02007D0307 — MT — 16.12.2016 — 002.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
DEĊIŻJONI TAL-KUMMISSJONI tal-25 ta’ April 2007 dwar it-tneħħija mis-suq tal-kolza Topas 19/2 (ACS-BNØØ7-1)ACS-BNØØ7-1 u l-prodotti derivati tagħha (notifikata taħt id-dokument numru C(2007) 1809) (It-test bil-Ġermaniż biss hu awtentiku) (ĠU L 117 5.5.2007, p. 23) |
Emendat bi:
|
|
|
Il-Ġurnal Uffiċjali |
||
|
Nru |
Paġna |
Data |
||
|
DEĊIŻJONI TA’ IMPLIMENTAZZJONI TAL-KUMMISSJONI 2012/69/UE tat-3 ta’ Frar 2012 |
L 34 |
12 |
7.2.2012 |
|
|
L 342 |
34 |
16.12.2016 |
||
DEĊIŻJONI TAL-KUMMISSJONI
tal-25 ta’ April 2007
dwar it-tneħħija mis-suq tal-kolza Topas 19/2 (ACS-BNØØ7-1)ACS-BNØØ7-1 u l-prodotti derivati tagħha
(notifikata taħt id-dokument numru C(2007) 1809)
(It-test bil-Ġermaniż biss hu awtentiku)
(2007/307/KE)
Artikolu 1
1. Id-destinatarju għandu jimplimenta programm intern sabiex jiżgura l-irtirar mis-suq effettiv tal-kolza ACS-BNØØ7-1 fit-tnissil u fil-produzzjoni taż-żrieragħ u għandu jiġbor dejta dwar il-preżenza ta' dak l-organiżmu ġenetikament modifikat fil-vjeġġi taż-żrieragħ taż-żejt tal-kolza lejn l-Unjoni mill-Kanada.
Id-destinatarju għandu jirrapporta lill-Kummissjoni dwar l-implimentazzjoni ta' dan il-programm u dwar il-preżenza ta' dawk l-organiżmi ġenetikament modifikati fil-vjeġġi taż-żrieragħ taż-żejt tal-kolza lejn l-Unjoni mill-Kanada sal-1 ta' Jannar 2019.
2. Il-preżenza ta' materjal li fih il-kolza ACS-BNØØ7-1, li jikkonsisti fih jew li huwa prodott minnu fi prodotti tal-ikel jew tal-għalf notifikati skont l-Artikolu 8(1)(a) u l-Artikolu 20(1) tar-Regolament (KE) Nru 1829/2003 għandha tkun ittollerata sal-31 ta' Diċembru 2019, sakemm din il-preżenza:
(a) tkun aċċidentali jew teknikament inevitabbli; u
(b) tkun fi proporzjon mhux ogħla minn piż skont il-piż ta' 0,1 %.
3. Id-destinatarju għandu jiżgura d-disponibbiltà ta' materjal ta' referenza ċertifikat għall-kolza ACS- BNØØ7-1 permezz tal-American Oil Chemists Society fuq https://www.aocs.org/attain-lab-services/certified-reference-materials-(crms).
Artikolu 2
In-noti fir-Reġistru tal-Komunità ta’ l-ikel u l-għalf ġenetikament modifikati, kif stipulat fl-Artikolu 28 tar-Regolament (KE) Nru 1829/2003 dwar il-kolza ACS-BNØØ7-1, għandhom jiġu modifikati sabiex jinkludu d-Deċiżjoni preżenti.
Artikolu 3
Din id-Deċiżjoni hija indirizzata lil Bayer CropScience AG, Alfred-Nobel-Str. 50, D-40789 Monheim am Rhein, Il-Ġermanja.