Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

dwar miżuri tranżizzjonali skont ir-Regolamenti (KE) Nru 852/2004 u (KE) Nru 853/2004 tal-Parlament Ewropew u tal-Kunsill fir-rigward tal-ipproċessar ta’ ħalib nej mhux konformi f’ċerti stabbilimenti li jipproċessaw il-ħalib fir-Rumanija u r-rekwiżiti strutturali ta’ stabbilimenti bħal dawn

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 852/2004 tal-Parlament Ewropew u tal-Kunsill tad-29 ta’ April 2004 dwar l-iġjene tal-prodotti tal-ikel ( 1 ), u partikolarment it-tieni subparagrafu tal-Artikolu 12 tiegħu,

Wara li kkunsidrat ir-Regolament (KE) Nru 853/2004 tal-Parlament Ewropew u tal-Kunsill tad-29 ta’ April 2004 li jistabbilixxi ċerti regoli speċifiċi ta’ iġjene għall-ikel li joriġina mill-annimali ( 2 ), u b’mod partikolari l-Artikolu 9 tiegħu,

Billi:

(1)

Ir-Regolament (KE) Nru 852/2004 li jistabbilixxi regoli ġenerali għall-operaturi tan-negozju tal-ikel dwar l-iġjene tal-prodotti tal-ikel imsejsa, fost l-oħrajn, fuq il-prinċipji tal-analiżi tal-perikli u l-punti kritiċi ta’ kontroll. Dan jipprevedi li l-operaturi tan-negozji tal-ikel għandhom jikkonformaw ma’ ċerti proċeduri msejsa fuq dawn il-prinċipji.

(2)

Ir-Regolament (KE) Nru 853/2004 jistabbilixxi regoli speċifiċi dwar l-iġjene tal-ikel li joriġina mill-annimali għall-operaturi tan-negozju tal-ikel u jissupplimenta r-regoli mniżżla fir-Regolament (KE) Nru 852/2004. Ir-regoli stabbiliti fir-Regolament (KE) Nru 852/2004 u (KE) Nru 853/2004 jinkludu rekwiżiti strutturali għall-istabbilimenti tal-ipproċessar tal-ħalib, kif ukoll rekwiżiti ta’ iġjene fir-rigward ta’ ħalib nej u prodotti tal-ħalib.

(3)

Permezz tal-Att tal-Adeżjoni tal-Bulgarija u r-Rumanija (l-Att tal-Adeżjoni), ir-Rumanija ngħatat perjodu tranżizzjonali, li jagħlaq fil-31 ta’ Diċembru 2009, għall-konformità min-naħa ta’ ċerti stabbilimenti tal-ipproċessar tal-ħalib bir-rekwiżiti strutturali u iġjeniċi tar-Regolamenti (KE) Nru 852/2004 u (KE) Nru 853/2004.

(4)	Il-Punt (a) tat-taqsima B.I. tal-Kapitolu 5 tal-Anness VII tal-Att ta’ Adeżjoni jawtorizza, sal-31 ta’ Diċembru 2009, ċerti stabbilimenti tal-ipproċessar tal-ħalib li ma jikkonformawx mar-rekwiżiti strutturali stabbiliti fir-Regolament (KE) Nru 852/2004 u (KE) Nru 853/2004.

(5)

Minn mindu ssieħbet ir-Rumanija l-għadd ta’ stabbilimenti li huma konformi ma’ dawk ir-rekwiżiti strutturali kiber. Madankollu, ċerti stabbilimenti tal-ipproċessar tal-ħalib għadhom għaddejjin bit-titjib strutturali neċessarju sabiex ikunu konformi ma’ dawk ir-rekwiżiti. Fid-dawl tat-titjib srutturali li jinsab għaddej, huwa neċessarju li tiġi prevista deroga limitata fiż-żmien mir-rekwiżiti strutturali stipulati fir-Regolmenti (KE) Nru 852/2004 u (KE) Nru 853/2004. Il-lista tal-istabbilimenti li mhumiex konformi ma’ dawk ir-rekwiżiti strutturali hija stipulata fl-Anesss I ta’ din id-Deċiżjoni.

(6)	Barra minn dan, il-punt (c) tat-Taqsima B.I. tal-Kapitolu 5 tal-Anness VII tal-Att ta’ Adeżjoni jawtorizza, sal-31 ta’ Diċembru 2009 ċerti stabbilimenti tal-ipproċessar tal-ħalib li ma jikkonformawx mar-rekwiżiti iġjeniċi stabbiliti fir-Regolament (KE) Nru 853/2004.

(7)

L-azjendi tal-ipproċessar tal-ħalib li ma jikkonformawx ma’ dawk ir-rekwiżiti iġjeniċi huma mifruxa mat-territorju kollu tar-Rumanija. Il-proporzjon tal-ħalib nej li jikkonforma ma’ dawk ir-rekwiżiti, imwassal lil stabbilimenti tal-ipproċessar tal-ħalib fir-Rumanija, żdied biss bi ftit matul dawn l-aħħar snin.

(8)	Fid-dawl tas-sitwazzjoni attwali, huwa f’loku li tingħata deroga limitata fiż-żmien mir-rekwiżiti iġjeniċi stabbiliti fir-Regolament (KE) Nru 853/2004 bil-għan li tippermetti lir-Rumanija li ġġib is-settur tal-ħalib tagħha konformi ma’ dawk ir-rekwiżiti.

(9)

Fid-dawl ta’ din is-sitwazzjoni, ċerti stabbilimenti li jipproċessaw il-ħalib elenkati fl-Anness II ta’ din id-Deċiżjoni għandhom jitħallew, permezz ta’ deroga mir-Regolament (KE) Nru 853/2004 jkomplu jipproċessaw ħalib, konformi u mhux, kemm-il darba l-ipproċessar isir fuq linji ta’ produzzjoni separati. Barra minn hekk, ċerti stabbilimenti tal-ipproċessar tal-ħalib elenkati fl-Anness III ta’ din id-Deċiżjoni għandhom jitħallew ikomplu jipproċessaw ħalib mhux konformi mingħajr linji ta’ produzzjoni separati.

(10)

Barra minn dan, sabiex ma jiġux penalizzati dawk l-istabbilimenti tal-ipproċessar tal-ħalib li jikkonformaw mar-rekwiżiti strutturali, huwa xieraq li dawn l-istabbilimenti jiġu awtorizzati biex jirċievu ħalib mhux konformi bl-istess kundizzjonijiet bħalma japplikaw għall-istabbilimenti tal-ipproċessar tal-ħalib li ma jikkonformawx ma’ dawk ir-rekwiżiti.

(11)	It-tqegħid fis-suq ta’ prodotti tal-ħalib li ġejjin minn ħalib mhux konformi għandu jkun ristrett għar-Rumanija jew inkella dawn jintużaw għal aktar ipproċessar fl-istabbilimenti tal-ipproċessar tal-ħalib koperti mid-derogi previsti f’din id-Deċiżjoni.

(12)

Dan il-perjodu tranżizzjonali mogħti permezz ta’ din id-Deċiżjoni għandu jkun limitat għal 24 xahar, mill-1 ta’ Jannar 2010. Is-sitwazzjoni fis-settur tal-ħalib fir-Rumanija għandha tiġi riveduta qabel tmiem dak il-perjodu. Għaldaqstant ir-Rumanija għandha tressaq rapporti annwali lill-Kummissjoni fir-rigward tal-progress fit-titjib tal-istabbilimenti tal-ipproċessar tal-ħalib f’dak l-Istat Membru, l-azjendi tal-produzzjoni tal-ħalib li jipproduċu l-ħalib nej lil dawk l-istabbilimenti u s-sistema tal-ġbir u l-ġarr tal-ħalib mhux konformi.

(13)	Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali.

ADOTTAT DIN ID-DEĊIŻJONI:

Għall-fini ta’ din id-Deċiżjoni l-espressjoni “ħalib mhux konformi” tfisser il-ħalib nej li ma jikkonformax mar-rekwiżiti stipulati fl-Anness III, it-Taqsima IX, il-Kapitolu I, is-Subkapitoli II u III tar-Regolament (KE) Nru 853/2004.

Permezz ta’ deroga mir-rekwiżiti stabbiliti fl-Anness III, it-Taqsima IX, il-Kapitolu I, is-Subkapitoli II u III tar-Regolament (KE) Nru 853/2004, l-istabbilimenti tal-ipproċessar tal-ħalib elenkati fl-Anness II ta’ din id-Deċiżjoni jistgħu jkomplu jipproċessaw, sal- ►M2 31 ta’ Diċembru 2013 ◄ , ħalib konformi u mhux, kemm-il darba l-ipproċessar isir fuq linji ta’ produzzjoni separati.

Permezz ta’ deroga mir-rekwiżiti stabbiliti fl-Anness III, it-Taqsima IX, il-Kapitolu I, is-Subkapitoli II u III tar-Regolament (KE) Nru 853/2004, l-istabbilimenti tal-ipproċessar tal-ħalib elenkati fl-Anness III ta’ din id-Deċiżjoni jistgħu jkomplu jipproċessaw, sal- ►M2 31 ta’ Diċembru 2013 ◄ , ħalib mhux konformi mingħajr linji ta’ produzzjoni separati.

Prodotti tal-ħalib bħal dawn għandu jkollhom marka tas-saħħa jew tal-identifikazzjoni li hija differenti mill-marka tas-saħħa jew tal-identifikazzjoni prevista fl-Artikolu 5 tar-Regolament (KE) Nru 853/2004.

1. Ir-Rumanija għandha tippreżenta rapporti annwali lill-Kummissjoni dwar il-progress li jkun sar biex dawn li ġejjin isiru konformi mar-Regolament (KE) Nru 853/2004:

L-ewwel rapport annwali għandu jiġi ppreżentat lill-Kummissjoni sa mhux aktar tard mill-31 ta’ Diċembru 2012, u t-tieni rapport annwali sa mhux aktar tard mill-31 ta’ Ottubru 2013.

2. Il-Kummissjoni għandha tagħmel monitoraġġ mill-qrib tal-progress li jkun sar biex il-ħalib nej ipproċessat fl-istabbilimenti elenkati fl-Anness II u III isir konformi mar-rekwiżiti stabbiliti fir-Regolament (KE) Nru 853/2004.

Jekk, abbażi tar-rapporti ppreżentati mir-Rumanija, il-Kummissjoni tikkonsidra li x'aktarx il-konformità mhux se tinkiseb sal-31 ta’ Diċembru 2013, hija għandha tipproponi miżuri xierqa sabiex tirrimedja s-sitwazzjoni.

Din id-Deċiżjoni għandha tapplika mill-1 ta’ Jannar 2010 sal- ►M2 31 ta’ Diċembru 2013 ◄ .

LISTA TAL-ISTABBILIMENTI MSEMMIJA FL-ARTIKOLU 3

Nru	In-numru tal-approvazzjoni veterinarja	Isem l-istabbiliment	Indirizz (belt/raħal/pajjiż)

LISTA TAL-ISTABBILIMENTI KIF IMSEMMIJA FL-ARTIKOLU 4

Nru	In-numru tal-approvazzjoni veterinarja	Isem l-istabbiliment	Indirizz (belt/raħal/pajjiż)
1	L 175	SC LACTATE C.H. SRL	Sânmiclăuș, județul Alba, 517761
2	L 172	SC MOISI SERV COM SRL	Borșa, nr. 8, județul Bihor, 417431
3	L 136	SC CÂMPANEII PREST SRL	Hidișelul de Sus, județul Bihor, 417277
4	L72	SC LACTOMUNTEAN SRL	Teaca, județul Bistrița-Năsăud, 427345
5	L107	SC BENDEAR CRIS PROD COM SRL	Șieu Măgheruș, județul Bistrița-Năsăud, 427295
6	L110	SC LECH LACTO SRL	Lechința, județul Bistrița-Năsăud, 427105
7	L 171	SC ELIEZER SRL	Lunca Ilvei, județul Bistrița-Năsăud, 427125
8	L 185	SC SIMCODRIN COM SRL	Budești-Fânațe, județul Bistrița-Năsăud, 427374
9	L3	SC ABY IMPEX SRL	Șendriceni, județul Botoșani, 717380
10	L116	SC RAM SRL	Ibănești, județul Botoșani, 717215
11	L154	S.C. CAS SRL	Braila, judetul Braila, 810224
12	L148	S.C. LACTAS S.R.L.	Ianca, judetul Braila, 815200
13	L 177	SC IANIS DIM SRL	Lehliu Gară, județul Călărași, 915300
14	L129	SC BONAS IMPORT EXPORT SRL	Dezmir, județul Cluj, 407039
15	L84	SC PICOLACT PRODCOM SRL	Iclod, județul Cluj, 407335
16	L149	S.C. COMLACT SRL	Corusu, judetul Cluj, 407056
17	L 83	SC KAZAL SRL	Dej, județul Cluj, 405200
18	L43	SC DTM MILK LOGISTIC SRL	Ion Corvin, județul Constanța, 907150
19	L40	SC BETINA IMPEX SRL	Ovidiu, județul Constanța, 905900
20	L41	SC ELDA MEC SRL	Topraisar, județul Constanța, 907210
21	L87	SC NICULESCU PROD SRL	Cumpăna, județul Constanța, 907105
22	L118	SC ASSLA KAR SRL	Medgidia, județul Constanța, 905600
23	L130	SC MUNTINA PROD SRL	Constanța, județul Constanța, 900735
24	L 173	SC IAN PROD SRL	Târgușor, județul Constanța, 90727
25	L 181	SC LACTO GENIMICO SRL	Hârșova, județul Constanța, 905400
26	L 180	SC LACTIDO SA	Craiova, județul Dolj, 200378
27	L91	SC COSMILACT SRL	Schela, județul Galați, 807265
28	L 113	SC LACTA SA	Giurgiu, județul Giurgiu, 080556
29	L 179	SC SEKAM PROD SRL	Novaci, județul Gorj, 215300
30	L49	SC ARTEGO SA	Târgu Jiu, Gorj, 210257
31	L65	SC KARPATEN MILK	Suseni, județul Harghita, 537305
32	L99	SC VALIZVI PROD COM SRL	Gârbovi, județul Ialomița, 927120
33	L47	SC OBLAZA SRL	Bârsana, județul Maramureș, 437035
34	L85	SC AVI-SEB IMPEX SRL	Copalnic Mănăștur, județul Maramureș, 437103
35	L86	SC ZEA SRL	Boiu Mare, județul Maramureș, 437060
36	L16	SC ROXAR PROD COM SRL	Cernești, județul Maramureș, 437085
37	L134	SC MULTILACT SRL	Baia Mare, județul Maramureș, 430015
38	L 191	SC WROMSAL SRL	Satulung, județul Maramureș, 437270
39	L190	SC ONY SRL	Larga, județul Maramureș, 437317
40	L189	SC CALITATEA SRL	Tăuții Măgherăuș, județul Maramureș, 437349
41	L54	SC RODLACTA SRL	Fărăgău, județul Mureș, 547225
42	L108	SC LACTEX REGHIN SRL	Solovăstru, județul Mureș, 547571
43	L 29	SC HELIANTUS PROD	Reghin, județul Mureș, 545300
44	L 176	SC GLOBIVET PHARM SRL	Batoș, județul Mureș, 547085
45	L 169	SC DOBREAN SRL	Ideciu de Sus, județul Mureș, 547362
46	L 152	SC AGROTRANSCOMEX SRL	Miercurea Nirajului, județul Mureș, 547410
47	L 184	SC COMPLEX AGROALIMENTAR SRL	Bicaz, județul Neamț, 615100
48	L96	SC PROD A.B.C. COMPANY SRL	Grumăzești, județul Neamț, 617235
49	L101	SC 1 DECEMBRIE SRL	Târgu Neamț, județul Neamț, 615235
50	L106	SC RAPANU SR. COM SRL	Petricani, județul Neamț, 617315
51	L6	SC LACTA HAN PROD SRL	Urecheni, județul Neamt, 617490
52	L123	SC PROCOM PASCAL SRL	Păstrăveni, județul Neamț, 617300
53	L100	SC ALTO IMPEX SRL	Provița de Jos, județul Prahova, 107477
54	L88	SC AGROMEC CRASNA SA	Crasna, județul Sălaj, 457085
55	L89	SC OVINEX SRL	Sărmășag, județul Sălaj, 457330
56	L71	SC LACTO SIBIANA SA	Șura Mică, județul Sibiu, 557270
57	L36	SC PROLACT PROD COM SRL	Vicovu de Sus, județul Suceava, 727610
58	L81	SC RARAUL SA	Câmpulung Moldovenesc, județul Suceava, 727100
59	L166	SC BUCOVINA SA FALTICENI	Fălticeni, județul Suceava, 725200
60	L 167	SC ECOLACT SRL	Milișăuți, județul Suceava, 727360
61	L 199	SC LACTO-BOROAIA SRL	Boroaia, jud. Suceava, 727040
62	L 168	SC VIOLACT SRL	Putineiu, județul Teleorman, 147285
63	L 186	SC MADIS BIG COM SRL	Videle, județul Teleorman, 145300
64	L 163	SC COMALACT SRL	Nanov, județul Teleorman, 147215

L 43 – SC LACTOCORV SRL, judetul Constanta - isimha nbidel għal: SC DTM MILK LOGISTIC SRL

L 186 - SC BIG FAMILY SRL judetul Teleorman, isimha nbidel għal: SC MADIS BIG COM SRL

		Il-Ġurnal Uffiċjali
		No	page	date
M1	DEĊIŻJONI TAL-KUMMISSJONI tas-27 ta’ Ottubru 2010	L 283	34	29.10.2010
►M2	DEĊIŻJONI TA’ IMPLIMENTAZZJONI TAL-KUMMISSJONI tal-21 ta’ Diċembru 2011	L 345	22	29.12.2011
►M3	DEĊIŻJONI TA’ IMPLIMENTAZZJONI TAL-KUMMISSJONI tas-27 ta’ Mejju 2013	L 143	26	30.5.2013

Nru tal-istabbiliment	Isem	Indirizz	Reġjun	Il-progress li sar (deskrizzjoni fil-qosor)	Il-livell ta’ konformità stmat (%)	Id-data ppjanata għall-konformità

Reġjun	Total ta’ rziezet tal-ħalib 31.12.2009	L-għadd ta’ rziezet tal-ħalib b’ħalib mhux konformi 31.12.2009	% ta’ rziezet tal-ħalib mhux konformi mit-total 31.12.2009	Total ta’ rziezet tal-ħalib 30.11.2010	Għadd ta’ rziezet tal-ħalib b’ħalib mhux konformi 30.11.2010	% ta’ rziezet tal-ħalib mhux konformi mit-total 30.11.2010	Total ta’ rziezet tal-ħalib 30.9.2011	L-għadd ta’ rziezet tal-ħalib b’ħalib mhux konformi 30.9.2011	% ta’ rziezet tal-ħalib mhux konformi mit-total 30.9.2011






Taqsira RO

Reġjun	Total ta’ punti ta’ ġbir tal-ħalib 31.12.2009	L-għadd ta’ punti mhux konformi ta’ ġbir tal-ħalib 31.12.2009	% ta’ punti mhux konformi ta’ ġbir tal-ħalib mit-total 31.12.2009	Total ta’ punti ta’ ġbir tal-ħalib 30.11.2010	L-għadd ta’ punti mhux konformi ta’ ġbir tal-ħalib 30.11.2010	% ta’ punti mhux konformi ta’ ġbir tal-ħalib mit-total 30.11.2010	Total ta’ punti ta’ ġbir tal-ħalib 30.9.2011	% ta’ punti mhux konformi ta’ ġbir tal-ħalib mit-total 30.9.2011






Taqsira RO