoli li mhumiex ta’ ekwità)
|
|
Sena |
Sena -1 |
Interim |
Tqabbil interim mal-istess perjodu fis-sena preċedenti |
|
Flussi netti tal-flus minn attivitajiet operatorji |
|
|
|
|
|
Flussi netti tal-flus minn attivitajiet ta’ finanzjament |
|
|
|
|
|
Flussi netti tal-flus minn attivitajiet ta’ investiment |
|
|
|
|
ANNESS III
ISTITUZZJONIJIET TA’ KREDITU (TITOLI TA’ EKWITÀ U DAWK LI MHUMIEX TA’ EKWITÀ)
Tabella 1
Rapport tal-introjtu għall-istituzzjonijiet ta’ kreditu
|
|
Sena |
Sena -1 |
Sena -2 (1) |
Interim |
Tqabbil interim mal-istess perjodu fis-sena preċedenti |
|
*Introjtu mill-imgħax nett (jew ekwivalenti) |
|
|
|
|
|
|
*Tariffa u introjtu nett mill-kummissjonijiet |
|
|
|
|
|
|
*Telf nett minn indeboliment fuq assi finanzjarji |
|
|
|
|
|
|
*Introjtu operatorju nett |
|
|
|
|
|
|
*Miżura tal-prestazzjoni finanzjarja użata mill-emittent fir-rapporti finanzjarji bħar-redditu operatorju |
|
|
|
|
|
|
*Redditu jew telf nett (għar-redditu jew telf nett fir-rapporti finanzjarji konsolidati attribwibbli lil titolari ta’ ekwità tal-kumpanija omm) |
|
|
|
|
|
|
#Qligħ għal kull sehem (għal emittenti ta’ ekwità biss) |
|
|
|
|
|
|
(1) Jekk jogħġbok indika l-informazzjoni finanzjarja ewlenija għall-għadd ta’ snin li għalihom japplika r-rekwiżit ta’ informazzjoni relevanti skont ir-Regolament Delegat 980/2019. |
|||||
Tabella 2
Karta bilanċjali għall-istituzzjonijiet ta’ kreditu
|
|
Sena |
Sena -1 |
Sena -2 (1) |
Interim |
#Valur bħala eżitu mill-Proċess ta’ Rieżami u Evalwazzjoni Superviżorji (Supervisory Review and Evaluation Process, SREP) l-aktar reċenti |
|
*Assi totali |
|
|
|
|
|
|
*Dejn superjuri |
|
|
|
|
|
|
*Dejn subordinat |
|
|
|
|
|
|
*Self u riċevibbli mingħand klijenti (nett) |
|
|
|
|
|
|
*Depożiti mingħand klijenti |
|
|
|
|
|
|
*Ekwità totali |
|
|
|
|
|
|
#Self improduttiv (ibbażat fuq ammont riportat nett)/Self u riċevibbli) |
|
|
|
|
|
|
#Proporzjon tal-kapital tal-Grad 1 ta’ Ekwità Komuni (Common Equity Tier 1, CET1) jew proporzjon tal-adegwatezza kapitali prudenzjali relevanti ieħor skont il-ħruġ |
|
|
|
|
|
|
#Proporzjon Kapitali Totali |
|
|
|
|
|
|
#Proporzjon ta’ ingranaġġ ikkalkulat skont il-qafas regolatorju applikabbli |
|
|
|
|
|
|
(1) Jekk jogħġbok indika l-informazzjoni finanzjarja ewlenija għall-għadd ta’ snin li għalihom japplika r-rekwiżit ta’ informazzjoni relevanti skont ir-Regolament Delegat 980/2019. |
|||||
ANNESS IV
KUMPANIJI TAL-ASSIGURAZZJONI (TITOLI TA’ EKWITÀ U DAWK LI MHUMIEX TA’ EKWITÀ)
Tabella 1
Rapport tal-introjtu għall-kumpaniji tal-assigurazzjoni
|
|
Sena |
Sena -1 |
Sena -2 (1) |
Interim |
Tqabbil interim mal-istess perjodu fis-sena preċedenti |
|
*Primjums netti |
|
|
|
|
|
|
*Benefiċċji u pretensjonijiet netti |
|
|
|
|
|
|
*Qligħ qabel it-taxxa |
|
|
|
|
|
|
*Redittu operatorju (distinzjoni bejn assigurazzjoni tal-ħajja u dik mhux tal-ħajja) |
|
|
|
|
|
|
* Redditu jew telf nett (għar-redditu jew telf nett fir-rapporti finanzjarji konsolidati attribwibbli lil titolari ta’ ekwità tal-kumpanija omm) |
|
|
|
|
|
|
#Tkabbir tad-dħul sena fuq sena (primjums netti) |
|
|
|
|
|
|
#Qligħ għal kull sehem (għal emittenti ta’ ekwità biss) |
|
|
|
|
|
|
(1) Jekk jogħġbok indika l-informazzjoni finanzjarja ewlenija għall-għadd ta’ snin li għalihom japplika r-rekwiżit ta’ informazzjoni relevanti skont ir-Regolament Delegat 980/2019. |
|||||
Tabella 2
Karta bilanċjali għall-kumpaniji tal-assigurazzjoni
|
|
Sena |
Sena -1 |
Sena -2 (1) |
Interim |
|
*Investimenti inklużi assi finanzjarji relatati ma’ kuntratti marbuta ma’ unitajiet |
|
|
|
|
|
*Assi totali |
|
|
|
|
|
*Obbligazzjonijiet kuntrattwali tal-assigurazzjoni |
|
|
|
|
|
*Obbligazzjonijiet finanzjarji |
|
|
|
|
|
*Obbligazzjonijiet totali |
|
|
|
|
|
*Ekwità totali |
|
|
|
|
|
#Proporzjon tal-Kopertura tas-Solvenza (proporzjon tas-Solvibbiltà II - proporzjon SII) jew proporzjon ta’ kapital prudenzjali relevanti ieħor skont il-ħruġ |
|
|
|
|
|
#Proporzjon ta’ Telf |
|
|
|
|
|
#Proporzjon ikkombinat (pretensjonijiet + spejjeż/primjums għall-perjodu) |
|
|
|
|
|
(1) Jekk jogħġbok indika l-informazzjoni finanzjarja ewlenija għall-għadd ta’ snin li għalihom japplika r-rekwiżit ta’ informazzjoni relevanti skont ir-Regolament Delegat 980/2019. |
||||
ANNESS V
VEIKOLI BI SKOP SPEĊJALI (SPECIAL PURPOSE VEHICLES, SPVS) LI JOĦORĠU TITOLI GARANTITI B’ASSI
Tabella 1
Rapport tal-introjtu għal SPVs b’rabta ma’ titoli garantiti b’assi
|
|
Sena |
Sena -1 |
|
*Profitt jew telf nett |
|
|
Tabella 2
Karta bilanċjali għal SPVs b’rabta ma’ titoli garantiti b’assi
|
|
Sena |
Sena -1 |
|
*Assi Totali |
|
|
|
*Obbligazzjonijiet Totali |
|
|
|
*Assi finanzjarji indikati bil-valur ġust permezz tal-profitt jew telf |
|
|
|
*Assi finanzjarji derivattivi |
|
|
|
*Assi mhux finanzjarji jekk materjali għan-negozju tal-entità |
|
|
|
*Obbligazzjonijiet finanzjarji indikati bil-valur ġust permezz tal-profitt jew telf |
|
|
|
*Obbligazzjonijiet finanzjarji derivattivi |
|
|
ANNESS VI
FONDI TAT-TIP MAGĦLUQ
Tabella 1
Informazzjoni addizzjonali relevanti għall-fondi tat-tip magħluq
|
Klassi tal-azzjonijiet |
Total tan-NAV |
Numru ta’ ishma/unitajiet |
~NAV/sehem jew Prezz tas-suq/sehem/unità |
#Prestazzjoni storika tal-fond |
|
A |
XXX |
XX |
X |
|
|
|
Total Kumplessiv |
Total Kumplessiv |
|
|
Tabella 2
Rapport tal-introjtu għal fondi tat-tip magħluq
|
|
Sena |
Sena -1 |
Sena -2 |
Interim |
Tqabbil interim mal-istess perjodu fis-sena preċedenti |
|
*Introjtu nett totali/Introjtu nett mill-investiment jew introjtu totali qabel l-ispejjeż operatorji |
|
|
|
|
|
|
*Profitt/(telf) nett |
|
|
|
|
|
|
*Tariffa fuq il-prestazzjoni (dovuta/imħallsa) |
|
|
|
|
|
|
*Tariffa fuq il-ġestjoni tal-investiment (dovuta/imħallsa) |
|
|
|
|
|
|
*Kwalunkwe tariffa materjali oħra (dovuta/imħallsa) lill-fornituri tas-servizzi |
|
|
|
|
|
|
#Qligħ għal kull sehem |
|
|
|
|
|
Tabella 3
Karta bilanċjali għal fondi tat-tip magħluq
|
|
Sena |
Sena -1 |
Sena -2 |
Interim |
|
*Assi Netti Totali |
|
|
|
|
|
#Proporzjon ta’ ingranaġġ |
|
|
|
|
ANNESS VII
DATA LI TINQARA MINN MAGNA LI GĦANDHA TIĠI PPROVDUTA LILL-ESMA
Tabella 1
|
Numru |
Attribut |
Dettalji li għandhom jiġu rrapportati |
Format u Standard li għandhom jintużaw għar-rapportar |
|
1. |
Identifikatur nazzjonali |
Identifikatur uniku tar-rekord imtella’, assenjat mill-NCA li tibgħat |
{ALPHANUM-50} |
|
2. |
Identifikatur nazzjonali relatat |
Identifikatur uniku tar-rekord li miegħu huwa relatat ir-rekord imtella’, assenjat mill-NCA li tibgħat Mhux irrapportat f’każ li l-identifikatur nazzjonali relatat ma jkunx applikabbli |
{ALPHANUM-50} |
|
3. |
Stat Membru li jibgħat |
Kodiċi tal-pajjiż tal-Istat Membru li approva r-rekord imtella’ jew li bih ġie ffajljat ir-rekord imtella’ |
{COUNTRYCODE_2} |
|
4. |
Stat Membru li jirċievi/Stati Membri li jirċievu |
Kodiċi tal-pajjiż tal-Istat Membru/i li lilu/lilhom għandu jiġi notifikat jew ikkomunikat ir-rekord imtella’ Meta diversi Stati Membri għandhom jiġu kkomunikati, l-attribut 4 għandu jiġi rrapportat kemm-il darba jkun meħtieġ |
{COUNTRYCODE_2} |
|
5. |
Tip ta’ dokument |
It-tip ta’ dokument(i) imtella’/imtellgħin |
Għażla minn lista ta’ attributi definiti minn qabel: — “BPFT” - Prospett bażi b’termini finali — “BPWO” - Prospett bażi mingħajr termini finali — “STDA” - Prospett awtonomu — “REGN” - Dokument ta’ reġistrazzjoni — “URGN” - Dokument tar-reġistrazzjoni universali — “SECN” - Nota tat-titoli — “FTWS” - Termini finali, inkluż is-sommarju tal-ħruġ individwali anness magħhom — “SMRY” - Sommarju — “SUPP” - Suppliment — “Sumet” - Traduzzjoni tas-sommarju — “COAP” - Ċertifikat ta’ Approvazzjoni — “AMND” – Emenda Meta dokumenti multipli għandhom jiġu kkomunikati, l-attribut [5] għandu jiġi rrapportat kemm-il darba jkun meħtieġ |
|
6. |
Tip ta’ struttura |
Il-format magħżul għall-prospett |
Għażla minn lista ta’ attributi definiti minn qabel: — “SNGL” - Prospett magħmul minn dokument uniku — “SPWS” - Prospett li jikkonsisti f’dokumenti separati b’sommarju — “SPWO” - Prospett li jikkonsisti f’dokumenti separati mingħajr sommarju |
|
7. |
Data ta’ approvazzjoni jew ta’ preżentazzjoni |
Id-data li fiha ġie approvat jew ippreżentat ir-rekord imtella’ |
{DATEFORMAT} |
|
8. |
Lingwa |
Il-lingwa tal-UE li biha huwa abbozzat ir-rekord imtella’ |
{LANGUAGE} |
|
9. |
Isem standardizzat tal-offerent |
Isem u kunjom l-offerent f’każ li l-offerent ikun persuna fiżika Meta offerenti multipli għandhom jiġu kkomunikati, l-attribut [9] għandu jiġi rrapportat kemm-il darba jkun meħtieġ |
{ALPHANUM-280} |
|
10. |
Isem standardizzat tal-garanti |
Isem u kunjom il-garanti f’każ li l-garanti jkun persuna fiżika Meta garanti multipli għandhom jiġu kkomunikati, l-attribut [10] għandu jiġi rrapportat kemm-il darba jkun meħtieġ |
{ALPHANUM-280} |
|
11. |
LEI tal-Emittent |
Identifikatur ta’ Entità Ġuridika tal-emittent Meta diversi emittenti għandhom jiġu kkomunikati, l-attribut [11] għandu jiġi rrapportat kemm-il darba jkun meħtieġ |
{LEI} |
|
12. |
LEI tal-Offerent |
Identifikatur ta’ Entità Ġuridika tal-offerent Meta offerenti multipli għandhom jiġu kkomunikati, l-attribut [12] għandu jiġi rrapportat kemm-il darba jkun meħtieġ |
{LEI} |
|
13. |
LEI tal-Garanti |
Identifikatur ta’ Entità Ġuridika tal-garanti Meta garanti multipli għandhom jiġu kkomunikati, l-attribut [13] għandu jiġi rrapportat kemm-il darba jkun meħtieġ |
{LEI} |
|
14. |
Residenza tal-offerent |
Ir-residenza tal-offerent fil-każ li l-offerent ikun persuna fiżika Meta offerenti multipli għandhom jiġu kkomunikati, l-attribut [14] għandu jiġi rrapportat kemm-il darba jkun meħtieġ |
{COUNTRYCODE_2} |
|
15. |
Residenza tal-garanti |
Ir-residenza tal-garanti fil-każ li l-garanti jkun persuna fiżika Meta garanti multipli għandhom jiġu kkomunikati, l-attribut [15] għandu jiġi rrapportat kemm-il darba jkun meħtieġ |
{COUNTRYCODE_2} |
|
16. |
FISN |
Isem Qasir tal-Istrument Finanzjarju tat-titolu Dan l-attribut jenħtieġ li jkun repetut għal kull ISIN |
{FISN} |
|
17. |
ISIN |
Numru Internazzjonali għall-Identifikazzjoni tat-Titoli |
{ISIN} |
|
18. |
CFI |
Klassifikazzjoni tal-Kodiċi tal-Istrument Finanzjarju Dan l-attribut jenħtieġ li jkun repetut għal kull ISIN |
{CFI_CODE} |
|
19. |
Valuta tal-ħruġ |
Kodiċi li jirrappreżenta l-valuta li fiha l-valur nominali jew nozzjonali huwa denominat Dan l-attribut jenħtieġ li jkun repetut għal kull ISIN |
{CURRENCYCODE_3} |
|
20. |
Denominazzjoni għal kull unità |
Valur nominali jew valur nozzjonali għal kull unità fil-valuta tal-ħruġ Dan l-attribut jenħtieġ li jkun repetut għal kull ISIN Attribut applikabbli għal titoli b’denominazzjoni definita |
{DECIMAL-18/5} |
|
21. |
Identifikatur jew isem tal-istrument sottostanti |
Kodiċi ISIN tat-titolu/indiċi sottostanti jew l-isem tat-titolu/indiċi sottostanti jekk ma jeżistix ISIN Meta basket ta’ titoli, għandu jiġi identifikat skont dan Attribut applikabbli għal titoli bi strument sottostanti definit. Dan il-attribut jenħtieġ li jiġi ripetut għal kull ISIN ta’ tali titoli |
Għal strument sottostanti uniku: — Fil-każ ta’ titolu jew indiċi b’ISIN eżistenti: {ISIN} — Fil-każ li l-indiċi ma għandux ISIN: {INDEX} — Inkella: {ALPHANUM-50} Għal strumenti sottostanti multipli (aktar minn wieħed): “BSKT” |
|
22. |
Data ta’ maturità jew skadenza |
Id-data tal-maturità jew id-data tal-iskadenza tat-titolu, meta applikabbli Dan l-attribut jenħtieġ li jkun repetut għal kull ISIN Attribut applikabbli għal titoli b’maturità definita |
{DATEFORMAT} Għall-titoli ta’ dejn perpetwu, l-attribut 22 jenħtieġ li jimtela bil-valur 9999–12–31. |
|
23. |
Volum offrut |
Għadd ta’ titoli offruti Attribut applikabbli biss għall-ekwità Dan l-attribut jenħtieġ li jkun repetut għal kull ISIN applikabbli |
{INTEGER-18} Jew bħala valur wieħed, firxa ta’ valuri jew massimu |
|
24. |
Prezz offrut |
Prezz għal kull titolu offrut, f’valur monetarju. Il-valuta tal-prezz hija l-valuta tal-ħruġ Attribut applikabbli biss għall-ekwità Dan l-attribut jenħtieġ li jkun repetut għal kull ISIN applikabbli |
{DECIMAL-18/5} Jew bħala valur wieħed, firxa ta’ valuri jew massimu “PNDG” f’każ li l-prezz offrut ma jkunx disponibbli iżda pendenti “NOAP” fil-każ li l-prezz offrut ma jkunx applikabbli |
|
25. |
Korrispettiv offrut |
L-ammont totali offrut, f’valur monetarju tal-valuta tal-ħruġ Dan l-attribut jenħtieġ li jkun repetut għal kull ISIN |
{DECIMAL-18/5} Jew bħala valur wieħed, firxa ta’ valuri jew massimu “PNDG” f’każ li l-korrispettiv offrut ma jkunx disponibbli iżda pendenti “NOAP” fil-każ li l-korrispettiv offrut ma jkunx applikabbli |
|
26. |
Tip ta’ titolu |
Klassifikazzjoni ta’ kategoriji ta’ titoli ta’ ekwità u li mhumiex ta’ ekwità Dan l-attribut jenħtieġ li jkun repetut għal kull ISIN |
Għażla minn lista ta’ attributi definiti minn qabel: Ekwità — “SHRS”: Sehem — “UCEF”: Unità jew sehem f’fondi tat-tip magħluq — “CVTS”: Titolu konvertibbli — “ ►M1 DPRS ◄ ”: Riċevuti depożitarji — “OTHR”: Ekwità oħra Dejn — “DWLD”: Dejn b’denominazzjoni għal kull unità ta’ mill-inqas EUR 100 000 — “DWHD”: Dejn b’denominazzjoni għal kull unità ta’ anqas minn EUR 100 000 — “DLRM”: Dejn b’denominazzjoni għal kull unità ta’ anqas minn EUR 100 000 nnegozjat f’suq regolat li għalih għandhom aċċess biss l-investituri kwalifikati “ABSE”: ABS “DERV”: Titolu derivattiv |
|
27. |
Tip ta’ offerta/ammissjoni |
Tassonomija skont PR u MiFID/MIFIR |
Għażla minn lista ta’ attributi definiti minn qabel: — “IOWA”: Offerta inizjali mingħajr ammissjoni għall-kummerċ/elenkar — “SOWA”: Offerta sekondarja mingħajr ammissjoni għall-kummerċ/elenkar — “IRMT”: Ammissjoni inizjali għall-kummerċ f’suq regolat — “IPTM”: Ammissjoni inizjali għall-kummerċ f’suq regolat wara l-innegozjar preċedenti fil-faċilità multilaterali tan-negozjar (Multilateral Trading Facility, MTF) — “IMTF”: Ammissjoni inizjali għall-kummerċ fuq l-MTF mal-offerta għall-pubbliku — “SIRM”: Ħruġ sekondarju f’suq regolat jew MTF |
|
28. |
Karatteristiċi taċ-ċentru ta’ negozjar fejn it-titolu huwa inizjalment ammess għall-kummerċ |
Tassonomija skont PR u MiFID/MIFIR |
Għażla minn lista ta’ attributi definiti minn qabel: — “RMKT”: RM miftuħ għall-investituri kollha — “RMQI”: RM, jew segment tiegħu, limitat għal investituri kwalifikati — “MSGM”: MTF li hija suq ta’ tkabbir tal-SMEs — “MLTF”: MTF li mhijiex suq ta’ tkabbir tal-SMEs |
|
29. |
Reġim ta’ divulgazzjoni |
In-numru tal-anness skont liema huwa abbozzat il-prospett skont ir-Regolament Delegat tal-Kummissjoni (UE) [] Meta għandhom jiġu kkomunikati diversi annessi, l-attribut 29 għandu jiġi rrapportat kemm-il darba jkun meħtieġ |
{INTEGER-2} Minn 1 sa [29] |
|
30. |
Il-kategorija tal-Prospett tat-Tkabbir tal-UE |
Ir-raġuni li abbażi tagħha ġie użat il-Prospett tat-Tkabbir tal-UE |
Għażla minn lista ta’ attributi definiti minn qabel: — “S15 A”: SME taħt PR Artikolu 15(1)(a) — “I15B”: Emittent ieħor li mhux SME skont il-PR l-Artikolu 15(1)(b) — “I15C”: Emittent ieħor li mhux SME skont il-PR l-Artikolu 15(1)(c) — “O15D”: Offerent tat-titoli skont il-PR l-Artikolu 15(1)(d) |
Tabella 2
|
Simbolu |
Tip ta’ data |
Definizzjoni |
|
{ALPHANUM-n} |
Sa n karattri alfanumeriċi |
Attribut għal test liberu |
|
{CFI_CODE} |
6 karattri |
Kodiċi CFI kif definit f’ISO 10962 |
|
{COUNTRYCODE_2} |
2 karattri alfanumeriċi |
Kodiċi tal-pajjiż b’2 ittri, kif definit mill-kodiċi tal-pajjiż ISO 3166-1 alfa-2 |
|
{DATEFORMAT} |
Dati fil-format li ġej: SSSS-XX-JJ Id-dati għandhom jiġu rrapportati f’UTC |
Format tad-data skont l-ISO 8601 |
|
{LANGUAGE} |
Kodiċi b’żewġ ittri |
ISO 639-1 |
|
{LEI} |
20 karattru alfanumeriku |
Identifikatur ta’ entità ġuridika kif definit f’ISO 17442 |
|
{FISN} |
35 karattru alfanumeriku bl-istruttura li ġejja |
Kodiċi FISM, kif definit f’ISO 18774 |
|
{ISIN} |
12-ilkarattru alfanumeriku |
Kodiċi ISIN kif definit f’ISO 6166 |
|
{CURRENCYCODE_3} |
3 karattri alfanumeriċi |
Kodiċi tal-pajjiż bi 3 ittri, kif definit mill-kodiċijiet tal-pajjiż ISO 4217 |
|
{DECIMAL-n/m} |
Numru deċimali sa n ċifri b’kollox, li minnhom sa m ċifri jistgħu jkunu ċifri ta’ frazzjonijiet |
Attribut numeriku Is-separatur deċimali hu “.” (punt) Il-valuri huma arrotondati u mhux maqtugħa. |
|
{INTEGER-n}} |
Numru sħiħ sa n ċifri b’kollox |
Attribut numeriku |
|
{INDEX} |
4 karattri alfabetiċi |
“EONA” – EONIA “EONS” - EONIA SWAP “EURI” - EURIBOR “EUUS” - EURODOLLAR “EUCH” - EuroSwiss “GCFR” - GCF REPO “ISDA” - ISDAFIX “LIBI” - LIBID “LIBO” - LIBOR “MAAA” – Muni AAA “PFAN” - Pfandbriefe “TIBO” - TIBOR “STBO” - STIBOR “BBSW” - BBSW “JIBA” - JIBAR “BUBO” - BUBOR “CDOR” - CDOR “CIBO” – CIBOR “MOSP” – MOSPRIM “NIBO” - NIBOR “PRBO” - PRIBOR “TLBO” - TELBOR “WIBO” – WIBOR “TREA” – Teżor “SWAP” – SWAP “FUSW” – SWAP tal-futuri |
( 1 ) Ir-Regolament Delegat tal-Kummissjoni li jissupplimenta r-Regolament (UE) 2017/1129 tal-Parlament Ewropew u tal-Kunsill fir-rigward tal-format, il-kontenut, l-iskrutinju u l-approvazzjoni tal-prospett li għandu jiġi ppubblikat meta titoli jiġu offruti lill-pubbliku jew jiġu ammessi għall-kummerċ f’suq regolat, u li jħassar ir-Regolament tal-Kummissjoni (KE) Nru 809/2004 (Ara paġna 26 ta’ dan il-Ġurnal Uffiċjali).
( 2 ) Ir-Regolament (UE) Nru 1286/2014 tal-Parlament Ewropew u tal-Kunsill tas-26 ta’ Novembru 2014 dwar dokumenti bl-informazzjoni ewlenija għal prodotti aggregati ta’ investiment għall-konsumaturi bbażati fuq l-assigurazzjoni (PRIIPs) (ĠU L 352, 9.12.2014, p. 1).
( 3 ) Id-Direttiva 2014/65/UE tal-Parlament Ewropew u tal-Kunsill tal-15 ta’ Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).
( 4 ) id-Direttiva 2004/25/KE tal-Parlament Ewropew u tal-Kunsill tal-21 ta’ April 2004 fuq offerti ta’ xiri (ĠU L 142, 30.4.2004, p. 12)