(1)

Ir-riżorsi tal-ħur, li huma riżorsi naturali li jistgħu ikunu eżawriti, għandhom ikunu mħarsa fl-interessi tal-bilanċi boloġiċi u s-sigurtà globali ta' l-ikel.

(2)

Fil-1998 il-Kummissjoni Internazzjonali għall-Konservazzjoni tat-Tonn ta' l-Atlantiku (ICCAT), li magħha il-Komunità Ewropea hija parti kontraenti, adottat ir-reżoluzzjoni 98-18 li tikkonċerna l-qabdiet tat-tonn minn dgħajjes bix-xlief fit-tul li la jkunu iraportati u anqas regolati ġewwa ż-żona tal-konservazzjoni,

(3)

Il-ħażniet ikkonċernati ma jistgħux ikunu amministratti b'mod effettiv mill-partijiet kontraenti ICCAT, li s-sajjieda tagħhom huma obbligati li jnaqqsu il-qabdiet tagħhom tat-tonn, sakemm il-partijiet mhux-kontraenti li jistgħadu għat-tonn alalunga fl-Atlantiku jikkoperaw mal-ICCAT u jkunu konformi mal-miżuri tagħha dwar il-konservazzjoni u l-amministrazzjoni.

(4)

L-ICCAT identifikat lill-Beliż, il-Bolivja, il-Kambodja, il-Gwinea Ekwatorjali, il-Ġjorġja, lill-Ħonduras, lill-San Vinċent u l-Grenadini u lill-Sjerra Leone bħala l-pajjiżi li d-dgħajjes tagħhom jistgħadu għat-tonn ta' l-għajn kbira fil-Atlantiku b'manjera li tnaqqas l-effettività tal-miżuri tal-konservazzjoni tat-tonn mill-organizzazzjoni, issosstanzjat is-sejbiet tagħha mad-dettalji li jikkonċernaw il-qabdiet, il-kummerċ u l-attivitajiet tad-dgħajjes.

(5)

L-importazzjoni tat-tonn ta' għajn kbira ta' l-Atlantiku li joriġina fil-Beliż, il-Kambodjam il-Gwinea Ekwatorjali, il-Ħonduras u San Vinċent u l-Grenadini hija preżentament ipprojbita bir-Regolament (KE) Nru 1036/2001 tat-22 ta' Mejju 2001 li jipprojbixxi l-importazzjoni tat-tonn alalunga ta' l-Atlantiku (Thunnus obesus) li joriġina mill-Beliż, il-Kambodja, il-Gwinea Ekwatorjali, Sant Vinċent u l-Grenadini u l-Ħonduras ( 1 ).

(6)

L-ICCAT ikkonsidrat it-tisħieħ tal-koperazzjoni mal-Ħonduras għall-konservazzjoni tat-tonn alalunga ta' l-Atlantiku. Fil-laqgħa annwali tagħha tal-2002 hija irrakkomandat it-tneħħija tal-projbizzjoni ta' l-importazzjoni tat-tonn alalunga ta' l-Atlantiku fi kwalunkwe forma kif imposta mill-partijiet kontraenti fuq il-Ħonduras.

(7)

L-ICCAT ikkonsidrat il-progress tal-koperazzjoni mal-Beliż u San Vinċent u l-Grenadini għall-konservazzjoni tat-tonn alalunga ta' l-Atlantiku. Fil-laqgħa annwali tagħha tal-2003 hija neħħiet, sa mill-1 ta' Jannar 2004, tal-projbizzjoni ta' l-importazzjoni tat-tonn alalunga ta' l-Atlantiku fi kwalunkwe forma kif imposta mill-partijiet kontraenti fuq Beliż u San Vinċent u l-Grenadini.

(8)

L-attentati tal-ICCAT sabiex tinkorraġixxi lil-Bolivja, lill-Kambodja, lill-Ginea Ekwatorjali, lill-Ġorġja u lil-Siera Leone sabiex ikunu konformi mal-miżuri għall-konservazzjoni u l-amministrazzjoni tat-tonn alalunga ta' l-Atlantiku kienu kolla ta' xejn.

(9)

L-ICCAT irakkommandat lill-partijiet kontraenti tagħha li jieħdu l-pasi xierqa sabiex jipprojbixxu l-importazzjoni tal-prodotti mit-tonn alalunga ta' l-Atlaniku fi kwalunkwe għamla mill-Bolivja, Ġorġja u Siera Leone u li jibqgħu jipprojbixxu tali importazzjoni mill-Kambodja u mill-Ginea Ekwatorjali. Dawn il-miżuri għandhom ikunu mneħħija malli jkun stabbilit li l-pajjiżi f'dan il-każ ikunu wasslu li l-prattici tas-sajd tagħhom ikunu konformi mal-miżuri tal-ICCAT. Dawn il-miżuri għandhom għalhekk ikunu mplimentati mill-Komunità, li għandha l-unika kompetenza f'din il-materja. B'dana kollu, in vista tal-perijodi ta' notifika meħtieġa mill-ICCAT, il-projbizzjoni fuq l-importazzjoni mill-Ġorġja m'għandhiex tidħol fis-seħħ sa l-1 ta' Lulju 2004.

(10)

Dawn il-miżuri huma kompatibbli ma l-obbligi tal-Komunità skond ftehim internazzjonali oħrajn.

(11)

F'ġieħ iċ-ċarezza, ir-Regolament (KE) Nru 1036/98 għandu għalhekk ikun imħasar u mibdul b'dan ir-Regolament,