2007R1386 — MT — 05.08.2009 — 002.001

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

Emendat bi:

▼B

REGOLAMENT TAL-KUNSILL (KE) Nru 1386/2007

tat-22 ta' Ottubru 2007

li jistabbilixxi miżuri ta' konservazzjoni u ta' infurzar li japplikaw fiż-Żona Regolatorja ta' l-Organizzazzjoni tas-Sajd fl-Atlantiku tal-Majjistral

KAPITOLU I

DISPOŻIZZJONIJIET ĠENERALI

Artikolu 1

Suġġett

Dan ir-Regolament jistabbilixxi r-regoli għall-applikazzjoni mill-Komunità tal-Miżuri ta' Konservazzjoni u ta' Infurzar stabbiliti mill-Organizzazzjoni tas-Sajd fl-Atlantiku tal-Majjistral (NAFO).

Artikolu 2

Kamp ta' applikazzjoni

1.  Id-dispożizzjonijiet fil-Kapitoli II sa V ta' dan ir-Regolament japplikaw għall-attivitajiet kollha ta' sajd kummerċjali li jsiru mill-bastimenti tas-sajd Komunitarji għal speċi koperti mill-Konvenzjoni NAFO fiż-Żona Regolatorja tan-NAFO.

2.  Il-miżuri ta' konservazzjoni u ta' ġestjoni li għandhom x'jaqsmu mal-qabda tal-ħut, b'mod partikolari fejn jikkonċerna d-daqs tal-malji, il-limiti tad-daqs, iż-Żoni u l-istaġuni magħluqa, ma japplikawx għall-bastimenti tar-riċerka attivi fiż-Żona Regolatorja tan-NAFO.

Artikolu 3

Definizzjonijiet

Għall-finijiet ta' dan ir-Regolament

▼M1

▼M2

▼B

KAPITOLU II

MIŻURI TEKNIĊI

Artikolu 4

Qabda inċidentali miżmuma abbord

1.  Il-bastimenti tas-sajd għandhom jlimitaw il-qabda inċidentali tagħhom għal massimu ta' 2 500 kg jew għal 10 %, skond liema jkun l-akbar, għal kull speċi regolata min-NAFO li għaliha ma ġiet allokata l-ebda kwota lill-Komunità.

2.  F'każijiet fejn tkun fis-seħħ projbizzjoni fuq is-sajd jew tkun ġiet utilizzata kompletament kwota “Oħrajn”, il-qabda inċidentali ta' l-ispeċi kkonċernata ma tistax taqbeż l-1 250 kg jew il-5 %, skond liema jkun l-akbar.

3.  Il-perċentwali fil-paragrafi 1 u 2 għandhom jiġu kkalkulati bħala l-perċentwal, f'piż, għal kull speċi tal-qabda totali miżmuma abbord. Il-qabdiet ta' gambli ma għandhomx jiġu inklużi fil-kalkolu tal-livelli ta' qabda inċidentali ta' speċi ta' ħut tal-qiegħ.

Artikolu 5

Qabda inċidentali fi kwalunkwe refgħa waħda

1.  Jekk il-perċentwali ta' qabdiet inċidentali fi kwalunkwe refgħa waħda jaqbżu l-perċentwali stabbilita fl-Artikolu 4(1) u (2), il-bastiment għandu minnufih jiċċaqlaq minimu ta' 10 mili nawtiċi minn kwalunkwe pożizzjoni tar-refgħa preċedenti u matul is-sajda li jkun imiss kollha jżomm distanza minima ta' 10 mili nawtiċi minn kwalunkwe pożizzjoni tar-refgħa preċedenti. Jekk wara jiċċaqlaq, ir-refgħa li jkun imiss taqbeż dawn il-limiti ta' qabda inċidentali, il-bastiment għandu jħalli d-Diviżjoni u ma jerġax lura għal mill-inqas 60 siegħa.

2.  Fil-każ li t-total ta' qabdiet inċidentali ta' l-ispeċi ta' ħut tal-qiegħ kollha suġġetti għal kwota fi kwalunkwe refgħa fis-sajd għall-gambli jaqbeż il-5 % f'piż fid-Diviżjoni 3M jew 2,5 % f'piż fid-Diviżjoni 3L, il-bastiment għandu jiċċaqlaq minimu ta' 10 mili nawtiċi minn kwalunkwe pożizzjoni tar-refgħa preċedenti u matul ir-refgħa li jkun imiss kollha jżomm distanza minima ta' 10 mili nawtiċi minn kwalunkwe pożizzjoni tar-refgħa preċedenti. Jekk wara li jiċċaqlaq, ir-refgħa li jkun imiss taqbeż dawn il-limiti ta' qabda inċidentali, il-bastiment għandu jħalli d-Diviżjoni u ma jerġax lura għal mill-inqas 60 siegħa.

3.  Il-perċentwali tal-qabda inċidentali awtorizzat fi kwalunkwe refgħa waħda huwa kkalkolat bħala l-perċentwali, f'piż, għal kull speċi tal-qabda totali f'dik ir-refgħa.

Artikolu 6

Sajd dirett u qabda inċidentali

1.  Il-kaptani tal-bastimenti Komunitarji ma jistgħux iwettqu sajd dirett għal speċi li għalihom japplikaw il-limiti ta' qabdiet inċidentali. Sajd dirett għal speċi għandu jitqies bħala li twettaq meta dik l-speċi tinkludi l-akbar perċentwali f'piż tal-qabda totali fi kwalunkwe refgħa waħda.

2.  Madankollu, meta bastiment ikun qed iwettaq sajd dirett għar-raj bi xbieki bid-daqs tal-malji legali xieraq għal dak it-tip ta' sajd, l-ewwel darba li, f'refgħa, qabdiet ta' speċi li għalihom il-limiti ta' qabda inċidentali jinkludu l-ogħla perċentwali, f'piż tal-qabda totali, għandhom jitqiesu bħala inċidentali. F'dan il-każ il-bastiment għandu minnufih jibdel il-pożizzjoni skond l-Artikolu 5(1) u (2).

3.  Wara kwalunkwe assenza ta' mill-inqas 60 siegħa minn Diviżjoni skond id-dispożizzjonijiet ta' l-Artikolu 5(1) u (2), il-kaptani ta' bastimenti Komunitarji għandhom iwettqu refgħa bi prova li m'għandhiex iddum aktar minn 3 siegħat. B'deroga mill-paragrafu 1 ta' dan l-Artikolu, jekk f'tagħbija minn tali refgħa bi prova, il-qabdiet ta' speċi li għalihom japplikaw il-limiti ta' qabda inċidentali jinkludu l-ogħla perċentwali, f'piż tal-qabda totali, din m'għandhiex titqies bħala sajda diretta. F'dan il-każ il-bastiment għandu minnufih jibdel il-pożizzjoni skond l-Artikolu 5(1) u (2).

▼M2

4.  Il-Kaptani tal-bastimenti Komunitarji għandhom jirreġistraw il-koordinati relatati mal-postijiet tat-tluq u tat-tmiem ta’ kwalunkwe tkarkir bi prova mwettaq skont il-paragrafu 3.

▼B

Artikolu 7

Daqsijiet tal-Malji

1.  L-użu tax-xibka tat-tkarkir li jkollha fi kwalunkwe sezzjoni tagħha malji tax-xibka ta' dimensjonijiet inqas minn 130 mm għandu jiġi pprojbit għal sajd dirett għall-ispeċi tal-ħut ta' mal-qiegħ msemmija fl-Anness I għal sajd għal Sebastes mentella kif imsemmi fil-paragrafu 3. Dak id-daqs ta' malji jista' jiċċekken għal minimu ta' 60 mm għal sajd dirett għall-klamar tal-pinen qosra (Illex illecebrosus). Għas-sajd dirett tar-rebekkin (Rajidae), dan id-daqs tal-malji jista' jitkabbar għal minimu ta' 280 mm fil-manka u 220 mm fil-partijiet l-oħra kollha tax-xibka tat-tkarkir.

2.  Il-bastimenti li jistadu għall-gambli (Pandalus borealis) għandhom jużaw xbieki b'daqs minimu tal-malji ta' 40 mm.

3.  Il-bastimenti li jistadu għas-Sebastes mentella pelaġika (redfish oċeanika) fis-Subżona 2 u d-Diviżjonijiet F u 3K għandhom jużaw xbieki b'qies minimu tal-malji ta' 100 mm.

▼M1

4.  Il-bastimenti li jistadu għar-redfish fid-Diviżjoni 3O li jużaw xbieki ta’ tkarkir ta’ nofs fond għandhom jużaw xbieki b’daqs minimu tal-malji ta’ 90 mm.

▼M2

5.  Bastimenti li jkunu qed iwettqu sajd immirat għal speċijiet li mhumiex dawk speċifikati fil-paragrafi 1, 2 u 3 ta’ dan l-Artikolu għandhom permess jieħdu speċijiet regolati bi xbieki li jkollhom il-qies tal-malji inqas milli speċifikati f’dawk il-paragrafi, dment li jkun hemm konformità mar-rekwiżiti dwar qabdiet sekondarji fl-Artikolu 4.

▼B

Artikolu 8

Ġarr tax-xbieki

1.  Meta jkun qed isir sajd direttament għal waħda jew aktar mill-ispeċi regolati min-NAFO, il-bastimenti Komunitarji ma jistgħux iġorru xbieki b'malji ta' daqs iżgħar minn dak li ġie stabbilit fl-Artikolu 7.

▼M2

2.  Madankollu, bastimenti Komunitarji li jkunu qed jistadu f′żoni ′l barra miż-Żona Regolatorja tan-NAFO jistgħu jżommu abbord xbieki b’qies il-malji iżgħar minn dak stipulat fl-Artikolu 7, dment li dawn ix-xbieki jkunu marbutin u stivati sew u ma jkunux disponibbli għall-użu immedjat.

▼B

Artikolu 9

Oġġetti mwaħħla max-xbieki

1.  L-użu ta' kwalunkwe mezz jew apparat minbarra dawk deskritti f'dan l-Artikolu li jimblokkaw il-malji ta' xibka jew li jċekknu d-daqs tagħhom għandu jiġi pprojbit.

2.  Kanvas, xibka jew kwalunkwe materjal ieħor jista' jitwaħħal man-naħa ta' taħt tal-manka sabiex inaqqas jew jipprevjeni l-ħsara.

3.  L-apparati jistgħu jitwaħħlu man-naħa ta' fuq tal-manka dment li ma jimblukkawx il-malji tal-manka. L-użu ta' chafers fin-naħa ta' fuq għandu jkun limitat għal dawk imsemmija fl-Anness V.

4.  Il-bastimenti li jistadu għall-gambli (Pandalus borealis) għandhom jużaw grilji jew gradilji ta' gradazzjoni bi spazju massimu bejn il-vireg ta' 22 mm. Il-bastimenti li jistadu għall-gambli fid-Diviżjoni 3L għandhom ikunu mgħammra wkoll b'toggle chains b'tul minimu ta' 72 cm kif deskritt fl-Anness VI.

Artikolu 10

Daqs minimu tal-ħut

1.  Il-ћut miż-Żona Regolatorja tan-NAFO li m'għandux id-daqs meħtieġ kif stabbilit fl-Anness III ma jistax jiġi pproċessat, miżmum abbord, trasbordat, żbarkat, trasportat, maħżun, mibjugħ, muri jew offrut għall-bejgħ, iżda għandu jintefa" lura fil-baħar minnufih wara li jitniżżel mix-xibka jew jitneħħa mill-baħar.

2.  Fejn il-kwantità ta' ħut maqbud li ma jilħaqx id-daqs meħtieġ jaqbeż l-10 % tal-kwantità totali, il-bastiment għandu jitbiegħed distanza ta' mill-inqas ħames mili nawtiċi minn kwalunkwe pożizzjoni tar-refgħa preċedenti qabel ma jkompli jistad. Il-ħut pproċessat kollu li għalih japplikaw rekwiżiti ta' daqs minimu tal-ħut li jkun ta' tul inqas minn tul ekwivalenti għal dak stabbilit fl-Anness III, għandu jitqies bħala li joriġina minn ħut li huwa taħt id-daqs minimu tal-ħut.

▼M2

Artikolu 11

Dispożizzjonijiet speċjali għas-sajd tal-gambli fid-Diviżjoni 3L

Sajd għall-gambli fid-Diviżjoni 3L għandu jsir f’fond ta’ aktar minn 200 metru.

Artikolu 12

Żoni ristretti tas-sajd

1.  It-twettiq ta’ attivitajiet tas-sajd tal-qiegħ għandu jkun ipprojbit fiż-żoni li ġejjin:

2.  Iż-żona tad-Diviżjoni 3O tan-NAFO ddefinita billi jingħaqdu l-koordinati li ġejjin (f’ordni numerika u lura għall-koordinat 1) għandha tkun magħluqa għall-attivitajiet kollha tas-sajd tal-qiegħ:

▼M2

KAPITOLU IIa

PROTEZZJONI TA’ EKOSISTEMI TAL-BAĦAR VULNERABBLI

Artikolu 12a

Definizzjoni ta’ ekosistemi tal-baħar vulnerabbli

Għall-finijiet ta’ dan il-Kapitolu, “ekosistemi tal-baħar vulnerabbli” tfisser:

Artikolu 12b

Definizzjoni ta’ impatti avversi sinifikanti

Għall-finijiet ta’ dan il-Kapitolu “impatti avversi sinifikanti” tfisser impatti li jikkompromettu l-istruttura jew il-funzjoni tal-ekosistema b’mod li:

Artikolu 12c

Definizzjoni ta’ speċijiet indikaturi ta’ ekosistemi tal-baħar vulnerabbli

Għall-finijiet ta’ dan il-Kapitolu, “speċijiet indikaturi ta’ ekosistemi tal-baħar vulnerabbli” tfisser antipatarjani, qroll gorgoni, kolonji ta’ anemoni ċerjantidi, lofelja, u kolonji ta’ pinen tal-baħar.

Artikolu 12d

Definizzjoni ta’ sejba ta’ ekosistemi tal-baħar vulnerabbli

Għall-finijiet ta’ dan il-Kapitolu, “sejba ta’ ekosistemi tal-baħar vulnerabbli” tfisser qabda, għal kull rimja ta’ rkaptu, ta’ speċijiet indikaturi ta’ ekosistemi tal-baħar vulnerabbli ta’ aktar minn 100 kg ta’ qroll ħaj u/jew 1 000 kg ta’ sponża ħajja.

Artikolu 12e

Valutazzjoni tas-sajd tal-qiegħ

1.  Fl-2009, l-Istati Membri li l-bastimenti tagħhom bi ħsiebhom iwettqu attivitajiet tas-sajd tal-qiegħ fiż-Żona Regolatorja tan-NAFO għandhom jagħmlu valutazzjoni tal-impatti magħrufin u antiċipati ta’ dawk l-attivitajiet fuq l-ekosistemi tal-baħar vulnerabbli. L-Istati Membri għandhom jawtorizzaw biss attivitajiet tas-sajd tal-qiegħ f’każijiet fejn il-valutazzjoni tikkonkludi li tali attivitajiet mhumiex mistennija li jkollhom impatti avversi sinifikanti fuq l-ekosistemi tal-baħar vulnerabbli.

2.  Għall-finijiet tal-implimentazzjoni tal-valutazzjoni msemmija fil-paragrafu 1, l-Istati Membri għandhom joqogħdu fuq l-aħjar informazzjoni xjentifika u teknika disponibbli rigward il-post fejn jinstabu l-ekosistemi tal-baħar vulnerabbli fiż-żoni fejn il-bastimenti tas-sajd tagħhom bi ħsiebhom joperaw. Dik l-informazzjoni għandha tinkludi, fejn disponibbli, id-data xjentifika li abbażi tagħha tista’ tiġi stmata l-probabbiltà tal-okkorrenza ta’ tali ekosistemi.

3.  L-evalwazzjoni tar-riskju ta’ impatti avversi sinifikanti fuq l-ekosistemi tal-baħar vulnerabbli mwettqa skont il-valutazzjoni msemmija fil-paragrafu 1 għandha tqis, kif meħtieġ, il-kondizzjonijiet differenti li jipprevalu fiż-żoni ġodda tas-sajd tal-qiegħ u ż-żoni eżistenti tas-sajd tal-qiegħ.

4.  L-Istati Membri għandhom jippreżentaw il-valutazzjoni tagħhom imsemmija fil-paragrafi 1 lill-Kummissjoni malajr kemm jista’ jkun iżda mhux aktar tard mit-30 ta’ Ġunju 2009. Dik il-preżentazzjoni għandha tinkludi wkoll deskrizzjoni tal-miżuri ta’ mitigazzjoni maħsuba biex jimpedixxu impatti avversi sinifikanti fuq l-ekosistemi tal-baħar vulnerabbli. Il-Kummissjoni għandha tgħaddi minnufih din l-informazzjoni lis-Segretarjat tan-NAFO.

Artikolu 12f

Attivitajiet tas-sajd tal-qiegħ f’żoni ġodda tas-sajd tal-qiegħ

1.  L-attivitajiet kollha tas-sajd fiż-żoni ġodda tas-sajd tal-qiegħ, jew bl-irkaptu tal-qiegħ li ma jkunx intuża qabel fiż-żona kkonċernata, għandhom jitqiesu bħala sajd esploratorju u għandhom jitwettqu f’konformità mal-Protokoll dwar is-Sajd Esploratorju msemmi fil-paragrafu 2.

2.  L-Istati Membri, li l-bastimenti tagħhom ikunu bi ħsiebhom li jwettqu attivitajiet tas-sajd f’żoni ġodda tas-sajd tal-qiegħ, jew b’irkaptu tal-qiegħ li ma jkunx intuża qabel fiż-żona kkonċernata, għandhom jistabbilixxu Protokoll dwar is-Sajd Esploratorju bl-użu tal-mudelli tal-Anness XVI.

3.  Il-Protokoll dwar is-Sajd Esploratorju għandu jinkludi l-informazzjoni li ġejja:

4.  L-Istati Membri għandhom jiżguraw li l-attivtajiet esploratorji tas-sajd tal-qiegħ ikunu soġġetti għall-proċedura ta’ valutazzjoni stipulata fl-Artikolu 12e.

5.  L-Istati Membri għandhom jippreżentaw il-Protokoll dwar is-Sajd Esploratorju msemmi fil-paragrafu 2 u l-valutazzjoni msemmija fl-Artikolu 12e(1) lill-Kummissjoni biex din tgħaddihom lis-Segretarjat tan-NAFO. L-Istati Membri għandhom jiżguraw li l-attivitajiet esploratorji tas-sajd ma jkunux awtorizzati qabel ma din l-informazzjoni tasal għand is-Segretarjat tan-NAFO.

Artikolu 12g

Sejbiet imprevisti ta’ ekosistemi tal-baħar vulnerabbli f’żoni eżistenti tas-sajd tal-qiegħ

1.  Fejn, matul l-operazzjonijiet tas-sajd, bastiment li jwettaq attivitajiet tas-sajd f’żoni eżistenti tas-sajd tal-qiegħ jiltaqa’ ma’ indikaturi ta’ ekosistemi tal-baħar vulnerabbli, il-kaptan għandu jikkwantifika l-ispeċijiet indikaturi tal-ekosistemi tal-baħar vulnerabbli li jkunu nqabdu.

2.  Jekk il-kwantità tal-ispeċijiet indikaturi tal-ekosistemi tal-baħar vulnerabbli li jkunu nqabdu f’operazzjoni tas-sajd, bħall-ġbid ta’ xbieki tat-tkarkir jew rimja ta’ għeżul tal-garġi jew konz, tkun akbar mil-limitu minimu definit fl-Artikolu 12d, id-dispożizzjonijiet imniżżlin fil-paragrafi 3 u 4 ta’ dan l-Artikolu għandhom japplikaw.

3.  Il-kaptan tal-bastiment għandu jirrapporta l-inċident lill-Istat Membru tal-bandiera, li mingħajr dewmien għandu jgħaddi l-informazzjoni lis-Segretarju Eżekuttiv permezz tal-Kummissjoni. Il-Kummissjoni għandha tavża minnufih lill-Istati Membri l-oħra li l-bastimenti tagħhom ikunu joperaw fiż-Żona. L-Istati Membri rilevanti għandhom javżaw minnufih lill-bastimenti kollha tas-sajd li jtajru l-bandiera tagħhom u jkunu fiż-żona.

4.  Il-kaptan tal-bastiment għandu jieqaf mis-sajd u jwarrab mill-inqas 2 mili nawtiċi mill-aħħar punt tat-tkarkir/rimja fid-direzzjoni li tkun l-inqas probabbli li tirriżulta f’aktar sejbiet. Il-kaptan għandu juża l-aħjar ġudizzju tiegħu bbażat fuq is-sorsi ta’ informazzjoni disponibbli kollha.

Artikolu 12h

Sejbiet imprevisti ta’ ekosistemi tal-baħar vulnerabbli f’żoni ġodda tas-sajd tal-qiegħ

1.  Fejn, matul l-operazzjonijiet tas-sajd, bastiment li jkun qed iwettaq attivitajiet tas-sajd f’żoni ġodda tas-sajd tal-qiegħ jiltaqa’ ma’ indikaturi ta’ ekosistemi tal-baħar vulnerabbli, il-kaptan għandu jikkwantifika l-ispeċijiet indikaturi tal-ekosistemi tal-baħar vulnerabbli li jkunu nqabdu. L-osservaturi involuti għandhom jidentifikaw il-qrolli, l-isponoż u organiżmi oħra sal-aktar livell tassonomiku baxx possibbli.

2.  Jekk il-kwantità ta’ tali speċijiet li jkunu nqabdu għal kull rimja ta’ rkaptu, bħall-ġbid ta’ xbieki tat-tkarkir jew rimja ta’ għeżul tal-garġi jew konz, tkun akbar mil-limitu minimu definit fl-Artikolu 12d, id-dispożizzjonijiet imniżżlin fil-paragrafi 3, 4 u 5 ta’ dan l-Artikolu għandhom japplikaw.

3.  Il-kaptan tal-bastiment għandu jirrapporta l-inċident lill-Istat Membru tal-bandiera, li mingħajr dewmien għandu jgħaddi l-informazzjoni lis-Segretarju Eżekuttiv permezz tal-Kummissjoni. Il-Kummissjoni għandha tavża minnufih lill-Istati Membri l-oħra li l-bastimenti tagħhom ikunu joperaw fiż-Żona. L-Istati Membri rilevanti għandhom javżaw minnufih lill-bastimenti kollha tas-sajd li jtajru l-bandiera tagħhom u jkunu fiż-żona.

4.  Għandu japplika għeluq temporanju ta’ raġġ ta’ żewġ mili madwar pożizzjoni ta’ sejba rapportata minn bastiment li jtajjar il-bandiera ta’ Parti Kontraenti għan-NAFO. Il-pożizzjoni ta’ rapportar hija dik ipprovduta mill-bastiment, jew fl-aħħar punt tat-tkarkir/rimja jew f’pożizzjoni oħra li l-evidenza tindika li tkun l-eqreb għall-post eżatt tas-sejba. Dan l-għeluq temporanju għandu japplika sakemm is-Segretarjat tan-NAFO javża li ż-żona tkun tista’ terġa’ tinfetaħ.

5.  Il-bastiment għandu jieqaf mis-sajd u jwarrab mill-inqas 2 mili nawtiċi mill-aħħar punt tat-tkarkir/rimja fid-direzzjoni li tkun l-inqas probabbli li tirriżulta f’aktar sejbiet. Il-kaptan għandu juża l-aħjar ġudizzju tiegħu bbażat fuq is-sorsi ta’ informazzjoni disponibbli kollha.

▼B

KAPITOLU III

MIŻURI TA' KONTROLL

TAQSIMA 1

Monitoraġġ tas-sajd

Artikolu 13

Awtorizzazzjoni

Il-bastimenti Komunitarji ta' iktar minn 50 tunnellata metrika grossa biss li jkun inħarġilhom permess speċjali tas-sajd mill-Istat Membru tal-bandiera tagħhom u li huma inklużi fir-reġistru tal-bastimenti tan-NAFO għandhom ikunu awtorizzati, bil-kondizzjonijiet stabbiliti fil-permess, jistadu, iżommu abbord, jittrasbordaw u jiżbarkaw r-riżorsi tas-sajd miż-Żona Regolatorja tan-NAFO.

Artikolu 14

Lista ta' bastimenti

1.  Kull Stat Membru għandu jistabbilixxi lista ta' bastimenti li jtajru l-bandiera tiegħu u reġistrati fil-Komunità li huma awtorizzati jistadu fiż-Żona Regolatorja tan-NAFO u għandu jinnotifika dik il-lista lill-Kummissjoni f'format li jinqara mill-kompjuter. Il-Kummissjoni għandha tgħaddi l-lista fil-pront lis-Segretarjat tan-NAFO.

2.  Kull Stat Membru għandu jinforma lill-Kummissjoni f'format li jinqara mill-kompjuter, minn ta' l-inqas 15-il jum qabel ma l-bastiment jidħol fiż-Żona Regolatorja tan-NAFO, bi kwalunkwe emenda għal-lista tiegħu ta' bastimenti li jtajru l-bandiera tiegħu u reġistrati fil-Komunità li huma awtorizzat jistadu fiż-Żona Regolatorja tan-NAFO. Il-Kummissjoni għandha tgħaddi din l-informazzjoni fil-pront lis-Segretarjat tan-NAFO.

3.  Il-lista msemmija fil-paragrafu 2 għandha tinkludi l-informazzjoni li ġejja:

4.  Għal bastimenti li jtajru l-bandiera ta' Stat Membru b'mod temporanju (bareboat charter), l-informazzjoni mgħoddija għandha, barra minn hekk, tinkludi:

Artikolu 15

Kiri ta' bastimenti Komunitarji

1.  L-Istati Membri jistgħu jippermettu li bastiment tas-sajd li jtajjar il-bandiera tagħhom u li huwa awtorizzat jistad fiż-Żona Regolatorja tan-NAFO jkun suġġett għal arranġament ta' noleġġ għall-użu parzjalment jew kompletament ta' kwota u/jew jiem ta' sajd allokati lil Parti Kontraenti oħra tan-NAFO. Arranġamenti ta' noleġġ li jinvolvu bastimenti identifikati min-NAFO jew kwalunkwe organizzazzjoni tas-sajd reġjonali oħra bħala bastimenti li kienu involuti fl-IUU, madankollu, m'għandhomx ikunu permessi.

2.  Fid-data tal-konklużjoni ta' arranġament ta' noleġġ, l-Istat Membru tal-bandiera għandu jibgħat l-informazzjoni li ġejja lill-Kummissjoni li għandha tgħaddi din l-informazzjoni lis-Segretarju Eżekuttiv tan-NAFO:

3.  Meta jintemm l-arranġament ta' noleġġ, l-Istat Membru tal-bandiera għandu jinforma lill-Kummissjoni li għandha minnufih tgħaddi din l-informazzjoni lis-Segretarju Eżekuttiv tan-NAFO.

4.  L-Istat Membru tal-bandiera għandu jaġixxi sabiex jiżgura li:

5.  L-Istati Membri għandhom jirrapportaw il-qabdiet u l-qabdiet inċidentali kollha msemmija fil-paragrafu 4(ċ) lill-Kummissjoni separatament minn data ta' qabdiet nazzjonali oħra skond l-Artikolu 21. Il-Kummissjoni għandha minnufih tgħaddi din id-data lis-Segretarju Eżekuttiv tan-NAFO.

Artikolu 16

Monitoraġġ ta' l-isforz tas-sajd

1.  Kull Stat Membru għandu jieħu l-miżuri neċessarji sabiex jiżgura li l-isforz tas-sajd tal-bastimenti tiegħu jkun proporzjonat għall-opportunitajiet tas-sajd disponibbli għal dak l-Istat Membru fiż-Żona Regolatorja tan-NAFO.

2.  L-Istati Membri għandhom jgħaddu lill-Kummissjoni l-pjan tas-sajd għall-bastimenti tagħhom li jistadu fiż-Żona Regolatorja tan-NAFO sa mhux aktar tard mill-31 ta' Jannar ta' kull sena jew, minn dakinhar "il quddiem, mill-inqas 30 jum qabel il-bidu ta' tali attività. Il-pjan tas-sajd għandu jidentifika, inter alia, il-bastiment jew il-bastimenti li se jkunu involuti f'dawn l-attivitajiet u n-numru ppjanat ta' jiem ta' sajd li dawk il-bastimenti se jqattgħu fiż-Żona Regolatorja tan-NAFO.

3.  Fuq bażi indikattiva, l-Istati Membri għandhom jinfurmaw lill-Kummissjoni bl-attivitajiet li bi ħsiebhom iwettqu l-bastimenti f'Żoni oħra.

4.  Il-pjan tas-sajd għandu jirrappreżenta l-isforz tas-sajd totali li se jintuża fiż-Żona Regolatorja tan-NAFO fir-rigward ta' l-opportunitajiet ta' sajd disponibbli għall-Istat Membru li jkun qed jagħmel in-notifika.

5.  Mhux aktar tard mill-31 ta' Diċembru ta' kull sena, l-Istati Membri għandhom jirrapportaw lill-Kummissjoni dwar l-implimentazzjoni tal-pjanijiet tas-sajd tagħhom. Dawk ir-rapporti għandhom jinkludu n-numru ta' bastimenti attwalment involuti f'attivitajiet tas-sajd fiż-Żona Regolatorja tan-NAFO, il-qabdiet ta' kull bastiment u n-numru totali ta' jiem li kull bastiment stad f'dik iż-Żona. L-attivitajiet tal-bastimenti li jistadu għall-gambli fid-Diviżjonijiet 3M u 3L għandhom jiġu rrapportati separatament għal kull Diviżjoni.

Artikolu 17

Sistema ta' Monitoraġġ tal-Bastimenti (VMS)

1.  L-Istati Membri għandhom jiżguraw li l-informazzjoni miksuba bis-sistema tal-monitoraġġ tal-bastimenti (VMS) skond ir-Regolament (KE) Nru 2244/2003 dwar bastimenti li jtajru l-bandiera tagħhom li jistadu fiż-Żona Regolatorja tan-NAFO tintbagħat elettronikament lis-Segretarjat tan-NAFO fuq bażi ta' ħin reali.

2.  Meta spettur josserva bastiment tas-sajd fiż-Żona Regolatorja tan-NAFO fir-rigward ta' liema ma jkunx irċieva d-data tal-VMS skond il-Miżuri ta' Konservazzjoni u ta' Infurzar tan-NAFO, hu għandu jinforma fil-pront lill-kaptan u lis-Segretarju Eżekuttiv tan-NAFO b'dan.

Artikolu 18

Trasbordi

1.  Bastimenti Komunitarji m'għandhomx iwettqu ħidmiet ta' trasbord fiż-Żona Regolatorja tan-NAFO ħlief jekk ikunu ngħataw awtorizzazzjoni minn qabel sabiex jagħmlu hekk mill-awtoritajiet ta' l-istat tal-bandiera kompetenti tagħhom.

2.  Bastimenti Komunitarji m'għandhomx iwettqu ħidmiet ta' trasbord ta' ħut minn jew għal bastiment ta' parti mhux kontraenti li jkun ġie milmuħ jew identifikat b'mod ieħor li kien involut f'attivitajiet tas-sajd fiż-Żona Regolatorja tan-NAFO.

3.  Il-bastimenti Komunitarji għandhom jirrapportaw kull trasbord fiż-Żona Regolatorja tan-NAFO lill-awtoritajiet kompetenti tagħhom. Bastimenti donaturi għandhom jagħmlu dak ir-rapport minn ta' l-inqas erbgħa u għoxrin siegħa bil-quddiem u l-bastimenti riċevituri mhux aktar tard minn siegħa wara t-trasbord.

4.  Ir-rapport imsemmi fil-paragrafu 3 għandu jinkludi l-ħin, il-pożizzjoni ġeografika, il-piż totali sa l-eqred kilogramma għal kull speċi għall-ħatt jew għat-tagħbija kif ukoll is-sinjal tas-sejħa tal-bastimenti involuti fit-trasbord.

5.  Il-bastiment riċevitur għandu jirraporta, minbarra l-qabda totali abbord u l-piż totali li jkun se jinħatt l-art, l-isem tal-port u l-ħin mistenni tal-ħatt l-art minn ta' l-inqas 24 siegħa qabel kwalunkwe ħatt l-art.

6.  L-Istati Membri għandhom jittrasmettu fil-pront ir-rapporti msemmija fil-paragrafi 3 u 5 lill-Kummissjoni, li għandha tgħaddihom fil-pront lis-Segretarjat tan-NAFO.

Artikolu 19

Il-ġurnali ta' abbord tas-Sajd u tal-Produzzjoni u l-pjan ta' l-istivar

1.  Minbarra li jikkonformaw ma' l-Artikoli 6, 8, 11 u 12 tar-Regolament (KEE) Nru 2847/93, il-kaptani tal-bastimenti għandhom iniżżlu fil-ġurnal ta' abbord tas-sajd l-informazzjoni elenkata fl-Anness IV.

2.  Il-kaptani ta' bastiment Komunitarju għandhom, fir-rigward ta' qabdiet ta' l-ispeċi msemmija fl-Artikolu 15(1) tar-Regolament (KEE) Nru 2847/93, iżommu:

3.  Il-ġurnal ta' abbord tal-produzzjoni u l-pjan ta' l-istivar imsemmija fil-paragrafu 2 għandhom jiġu aġġornati ta' kuljum għall-jum preċedenti meqjus minn 00.00 h (UTC) sa 24.00 h (UTC) u għandhom jinżammu abbord sakemm il-bastiment ikun ħatt kompletament.

4.  Il-kaptan ta' bastiment Komunitarju għandu jipprovdi l-assistenza meħtieġa sabiex il-kwantitajiet iddikjarati fil-ġurnal ta' abbord tal-produzzjoni u l-prodotti pproċessati maħżuna abbord jkunu jistgħu jiġu vverifikati.

▼M1

5.  Kull sentejn l-Istati Membri għandhom jiċċertifikaw il-korrettezza tal-pjanijiet tal-kapaċità għall-bastimenti kollha li huma awtorizzati biex jistadu skond l-Artikolu 14. Il-kaptan għandu jiżgura li kopja ta’ din iċ-ċertifikazzjoni tibqa’ abbord biex tintwera lill-ispettur malli tintalab.

▼B

Artikolu 20

Ittikkettjar tal-prodotti u stivar separat

▼M2

1.  Il-ħut kollu pproċessat li jinħasad fiż-Żona Regolatorja tan-NAFO għandu jiġi ttikettjat b’tali mod li kull speċi u kategorija ta’ prodott kif imsemmi fl-Artikolu 1 tar-Regolament tal-Kunsill (KE) Nru 104/2000 tas-17 ta’ Diċembru 1999 dwar l-organizzazzjoni komuni tas-swieq fil-prodotti tas-sajd u l-akkwakultura ( 13 ), u fil-każ tal-gambli, id-data tal-qbid, tkun identifikabbli, bl-użu rispettivament tal-kodiċi 3-Alpha fl-Anness I għal dak ir-Regolament, u l-kodiċi tal-forom tal-prodott fl-Anness XIV (b) għal dan ir-Regolament.

2.  Il-gambli kollha maħsuda fid-Diviżjonijiet 3L u 3M u l-ħalibatt kollu tal-Groenlandja li jinħasad fis-Subżona 2 u fid-Diviżjonijiet 3KLMNO għandhom jiġu mmarkati bħala maqbuda f’dawn iż-żoni rispettivi.

▼B

3.  B'kont meħud tal-konsiderazzjoni għas-sigurtà leġittima u r-responsabbiltajiet ta' navigazzjoni tal-kaptan tal-bastiment, dan li ġej għandu japplika:

Artikolu 21

Rappurtar tal-qabdiet

1.  Il-kaptani tal-bastimenti tas-sajd Komunitarji għandhom jibagħtu liċ-Ċentru tal-Monitoraġġ tas-Sajd (FMC) ta' l-Istat Membru tal-bandiera tagħhom ir-rapporti tal-qabdiet skond il-paragrafu 2.

2.  Ir-rapporti tal-qabdiet għandhom jinkludu:

▼M1

▼B

3.  Kull Stat Membru, meta jirċevihom, għandu jgħaddi r-rapporti tal-qabdiet bli jittrasmettihom bil-kompjuter lill-Kummissjoni li tibgħat dawn ir-rapporti lis-Segretarjat tan-NAFO.

4.  L-Istati Membri għandhom jirreġistraw id-data li jkun hemm fir-rapporti tal-qabdiet fid-database msemmija fl-Artikolu 19(2) tar-Regolament (KEE) Nru 2847/93.

5.  Ir-regoli dettaljati għall-format u għall-ispeċifikazzjonijiet għat-trasmissjonijiet imsemmija fil-paragrafu 2 huma stabbiliti fl-Anness VII.

Artikolu 22

Rappurtar globali tal-qabdiet u ta' l-isforz tas-sajd

1.  Kull Stat Membru għandu, f'format li jinqara mill-kompjuter, qabel il-15 ta' kull xahar, jinnotifika lill-Kummissjoni bi

2.  Il-Kummissjoni għandha tikkompila d-data msemmija fil-paragrafu 1 għall-Istati Membri kollha u għandha tibgħat dik id-data lis-Segretarjat tan-NAFO fi żmien 30 jum mit-tmiem tax-xahar kalendarju li fih ikunu saru l-qabdiet.

TAQSIMA 2

Osservaturi

Artikolu 23

Assenjazzjoni ta' osservaturi

1.  L-Istati Membri għandhom jassenjaw osservaturi lill-bastimenti tas-sajd kollha tagħhom li jkunu involuti jew li jkunu se jinvolvu ruħhom f'attivitajiet tas-sajd fiż-Żona Regolatorja tan-NAFO. L-osservaturi għandhom jibqgħu abbord il-bastimenti tas-sajd li jkunu ġew assenjati lilhom sakemm dawn jiġu sostitwiti minn osservaturi oħrajn.

2.  Ħlief għal raġunijiet ta' forza maġġuri, il-bastimenti tas-sajd mingħajr osservatur abbord m'għandhomx jitħallew jibdew jew ikomplu jistadu fiż-Żona Regolatorja tan-NAFO.

3.  L-osservaturi għandhom ikunu kwalifikati b'mod xieraq u jkollhom l-esperjenza. Għandu jkollhom il-ħiliet li ġejjin:

4.  L-Istati Membri għandhom jieħdu l-passi kollha xierqa sabiex jiżguraw li l-osservaturi jiġu milqugħa abbord il-bastimenti tas-sajd fil-ħin u fil-lok miftehma kif inhu xieraq u li jiffaċilitaw it-tluq tagħhom fit-tmiem tal-perijodu ta' osservazzjoni.

5.  L-Istati Membri għandhom jgħaddu lill-Kummissjoni lista ta' osservaturi li huma assenjaw skond il-paragrafu 1 sa l-20 ta' Jannar ta' kull sena u, minn hemm "il quddiem, immedjatament wara l-assenjazzjoni ta' kwalunkwe osservatur ġdid.

Artikolu 24

Kompiti ewlenin ta' l-osservaturi

1.  L-osservaturi għandhom jimmonitorjaw il-konformità tal-bastiment tas-sajd mal-miżuri rilevanti ta' konservazzjoni u ta' infurzar tan-NAFO.

2.  Il-kompiti ta' osservazzjoni kollha għandhom ikunu ristretti għaż-Żona Regolatorja tan-NAFO.

Artikolu 25

Reġistrazzjoni

L-osservaturi għandhom:

Artikolu 26

Monitoraġġ tal-qabdiet

1.  L-osservaturi għandhom:

2.  Meta jimmonitorjaw dak li ġie skartat, il-qabdiet inċidentali u l-qabdiet ta' ħut iżgħar milli suppost skond il-paragrafu 1(c), l-osservaturi għandhom jiġbru d-data dwar dak li ġie skartat u dwar il-ħut iżgħar milli suppost miżmum skond, meta ċ-ċirkostanzi jippermettu, l-iskema tat-teħid ta' kampjuni li ġejja:

Artikolu 27

Kompiti speċifiċi oħra

L-osservaturi għandhom:

Artikolu 28

Rapporti ta' l-Osservatur

1.  L-osservaturi għandhom jippreżentaw rapport, lill-Kummissjoni u lill-awtoritajiet kompetenti ta' l-Istat Membru li assenjahom, fi żmien 20 jum wara t-tmiem ta' kull vjaġġ tas-sajd. Meta l-inkarigu ta' osservatur jintemm qabel it-tmiem tal-vjaġġ tas-sajd, ir-rapport għandu jiġi ppreżentat lill-Kummissjoni u lill-awtoritajiet kompetenti ta' l-Istat Membru fejn għandu x'jaqsam il-perjodu ta' l-inkarigu fi żmien 20 jum wara t-tmiem ta' l-inkarigu. Ir-rapport għandu jiġbor fil-qosor is-sejbiet ewlenin ta' l-osservatur. Ir-rapport għandu jintbagħat lill-Kummissjoni li għandha tgħaddi dan ir-rapport lis-Segretarjat tan-NAFO.

2.  L-osservaturi għandhom jirrapportaw, fi żmien 24 siegħa, kwalunkwe evidenza ta' infrazzjoni serja ssuspettata. Tali rapporti għandhom isiru lil bastiment ta' spezzjoni tan-NAFO fiż-Żona Regolatorja tan-NAFO, li għandu jirrapporta l-infrazzjoni ssuspettata lis-Segretarju Eżekuttiv tan-NAFO. L-osservaturi għandhom jużaw kodiċi stabbilit meta jikkomunikaw ma' bastiment ta' spezzjoni.

Artikolu 29

Prekawzjonijiet

1.  L-osservaturi għandhom jieħdu l-passi adatti kollha sabiex jiżguraw li l-preżenza tagħhom abbord il-bastimenti tas-sajd ma tostakolax jew tfixkel il-ħidma tajba tal-bastimenti inkluż l-attivitajiet tas-sajd;

2.  L-osservaturi għandhom jirrispettaw il-proprjetà u t-tagħmir abbord il-bastimenti tas-sajd inkluż il-kunfidenzjalità tad-dokumenti kollha li għandhom x'jaqsmu mal-bastimenti msemmija.

Artikolu 30

Obbligi tal-kaptan tal-bastiment

1.  Il-kaptani tal-bastimenti tas-sajd Komunitarji għandhom jirċievu lill-osservaturi assenjati u jikkoperaw magħhom sabiex iħalluhom iwettqu l-kompiti tagħhom waqt li jkunu abbord il-bastimenti.

2.  Il-kaptan tal-bastiment magħżul sabiex jirċievi osservatur abbord għandu jieħu l-passi raġonevoli kollha sabiex jiffaċilita l-wasla u t-tluq ta' l-osservatur. Waqt li jkun abbord l-osservatur għandu jiġi offrut akkomodazzjoni u l-faċilitajiet tax-xogħol xierqa u adegwati.

3.  Il-kaptan tal-bastiment għandu jippermetti lill-osservatur li jkollu aċċess għad-dokumenti tal-bastiment (il-ġurnal ta' abbord tas-sajd, il-ġurnal ta' abbord tal-produzzjoni, il-pjan tal-kapaċità, u l-pjan ta' l-istivar) u għall-partijiet differenti tal-bastiment, inkluż kif ikun meħtieġ, għall-qabda miżmuma u għall-qabda li hemm ħsieb li tiġi skartata, sabiex jiġi faċilitat it-twettiq tal-kompiti ta' l-osservatur.

4.  Il-kaptan għandu jkun infurmat fi żmien debitu bid-data u l-post sabiex jirċievi l-osservaturi u bit-tul ta' żmien mistenni tal-perijodu ta' osservazzjoni.

▼M1

5.  Il-kaptan tal-bastiment osservat jista’, fuq it-talba tiegħu stess, ikun ipprovdut b’kopja tar-rapport ta’ l-osservatur li jissemma fl-Artikolu 28(1).

▼B

Artikolu 31

Spejjeż

L-ispejjeż kollha li jirriżultaw mill-operazzjoni ta' l-osservaturi taħt din it-Taqsima għandhom jinġarru mill-Istati Membri. L-Istati Membri jistgħu jiċċarġjaw dawn l-ispejjeż, parzjalment jew kompletament, lill-operaturi tal-bastimenti tagħhom.

Artikolu 32

Segwitu

▼M1

1.  L-awtoritajiet kompetenti ta’ l-Istati Membri li jirċievu r-rapport ta’ l-osservatur skond l-Artikolu 28 għandhom jevalwaw il-kontenuti u l-konklużjonijiet ta’ dak ir-rapport.

▼B

2.  Fil-każ li r-rapport jindika li l-bastiment osservat kien involut fi prattika tas-sajd li ma taqbilx mal-miżuri ta' konservazzjoni u ta' infurzar tan-NAFO, l-awtoritajiet imsemmija fil-paragrafu 1 għandhom jieħdu l-azzjoni kollha adatta sabiex jinvestigaw il-kwistjoni ħalli jipprevjenu r-ripetizzjoni ta' tali prattika.

SEZZJONI 3

Programm għall-osservaturi, sorveljanza bis-satellita u rappurtar elettroniku

Artikolu 33

Regoli ta' applikazzjoni

1.  B'deroga mid-dispożizzjonijiet ta' l-Artikolu 23, l-Istati Membri jistgħu jippermettu lill-bastimenti tas-sajd li jtajru l-bandiera tagħhom jibdew u jwettqu attivitajiet tas-sajd fiż-Żona Regolatorja tan-NAFO mingħajr osservatur assenjat taħt il-kondizzjonijiet stabbiliti f'din it-Taqsima.

2.  Il-bastimenti jistgħu jwettuq attivitajiet tas-sajd mingħajr osservatur skond il-paragrafu 1 dment li l-ħtiġiet li ġejjin ikunu sodisfatti:

Artikolu 34

Obbligi ta' l-Istati Membri

1.  L-Istati Membri għandhom javżaw lill-Kummissjoni bl-ismijiet tal-bastimenti li bi ħsiebhom japplikaw id-dispożizzjonijiet ta' din it-Taqsima sa mhux aktar tard minn 30 jum qabel il-bidu ta' l-istaġun tas-sajd. Il-Kummissjoni għandha minnufih tgħaddi din l-informazzjoni lis-Segretarjat tan-NAFO.

2.  L-Istati Membri għandhom iżommu lill-Kummissjoni infurmata dwar l-ismijiet tal-bastimenti li jkunu qed japplikaw id-dispożizzjonijiet ta' din it-Taqsima u l-perijodu li matulu ma jkun assenjat l-ebda osservatur abbord. Il-Kummissjoni għandha minnufih tgħaddi din l-informazzjoni lis-Segretarjat tan-NAFO.

3.  L-Istati Membri li jkollhom bastiment(i) li jkun(u) qed japplika(w) id-dispożizzjonijiet ta' din it-Taqsima m'għandhomx iħallu lill-bastiment iwettaq attivitajiet tas-sajd fiż-Żona Regolatorja tan-NAFO mingħajr osservatur għal aktar minn 75 % tal-ħin li l-bastiment(i) jkun(u) attiv(i) fiż-Żona Regolatorja matul is-sena.

4.  L-Istati Membri għandhom jiżguraw li jkun hemm bilanċ bejn il-bastimenti li jtajru l-bandiera tagħhom b'osservatur jew mingħajr osservatur fit-tip ta' sajd li jkunu involuti fih il-bastimenti.

Artikolu 35

Obbligi tal-kaptani u ta' l-osservaturi

1.  Il-kaptani ta' bastimenti u l-osservaturi li jkunu qed japplikaw id-dispożizzjonijiet ta' din it-Taqsima għandhom jittrasmettu rapporti ta' kuljum skond id-Diviżjoni.

2.  Ir-rapporti ta' kuljum għandhom jiġu trasmessi lis-Segretarjat tan-NAFO permezz ta' l-FMS ta' l-Istat tal-bandiera sa mhux aktar tard minn 12.00 UTC. Il-perijodu ta' rappurtar għandu jkun minn 00.01 h sa 24.00 h tal-jum preċedenti.

3.  Il-qabda reġistrata fir-rapport ta' kuljum tal-kaptan għandha tikkorrispondi mal-qabdiet fil-ġurnal ta' abbord tas-sajd.

4.  Ir-rapporti ta' kuljum għandhom jinkludu skond ma jkun il-każ l-ammonti, skond id-diviżjoni, tal-kategoriji li ġejjin:

5.  Il-Formats għall-Qabda ta' Kuljum (CAX) u r-Rapporti ta' Osservazzjoni (OBR) jinsabu fl-Anness XIV(a).

6.  L-osservaturi li jkunu abbord bastimenti li jkunu qed japplikaw id-dispożizzjonijiet ta' din it-Taqsima għandhom, minbarra d-doveri tagħhom skond il-Kapitolu III Taqsima 2, jirraportaw ta' kuljum b'mezzi elettroniċi permezz ta' l-FMC lis-Segretarjat tan-NAFO (rapport OBR) dwar il-kompiti tagħhom deskritti fl-Artikolu 26(1).

Artikolu 36

Nuqqas tekniku

Jekk il-mezzi elettroniċi għat-trasmissjoni ta' kuljum tar-rapporti lil u mill-FMC ma jkunux qed jaħdmu, il-kaptan u l-osservatur għandhom ikomplu jirraportaw ta' kuljum b'mezzi oħra u jżommu ġurnal bil-miktub ta' dawn it-trasmissjonijiet abbord u disponibbli għall-ispetturi.

Artikolu 37

Infrazzjonijiet

Jekk bastiment mingħajr osservatur ikun imħarrek għal infrazzjoni, id-dispożizzjonijiet tal-Kapitolu IV Taqsima 5 għandhom japplikaw. Jekk ir-rotta tal-bastiment ma tinbidilx wara din l-infrazzjoni, għandu jiżbarka osservatur fuq il-bastiment mingħajr dewmien.

Artikolu 38

Rapport dwar l-implimentazzjoni

Mhux aktar tard mill-15 ta' Frar ta' kull sena, l-Istati Membri għandhom jirrapportaw lill-Kummissjoni dwar l-implimentazzjoni tad-dispożizzjonijiet ta' din it-Taqsima. Dan ir-rapport għandu jkun fih inter alia informazzjoni dwar il-konformità ġenerali tal-bastimenti kkonċernati b'paragun bejn il-bastimenti b'osservatur u dawk mingħajr osservatur, it-tfaddil possibbli fl-ispejjeż għall-industrija u l-awtoritajiet ta' l-Istati Membri, l-interazzjoni ma' mezzi ta' kontroll oħra kif ukoll il-funzjonament tekniku u l-affidabbiltà tas-sistemi operattivi.

KAPITOLU IV

SPEZZJONI U SORVELJANZA FUQ IL-BAĦAR

TAQSIMA 1

Dispożizzjonijiet Ġenerali

Artikolu 39

Regoli ġenerali għall-ispezzjoni u sorveljanza

1.  Il-Kummissjoni u/jew l-Istati Membri għandhom jassenjaw spetturi sabiex iwettqu sorveljanza u spezzjoni fiż-Żona Regolatorja tan-NAFO skond il-Miżuri ta' Konservazzjoni u Infurzar tan-NAFO. Huma jistgħu jaħtru wkoll apprendisti sabiex jakkumpanjaw lill-ispetturi.

2.  L-Istati Membri u l-Kummissjoni għandhom jiżguraw li l-ispetturi jwettqu l-kompiti tagħhom skond ir-regoli stabbiliti fl-Iskema tan-NAFO. L-ispetturi għandhom jibqgħu taħt il-kontroll operattiv ta' l-awtoritajiet kompetenti tagħhom u għandhom ikunu responsabbli għalihom.

3.  Kull Stat Membru u l-Kummissjoni għandhom jiżguraw li l-ispezzjonijiet min-naħa ta' l-ispetturi Komunitarji jitwettqu b'mod nondiskriminatorju u skond il-Miżuri ta' Konservazzjoni u ta' Infurzar tan-NAFO.

4.  In-numru ta' spezzjonijiet għandu jkun ibbażat fuq id-daqs tal-flotot tal-Partijiet Kontraenti preżenti fiż-Żona Regolatorja tan-NAFO, b'kont meħud taż-żmien li damu fiż-Żona, il-livell tal-qabdiet u r-rekords ta' konformità.

5.  Minbarra l-funzjonijiet tagħhom taħt il-Miżuri ta' Konservazzjoni u ta' Infurzar tan-NAFO, l-ispetturi għandhom jispezzjonaw il-bastimenti Komunitarji fiż-Żona Regolatorja tan-NAFO għall-konformità ma' kwalunkwe miżura Komunitarja oħra ta' konservazzjoni jew ta' kontroll li tapplika għal dawk il-bastimenti.

6.  L-ispetturi jistgħu jitqiegħdu abbord kwalunkwe bastiment ta' Stat Membru li jkun involut jew li se jkun involut f'kompiti ta' spezzjoni fiż-Żona Regolatorja tan-NAFO.

7.  L-ispetturi li joperaw fiż-Żona Regolatorja tan-NAFO għandhom, fuq bażi regolari, jikkoordinaw l-attivitajiet tagħhom ma' spetturi oħra tan-NAFO attivi fiż-Żona Regolatorja tan-NAFO sabiex jiskambjaw l-informazzjoni dwar is-sejbien u l-imbark jew dwar informazzjoni rilevanti oħra.

Artikolu 40

Mezzi ta' spezzjoni

L-Istati Membri jew il-Kummissjoni għandhom jqiegħdu għad-dispożizzjoni ta' l-ispetturi tagħhom il-mezzi adegwati sabiex ikunu jistgħu jwettqu l-kompiti tagħhom ta' sorveljanza u ta' spezzjoni. Għal dak il-għan dawn għandhom jassenjaw bastimenti ta' spezzjoni għall-Iskema tan-NAFO.

Artikolu 41

Programmazzjoni

1.  L-Aġenzija Komunitajra għall-Kontroll tas-Sajd għandha tikkoordina l-attivitajiet ta' sorveljanza u ta' spezzjoni għall-Komunità. Din tista' tfassal, flimkien ma' l-Istati Membri konċernati, programmi ta' sorveljanza u spezzjoni operattivi konġunti għal dak l-iskop. L-Istati Membri li l-bastimenti tagħhom ikunu involuti f'sajd fiż-Żona Regolatorja tan-NAFO għandhom jadottaw il-miżuri meħtieġa sabiex jiffaċilitaw l-implimentazzjoni ta' dawn il-programmi, b'mod partikolari rigward ir-riżorsi umani u materjali meħtieġa u l-perijodi u ż-żoni fejn dawn għandhom jintużaw.

2.  Fit-tfassil ta' programmi ta' sorveljanza u ta' spezzjoni operattivi konġunti, l-Aġenzija Komunitarja għall-Kontroll tas-Sajd u l-Istati Membri għandhom jiżguraw li, fejn, fi kwalunkwe ħin, iktar minn 15-il bastiment Komunitarju jkunu involuti f'attivitajiet tas-sajd fiż-Żona Regolatorja tan-NAFO, bastiment ta' spezzjoni Komunitarju jkun preżenti fiż-Żona jew li jkun ġie konkluż ftehim ma' Parti Kontraenti oħra sabiex tiġi żgurata l-preżenza ta' bastiment ta' spezzjoni.

3.  Sal-15 ta' Ottubru ta' kull sena, l-Istati Membri għandhom jinfurmaw lill-Aġenzija Komunitarja għall-Kontroll tas-Sajd bl-ismijiet ta' l-ispetturi u tal-bastimenti ta' spezzjoni li bi ħsiebhom jassenjaw għall-Iskema tan-NAFO matul is-sena ta' wara. Din in-notifika għandha tinkludi l-isem, is-sinjal tas-sejħa tar-radju u l-kapaċità ta' komunikazzjoni tal-bastimenti ta' spezzjoni assenjati. Filwaqt li tuża din l-informazzjoni, l-Aġenzija Komunitarja għall-Kontroll tas-Sajd għandha tfassal, b'kollaborazzjoni ma' l-Istati Membri, pjan għall-parteċipazzjoni Komunitarja fl-Iskema tan-NAFO fis-sena kalendarja ta' wara, li għandha tibgħat lis-Segretarjat tan-NAFO u lill-Istati Membri.

4.  L-Istati Membri għandhom jinfurmaw l-Aġenzija Komunitarja għall-Kontroll tas-Sajd elettronikament bid-data u l-ħin tal-bidu u tat-tmien ta' l-attivitajiet tal-bastimenti ta' spezzjoni.

TAQSIMA 2

Proċedura ta' sorveljanza

Artikolu 42

Proċedura ta' sorveljanza

1.  L-ispetturi għandhom iwettqu sorveljanza bbażata fuq is-sejbien ta' bastimenti tas-sajd minn bastiment assenjat lill-Iskema tan-NAFO. Meta spettur josserva bastiment ta' Parti Kontraenti tan-NAFO u tali osservazzjoni ma tikkorrispondix ma' informazzjoni oħra disponibbli għalih, huwa għandu jirreġistra s-sejbiet tiegħu f'rapport ta' sorveljanza bl-użu tal-formola stabbilita fl-Anness XI u għandu jgħaddi dak ir-rapport lill-awtoritajiet tiegħu. Ir-rapport għandu jinkludi ritratti tal-bastiment li għandhom jirreġistraw il-pożizzjoni, id-data u l-ħin meta ttieħdu r-ritratti.

2.  L-Istati Membri għandhom jgħaddu r-rapport tas-sorveljanza fil-pront, permezz ta' trasmissjoni elettronika, lill-Istat tal-bandiera tal-bastiment milmuħ jew lill-awtoritajiet maħtura minn dak l-Istat, kif innotifikat mis-Segretarjat tan-NAFO, lis-Segretarjat tan-NAFO u lill-Kummissjoni. Huwa għandhom jibagħtu wkoll l-oriġinal ta' kull rapport ta' sorveljanza lill-Istat tal-bandiera tal-bastiment ikkonċernat fuq it-talba tiegħu.

3.  Meta jirċievu rapport ta' sorveljanza dwar il-bastimenti tagħhom, l-Istati Membri għandhom minnufih jieħdu azzjoni dwaru u jwettqu kwalunkwe investigazzjoni ulterjuri meħtieġa sabiex ikunu jistgħu jiddeterminaw is-segwitu xieraq.

4.  Sal-15 ta' Frar ta' kull sena, l-Istati Membri għandhom jirrappurtaw lill-Kummissjoni dwar l-azzjoni meħuda fir-rigward tar-rapporti ta' sorveljanza li jkunu jinvolvu l-bastimenti tagħhom matul is-sena preċedenti. Fil-każijiet fejn l-azzjoni ta' segwitu tirriżulta fl-impożizzjoni ta' penali, dawk il-penali għandhom ikunu deskritti f'termini speċifiċi. Il-Kummissjoni għandha tgħaddi din l-informazzjoni lis-Segretarjat tan-NAFO sa l-1 ta' Marzu ta' kull sena.

TAQSIMA 3

Proċedura ta' spezzjoni

Artikolu 43

Dispożizzjonijiet ġenerali

1.  Meta titwettaq spezzjoni matul is-sigħat tal-jum f'kondizzjonijiet ta' viżibilità normali, il-bastimenti ta' spezzjoni għandhom juru bandiera tal-ponta tan-NAFO sabiex juru li spetturi jkunu qed iwettqu spezzjoni taħt l-Iskema tan-NAFO. Il-bastimenti li jservu għall-imbark għandhom ukoll juru bandiera tal-ponta, li tista' tkun ta' nofs skala;

2.  L-ispezzjonijiet fuq bastimenti li jkunu involuti f'riċerka għandhom ikunu limitati għall-aċċertament li l-bastiment ma jkunx qed iwettaq operazzjoni ta' sajd kummerċjali;

3.  L-ispetturi m'għandhomx jindaħlu fl-abilità tal-kaptani li jikkomunikaw ma' l-awtoritajiet ta' l-Istat tal-bandiera tagħhom matul l-imbark u l-ispezzjoni;

4.  Il-bastimenti ta' spezzjoni għandhom jimmanuvraw f'distanza sigura mill-bastiment tas-sajd skond ir-regoli ta' tbaħħir tajjeb;

5.  L-ispetturi għandhom jevitaw l-użu tal-forza għajr fejn u safejn huwa meħtieġ sabiex tiġi żgurata s-sigurtà tagħhom. Meta jkunu qed iwettqu spezzjonijiet abbord bastimenti tas-sajd, l-ispetturi m'għandhomx iġorru armi tan-nar;

6.  L-ispezzjonijiet għandhom jitwettqu b'mod li jikkawżaw l-inqas tfixkil jew inkonvenjenza għall-bastiment, l-attivitajiet u l-qabdiet tiegħu.

Artikolu 44

Imbark

1.  L-ispetturi u l-apprendisti għandhom iġorru u jipproduċu dokument ta' identità maħruġ mis-Segretarjat tan-NAFO meta jimbarkaw fuq bastiment tas-sajd.

2.  L-ispetturi m'għandhomx jimbarkaw fuq vapur mingħajr ma jkun ingħata avviż minn qabel bir-radju lill-bastiment jew mingħajr ma l-bastiment ikun ingħata s-sinjal xieraq bl-użu tas-Sinjal tal-Kodiċi Internazzjonali, inklużi id-dettalji tat-tim ta' spezzjoni u tal-pjattaforma ta' spezzjoni.

3.  L-ispetturi m'għandhomx jirrikjedu l-bastiment li jkun qed jiġi imbarkat jieqaf jew jimmanuvra waqt is-sajd, jew jieqaf mit-tfigħ jew mill-irfigħ tat-tagħmir tas-sajd. Madankollu, l-ispetturi jistgħu jirrikjedu l-interruzzjoni jew id-dewmien fit-tfigħ tat-tagħmir sakemm ikunu mbarkaw fuq il-bastiment iżda fi kwalunkwe każ dan id-dewmien m'għandux idum iktar minn 30 minuta wara li jkun ġie riċevut is-sinjal imsemmi fil-paragrafu 2.

Artikolu 45

Attivitajiet abbord

1.  It-timijiet ta' spezzjoni m'għandhomx jinkludu aktar minn żewġ spetturi. Meta l-kondizzjonijiet tal-bastiment jippermettu dan, apprendist spettur jista' jakkumpanja lill-ispetturi u għandu jiġi identifikat lill-kaptan tal-bastiment tas-sajd. L-attivitajiet ta' l-apprendist għandhom ikunu limitati għall-osservazzjoni ta' l-ispezzjoni mwettqa mill-ispetturi.

2.  L-ispezzjoni m'għandhiex tieħu aktar minn tliet sigħat jew il-perijodu sakemm jintrefgħu u jiġu ispezzjonati x-xibka u l-qabda, skond liema tkun l-itwal. Fejn tiġi skoperta infrazzjoni, l-ispetturi jistgħu jibqgħu abbord għall-perijodu meħtieġ sabiex itemmu l-kompiti tagħhom kif imsemmi fl-Artikolu 48 u fl-Artikolu 51. L-ispettur għandu jħalli l-bastiment fi żmien siegħa wara li tintemm l-ispezzjoni oriġinali jew wara li jtemm il-kompiti tiegħu skond l-Artikolu 48, skond kif ikun il-każ.

3.  Għandhom jittieħdu prekawzjonijiet sabiex jiġi evitat li tkun ikkawżata ħsara lill-ippakkjar, lill-materjal tat-tgeżwir, lill-kaxxi, jew lil kontenituri oħra u lil kontenut ieħor. Il-kaxxi u l-kontenituri għandhom jinfetħu b'tali mod li jiffaċilita l-issiġillar, l-ippakkjar mill-ġdid u l-ħażna mill-ġdid fil-pront.

4.  L-ispetturi għandhom jikkonvertu r-reġistrazzjonijiet tal-piż tal-produzzjoni fil-ġurnali ta' abbord tal-produzzjoni f'piż ħaj sabiex tkun tista' ssir verifika ma' l-iskrizzjonijiet tal-ġurnal ta' abbord magħmula f'piż ħaj. L-ispetturi għandhom ikunu ggwidati mill-fatturi ta' konverżjoni użati mill-kaptan tal-bastiment.

5.  L-ispetturi għandhom ikunu awtorizzati jeżaminaw iż-żoni, il-gverti u l-kmamar rilevanti kollha tal-bastiment tas-sajd, il-qabdiet ipproċessati u le, ix-xbieki u tagħmir ieħor, l-apparat u kwalunkwe dokument rilevanti meħtieġa għall-verifika tal-konformità mal-Miżuri ta' Konservazzjoni u ta' Infurzar tan-NAFO.

6.  Fit-twettiq ta' l-ispezzjoni tagħhom, l-ispetturi jistgħu jitolbu lill-kaptan għal kwalunkwe assistenza li jistgħu jeħtieġu. Il-kaptan jista' jikkumenta dwar ir-rapport ta' spezzjoni, li għandu jkun iffirmat mill-ispetturi mat-tmiem ta' l-ispezzjoni. Għandha tingħata kopja tar-rapport ta' spezzjoni lill-kaptan tal-bastiment tas-sajd.

Artikolu 46

Tfassil ta' rapporti ta' spezzjoni

1.  L-ispetturi għandhom ifasslu rapport ta' spezzjoni bl-użu tal-formola stabbilita fl-Anness IX u jibgħatuha lill-awtoritajiet tagħhom.

2.  L-ispetturi għandhom jiġbru fil-qosor mir-rekords tal-ġurnal ta' abbord, għall-vjaġġ tas-sajd attwali, il-qabda tal-bastiment fiż-Żona Regolatorja tan-NAFO skond l-ispeċi u skond id-Diviżjoni u għandhom jirreġistraw din il-ġabra fil-qosor fil-punt 14 tar-rapport ta' spezzjoni.

3.  Fil-każ ta' differenza bejn il-qabdiet irreġistrati u l-istimi ta' l-ispettur, l-ispettur jista' jikkontrolla mill-ġdid il-kalkoli, il-proċeduri, id-dokumentazzjoni rilevanti u l-qabda abbord il-bastiment. Kwalunkwe differenza bħal din għandha tiġi nnotata fil-punt 18 tar-rapport ta' spezzjoni.

Artikolu 47

Obbligi tal-kaptani tal-bastimenti tas-sajd matul l-ispezzjoni

Il-kaptan ta' bastiment tas-sajd Komunitarju li jkun qiegħed jiġi mbarkat u ispezzjonat għandu:

▼M1

▼M1

▼B

▼M2

▼B

Artikolu 48

Trasmissjoni tar-Rapporti ta' spezzjoni

1.  L-Istat Membru li jkun qed iwettaq spezzjoni gћandu jibgћat ir-rapport ta' spezzjoni tan-NAFO oriġinali kkompilat skond l-Artikolu 45(1) lill-Kummissjoni fi żmien 20 jum wara li l-bastiment ta' l-ispezzjoni jirritorna lejn il-port. Il-Kummissjoni gћandha tgћaddih lill-Istat tal-bandiera tal-bastiment ispezzjonat b'kopja lis-Segretarjat tan-NAFO fi żmien 30 jum wara r-ritorn tal-bastiment ta' spezzjoni lejn il-port.

2.  F'każ ta' infrazzjoni jew differenza bejn il-qabdiet irreġistrati u l-istimi ta' l-ispetturi tal-qabdiet abbord, ir-rapport oriġinali ta' spezzjoni bid-dokumenti ta' appoġġ, inklużi l-kopji tar-ritratti meћuda, għandu jintbagħat lill-Kummissjoni kemm jista' jkun malajr wara r-ritorn tal-bastiment ta' spezzjoni lejn il-port. Il-Kummissjoni gћandha tgћaddi din id-dokumentazzjoni lill-Istat tal-bandiera tal-bastiment ispezzjonat b'kopja lis-Segretarjat tan-NAFO fi żmien 10 ijiem wara r-ritorn tal-bastiment ta' spezzjoni lejn il-port.

3.  Fis-sitwazzjoni msemmija fil-paragarfu 2, l-ispettur gћandu joħroġ ukoll dikjarazzjoni li tikkostitwixxi notifika bil-quddiem ta' l-infrazzjoni preżunta. Dik id-dikjarazzjoni gћandha tikkwota l-informazzjoni mdaħħla taћt il-punti 16, 18 u 20 tar-rapport ta' spezzjoni u għandha tiddeskrivi fid-dettall il-bażi gћall-ћruġ tat-taħrika għal infrazzjoni u l-evidenza li tappoġġjaha. L-ispettur Komunitarju gћandu jibgћat id-dikjarazzjoni lill-Istat tal-bandiera u lis-Segretarjat tan-NAFO permezz tal-Kummissjoni fil-jum ta' xogћol ta' wara l-ispezzjoni.

4.  L-ispetturi gћandhom jipprovdu lill-Kummissjoni, fuq bażi ta' 10 ijiem, b'lista tal-bastimenti ispezzjonati. Il-Kummissjoni, fuq bażi ta' kull xahar, gћandha tistabbilixxi lista ta' bastimenti ispezzjonati u tgћaddi din il-lista lis-Segretarjat tan-NAFO.

TAQSIMA 4

Infrazzjonijiet

Artikolu 49

Proċeduri li jittrattaw infrazzjonijiet

1.  Fejn l-ispetturi jiskopru infrazzjoni tal-Miżuri ta' Konservazzjoni u ta' Infurzar tan-NAFO, huma għandhom:

2.  L-ispetturi jistgћu jirrikjedu li l-kaptan ineћћi kwalunkwe parti tat-tagћmir tas-sajd li tidher li hija kontra l-Miżuri ta Konservazzjoni u ta' Infurzar tan-NAFO. L-ispettur gћandu jwaћћal sew siġill ta' spezzjoni tan-NAFO skond l-Anness X ma' kwalunkwe parti tat-tagћmir li tidher li hija f'kontravenzjoni u jirreġistra dan il-fatt fir-rapport ta' spezzjoni. It-tagћmir gћandu jinżamm bis-siġill imwaћћal sakemm jiġi eżaminat mill-awtoritajiet kompetenti tal-parti Kontraenti tal-bastiment.

Artikolu 50

L-azzjoni ta' segwitu fil-każ ta' infrazzjonijiet

1.  L-awtoritajiet kompetenti ta' Stat Membru nnotifikati b'infrazzjoni mwettqa minn wieħed mill-bastiment tiegħu għandhom jinvestigaw minnufih u kompletament dik l-infrazzjoni sabiex jiksbu l-evidenza meħtieġa, li għandha tinkludi, fejn jixraq, l-ispezzjoni fiżika tal-bastiment ikkonċernat.

2.  L-awtoritajiet kompetenti ta' l-Istat Membru għandhom jieħdu azzjoni ġudizzarja jew amministrattiva immedjata skond il-leġislazzjoni nazzjonali tagħhom kontra dawk iċ-ċittadini responsabbli għall-bastiment li jtajjar il-bandiera tiegħu fejn il-miżuri adottati min-NAFO ma jkunux ġew rispettati.

3.  L-awtoritajiet kompetenti ta' l-Istat Membru tal-bandiera għandhom jiżguraw li l-proċedimenti mibdija skond il-paragrafu 2 jkunu jistgħu, skond id-dispożizzjonijiet rilevanti tal-liġi nazzjonali, jipprovdu miżuri effettivi li jkunu adegwati fis-severità, jassiguraw konformità, iċaħħdu lil dawk responsabbli mill-benefiċċju ekonomiku ta' l-infrazzjoni, u jiskoraġġixxu effettivament infrazzjonijiet fil-ġejjieni.

TAQSIMA 5

Infrazzjonijiet serji

Artikolu 51

Lista ta' infrazzjonijiet serji

L-infrazzjonijiet li ġejjin għandhom jitqiesu bħala serji:

Artikolu 52

Attivitajiet ta' spettur

1.  Fejn l-ispetturi jħarrku bastiment talli wettaq infrazzjoni serja kif elenkat fl-Artikolu 51, dawn gћandhom jinnotifikaw fil-pront lill-Istat tal-bandiera, lill-awtoritajiet tagћhom stess, lill-Kummissjoni u lis-Segretarjat tan-NAFO b'dan.

2.  F'każ ta' infrazzjoni serja, l-ispetturi gћandhom jieћdu l-passi kollha meћtieġa sabiex jiżguraw is-sigurtà u l-kontinwità ta' l-evidenza, inkluż kif ikun xieraq, l-issiġillar ta' l-istiva tal-bastiment gћall-ispezzjoni fil-port li jkun imiss. Fuq it-talba ta' l-ispettur, il-kaptan gћandu jwaqqaf l-attivitajiet tas-sajd kollha li, skond l-ispettur, jikkostitwixxu infrazzjoni serja.

3.  Sakemm l-ispettur jibqa' abbord, il-kaptan ma jistax jerġa" jibda jistad sakemm l-ispettur ma jkunx raġonevolment sodisfatt, bћala riżultat jew ta' l-azzjoni meћuda mill-kaptan tal-bastiment jew tal-komunikazzjoni ta' l-ispettur ma' spettur jew ma' awtorità kompetenti ta' l-Istat tal-bandiera tal-bastiment ispezzjonat, li l-infrazzjoni serja mhux se tkun ripetuta.

4.  L-ispetturi jistgћu jibqgћu abbord il-bastiment tas-sajd gћall-perijodu meћtieġ sabiex jiksbu l-informazzjoni rilevanti dwar l-infrazzjoni. Matul dan iż-żmien l-ispetturi gћandhom jikkompletaw l-ispezzjoni u wara gћandhom iћallu l-bastiment. Madankollu, l-ispetturi jistgћu jibqgћu abbord il-bastiment jekk jirnexxilhom jistabilixxu komunikazzjonijiet ma' l-awtoritajiet kompetenti tal-parti Kontraenti tal-bastiment ispezzjonat u jekk dawk l-awtoritajiet jaqblu. Jekk ma jirnexxilhomx jikkomunikaw ma' dawk l-awtoritajiet kompetenti f'perijodu raġonevoli ta' żmien, huma gћandhom iћallu l-bastiment ispezzjonat u gћandhom jikkomunikaw magћhom kemm jista' jkun malajr.

5.  L-Istat Membru jew il-Kummissjoni li jkunu qed iwettqu l-ispezzjoni għandhom jieħdu deċiżjoni, bil-kunsens ta' l-Istat tal-bandiera, dwar jekk l-ispettur jibqax abbord matul bidla fir-rotta tal-bastiment skond l-Artikolu 54(1). L-Istat Membru u l-Kummissjoni li jkunu qed iwettqu l-ispezzjoni għandhom jiddeċiedu wkoll jekk spettur għandux ikun preżenti matul l-ispezzjoni bir-reqqa tal-bastiment fil-port skond l-Artikolu 53(3). L-Istati Membri għandhom jinfurmaw lill-Kummissjoni bid-deċiżjonijiet li jieħdu skond dan il-paragrafu fil-pront.

Artikolu 53

Spezzjoni minn spettur awtorizzat mill-Istat Membru tal-bandiera

1.  Fejn Stat Membru tal-bandiera jirċievi informazzjoni minn spettur li huwa suspettat li twettqet infrazzjoni serja minn bastiment tas-sajd li jtajjar il-bandiera tiegћu jew fejn il-Kummissjoni tirċievi tali informazzjoni, l-Istat Membru tal-bandiera u l-Kummissjoni gћandhom jinfurmaw lil xulxin b'dan mingћajr dewmien.

2.  Wara li jkun ġie notifikat minn Parti Kontraenti oћra dwar infrazzjoni serja mwettqa minn bastiment Komunitarju, l-Istat Membru tal-bandiera f'kooperazzjoni mal-Kummissjoni gћandu jiżgura li l-bastiment jiġi ispezzjonat fi żmien 72 siegћa minn spettur awtorizzat kif suppost.

3.  L-ispettur awtorizzat kif suppost għandu jimbarka l-bastiment tas-sajd ikkonċernat u jeżamina l-evidenza ta' l-infrazzjoni ssuspettata, u għandu jgħaddi malajr kemm jista' jkun lill-awtorità kompetenti fl-Istat Membru tal-bandiera u lill-Kummissjoni r-riżultati ta' dan l-eżami.

Artikolu 54

Bidla fir-rotta

1.  Wara n-notifika tar-riżultati u fejn l-infrazzjoni suspettata tkun ta' natura serja, l-Istat Membru tal-bandiera tal-bastiment ispezzjonat gћandu, jekk is-sitwazzjoni tiġġustifika dan, fi żmien 24 siegћa, huwa stess jirrikjedi jew jawtorizza lill-ispettur awtorizzat kif suppost sabiex jirrikjedi li l-bastiment jipproċedi lejn port indikat. Dan il-port gћandu jkun St Johns jew Ħalifax, il-Kanada, St Pierre, Franza, jew il-port ta' l-irmiġġ permanenti tiegħu, sakemm l-Istat Membru tal-bandiera ma jagħżilx port ieħor.

2.  Il-limitu ta' żmien ta' 24 siegћa msemmi fil-paragrafu 1 jista' jiġi estiż mill-Kummissjoni fuq talba bil-miktub ta' l-Istat Membru tal-bandiera, sa massimu ta' 72 siegћa.

3.  Fejn l-Istat Membru tal-bandiera ma jirrikjedix li l-bastiment ibiddel ir-rotta lejn port, huwa gћandu jinforma immedjatament lill-Kummissjoni bir-raġunijiet gћad-deċiżjoni tiegћu. Il-Kummissjoni gћandha tinnotifika lis-Segretarjat tan-NAFO fi żmien debitu b'dik id-deċiżjoni u l-ġustifikazzjoni tagћha.

Artikolu 55

Spezzjoni fil-port wara bidla tar-rotta

1.  Meta jasal fil-port magħżul, il-bastiment issuspettat li wettaq infrazzjoni serja gћandu jgħaddi minn ispezzjoni bir-reqqa taћt l-awtorità ta' l-Istat Membru tal-bandiera tiegħu u fil-preżenza ta' spettur minn kwalunkwe Parti Kontraenti oћra li tkun tixtieq tieħu sehem. Għandu jintuża r-rapport ta' spezzjoni fil-Port fl-Anness XII.

2.  L-Istat Membru tal-bandiera gћandu minnufih jinforma lill-Kummissjoni dwar l-eżitu ta' l-ispezzjoni bir-reqqa u l-miżuri li adotta bћala riżultat ta' l-infrazzjoni, inklużi l-miżuri li ttieħdu sabiex tiġi prevenuta r-ripetizzjoni ta' l-infrazzjoni.

Artikolu 56

Segwitu mtejjeb fir-rigward ta' ċerti infrazzjonijiet serji

1.  Minbarra d-dispożizzjonijiet ta' din it-Taqsima, b'mod partikolari l-Artikoli 54 u 55, l-Istat Membru tal-bandiera għandu jieħu azzjoni skond din it-Taqsima fejn bastiment li jkun qed itajjar il-bandiera tiegħu jkun wettaq xi waħda mill-infrazzjonijiet serji li ġejjin:

2.  L-Istat Membru tal-bandiera għandu jiżgura li wara l-ispezzjoni msemmija fil-paragrafu 3, il-bastiment ikkonċernat jieqaf mill-attivitajiet tas-sajd kollha u tinbeda investigazzjoni dwar l-infrazzjoni serja.

3.  Jekk l-ebda spettur jew persuna oħra maħtura mill-Istat Membru tal-bandiera tal-bastiment sabiex jagħmel l-investigazzjoni kif indikat fil-paragrafu 1 ma jkun preżenti fiż-żona Regolatorja, l-Istat Membru tal-bandiera għandu jirrikjedi li l-bastiment jipproċedi minnufih lejn port fejn tkun tista' tinbeda l-investigazzjoni.

4.  Fit-tkomplija ta' l-investigazzjoni fir-rigward ta' kwalunkwe infrazzjoni serja ta' reġistrazzjoni ħażina tal-qabda msemmija fil-paragrafu 1(b), l-Istat Membru tal-bandiera għandu jiżgura li l-ispezzjoni fiżika u l-enumerazzjoni tal-qabda totali abbord isiru taħt l-awtorità tiegħu fil-port. Tali spezzjoni tista' ssir fil-preżenza ta' spettur minn kwalunkwe Parti Kontraenti oħra li tkun tixtieq tieħu sehem, suġġett għall-kunsens ta' l-Istat Membru tal-bandiera.

5.  Meta bastiment huwa rikjest jipproċedi lejn port skond il-paragrafi 2, 3 u 4, spettur minn Parti Kontraenti oħra jista' jimbarka l-bastiment u/jew jibqa' abbord hekk kif ikun qed jipproċedi lejn port, dment li l-awtorità kompetenti ta' l-Istat Membru tal-bastiment ispezzjonat ma tirrikjedix li l-ispettur iħalli l-bastiment.

Artikolu 57

Miżuri ta' infurzar

1.  Kull Stat Membru tal-bandiera għandu jieħu miżuri ta' infurzar fir-rigward ta' bastiment, fejn ikun ġie stabbilit skond il-liġijiet tiegħu li dan il-bastiment tas-sajd li jtajjar il-bandiera tiegħu wettaq infrazzjoni serja msemmija fl-Aritkolu 56.

2.  Il-miżuri msemmija fil-paragrafu 1 jistgħu jinkludu, partikolarment skond is-serjetà tar-reat u skond id-dispożizzjonijiet pertinenti tal-liġi nazzjonali:

3.  L-Istat Membru tal-bandiera tal-bastiment ikkonċernat għandu jinnotifika lill-Kummissjoni mingħajr dewmien dwar il-miżuri adatti meħuda skond dan l-Artikolu. Abbażi ta' din in-notifika, il-Kummissjoni għandha tinnotifika lis-Segretarjat tan-NAFO dwar dawk il-miżuri.

Artikolu 58

Rapport dwar infrazzjonijiet serji

1.  Fil-każ ta' infrazzjoni serja msemmija fl-Artikolu 56, l-Istat Membru kkonċernat għandu jipprovdi lill-Kummissjoni b'rapport dwar il-progress ta' l-investigazzjoni, inklużi d-dettalji ta' kwalunkwe azzjoni meħuda jew proposta li għandha tittieħed fir-rigward ta' l-infrazzjoni serja kemm jista' jkun malajr u fi kwalunkwe każ fi żmien tliet xhur min-notifika ta' l-infrazzjoni kif ukoll rapport dwar l-eżitu ta' l-investigazzjoni meta din titlesta.

2.  Il-Kummissjoni għandha tħejji rapport Komunitarju abbażi tar-rapporti ta' l-Istati Membri. Għandha tibgħat ir-rapport Komunitarju dwar il-progress ta' l-investigazzjoni lis-Segretarjat tan-NAFO fi żmien erba' xhur wara n-notifika ta' l-infrazzjoni u malajr kemm jista' jkun ir-rapport dwar l-eżitu ta' l-investigazzjoni meta titlesta l-investigazzjoni.

TAQSIMA 6

Rapporti

Artikolu 59

Trattament tar-rapporti ta' spezzjoni

1.  Ir-rapporti ta' spezzjoni u ta' sorveljanza mfassla mill-ispetturi tan-NAFO għandhom jikkostitwixxu evidenza ammissibbli għal proċedimenti amministrattivi jew ġudizzjarji ta' kwalunkwe Stat Membru. sabiex jiġu stabbiliti l-fatti, dawk ir-rapporti għandhom jiġu trattati fuq l-istess bażi bħal rapporti ta' spezzjoni u ta' sorveljanza mill-ispetturi tiegħu stess.

2.  L-Istati Membri għandhom jikkollaboraw sabiex jiffaċilitaw proċedimenti ġudizzjarji jew proċedimenti oħrajn li jirriżultaw minn rapport imressaq minn spettur taħt din l-iskema, suġġett għar-regoli li jirregolaw l-ammissibbiltà ta' l-evidenza fis-sistema ġudizzjarja domestika jew sistemi oħrajn.

Artikolu 60

Rapporti dwar infrazzjonijiet

1.  Kull sena l-Istati Membri gћandhom jgћaddu lill-Kummissjoni, sal-25 ta' Jannar gћall-perijodu mill-1 ta' Lulju sal-31 ta' Diċembru, u sal-25 ta' Awwissu gћall-perijodu mill-1 ta' Jannar sat-30 ta' Ġunju, rapport li jkun fih l-informazzjoni li ġejja:

2.  Il-Kummissjoni għandha tħejji rapport Komunitarju abbażi tar-rapporti ta' l-Istati Membri. Hija gћandha tibgћat ir-rapport Komunitarju lis-Segretarjat tan-NAFO sa l-1 ta' Frar u sa l-1 ta' Settembru ta' kull sena.

Artikolu 61

Rappurtar dwar attivitajiet ta' spezzjoni u ta' sorveljanza

1.  Kull Stat Membru gћandu jirrapporta lill-Kummissjoni, sal-15 ta' Frar ta' kull sena gћas-sena kalendarja preċedenti, dwar:

2.  Il-Kummissjoni għandha tħejji rapport Komunitarju abbażi tar-rapporti ta' l-Istati Membri. Hija gћandha tibgћat ir-rapport Komunitarju lis-Segretarjat tan-NAFO sa l-1 ta' Marzu ta' kull sena.

▼M2

KAPITOLU V

KONTROLL MILL-ISTAT TAL-PORT TA’ BASTIMENTI LI JTAJRU L-BANDIERA TA’ PARTI KONTRAENTI OĦRA

Artikolu 62

Kamp ta’ applikazzjoni

1.  Dan il-Kapitolu għandu japplika għall-iżbark jew it-trasbord fil-portijiet tal-Istati Membri, minn bastimenti tas-sajd li jtajru l-bandiera ta’ Parti Kontraenti oħra tan-NAFO ta’ ħut li jkun inqabad fiż-Żona Regolatorja tan-NAFO jew ta’ prodotti tal-ħut li joriġinaw minn tali ħut li ma jkunx ġie żbarkat jew trasbordat preċedentement f’port.

2.  Dan il-Kapitolu għandu japplika mingħajr preġudizzju għar-Regolamenti (KEE) Nru 2847/93 u (KE) Nru 1005/2008.

Artikolu 63

Portijiet maħtura

L-Istati Membri għandhom jaħtru portijiet li għalihom jistgħu jingħataw aċċess bastimenti tas-sajd għall-finijiet tal-iżbark jew it-trasbord. L-Istati Membri għandhom jinnotifikaw il-portijiet maħtura tagħhom lill-Kummissjoni, li għandha tittrasmetti l-lista ta’ dawn il-portijiet lis-Segretarjat tan-NAFO. Kwalunkwe emenda sussegwenti għal-lista għandha tiġi nnotifikata lis-Segretarjat tan-NAFO mhux aktar tard minn ħmistax-il jum qabel ma l-emenda tidħol fis-seħħ.

Artikolu 63a

Awtorità kompetenti

1.  L-Istati Membri għandhom jaħtru l-awtorità kompetenti li għandha taġixxi bħala l-punt ta’ kuntatt għall-finijiet li tirċievi n-notifiki skont l-Artikolu 63b, tirċievi l-konfermi u toħroġ l-awtorizzazzjonijiet skont l-Artikolu 63c.

2.  L-Istati Membri għandhom jinnotifikaw lill-Kummissjoni dwar l-isem tal-awtorità kompetenti u d-dettalji ta’ kuntatt tagħha. Il-Kummissjoni għandha tgħaddi l-informazzjoni lis-Segretarjat tan-NAFO.

Artikolu 63b

Notifika minn qabel dwar id-dħul fil-port

1.  Permezz ta’ deroga mill-Artikolu 28e (1) tar-Regolament tal-Kunsill (KEE) Nru 2847/93, il-kaptan tal-bastiment tas-sajd imsemmija fl-Artikolu 62(1) ta’ dan ir-Regolament jew ir-rappreżentant tiegħu li jkun bi ħsiebu jidħol f’port biex jiżbarka jew jittrasborda għandu jinnotifika lill-awtorità kompetenti tal-Istat Membru tal-port msemmi fl-Artikolu 63a ta’ dan ir-Regolament mill-inqas tlitt ijiem ta’ xogħol qabel il-ħin stmat tal-wasla.

2.  Madankollu, Stat Membru jista’ jipprevedi perijodu ieħor ta’ notifika minn qabel, filwaqt li jqis, fost l-oħrajn, id-distanza bejn iż-żoni tas-sajd u l-portijiet tiegħu. L-Istati Membri għandhom jinnotifikaw lill-Kummissjoni jew lil korp maħtur minnha dwar dak il-perijodu ta’ notifika minn qabel. Il-Kummissjoni għandha tgħaddi l-informazzjoni lis-Segretarjat tan-NAFO.

3.  Il-perijodu ta’ notifika għandu jkun akkumpanjat mill-formoli li ġejjin bil-Parti A mimlija kif dovut:

4.  Il-kaptani jew ir-rappreżentant tagħhom jistgħu jħassru notifika minn qabel billi jinnotifikaw lill-awtoritajiet kompetenti tal-port li kienu bi ħsiebhom jużaw, mhux aktar tard minn 24 siegħa qabel il-ħin stmat notifikat tal-wasla fil-port. Madankollu, l-Istati Membri tal-port jista’ jipprevedi perijodu ieħor ta’ notifika. In-notifika għandha tkun akkumpanjata minn kopja tal-oriġinali tal-PSC 1 jew il-PSC 2 bil-kelma “ikkanċellata” miktuba fuqha.

5.  L-awtorità kompetenti tal-Istat Membru tal-port għandu jibgħat kopja tal-formola tan-notifika minn qabel kif imsemmi fil-paragrafi 3 u 4 mingħajr dewmien lill-Parti Kontraenti tal-Istat tal-bandiera tal-bastiment tas-sajd li jkun bi ħsiebu jiżbarka/jew jittrasborda u, jekk dak il-bastiment ikun wettaq xi operazzjonijiet ta’ trasbord, lill-Parti Kontraenti tal-Istat tal-bandiera tal-bastimenti donaturi.

6.  Kopja tal-formola għandha tintbagħat ukoll lill-Kummisjoni jew lil korp maħtur minnha, li għandha tittrasmettiha lis-Segretarjat tan-NAFO mingħajr dewmien.

Artikolu 63c

Awtorizzazzjoni għall-iżbark jew it-trasbord

1.  L-operazzjonijiet tal-iżbark jew it-trasbord jistgħu jibdew biss wara li tkun ingħatat l-awtorizzazzjoni mill-awtorità kompetenti tal-Istat Membru tal-port. Tali awtorizzazzjoni għandha tingħata biss wara li l-Istat tal-bandiera jibgħat lura l-kopja tal-formola PSC 1 u/jew il-formola PSC 2, li tkun ġiet trasmessa skont l-Artikolu 63b (5) bil-parti B mimlija kif meħtieġ, fejn jiġi kkonfermat li:

2.  B’deroga mill-paragrafu 1, l-awtorità kompetenti tal-Istat Membru tal-port tista’ tawtorizza l-iżbark kollu jew parzjali fin-nuqqas tal-konferma msemmija fil-paragrafu 1. F’każijiet bħal dawn, il-ħut ikkonċernat għandu jinħażen taħt il-kontroll tal-awtorità kompetenti. Il-ħut għandu jiġi rrilaxxat biss biex jinbiegħ, ibiddel l-idejn jew ittrasportat ladarba l-konferma msemmija fil-paragrafu 1 tkun waslet u vverifikata mill-awtorità kompetenti. Jekk il-konferma ma tasalx fi żmien 14-il jum wara l-iżbark, l-awtorità kompetenti tal-Istat Membru tal-port tista’ tikkonfiska u tiddisponu mill-ħut skont ir-regoli nazzjonali.

3.  L-awtorità kompetenti tal-Istat Membru tal-port għandha tinnotifika mingħajr dewmien id-deċiżjoni tagħha jekk tawtorizzax l-iżbark jew it-trasbord billi tirritorna kopja tal-formola PSC 1 u/jew tal-formola PSC 2 bil-Parti C mimlija kif adatt. Din il-kopja għandha tintbagħat minnufih lill-Kummissjoni jew entità maħtura minnha, li għandha tibgħat din l-informazzjoni lis-Segretarjat tan-NAFO.

Artikolu 63d

Spezzjonijiet

1.  Sakemm ma jkunx meħtieġ mod ieħor fi pjan ta’ rkupru, l-Istat Membru tal-port għandu jwettaq spezzjonijiet tal-inqas fuq 15 % tal-iżbark jew trasbordi kollha bħal dawn matul kull sena ta’ rrappotar.

2.  L-ispezzjonijiet għandhom jitwettqu minn spettur nazzjonali awtorizzat li għandu jippreżenta l-kredenzjali lill-kaptan tal-bastiment qabel l-ispezzjoni.

3.  L-Istat Membru tal-port jista jistieden lill-ispetturi ta’ Partijiet Kontraenti oħra biex jakkumpanjaw l-ispetturi tagħhom u josservaw l-ispezzjoni tal-operazzjonijiet tal-iżbarki jew tat-trasbordi fi ħdan it-tifsira ta’ dan il-Kapitolu.

4.  Kull spezzjoni għandha tinvolvi l-monitoraġġ tar-rilaxx jew trasbord sħiħ f’dak il-port u l-ispetturi nazzjonali tal-inqas għandhom:

5.  L-ispetturi nazzjonali għandhom jagħmlu l-isforzi kollha possibbli sabiex jevitaw li jdewmu bla bżonn bastiment tas-sajd u jiżguraw li l-bastiment iġarrab mill-inqas indħil u inkonvenjent u li tiġi evitata d-degradazzjoni bla bżonn tal-kwalità tal-ħut.

6.  Il-kaptan ta’ basiment tas-sajd għandu:

Artikolu 63e

Ksur serju

1.  Il-ksur li ġej għandu jitqies bħala serju:

2.  Kull Stat Membru tal-port għandu jieħu miżuri ta’ infurzar fir-rigward ta’ bastiment tas-sajd, fejn ikun ġie stabbilit, skont il-liġi tiegħu, li l-bastiment wettaq ksur serju msemmi fil-paragrafu 1. Il-miżuri jistgħu jinkludu partikolarment, skont il-gravità tal-vjolazzjoni u skont id-dispożizzjonijiet pertinenti tal-liġi nazzjonali:

Artikolu 63f

Rapporti ta’ spezzjoni

1.  Kull spezzjoni għandha tiġi ddokumentata billi jimtela r-rapport ta’ spezzjoni fil-port kif imniżżel fl-Anness XII.

2.  Il-kaptan jista’ jikkummenta dwar ir-rapport ta’ spezzjoni u dan għandu jiġi ffirmat mill-ispettur u mill-kaptan fi tmiem l-ispezzjoni. Għandha tingħata kopja tar-rapport ta’ spezzjoni lill-kaptan tal-bastiment tas-sajd.

3.  Kopja ta’ kull rapport ta’ spezzjoni għandha tintbagħat minnufih lill-Istat tal-bandiera tal-bastiment tas-sajd spezzjonat, u lill-Istat tal-bandiera tal-bastimenti donatur fejn il-bastiment kien involut f’operazzjonijiet ta’ trasbord. Għandha wkoll tintbagħat kopja minnufih lill-Kummissjoni jew entità maħtura minnha, li mbagħad għandha tibgħat l-informazzjoni lis-Segretarjat tan-NAFO. L-oriġinal jew kopja ċertifikata ta’ kull rapport ta’ spezzjoni għandha tintbagħat fuq talba lill-Istat tal-bandiera tal-bastiment spezzjonat.;

▼B

KAPITOLU VI

ATTIVITAJIET TA' PARTI MHUX KONTRAENTI

Artikolu 64

Attivitajiet IUU mwettqa minn bastimenti ta' Parti Mhux Kontraenti

1.  Bastiment ta' Parti Mhux Kontraenti involut f'attivitajiet tas-sajd fiż-Żona Regolatorja tan-NAFO għandu jkun preżunt li wettaq attivitajiet IUU li dgħajfu l-effettività tal-Miżuri ta' Konservazzjoni u ta' Infurzar tan-NAFO.

2.  Fil-każ ta' attivitajiet ta' trasbord li jinvolvu bastiment ta' Parti Mhux Kontraenti milmuħ u identifikat, ġewwa jew barra miż-Żona Regolatorja tan-NAFO, il-preżunzjoni li jdgħajjef il-Miżuri ta' Konservazzjoni u ta' Infurzar tan-NAFO tapplika għal kwalunkwe bastiment ieħor ta' Parti Mhux Kontraenti li kien involut f'dawk l-attivitajiet ma' dak il-bastiment.

Artikolu 65

Informazzjoni dwar bastimenti ta' Parti Mhux Kontraenti

1.  Jekk spettur ta' xi Stat Membru jew tal-Kummissjoni jilmaħ jew b'xi mod ieħor jidentifika bastiment ta' Parti Mhux Kontraenti, huwa għandu jipprova jinforma lill-bastiment li huwa preżunt li qed idgħajjef il-Miżuri ta' Konservazzjoni u ta' Infurzar tan-NAFO u li din l-informazzjoni se tiġi trasmessa lill-Partijiet Kontraenti tan-NAFO, lil organizzazzjonijiet reġjonali tas-sajd oħra u lill-Istat tal-bandiera tal-bastiment.

2.  L-Istati Membri għandhom minnufih jittrasmettu lill-Kummissjoni l-informazzjoni li tirrigwarda s-sejbien, iċ-ċaħda ta' aċċess għall-port, l-iżbarki u t-trasbordi, u r-riżultati ta' l-ispezzjonijiet kollha fuq il-baħar jew fil-portijiet tagħhom, u kwalunkwe azzjoni sussegwenti li ħadu fir-rigward tal-bastiment ikkonċernat. Il-Kummissjoni għandha tittrasmetti l-informazzjoni kollha immedjatament lis-Segretarjat tan-NAFO.

3.  L-informazzjoni msemmija fil-paragrafu 2 għandha tinkludi l-isem tal-bastiment tal-Parti Mhux Kontraenti u l-Istat tal-bandiera tiegħu, id-data u l-port ta' spezzjoni, ir-raġunijiet għal projbizzjoni sussegwenti ta' żbark u/jew trasbord jew, fejn ma ġiet tapplika l-ebda projbizzjoni bħal din, l-evidenza ppreżentata skond l-Artikolu 67(3).

4.  L-Istati Membri jistgħu fi kwalunkwe ħin iressqu quddiem il-Kummissjoni għat-trasmissjoni immedjata lis-Segretarjat tan-NAFO kwalunkwe informazzjoni addizzjonali li tista' tkun rilevanti għall-identifikazzjoni ta' bastimenti ta' Parti Mhux Kontraenti li jistgħu jkunu qed iwettqu sajd IUU fiż-Żona Regolatorja tan-NAFO.

5.  Kull sena l-Kummissjoni għandha tinnotifika lill-Istati Membri bil-bastimenti ta' Parti Mhux Kontraenti li jidhru fil-lista IUU adottata min-NAFO.

Artikolu 66

Projbizzjoni kontra trasbordi u operazzjonijiet ta' sajd konġunti

Il-bastimenti tas-sajd Komunitarji għandhom ikunu pprojbiti milli jirċievu jew jikkonsenjaw trasbordi ta' ħut lejn jew minn bastimenti ta' Parti Mhux Kontraenti msemmija fl-Artikolu 63 u milli jkunu involuti f'operazzjonijiet ta' sajd konġunti ma' tali bastimenti.

Artikolu 67

Spezzjoni fuq il-baħar

Jekk ikun xieraq, l-ispetturi għandhom jitolbu permess sabiex jitilgħu abbord bastiment ta' Parti Mhux Kontraenti milmuħ jew identifikat b'xi mezz ieħor bħala li kien involut f'attivitajiet tas-sajd fiż-Żona Regolatorja tan-NAFO. Il-bastimenti li jagħtu l-kunsens tagħhom sabiex jiġu imbarkati għandhom jiġu ispezzjonati skond id-dispożizzjonijiet tal-Kapitolu IV.

▼M2

Artikolu 68

Dħul fil-port

1.  Mingħajr preġudizzju għar-Regolamenti (KEE) Nru 2847/93, (KE) Nru 1093/94 u (KE) Nru 1005/2008, l-Istati Membri għandhom jiżguraw li l-kaptani ta’ bastimenti ta’ Parti mhux Kontraenti jkunu jistgħu jidħlu biss f’port speċifikat skont l-Artikolu 63. Il-kaptan li jkun bi ħsiebu jidħol f’port speċifikat għandu jinnotifika lill-awtorità kompetenti tal-Istat Membru tal-port skont id-dispożizzjonijiet tal-Artikolu 63b. L-Istat Membru tal-port ikkonċernat għandu jibgħat minnufih din l-informazzjoni lill-Istat tal-bandiera tal-bastiment u lill-Kummissjoni jew lill-entità maħtura minnha, li mbagħad għandha tibgħatha minnufih lis-Segretarju tan-NAFO.

2.  Id-dispożizzjonijiet tal-Artikolu 63b u 63c għandhom japplikaw mutatis mutandis. L-Istat Membru tal-port għandu jipprojbixxi d-dħul fil-portijiet tiegħu minn bastimenti li ma jkunux taw in-notifika bil-quddiem meħtieġa msemmija fil-paragrafu 1 u li għalih ma tkunx ġiet ipprovduta l-konferma mill-Istat tal-bandiera msemmija fl-Artikolu 63c(1).

3.  Stat Membru li jiċħad l-iżberk jew it-trasbord għandu jinforma lill-kaptan tal-bastiment ikkonċernat bid-deċiżjoni tiegħu.

▼M2

Artikolu 68a

Spezzjoni fil-port

1.  L-Istati Membri għandhom jiżguraw li l-bastiment ta’ Parti mhux Kontraenti li jidħol f’wieħed mill-portijiet tagħhom ikun spezzjonat mill-awtoritajiet kompetenti tagħhom. Il-bastiment m’għandux jitħalla jiżbarka jew jittrasborda qabel ma titwettaq l-ispezzjoni. Dawn l-ispezzjonijiet għandhom jinkludu d-dokumenti tal-bastiment, il-ġurnali ta’ abbord, l-irkaptu tas-sajd, il-qabdiet abbord u kwalunkwe ħaġa oħra marbuta mal-attività tal-bastiment fiż-Żona Regolatorja tan-NAFO.

2.  Jekk, meta tintemm l-ispezzjoni, l-awtoritajiet kompetenti jsibu li l-bastiment ta’ Parti mhux Kontraenti jżomm abbord kwalunkwe waħda mill-istokkijiet jew mill-grupp ta’ stokkijiet irregolati min-NAFO jew imsemmija fl-Anness II għal dan ir-Regolament, l-Istat Membru kkonċernat għandu jipprojbixxi kwalunkwe żbark u/jew trasbord ta’ qabdiet minn dak il-bastiment.

3.  Madankollu, din il-projbizzjoni ma tapplikax jekk il-kaptan tal-bastiment spezzjonat jew ir-rappreżentant tiegħu juri għas-soddisfazzjon tal-awtoritajiet kompetenti tal-Istat Membru kkonċernat li:

4.  Stat Membru li jiċħad l-iżbark jew it-trasbord għandu jinforma lill-kaptan tal-bastiment ikkonċernat bid-deċiżjoni tiegħu.

5.  Kull spezzjoni għandha tiġi ddokumentata billi tal-inqas jimtela r-rapport ta’ spezzjoni fil-port kif previst fl-Anness XII.

6.  Informazzjoni dwar ir-riżultati tal-ispezzjonijiet kollha ta’ bastimenti ta’ Parti mhux Kontraenti mwettqa fil-portijiet tal-Istati Membri, u kwalunkwe azzjoni sussegwenti, għandha tiġi trasmessa minnufih lill-Istat tal-bandiera tal-bastiment, u lill-Kummissjoni jew entità maħtura minnha, li mbagħad għandha tibgħatha minnufih lis-Segretarju tan-NAFO.

▼B

Artikolu 69

Miżuri fir-rigward ta' bastimenti IUU

1.  Il-miżuri li ġejjin għandhom japplikaw għall-bastimenti li tqiegħdu mill-Organizzazzjoni tas-Sajd fl-Atlantiku tal-Majjistral (NAFO) fuq il-lista IUU fl-Anness XIII:

2.  Il-Kummissjoni għandha temenda l-lista ta' bastimenti IUU sabiex tkun konformi mal-lista tan-NAFO malli n-NAFO tadotta lista ġdida.

KAPITOLU VII

DISPOŻIZZJONIJIET FINALI

Artikolu 70

Proċedura għal emendi

Il-Kunsill, filwaqt li jaġixxi b'maġġoranza kwalifikata fuq proposta mill-Kummissjoni, jista' jemenda d-dispożizzjonijiet ta' dan ir-Regolament sabiex jittrasponi fil-liġi Komunitarja l-Miżuri ta' Konservazzjoni u ta' Infurzar tan-NAFO li jsiru obbligatorji għall-Komunità.

Artikolu 71

Revoka

Ir-Regolamenti (KE) Nru 1262/00, (KE) Nru 3069/95, (KE) Nru 3680/93, (KEE) Nru 189/92, (KEE) Nru 1956/88 u (KEE) Nru 2868/88 huma b'dan revokati.

Artikolu 72

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

ANNESS I

LISTA TA' SPEĊI

▼M1

ANNESS II

Il-lista li ġejja hija lista ta’ l-istokkijiet li jeħtieġ tiġi rappurtata skond l-Artikolu 22.

▼B

ANNESS III

ID-DAQS MINIMU TAL-ĦUT ( 14 )

ANNESS IV

REĠISTRAR TAL-QABDA (ISKRIZZJONIJIET FIL-ĠURNAL TA' ABBORD)

ISKRIZZJONIJIET FIL-ĠURNAL TA' ABBORD TAS-SAJD

Kodiċijiet tat-Tagħmir

Kodiċijiet tal-Bastimenti tas-Sajd

1.   It-tipi prinċipali ta' bastimenti

2.   L-Attivitajiet prinċipali tal-bastimenti

ANNESS V

CHAFERS (XBIEKI LI JIPPROTEĠU L-MANKA) TA' FUQ AWTORIZZATI

1.   Chafer ta' fuq tat-tip ICNAF

Iċ-chafer ta' fuq tat-tip ICNAF hija biċċa xibka rettangolari li għandha titwaħħal mal-parti ta' fuq tal-manka tax-xibka tat-tkarkir sabiex titnaqqas u tiġi pprevenuta l-ħsara sakemm tali xibka tikkonforma mal-kondizzjonijiet li ġejjin:

2.   Chafer ta' fuq tat-tip multiple flap

Iċ-chafer ta' fuq tat-tip multiple flap huwa definit bħala biċċiet ta' xibka li fil-partijiet kollha tagħhom ikollhom malji ta' daqs li, sew jekk il-biċċiet tax-xibka jkunu mxarrba u sew jekk nixfin, ma jkunx inqas minn dak tal-manka, sakemm:

▼M2 —————

▼B

ANNESS VI

TOGGLE CHAINS TAX-XBIEKI TAT-TKARKIR GĦALL-GAMBLI: ŻONA TAN-NAFO

It-toggle chains huma katini, ħbula, jew kombinazzjoni tat-tnejn, li jqabbdu l-ħabel taċ-ċomb mal-ħabel tat-tkarkir jew mal-ħabel tax-xbieki f'intervalli li jvarjaw. It-termini “ħabel tat-tkarkir” u “ħabel tax-xbieki” jistgħu jintużaw wieħed minflok l-ieħor. Xi bastimenti jużaw ħabel wieħed, oħrajn jużaw kemm ħabel tat-tkarkir u kemm ħabel tax-xbiek kif jidher fid-disinn. It-tul tat-toggle chain għandu jitkejjel miċ-ċentru tal-katina jew tal-wajer li jkun għaddej mill-ħabel taċ-ċomb (iċ-ċentru tal-ħabel taċ-ċomb) għan-naħa t'isfel tal-ħabel tat-tkarkir.

It-tpinġija mehmuża turi kif jitkejjel it-tul tat-toggle chain.

ANNESS VII

FORMAT GĦALL-KOMUNIKAZZJONI TAL-QABDIET U GĦAR-RAPPORTI MILL-BASTIMENTI TAS-SAJD

1.   Ir-rapport “Qabda mad-Dħul”

2.   Rapport tad-“dħul”

▼M1

3.   Rapportar tal-qabdiet

▼B

4.   Ir-Rapport tat-“trasbord”

5.   Ir-Rapport “Qbid mal-ħruġ”

6.   Ir-Rapport tal-“ħruġ”

7.   Ir-Rapport tal- “port ta' l-iżbark”

ANNESS VIII

RAPPORT FIL-QASIR TA’ L-OSSERVATUR

ANNESS IX

Rapport ta' Spezzjoni

ANNESS X

Is-Siġill ta' Spezzjoni tan-NAFO

Is-Siġill ta' Spezzjoni tan-NAFO għandu jkun kif ġej:

Kunjom … LOB TAG

Marka … “In-Nru ta' Spezzjoni tan-NAFO b'sitt ċifri”

Materjal … polietilene riċiklabbli

Kulur … oranġjo

Indiċi tat-tidwib (melt index) … 6,700,60 (skond standard internazzjonali)

Densità … 953 0,003 (skond standard internazzjonali)

Punt tat-tkissir (tagħbija) … min. 45 kg (to 20 oC)

ANNESS XI

Formola tar-rapport ta' sorveljanza

▼M1

ANNESS XII

▼M2

A.   IL-FORMOLA TAR-RAPPORT TA’ SPEZZJONI FIL-PORT

▼M1

▼M1 —————

▼B

ANNESS XIV(a)

1.   Rapport dwar il-Qabda ta' Kuljum (Daily Catch Report) – Kapitlu VII (CAX)

2.   Rapport ta' l-Osservatur (Observer Report, OBR)

▼M1

ANNESS XIV (b)

▼M2

ANNESS XV

FORMOLA TAN-NOTIFIKA GĦALL-KONTROLL MILL-ISTAT TAL-PORT

ANNESS XVI

MUDELLI GĦALL-PROTOKOLL ESPLORATORJU GĦALL-ŻONI ĠODDA TAS-SAJD FEJN L-IRKAPTU TAS-SAJD X’AKTARX IMISS MA’ QIEGĦ IL-BAĦAR

I.    L-istat membru jippreżenta notifika tal-intenzjoni li jsir sajd esploratorju lis-segretarjat tan-nafo permezz tal-kummissjoni

II.    L-istat membru jippreżenta rapport dwar il-vjaġġ lis-segretarjat tan-nafo permezz tal-kummissjoni

NOTIFIKA BIL-QUDDIEM TAL-INTENZJONI LI JITWETTAQ SAJD ESPLORATORJU ( 15 )

ISEM IL-BASTIMENT:

L-ISTAT TAL-BANDIERA TAL-BASTIMENT:

POSTAZZJONI(JIET) ANTIĊIPATI TAL-ATTIVITAJIET TAS-SAJD ESPLORATORJU (INKLUDI LAT/LONĠ):

DATI ANTIĊIPATI TAL-ATTIVITAJIET TAS-SAJD ESPLORATORJU:

TWETTAQ XI SAJD QABEL F’ŻONI BISWIT (JEKK IVA, IDENTIFIKA S-SORS TAL-INFORMAZZJONI):

FONDIJIET MISTENNIJA LI JOKKORRU WAQT L-ATTIVITAJIET TAS-SAJD ESPLORATORJU:

JEŻISTU MAPEP TAL-AMBJENT NATURALI TAŻ-ŻONA (JEKK IVA, IDENTIFIKA S-SORS(I)):

JEŻISTU FATTURI TASSONOMIĊI LI JIDENTIFIKAW SPEĊIJIET POTENZJAMLENT VULNERABBLI (JEKK IVA, IDENTIFIKA S-SORS(I)):

EKOSISTEMI MARINI VULNERABBLI (VMEs) ( 16 ) MAGĦRUFA FIL-POSTAZZJONI(JIET) LI SER JINSTADU:

MIŻURI TA’ MITIGAZZJONI GĦALL-PREVENZJONI TA’ IMPATT AVVERS SINIFIKANTI GĦALL-EMV, FEJN JOKKORRI:

JEŻISTU MAPEP BATIMETRIĊI TAŻ-ŻONA ESPLORATORJA (JEKK IVA, JEKK JOGĦĠBOK IDENTIFIKA S-SORS(I)):

TEŻISTI XI INFORMAZZJONI XJENTIFIKA DWAR IS-SAJD FIŻ-ŻONA ESPLORATORJA (JEKK IVA, IDENTIFIKA S-SORS(I)):

SPEĊIJIET FIL-MIRA LI QED JITFITTXU:

X’TIP(I) TA’ RKAPTU QED JIĠI PROPOST LI JINTUŻA(W) (JEKK JOGĦĠBOK IDENTIFIKA) F’LIEMA ŻONI (INKLUDI LAT/LONĠ):

III.    Ir-rapport tal-vjaġġ tas-sajd esploratorju ( 17 )tal-istat membru mibgħut lill-kunsill xjentifiku tan-NAFO

ISEM IL-BASTIMENT:

L-ISTAT TAL-BANDIERA TAL-BASTIMENT:

POSTAZZJONI(JIET) TAŻ-ŻONI MISTADA (INKLUDI LAT/LONĠ):

DATI TAL-ATTIVITAJIET TAS-SAJD:

FONDIJIET LI OKKORREW MATUL IS-SAJD (ELENKA GĦAL KULL VJAĠĠ INKLUŻ LAT/LONĠ):

SIEGĦAT TOTALI/ŻONA MISTADA (ELENKA GĦAL KULL VJAĠĠ INKLUŻ LAT/LONĠ):

TIP(I) TA’ RKAPTU UŻAT(I) (JEKK JOGĦĠBOK IDENTIFIKA) F’LIEMA ŻONI (INKLUDI LAT/LONĠ):

EKOSISTEMI MARINI VULNERABBLI (VMEs) ( 18 ) LI OKKORREW (ELENKA GĦAL KULL VJAĠĠ INKLUŻ LAT/LONĠ):

MIŻURI TA’ MITIGAZZJONI MEĦUDIN GĦALL-PREVENZJONI TA’ IMPATT AVVERS SINIFIKANTI GĦALL-EMV, FEJN IKUN OKKORRA:

LISTA TAL-ORGANIŻMI KOLLHA (MIŻMUMIN, QBID INĊIDENTALI) ABBORD (IDENTIFIKATI SAL-INQAS LIVELL TASSONOMIKU):

LISTA TA’ SPEĊIJIET INDIKATURI POTENZJALMENT VULNERABBLI ( 19 ) ABBORD SKONT IL-POSTAZZJONI (INKLUDI LAT/LONĠ):

LISTA TA’ ORGANIŻMI MIŻMUMIN GĦAL KAMPJUNAR BIJOLOĠIKU (EŻ. TUL-PIŻ, SESS, ETÀ), FEJN APPLIKABBLI:

Nota: Ir-rapportar tad-data għandu jsegwi speċifikazzjoni standardizzata, pereżempju, kif adottat mill-programmi tal-Osservaturi Xjentifiċi.

( 1 ) Opinjoni tas-7 ta' Ġunju 2007 (għadha mhix ippubblikata fil-Ġurnal Uffiċjali).

( 2 ) ĠU L 378, 30.12.1978, p. 1. Ir-Regolament kif emendat bir-Regolament (KEE) 653/80 (ĠU L 74, 20.3.1980).

( 3 ) ĠU L 175, 6.7.1988, p. 1. Ir-Regolament kif emendat l-aħħar bir-Regolament (KE) Nru 3067/95 (ĠU L 329, 30.12.1995, p. 1).

( 4 ) ĠU L 257, 17.9.1988, p. 20. Ir-Regolament kif emendat l-aħħar bir-Regolament (KE) Nru 494/97 (ĠU L 77, 19.3.1997, p. 5).

( 5 ) ĠU L 21, 30.1.1992, p. 4. Ir-Regolament kif emendat l-aħħar bir-Regolament (KE) Nru 1048/97 (ĠU L 154, 12.6.1997, p. 1).

( 6 ) ĠU L 341, 31.12.1993, p. 42. Ir-Regolament kif emendat bir-Regolament (KE) Nru 1043/94 (ĠU L 114, 5.5.1994, p. 1).

( 7 ) ĠU L 329, 30.12.1995, p. 5. Ir-Regolament kif emendat l-aħħar bir-Regolament (KE) Nru 855/2004 (ĠU L 161, 30.4.2004, p. 1).

( 8 ) ĠU L 144, 17.6.2000, p. 1.

( 9 ) ĠU L 16, 20.1.2006, p. 1. Ir-Regolament kif emendat l-aħħar bir-Regolament (KE) Nru 2017/2006 (ĠU L 384, 29.12.2006, p. 44).

( 10 ) ĠU L 358, 31.12.2002, p. 59. Ir-Regolament kif emendat l-aħħar bir-Regolament Nru 865/2007 ta' l-10 ta' Lulju 2007(ĠU L 192, 24.7.2007, p. 1).

( 11 ) ĠU L 261, 20.10.1993, p. 1. Ir-Regolament kif emendat l-aħħar bir-Regolament Nru 1967/2006, ĠU L 409, 30.12.2006, p. 11.

( 12 ) ĠU L 5, 9.1.2004, p. 25. Ir-Regolament kif emendat bir-Regolament (KE) Nru 1799/2006 (ĠU L 341, 7.12.2006, p. 26).

( 13 ) ĠU L 17, 21.1.2000, p. 22.

( 14 ) Id-daqs tal-ħut jirreferi għat-tul minn ħalqu sal-furketta tad-denb għall-Merluzz ta' l-Atlantiku, għat-tul kollu għall-ispeċi l-oħra.

( 15 ) Sajd esploratorju huwa ddefinit bħala l-attivitajiet kollha tas-sajd tal-qiegħ f’żoni ġodda jew b’irkaptu tal-qiegħ li ma kienx jintuża qabel fiż-żona kkonċernata.

( 16 ) Irreferi għal-Linji Gwida Internazzjonali tal-FAO għall-Immaniġġjar tas-Sajd tal-Baħar Fond fl-Ibħra Internazzjonali.

( 17 ) Sajd esploratorju huwa ddefinit bħala l-attivitajiet kollha tas-sajd tal-qiegħ f’żoni ġodda jew b’irkaptu tal-qiegħ li ma kienx jintuża qabel fiż-żona kkonċernata.

( 18 ) Irreferi għall-Linji Gwida Internazzjonali tal-FAO għall-Immaniġġjar tas-Sajd tal-Baħar Fond fl-Ibħra Internazzjonali.

( 19 ) Irreferi għall-Anness 1 tal-Linji Gwida Internazzjonali tal-FAO għall-Immaniġġjar tas-Sajd tal-Baħar Fond fl-Ibħra Internazzjonali.