Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

li jistabbilixxi regoli speċifiċi dwar l-implimentazzjoni tal-Artikolu 7(2) tal-Ftehim bejn l-Komunità Ewropea u l-Istati Uniti tal-Amerika dwar il-kummerċ fl-inbid rigward il-protezzjoni ta’ ismijiet ta’ oriġini tal-Istati Uniti fil-Komunità

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Deċiżjoni tal-Kunsill 2006/232/KE tal-20 ta' Diċembru 2005 dwar il-konklużjoni tal-Ftehim bejn il-Komunità Ewropea u l-Istati Uniti tal-Amerika dwar il-kummerċ fl-inbid ( 1 ), u b'mod partikolari l-Artikolu 3 tiegħu,

Billi:

(1)

Skont l-Artikolu 7(2) tal-Ftehim bejn il-Komunità Ewropea u l-Istati Uniti tal-Amerika dwar kummerċ fl-inbid ( 2 ) (hawn taħt imsejjaħ “il-Ftehim”), il-Komunità għandha tassigura li l-ismijiet ta’ sinifikat vitikolturali elenkati fl-Anness V tal-Ftehim jistgħu jintużaw biss bħala ismijiet ta’ oriġini għall-inbid biex jidentifikaw inbejjed ta’ oriġini indikati b’dak l-isem. Ir-Regolament m’għandux jeffettwa d-drittijiet ta' proprjetà intellettwali eżistenti fil-Komunità.

(2)	Dan ir-Regolament ma għandux jaffettwa d-drittijiettal-proprjetà intellettwali eżistenti fil-Komunità.

(3)	Għalhekk, il-protezzjoni fil-Komunità ta’ ismijiet ta’ oriġini tal-Istati Uniti kif provduta fil-Ftehim u partikolarment fl-Artikolu 7(2) u (3) flimkien mal-Artikolu 12 tiegħu għandhom jiġu previsti.

(4)	Il-Ftehim daħal fis-seħħ fl-10 ta' Marzu 2006 ( 3 ). Dan ir-Regolament għandu għalhekk jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

(5)	Il-miżuri li hemm provvediment dwarhom f'dan ir-Regolament huma bi qbil mal-opinjoni tal-Kumitat ta' Ġestjoni għall-Inbid,

ADOTTAT DAN IR-REGOLAMENT:

1. L-ismijiet ta’ oriġini ta’ l-Istati Uniti elenkati fl-Anness jistgħu jintużaw biss bħala ismijiet ta’ oriġini għall-inbid biex jidentifikaw inbejjed ta’ oriġini indikati b’dak l-isem. L-awtorijtajiet kompetenti ta’ l-Istati Membri għandhom jieħdu miżuri sabiex jassiguraw li kwalunkwe inbid li mhux bit-tikketta skond dan l-Artikolu ma jitqigħedx fis-suq jew jitneħħa minnu sakemm ikollu tikketta skond dan l-Artikolu.

Dan ir-Regolament għandu jidħol fis-seħħ fil-jum tal-pubblikazzjoni tiegħu f'Il-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

		Il-Ġurnal Uffiċjali
		No	page	date
►M1	REGOLAMENT TA’ IMPLIMENTAZZJONI TAL-KUMMISSJONI (UE) Nru 1212/2011 tat-23 ta’ Novembru 2011	L 308	18	24.11.2011