02003L0025 — MT — 26.07.2019 — 003.002
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
►B
|
►C1
DIRETTIVA 2003/25/KE TAL-PARLAMENT EWROPEW U TAL-KUNSILL
tal-14 ta’ April 2003
dwar ir-rekwiżiti speċifiċi tal-istabbiltà għall-vapuri tal-passiġġieri ro-ro ◄
(Test b'rilevanza għaż-ŻEE)
(ĠU L 123 17.5.2003, p. 22)
|
Emendata bi:
Ikkoreġuta bi:
▼B
▼C1
DIRETTIVA 2003/25/KE TAL-PARLAMENT EWROPEW U TAL-KUNSILL
tal-14 ta’ April 2003
dwar ir-rekwiżiti speċifiċi tal-istabbiltà għall-vapuri tal-passiġġieri ro-ro
▼B
(Test b'rilevanza għaż-ŻEE)
Artikolu 1
L-għan
L-għan ta' din id-Direttiva huwa li jistabbilixxi livell uniformi tal-
►C1
rekwiżiti speċifiċi tal-istabbiltà ◄ għall-vapuri ro-ro tal-passiġġieri, li jridu jippromwovu l-abbiltà tas-sopravivenza ta' dan it-tip ta' vapur fil-każ ta' ħsara minn kolliżjoni u tipprovdi livell għoli tas-sigurtà lill-passiġġieri u lill-ekwipaġġ
Artikolu 2
Id-definizzjonijiet
Għall-għan ta' din id-Direttivam għandhom japplikaw id-definizzjonijiet li ġejjin:
(a)
“vapur ro-ro tal-passiġġieri” ifisser vapur li jġorr mill-inqas 12-il pasiġġier, u li għandu spazji jew kategoriji ta' spazji għat-tagħbija tar-ro-ro, kif iddefinit fir-Regolament II-2/3 tal-Konvenzjoni tas-SOLAS, kif emendata;
(b)
“vapur ġdid” ifisser vapur li l-karina tiegħu titqiegħed fl-1 ta' Ottubru 2004 jew wara, jew li jkun fi stadju simili tal-bini: stadju simili tal-bini jfisser l-istadju li fih:
(i)
tibda l-kostruzzjoni li tista' tiġi identifikata bħala ta' vapur speċifikat; u
(ii)
ikun beda l-muntaġġ ta' mill-inqas 5 tunnellati metriċi jew 1 % tal-massa stmata tal-materjal tal-kostruzzjoni ta' dan il-vapur, liema minnhom tkun l-inqas;
(ċ)
“vapur eżistenti” ifisser vapur li mhux vapur ġdid;
(d)
“passiġġier” huwa kull persuna għajr il-kaptan u l-membri ta' l-ekwipaġġ jew persuni oħra impjegati jew jaħdmu f'kull kapaċità abbord vapur fil-kummerċ ta' dan il-vapur u għajr tarbija taħt l-età ta' sena;
(e)
“Konvenzjonijiet internazzjonali” tfisser il-Konvenzjoni Internazzjonali tas-sena 1974 dwar is-Sigurtà tal-Ħajja fuq il-Baħar (il-Konvenzjoni tas-SOLAS), u l-Konvenzjoni Internazzjonali tas-sena 1966 dwar il-Linji tat-Tagħbija, flimkien mal-Protokolli u l-emendi tagħhom fis-seħħ;
(f)
“servizz regolari” ifisser serje ta' salpiet ta' vapur tar-ro-ro tal-passiġġieri li jservi t-traffiku bejn żewġ portijiet jew iktar, li jitħaddem jew:
(i)
skond skeda ippubblikata taż-żmien; jew
(ii)
b'salpiet hekk regolari jew ta' spiss illi jikkostitwixxu serje sistematika li tista' tingħaraf;
(g)
“il-Ftehim ta' Stokkolma” ifisser il-Ftehim konkluż fi Stokkolma fit-28 ta' Frar 1996 skond ir-Riżoluzzjoni 14 “Ftehimijiet reġjonali dwar il-
►C1
rekwiżiti speċifiċi tal-istabbiltà ◄ tal-vapuri ro-ro tal-passiġġieri” tal-Konferenza tas-SOLAS 95, adottata fid-29 ta' Novembru 1995;
(h)
“l-amministrazzjoni ta' l-Istat tal-bandiera” tfisser l-awtoritjiet kompetenti ta' l-Istat li l-vapur ro-ro tal-passiġġieri huwa intitolat li jtajjar;
(i)
“l-Istat ospitatur” ifisser Stat Membru li vapur ro-ro tal-passiġġieri jkun fuq servizz regolari lejn jew mill-portijiet tiegħu;
(j)
“vjaġġ internazzjonali” ifisser vjaġġ minn port ta' Stat Membru lejn port 'il barra minn dan l-Istat Membru, jew bil-maqlub;
(k)
►C1
“rekwiżiti speċifiċi tal-istabbiltà” ◄ tfisser il-
►C1
rekwiżiti tal-istabbiltà ◄ ddikjarati fl-Anness I;
(l)
“il-għoli sinifikanti tal-mewġ” (“hs”) huwa l-għoli medju ta' l-ogħla terz għoli tal-mewġ osservat fuq perjodu mogħti taż-żmien;
m)
“spazju ħieles residwali” (“fr”) huwa d-distanza minima bejn il-ġverta tar-ro-ro li tkun bil-ħsara u l-linja finali ta' l-ilma (baħar) fil-lokazzjoni tal-ħsara, mingħajr ma jitqies l-effett addizzjonali ta' l-ilma baħar akkumulat fuq il-gverta tar-ro-ro bil-ħsara.
Artikolu 3
Il-kamp ta' applikazzjoni
1.
Din id-Direttiva għandha tapplika għall-vapuri ro-ro kollha tal-passiġġieri li joperaw lejn jew minn port ta' Stat Membru fuq servizz regolari, tkun xi tkun il-bandiera tagħhom, meta jagħmlu vjaġġi internazzjonali.
2.
Kull Stat Membru, fil-kapaċità tiegħu ta' Stat ospitatur, għandu jiżgura illi l-vapuri ro-ro tal--pasiġġieri, li jtajru l-bandiera ta' Stat li mhux Stat Membru, iħarsu għal kollox il-ħtiġiet ta' din id-Direttiva qabel ma jagħmlu vjaġġi minn jew lejn il-portijiet ta' dan l-Istat Membru skond l-Artikolu 4 tad-Direttiva 1999/35/KE.
Artikolu 4
Il-għoli sinifikanti tal-mewġ
Għandu jintuża l-għoli sinifikanti tal-mewġ (hS) sabiex jiġi stabbilit il-għoli ta' l-ilma fuq il-gverta tal-karozzi meta jiġu applikati l-
►C1
rekwiżiti speċifiċi tal-istabbiltà ◄ li jinsabu fl-Anness I. Iċ-ċifri tal-għoli sinifikanti tal-mewġ għandhom ikunu dawk li ma jinqabżux bi probabbiltà ta' iktar minn 10 % fuq il-bażi ta' kull sena.
Artikolu 5
Iż-żoni ta' l-ibħra
1.
L-Istati ospitaturi għandhom jistabbilixxu, mhux iktar tard mis-17 ta' Mejju 2004, lista taż-żoni ta' l-ibħra salpati mill-vapuri ro-ro tal-passiġġieri li joperaw fuq servizz regolari lejn jew mill-portijiet tagħhom kif ukoll il-valuri korrispondenti tal-għoli sinifikanti tal-mewġ f'dawn iż-żoni.
2.
Iż-żoni ta' l-ibħra u l-valuri applikabbli tal-għoli sinifikanti tal-mewġ f'dawn iż-żoni għandhom jiġu ddefiniti bi qbil bejn l-Istati Membri jew, kulmeta japplika jew possibbli, bejn l-Istati Membri u pajjiżi terzi fiż-żewġt itruf tar-rotta. Meta r-rotta tal-vapur taqsam iktar minn żona waħda tal-baħar, il-vapur għandu jissodisfa l-
►C1
rekwiżiti speċifiċi tal-istabbiltà
◄ għall-ogħla valur tal-għoli sinifikanti tal-mewġ identifikat għal dawn iż-żoni.
3.
Il-lista għandha tiġi nnotifikata lill-Kummissjoni u ppubblikata f'database disponibbli fuq sit ta' l-Internet ta' l-awtrorità kompetenti marittima. Għandhom jiġu n-notifikati wkoll lill-Kummissjoni l-lokazzjoni ta' dan it-tagħrif kif ukoll kull aġġornament għal-lista u r-raġunijiet għal dawn l-aġġornamenti.
Artikolu 6
Il-
►C1
rekwiżiti speċifiċi tal-istabbiltà ◄
1.
Mingħajr preġudizzju għall-ħtiġiet tar-Regolament II-I/B/8 tal-Konvenzjoni tas-SOLAS (l-istandard tas-SOLAS 90) li għandu xjaqsam mas-subdiviżjoni li ma jgħaddix ilma minnha u l-istabbiltà f'kondizzjoni ta' ħsara, il-vapuri ro-ro kollha tal-passiġġieri imsemmija fl-Artikolu 3(1) għandhom jikkonformaw mal-ħtiġiet speċifiċi ddikjaati fl-Anness I ma' din id-Direttiva.
2.
Għall-vapuri
ro-ro tal-passiġġieri li joperaw b'mod esklussiv fiż-żoni ta' l-ibħra fejn il-għoli sinifikanti tal-mewġ huwa egwali għal 1,5 metri jew inqas, il-konformità mal-ħtiġiet tar-regolament imsemmi fil-paragrafu 1 għandha titqies ekwivalenti għall-konformità mal-
►C1
rekwiżiti speċifiċi tal-istabbiltà
◄ ddikjarati fl-Anness I.
3.
Meta jkunu qegħdin japplikaw il-ħtiġiet iddikjarati fl-Anness I, l-Istati Membri għandhom jużaw il-linji gwida ddikjarati fl-Anness II, safejn u sakemm dan ikun prattikabbli u kompatibbli mad-disinn tal-vapur fil-kwistjoni.
Artikolu 7
L-introduzzjoni tal-
►C1
rekwiżiti speċifiċi tal-istabbiltà ◄
1.
Il-vapuri
ro-ro ġodda tal-passiġġieri għandhom jikkonformaw mal-
►C1
rekwiżiti speċifiċi tal-istabbiltà
◄ kif iddikjarati fl-Anness I.
2.
Il-vapuri
ro-ro eżistenti tal-passiġġieri, bl-eċċezjoni ta' dawk il-vapuri li għalihom japplika l-Artikolu 6(2), għandhom jikkonformaw mal-
►C1
rekwiżiti speċifiċi tal-istabbiltà
◄ kif iddikjarati fl-Anness I mhux iktar tard mill-1 ta' Ottubru 2010.
Il-vapuri ro-ro eżistenti tal-passiġġieri li fis-17 ta' Merjju 2003 jkunu jikkonformaw mal-ħtiġiet tar-regolament imsemmi fl-Artikolu 6(1) għandhom jikkoformaw mal-ħtiġiet speċifiċi kif iddikjarati fl-Anness I mhux iktar tard mill-1 ta' Ottubru 2015.
3.
Dan l-Artikolu għandu jkun mingħajr preġudizzju għall-Artikolu 4(1)(e) tad-Direttiva 1999/35/KE.
Artikolu 8
Iċ-ċertifikati
1.
Il-vapuri
ro-ro ġodda jew eżistenti tal-passiġġieri li jtajru l-bandiera ta' Stat Membru għandhom iġorru ċertifikat li jikkonferma t-tħaris tal-
►C1
rekwiżiti speċifiċi tal-istabbiltà
◄ stabbilit fl-Artikolu 6 ta' l-Anness I.
Dan iċ-ċertifikat, li għandu jinħareġ mill-amministrazzjoni ta' l-Istat tal-bandiera u magħqud maċ-ċertifikati l-oħra li għandhom x'jaqsmu miegħu, irid jindika l-għoli sinifikanti tal-mewġ li għalih il-vapur jista' jissodisfa l-
►C1
rekwiżiti speċifiċi tal-istabbiltà ◄ .
Iċ-ċertifikat għandu jibqa' validu sakemm il-vapur idum jopera fiż-żona bl-istess valur tal-għoli sinifikanti tal-mewġ jew iktar baxx.
2.
Kull Stat Membru li jaġixxi fil-kapaċità tiegħu ta' Stat ospitatur għandu jirrikonoxxi ċ-ċertifikati maħruġa minn Stat Membru ieħor skond din id-Direttiva.
3.
Kull Stat membru li jaġixxi fil-kapaċità tiegħu ta' Stat ospitatur għandu jaċċetta ċ-ċertifikati ta' pajjiż terz li jiċċerifika illi vapur iħares il-
►C1
rekwiżiti speċifiċi tal-istabbiltà
◄ stabbiliti.
Artikolu 9
Il-ħidmiet staġjonali u fuq perjodi qosra taż-żmien
1.
Jekk kumpanija tat-trasport bil-baħar li topera servizz regolari matul is-sena kollha tixtieq iddaħħal vapuri ro-ro addizzjonali tal-passiġġieri biex joperaw għal perjodu iqsar taż-żmien, għandha tinnotifika lill-awtorità kompetenti ta' l-Istat ospitatur jew ta' l-Istati ospitaturi mhux iktar tard minn xahar qabel il-vapuri msemmija jitħaddmu fuq dan is-servizz. Madankollu, fil-każijiet fejn, wara ċirkostanzi imprevisti, ikun irid jiddaħħal minfloku mill-aktar fis vapur ro-ro tal-passiġġieri li jibdlu għabiex tiġi żgurata l-kontinwità tas-servizz, għandha tapplika d-Direttiva 1999/35/KE.
2.
Jekk kumpanija tat-trasport bil-baħar tixtieq topera staġjonalment servizz regolari għal perjodu iqsar taż-żmien li ma jaqbiżx is-sitt xhur, għandha tinotifika lill-awtorità kompetenti ta' l-Istat ospitatur jew ta' l-Istati ospitaturi mhux iktar tard minn tliet xhur qabel issir din il-ħidma
3.
Meta jsiru dawn il-ħidmiet taħt kondizzjonijiet ta' għoli sinifikanti ta' mewġ inqas minn dawk stabbiliti għall-istes żona ta' baħar għax-xogħol ta' matul is-sena kollha, jista' jintuża l-valur tal-għoli sinifikanti tal-mewġ applikabbli għal dan il-perjodu inqas taż-żmien mill-awtorità kompetenti sabiex jiġi stabbilit il-għoli ta' l-ilma fuq il-gverta meta jiġu applikati l-
►C1
rekwiżiti speċifiċi tal-istabbiltà
◄ li jinsabu fl-Anness I. Il-valur tal-għoli sinifikanti tal-mewġ applikabbli għal dan il-perjodu inqas taż-żmien għandu jiġi miftiehem bejn l-Istati Membri jew, kulmeta applikabbli u possibbli, bejn l-Istati Membri u l-pajjiżi terzi fuq iż-żewġt itruf tar-rotta.
4.
Wara l-qbil ta' l-awtorità kompetenti ta' l-Istat ospitatur jew ta' l-Istati ospitaturi għall-ħidmiet fit-tifsira tal-paragrafi 1 u 2, il-vapur ro-ro tal-passiġġieri li jindaħal għal dan ix-xogħol għandu jkun meħtieġ li jġorr ċertifikat li jikkonferma l-konforma mad-dispożizzjonijiet ta' din id-Direttiva, kif ipprovvdut fl-Artikolu 8(1).
▼M3
Artikolu 10
Emenda tal-Annessi
Il-Kummissjoni għandha s-setgħa li tadotta atti delegati f’konformità mal-Artikolu 10a li jemendaw l-Annessi sabiex jittieħed kont tal-iżviluppi fil-livell internazzjonali, b’mod partikolari fl-OMI, u biex tittejjeb l-effettività ta’ din id-Direttiva fid-dawl tal-esperjenza u l-progress tekniku.
▼M3
Artikolu 10a
Eżerċizzju tad-delega
1.
Il-Kummissjoni tingħata s-setgħa li tadotta l-atti delegati soġġett għall-kondizzjonijiet stipulati f’dan l-Artikolu.
2.
Il-Kummissjoni għandha tingħata s-setgħa li tadotta l-atti delegati msemmija fl-Artikolu 10 għal perijodu ta’ ħames snin mis-26 ta’ Lulju 2019. Il-Kummissjoni għandha tfassal rapport fir-rigward tad-delega ta’ setgħa mhux iktar tard minn disa’ xhur qabel ma jintemm il-perijodu ta’ ħames snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjona għal tali estensjoni mhux iktar tard minn tliet xhur qabel it-tmiem ta’ kull perjodu.
3.
Id-delega tas-setgħa msemmija fl-Artikolu 10 tista’ tiġi rrevokata fi kwalunkwe ħin mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. M’għandhiex taffettwa l-validità ta’ kwalunkwe att delegat li jkun diġà fis-seħħ.
4.
Qabel ma tadotta att delegat, il-Kummissjoni għandha tikkonsulta esperti nominati minn kull Stat Membru f’konformità mal-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (
1
).
5.
Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.
6.
Att delegat adottat skont l-Artikolu 10 għandu jidħol fis-seħħ biss jekk ma tkun ġiet espressa l-ebda oġġezzjoni mill-Parlament Ewropew jew mill-Kunsill f’perijodu ta’ xahrejn min-notifika ta’ dak l-att lill-Parlament Ewropew u lill-Kunsill jew jekk, qabel l-iskadenza ta’ dak il-perijodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex ser joġġezzjonaw. Dak il-perijodu għandu jiġi estiż b’xahrejn fuq l-inizjattiva tal-Parlament Ewropew jew tal-Kunsill.
▼M3 —————
▼B
Artikolu 12
Il-Penali
L-Istati Membri għandhom jistabbilixxu r-regoli għall-penali li jistagħu jiġu applikati għall-kontravenzjonijiet kontra d-dispożizzjonijiet nazzjonali adottati skond din id-Direttiva u għandhom jieħdu l-miżuri kollha sabiex jiżguraw li jiġu implimentati. Il-penali pprovvduti għandhom ikunu effettivi, proporzjonati u disswasivi.
Artikolu 13
L-implimentazzjoni
L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma' din id-Deċiżjoni qabel is-17 ta' Novembru 2004. Għandhom jgħarrfu lill-Kummissjoni b'dan minnufih.
Meta l-Istati Membri jadottaw dawn il-miżuri, għandu jkun fihom referenza għal din id-Direttiva jew ikunu akkumpanjati b'din ir-referenza fl-okkażjoni tal-pubblikazzjoni uffiċjali tagħhom. Il-metodi dwar kif issir din ir-referenza għandhom jiġu stabbiliti mill-Istati Membri.
Artikolu 14
Id-dħul fis-seħħ
Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali ta' l-Unjoni Ewropea.
Artikolu 15
Indirizzati
Din id-Direttiva hija indirizzata lill-Istati Membri.
ANNESS I
IL-
►C1
REKWIŻITI SPEĊIFIĊI TAL-ISTABBILTÀ ◄ GĦALL-VAPURI RO-RO TAL-PASSIĠĠIERI KIF IMSEMMI
Artikolu 6
|
1.
|
B'żieda mal-ħtiġiet tar-Regolament II-1/B/8 tal-Konvenzjoni tas-SOLAS li għandu x'jaqsam mas-subdiviżjoni (fil-vapur) li ma jgħaddix ilma minnha u l-istabbiltà fil-vapuri f'kondizzjoni ta' ħsara, il-vapuri ro-ro kollha tal-passiġġieri imsemmija fl-Artikolu 3(1) għandhom jikkonformaw mal-ħtiġiet ta' dan l-Anness.
|
1.1.
|
Id-dispożizzjonijiet tar-Regoament II-1/B/8.2.3 għandhom jitħarsu meta jiġi meqjus l-effett ta' ammont ipotetiku ta' l-ilma baħar li jkun preżunt li akkumula fuq l-ewwel gverta 'il fuq mil-linja tal-baħar mal-vapur ddisinjata ta' l-ispazju tat-tagħbija ro-ro jew l-ispazju speċjali tat-tagħbija kif iddefiniti fir-Regolament II-2/3 preżunta li tkun bil-ħsara (minn issa 'l quddiem imsemmija bħala “il-gverta ro-ro bil-ħsara”). Il-ħtiġiet l-oħra tar-Regolament II-1/B/8 ma għandhomx għalfejn jitħarsu meta jiġi applikat l-istandard li jinsab f'dan l-Anness. L-ammont ta' l-ilma baħar preżunt akkumulat għandu jiġi kkalkolat fuq il-bażi ta' wiċċ ta' ilma li jkollu għoli fiss 'il fuq minn:
(a)
l-iktar punt baxx tax-xifer tal-gverta tal-kompartiment bil-ħsara tal-gverta tar-ro-ro; jew
(b)
meta x-xifer tal-gverta tal-kompartient bil-ħsara jkun imgħarraq imbagħad il-kalkolu jiġi bbażat fuq għoli fiss 'il fuq mill-wiċċ ta' l-ilma lixx fl-angoli kollha ta' fejn ikun immejjel u fejn ikun fil-pożizzjoni t-tajba;
kif ġej:
0,5 m jekk l-ispazju ħieles residwali (fr) ikun 0,3 m jew inqas,
0,0 m jekk l-ispazju ħieles residwali (fr) ikun 2,0 m jew iktar, u
il-valuri intermedji li jridu jiġu stabbiliti bl-interpolazzjoni lineari, jekk l-ispazju ħieles residwali (fr) ikun 0,3 m jew iktar imma inqas minn 2,0 m,
meta l-ispazju ħieles residwali (fr) ikun id-distanza minima bejn il-gverta ro-ro bil-ħsara u l-linja finali ta' l-ilma mal-vapur fil-lokazjoni tal-ħsara bil-każ tal-ħsara jiġi kunsidrat mingħajr ma jitqies l-effett tal-volum ta' l-ilma preżunt li akkumula fuq il-gverta ro-ro bil-ħsara.
|
|
1.2.
|
Meta tiġi stallata sistema ta' tneħħija ta' l-ilma ta' effiċjenza qawwija, l-amministrazzjoni tista' tippermetti tnaqqis fil-għoli tal-wiċċ ta' l-ilma.
|
|
1.3.
|
Għall-vapuri f'żoni ta' ħidma ddefiniti geografikament bħala ristretti, l-amministrazzjoni ta' l-Istat tal-bandiera jista' jnaqqas il-għoli tal-wiċċ ta' l-ilma stabbilit skond il-punt 1.1 billi jibdel dan il-għoli tal-wiċċ ta' l-ilma b'dan li ġej:
1.3.1.
0,0 m jekk il-għoli sinifikanti tal-mewġ(hs) li jiddefinixxi ż-żona interessata jkun ta' 1,5 m jew inqas;
1.3.2.
il-valur stabbilit skond il-paragrafu 1.1 jekk il-għoli sinifikanti tal-mewġ(hs) li jiddefinixxi ż-żona interessata jkun ta' 4,0 m jew ogħla;
1.3.3.
il-valuri intermedji li jridu jiġu stabbiliti bl-interpolazzjoni lineari jekk il-għoli sinifikanti tal-mewġ (hs) li jiddefinixxi ż-żona interessata jkun ta' 1,5 m jew iktar imma inqas minn 4,0 m,
sakemm jitwettqu l-kondizzjonijiet li ġejjin:
1.3.4.
l-amministrazzjoni ta' l-Istat tal-bandiera jkun sodisfatt illi ż-żona ddefinita tkun irrappreżentata bil-għoli sinifikanti tal-mewġ (hs) li ma jinqabiżx bi probabbiltà ta' iktar minn 10 %; u
1.3.5.
jiddaħħlu fiċ-ċertifikati ż-żona tal-ħidma u, jekk applikabbli, il-parti tas-sena li għaliha jkun ġie stabbilit ċertu valur tal-għoli sinifikanti tal-mewġ (hs).
|
|
1.4.
|
Bħala alternattiva għall-ħtiġiet tal-paragrafi 1.1 jew 1.3, l-amministrazzjoni ta' l-Istat tal-bandiera tista' teżenta l-applikazzjoni tal-ħtiġiet tal-paragrafi 1.1 jew 1.3 u taċċetta prova, stabbilita b'testijiet mudell imwettqa għal vapur individwali skond il-metodu tat-test mudell, li jidher fl-Appendiċi, li jiġġustifika illi l-vapur ma jinqalibx bil-kobor preżunt tal-ħsara kif ipprovvdut fir-Regolament II-1/B/8.4 meta tiġi kkunsidrata l-agħar lokazzjoni skond il-paragrafu 1.1, fi triq irregolari tal-baħar, u
|
|
1.5.
|
għandu jiddaħħal fiċ-ċertifikati tal-vapur ir-riferiment għall-aċċettazzjoni tar-riżultati tat-test mudell bħala ekwivalenza għat-tħaris tal-paragrafi 1.1 jew 1.3 u tal-valur tal-għoli sinifikanti tal-mewġ (hs) użat fit-test mudell.
|
|
1.6.
|
it-tagħrif fornit lill-kaptan tal-vapur skond ir-Regolamenti II-1/B/8.7.1 u II-1/B/8.7.2, kif żviluppati għall-konformità mar-Regolamenti minn II-1/B/8.2.3 sa II-1/B/8.2.3.4, għandu japplika mingħajr tibdil għall-vapuri ro-ro tal-pasiġġieri skond dawn il-ħtiġiet.
|
|
|
2.
|
Sabiex jiġi stmat l-effett tal-volum ta' l-ilma baħar preżunt akkumulat fuq il-gverta ro-ro bil-ħsara fil-paragrafu 1, għandhom jipprevalu d-dispożizzjonijiet li ġejjin:
|
2.1.
|
paratija transversali jew lonġitudinali għandha tiġi meqjusa intatta jekk il-partijiet kollha tagħha jkunu 'l ġewwa mill-uċuh vertikali fuq iż-żewġ naħat tal-vapur, li tkun lokata f'distanza mill-pjanċi tal-metall tal-qoxra egwali għal wieħed minn ħamsa tal-wisa' tal-vapur, kif iddefinit fir-Regolament II-1/2, u mkejjel kartabun mal-linja taċ-ċentru fil-livell ta' l-iktar subdiviżjoni fonda tal-linja tat-tagħbija;
|
|
2.2.
|
fil-każijiet meta l-buq tal-vapur jiġi strutturalment imwessa' f'parti minnu sabiex jikkonforma mad-dispożizzjonijiet ta' dan l-Anness, iż-żieda li tirriżulta fil-valur ta' wieħed minn ħamsa tal-wisa' tiegħu trid tiġi wżata f'kull parti, imma ma għandhiex tirregola l-lokazzjoni tal-penetrazzjonijiet, tas-sistemi tal-pajpiet, eċċ, eżistenti tal-paratiji li kienu aċċettati qabel it-twessigħ;
|
▼M1
|
2.3.
|
ir-rassa tal-paratiji trasversali u loġitudinali li jridu jitqiesu bħala effettivi sabiex jillimitaw l-ilma baħar akkumulat li jiġi assunt fil-kompartiment ikkonċernat fil-gverta ro-ro bil-ħsara għandha tkun taqbel mas-sistema tat-tneħħija ta' l-ilma, u għandha tiflaħ pressa idrostatika skond ir-riżultati tal-kalkolu tal-ħsara. Dawn il-paratiji għandhom ikunu għolja mill-inqas 4 m kemm-il darba l-għoli ta’ l-ilma ma jkunx inqas minn 0.5 m. F’dawn il-każijiet l-għoli tal-paratija jista’ jiġi kkalkolat skond is-segwenti:
Bh = 8hw
fejn:
Bh huwa l-għoli tal-paratija;
u hw huwa l-għoli ta’ l-ilma.
Fi kwalunkwe każ, l-għoli minimu tal-paratija m’għandux ikun inqas minn 2.2 m. Madankollu fil-każ ta' vapur li jkollu gverti tal-karozzi mdendla, l-għoli minimu tal-paratija ma għandux ikun inqas mill-għoli tal-qiegħ tal-gverta mdendla meta tkun fil-pożizzjoni mbaxxija tagħha;
|
▼B
|
2.4.
|
jistgħu jiġu aċċettati tipi oħra tal-għoli tal-paratiji għal arraġamenti speċjali bħalma huma p.e. il-gverti mdendla mal-wisa' kollu u casings wiesgħa mal-ġnub, fuq il-bażi tat-testijiet mudell;
|
|
2.5.
|
ma hemm għalfejn jitqies l-effett tal-volum ta' l-ilma baħar preżunt akkumulat għall-ebda kompartiment tal-gverta ro-ro bil-ħsara, sakemm dan il-kompartiment ikollu fetħiet fuq kull naħa tal-gverta għall-ħelsien ta' l-ilma mqassma egwalment matul il-kompartiment u li jikkonformaw ma' dan li ġej:
2.5.1.
A ≥ 0,3 l
fejn il-A hija l-firxa totali tal-fetħiet tal-ħelsien ta' l-ilma fuq kull naħa tal-gverta f'metri kwadri; u l-1 huwa t-tul tal-kompartiment f'metri;
2.5.2.
il-vapur għandu jżomm spazju ħieles residwali ta' mill-inqas 1,0 m fl-agħar kondizzjoni ta' ħsara mingħajr ma jitqies l-effett tal-volum preżunt ta' l-ilma fuq il-gverta ro-ro bil-ħsara; u
2.5.3.
dawn il-fetħiet tal-ħelsien għandhom ikunu lokati sa l-għoli ta' 0,6 m 'il fuq mill-gverta ro-ro bil-ħsara u t-tarf ta' isfel tal-fetħiet għandhom ikunu sa 2 cm 'il fuq mill-gverta ro-ro bil-ħsara; u
2.5.4.
dawn il-fetħiet tal-ħelsien għandhom ikunu mgħammra b'mezzi tal-għeluq jew purtelli sabiex ma jħallux l-ilma jidħol fuq il-gveerta ro-ro filwaqt li jippermettu jiskula l-ilma li jkun inġabar fuq il-gverta ro-ro.
|
|
2.6.
|
Meta paratija 'il fuq mill-gverta ro-ro tkun preżunta bil-ħsara, iż-żewġ kompartimenti li jdawru l-paratija għandhom jiġu preżunti mgħaddra sa l-istess għoli tal-wiċċ ta' l-ilma kif ikkolkolat fil-paragrafi 1.1 jew 1.3.
|
|
|
3.
|
Meta jkun qiegħed jiġi stabbilit il-għoli sinifikanti tal-mewġ, għandu jintuża l-għoli tal-mewġ mogħti fuq il-mapep jew il-lista taż-żoni ta' l-ibħra stabbilita mill-Istati Membri f'linja ma' l-Artikolu 5 ta' din id-Ditrettiva.
|
3.1.
|
Għall-vapuri li jridu jiġu mħaddma għal staġun iqsar biss, l-amministrazzjoni ta' l-Istat ospitatur għandu jistabbilixxi bi qbil mal-pajjiż l-ieħor li l-port tiegħu ikun inkluż fir-rotta tal-vapur, il-għoli sinifikanti tal mewġ li jrid juża.
|
|
|
4.
|
It-testijiet mudell għandhom jiġu kondotti skond l-Appendiċi.
|
▼M1
Appendiċi
Il-Metodu tat-Test Mudell
1. L-għanijiet
Dan il-metodu tat-test mudell rivedut huwa reviżjoni tal-metodu li jinsab fl-Appendiċi għall-Anness għar-Riżoluzzjoni 14 tal-Konferenza ta’ SOLAS 1995. Mid-dħul fis-seħħ tal-Ftehim ta’ Stokkolma saru għadd ta’ testijiet mudelli skond il-metodu tat-test fis-seħħ qabel. Matul dawn it-testijiet, ġew identifikati għadd ta’ rfinamenti fil-proċeduri. Dan il-metodu tat-test mudell il-ġdid jimmira li jinkludi dawn l-irfinamenti u, flimkien man-Noti ta’ Gwida mehmuża, jipprovdi proċedura aktar robusta għall-evalwazzjoni tas-sopravivenza ta’ vapur tal-passiġġieri ro-ro li jġarrab ħsara fil-baħar. Fit-testijiet provduti fil-paragrafu 1.4 tar-rekwiżiti ta’ l-istabbilità inklużi fl-Anness I, il-vapur għandu jkun kapaċi li jissopravivi fi triq tal-baħar kif iddefinita fil-paragrafu 4.1 hawn taħt f’xenarju tal-każ ta’ l-agħar ħsara.
2. Id-definizzjonijiet
|
LBP
|
huwa t-tul bejn il-perpendikolari
|
|
HS
|
l-għoli sinjifikanti tal-mewġa
|
|
B
|
il-wisa’ ffurmat tal-vapur
|
|
TP
|
huwa l-aqwa perjodu
|
|
TZ
|
huwa l-perjodu ta’ l-inkroċjatura żero
|
3. Il-mudell tal-vapur
|
3.1.
|
Il-mudell għandu jikkopja l-vapur attwali kemm għall-konfigurazzjoni fuq barra kif ukoll l-arranġament intern, b’mod partikolari l-ispazji kollha bil-ħsara li għandhom effett fuq il-proċess ta’ għargħar u bligħ ta’ l-ilma. Għandhom jintużaw fond fl-ilma intatt, trimmjatura, mejl u KG operattiva li tillimita li jikkorrispondu għall-każ ta’ l-agħar ħsara. Barra minn dan, il-każ(ijiet) ta’ test li għandu jitqies/għandhom jitqiesu għandhom jirrappreżentaw il-każ(ijiet) ta’ l-agħar ħsara definit(i) skond ir-regolament ta’ SOLAS II-1/8.2.3.2 (SOLAS 90) fir-rigward ta’ l-arja kollha taħt il-kurva GZ pożittiva u l-linja ċentrali tal-ftuħ tal-ħsara għandha tinsab fil-firxa li ġejja:
|
3.1.1.
|
± 35 % LBP minn nofs il-vapur;
|
|
3.1.2.
|
ikun meħtieġ test addizzjonali għall-agħar ħsara fi ħdan ± 10 % LBP minn nofs il-vapur jekk il-każ ta’ ħsara msemmi f’.1 huwa barra minn ± 10 % LBP minn nofs il-vapur.
|
|
|
3.2.
|
Il-mudell għandu jħares is-segwenti:
|
3.2.1.
|
tul bejn il-perpendikolari (LBP) għandu jkun l-akbar fost għall-inqas 3 m jew tul li jikkorrispondi għal skala mudell ta’ 1:40, u l-estent vertikali sa għall-inqas 3 tulijiet standard ta’ l-istruttura ta’ fuq ogħla mill-gverta tal-paratija (l-ispazju ħieles);
|
|
3.2.2.
|
il-ħxuna tal-buq ta’ spazji mgħerrqa m’għandhiex teċċedi 4 mm;
|
|
3.2.3.
|
fil-kundizzjonijiet fejn il-vapur huwa kemm intatt kif ukoll danneġġjat, il-mudell għandu jissodisfa l-marki korretti ta’ spustjar u tal-fond fl-ilma (TA, TM, TF, port u starboard) b’tolleranza massima fi kwalunkwe marka tal-fond fl-ilma ta’ + 2 mm. Il-marki tal-fond fl-ilma tal-pruwa u tal-poppa għandhom jinsabu qrib kemm jista’ jkun lejn FP u AP;
|
|
3.2.4.
|
il-kompartimenti kollha danneġġjati u l-ispazji ro-ro għandhom ikunu mudellati bil-permabilitajiet korretti tal-wiċċ u tal-volum (il-valuri attwali u d-distribuzzjonijiet) li jiżguraw li l-massa ta’ l-imla ta’ l-għargħar u l-massa tad-distribuzzjoni huma rrappreżentati b’mod korrett;
|
|
3.2.5.
|
il-karatteristiċi tal-moviment tal-vapur attwali għandhom ikunu mudellati sew, b’attenzjoni partikolari għat-tolleranza intatta tal-GM u r-radji tat-tidwir fil-moviment tal-ġirazzjoni minn ġenb għal ġenb u mill-pruwa għall-poppa. Iż-żewġ radji għandhom jiġu mkejla u jkunu fil-firxa ta’ bejn 0.35B sa 0.4B għall-moviment ta’ ġirazzjoni minn ġenb għal ġenb, u 0.2LOA sa 0.25LOA għall-moviment ta’ ġirazzjoni mill-pruwa għall-poppa;
|
|
3.2.6.
|
il-karatteristiċi ewlenin tad-disinn bħal paratiji li minnhom ma jgħaddix ilma, rilaxx ta’ l-arja, eċċ., fuq u taħt il-gverta tal-paratija li jistgħu jirriżultaw f’għargħar asimmetriku għandhom ikunu mmudellati sew kemm jista’ jkun prattikabbli biex jirrappreżentaw is-sitwazzjoni reali. L-arranġamenti tal-ventilazzjoni u għargħar minn naħa għall-oħra għandhom jinbnew b’sezzjoni trasversali minima ta’ 500 mm2;
|
|
3.2.7.
|
l-għamla tal-fetħa tal-ħsara għandha tkun kif ġej:
1.
profil trapeżoidali bil-ġenb immejjel 15° mal-vertikal u l-wisa’ fil-linja ta’ l-ilma skond id-disinn definit skond ir-regolament ta’ SOLAS II-1/8.4.1;
2.
profil ta’ triangolu isosceles fil-pjan orizzontali bl-għoli daqs B/5 skond ir-regolament ta’ SOLAS II-1/8.4.2. Jekk il-casings tal-ġenb huma armati ġewwa l-B/5, it-tul bil-ħsara ħdejn il-casings tal-ġenb m’għandux inkun inqas minn 25 mm;
3.
minkejja d-dispożizzjonijiet tas-subparagrafi 3.2.7.1 u 3.2.7.2 hawn fuq, il-kompartimenti kollha meħuda bħala danneġġjati fil-kalkolu tal-każ(ijiet) ta’ l-agħar ħsara kif imsemmi fil-paragrafu 3.1 għandhom jiġu mgħarrqa fit-testijiet mudell;
|
|
|
3.3.
|
Il-mudell fil-kondizzjoni ta’ l-ekwilibriju mgħarraq għandu jkun immejjel minn angolu addizzjonali li jikkorrispondi għal dak indott mill-mument tal-mejl Mh = max (Mpass; Mlaunch)-Mwind, iżda fl-ebda każ il-mejl finali ma għandu jkun inqas minn 1o lejn il-ħsara. Mpass, Mlaunch and Mwind huma kif speċifikat fir-regolament ta’ SOLAS II-1/8.2.3.4. Għall-vapuri eżistenti dan l-angolu jista’ jittieħed bħala 1o.
|
4. Il-proċedura għall-esperimenti
|
4.1.
|
Il-mudell għandu jiġi ttestjat f’triq tal-baħar irregolari b’mewġa twila għamla ta’ għalla ddefinita mill-ispettru JONSWAP b’għoli sinjifikanti tal-mewġ HS, fattur ta’ l-aqwa titjib γ = 3.3 u l-aqwa perjodu
 . HS huwa l-għoli tal-mewġ sinjifikanti għall-arja ta’ l-operazzjoni, li mhuwiex eċċedut bi probabbiltà ta’ aktar minn 10 % fuq bażi ta’ kull sena, iżda llimitat għal massimu ta’ 4 m.
Barra minn dan,
|
4.1.1.
|
il-wisa’ tat-tank għandu jkun biżżejjed li jiġi evitat kuntatt jew interazzjoni oħra mal-ġnub tat-tank u huwa rrakkomandat li ma jkunx inqas minn LBP + 2 m;
|
|
4.1.2.
|
il-fond tat-tank għandu jkun biżżejjed għal mudellar tajjeb tal-mewġ iżda m’għandux ikun inqas minn 1 m;
|
|
4.1.3.
|
biex tintuża realizzazzjoni tal-mewġ rappreżentattiva, il-kejl għandu jsir qabel it-test fi 3 postijiet differenti fil-firxa tal-moviment tal-kurrent;
|
|
4.1.4.
|
is-sonda tal-mewġ l-eqreb għall-magna li tagħmel il-mewġ għandha tinsab fil-pożizzjoni fejn jinsab il-mudell meta jibda t-test;
|
|
4.1.5.
|
il-varjazzjoni f’HS u TP għandha tkun fil-firxa ta’ ± 5 % għat-tliet postijiet; u
|
|
4.1.6.
|
matul it-testijiet, għall-għanijiet ta’ approvazzjoni, għandha tkun permessa tolleranza ta’ 2,5 % f’HS, ±2,5 % f’ TP u ± 5 % f’ TZ b’riferenza għas-sonda li hija l-eqreb għall-magna li tagħemel il-mewġ.
|
|
|
4.2.
|
Il-mudell għandu jkun ħieles li jimxi mal-kurrent u jitqiegħed bil-baħar għaż-żaqq (iħares 90°) bit-toqba tal-ħsara li tiffaċċja l-mewġ li ġej, bl-ebda sistema ta’ rmiġġ imwaħħla permanenti mal-mudell użat. Biex tinżamm direzzjoni tal-baħar għaż-żaqq ta’ madwar 90° matul it-test mudell, għandhom jiġu sodisfatti dawn ir-rekwiżiti li ġejjin:
|
4.2.1.
|
il-linji tal-kontroll tad-direzzjoni, maħsuba għall-aġġustament minuri, għandhom jinsabu fil-linja ċentrali tal-linja ċentrali u l-poppa, b’mod simmetriku u fuq livell bejn il-pożizzjoni ta’ KG u l-linja ta’ l-ilma bil-ħsara; u
|
|
4.2.2.
|
il-veloċità tal-ġarr għandha tkun daqs il-veloċità attwali tal-moviment tal-mewġ tal-mudell bl-aġġustament tal-veloċità magħmula meta jkun meħtieġ.
|
|
|
4.3.
|
Għandhom isiru għall-inqas 10 esperimenti. Il-perjodu tat-test għal kull esperiment għandu jkun idum tant li jintlaħaq stat ta’ waqfa, iżda mhux inqas minn 30 minuta fi skala sħiħa. Għandha tintuża sensiela ta’ realizzazzjoni ta’ mewġ differenti għal kull esperiment.
|
5. Il-kriterji tas-sopravivenza
Il-vapur għandu jitqies sopraviventi jekk jintlaħaq stat ta’ waqfa fil-provi suċċessivi tat-test kif meħtieġ mill-paragrafu 4.3. Il-mudell għandu jitqies li nqeleb jekk ikun hemm l-angolu tal-mejl minn ġenb għall-ieħor ta’ aktar minn 30° kontra l-assi vertikali jew inklinazzjoni (medja) mingħajr moviment ta’ aktar minn 20° għal perjodi ta’ aktar minn 3 minuti fi skala sħiħa, ukoll jekk jintlaħaq stat ta’ waqfien.
6. Id-dokumentazzjoni tat-test
|
6.1
|
Il-programm tat-test mudell għandu jiġi approvat mill-Amministrazzjoni minn qabel.
|
|
6.2.
|
It-testijiet għandhom jiġu ddokumentati permezz ta’ rapport u vidjo jew rekords oħrajn viżwali li fihom l-informazzjoni kollha rilevanti dwar il-mudell u r-riżultati tat-test, li għandhom jiġu approvati mill-Amministrazzjoni. Dawn għandhom jinkludu, bħala minimu, il-ispettri tal-mewġ teoretiċi u mkejla u l-istatistiċi tagħhom (HS, TP, TZ) ta’ l-elevazzjoni tal-mewġ fit-3 postijiet differenti fit-tank għal realizzazzjoni rappreżentattiva, u għat-testijiet bil-mudell, is-serje ta’ ħin ta’ l-istatistiċi ewlenin ta’ l-elevazzjoni tal-mewġ imkejla qrib il-magna li tagħmel il-mewġ u r-rekords tal-moviment mudell tar-rotazzjoni minn ġenb għall-ieħor, ta’ l-għoli tal-pruwa u tar-rotazzjoni mill-pruwa għall-poppa, u tal-veloċità tal-moviment tal-kurrent.
|
▼B
ANNESS II
IL-LINJI GWIDI INDIKATTIVI GĦALL-AMMINISTRAZZJONIJIET NAZZJONALI KIF IMSEMMI
fl-artikolu 6(3)
L-EWWEL PARTI
L-APPLIKAZZJONI
F'linja mad-dispożizzjonijiet ta' l-Artikolu 6(3) ta' din id-Direttiva, dawn il-linji gwida għandhom jintużaw mill-amministrazzjonijiet nazzjonali ta' l-Istati Membri meta japplikaw il-
►C1
rekwiżiti speċifiċi tal-istabbiltà ◄ ddikjarati fl-Anness I, safejn u sakemm dan ikun prattikabbli u kompatibbli mad-disinn tal-vapur fil-kwistjoni. In-numri tal-paragrafi li jidhru hawn taħt jikkorrispondu għal dawk fl-Anness I.
Il-Paragrafu 1
Bħalsa l-ewwel pass il-vapuri ro-ro kollha tal-passiġġieri imsemmija fl-Artikolu 3(1) ta' din id-Direttiva jridu jikkonformaw ma' l-istandard tas-SOLAS 90 ta' l-istabbiltà residwali kif tapplika għall-vapuri kollha tal-passiġġieri mibnija fid-29 ta' April 1990 jew wara. Hija l-applikazzjoni ta' din il-ħtieġa li tiddefinixxi l-ipazju residwali (fr), meħtieġ għall-kalkolu meħtieġ fil-paragrafu 1.1.
Il-Paragrafu 1.1
1. Dan il-paragrafu jindirizza l-applikazzjoni ta' ammont ipotetiku ta' l-ilma akkumlat fuq il-gverta (tar-ro-ro) tal-paratija. L-ilma huwa preżunt li jkun daħal fil-gverta permezz ta' ftuħ magħmul bil-ħsara. Dan il-paragrafu jeħtieġ illi l-vapur, b'żieda mal-konforma mal-ħtiġiet sħaħ ta' l-istandard tas-SOLAS 90, jissokta jikkonforma ma' dik il-parti tal-kriterji tas-SOLAS 90 li jinsabu fil-punti minn 2.3 sa 2.3.4 tar-Regolament II-1/B/8 bl-ammont ddefinit ta' l-ilma fuq il-gverta. Għal dan il-kalkolu ma hemm għalfejn jitqiesu l-ebda ħtiġiet oħra tar-Regolament II-1/B/8. Per eżempju, għal dan il-kalkolu, il-vapur ma għandux għalfejn jikkonforma mal-ħtiġiet dwar l-angoli ta' l-ekwilibrija u n-nuqqas ta' għadis tal-linja tal-marġini.
2. L-ilma akkumulat jiġi miżjud bħala tagħbija likwida b'wiċċ komuni wieħed ġewwa l-kompartimenti kollha li jkunu preżunti mgħaddra fuq il-gverta tal-karozzi. Il-għoli (hw) ta' l-ilma fuq il-gverta jiddependi mill-ispazju ħieles residwali (fr) wara l-ħsara u jitkejjel permezz tal-ħsara (ara l-Figura 1). L-ispazju ħieles residwali huwa d-distanza minima bejn il-gverta ro-ro bil-ħsara u l-linja finali tal-baħar mal-vapur (wara l-miżuri ta' egwalizzazzjoni, jekk jittieħdu minnhom) permezz tal-ħsara preżunta wara li jiġu eżaminati x-xenarji kollha possibbli tal-ħsara waqt li tkun qiegħda tiġi stbbilita l-konformità ma' l-istandard tas-SOLAS 90 kif meħtieġ fil-paragrafu 1 ta' l-Anness I. Ma għandu jitqies l-ebda effett tal-volum ipotetiku ta' l-ilma preżunt li jkun ġie akkumulat fuq il-gverta ro-ro bil-ħsara meta jkun qiegħed jiġi kkalkola il-fr.
3. Jekk il-fr huwa ta' 2,0 m jew iktar, jiġi preżunt li ma jkun akkumula l-ebda ilma fuq il-gverta ro-ro. Jekk il-fr huwa ta' 0,3 m jew inqas, allura l-għoli hw jiġi preżunt li jkun ta' 0,5 m. Il-għoli intermedju jinkiseb bl-interpolazzjoni lineari (are l-figura 2).
Il-Paragrafu 1.2
Il-mezzi sabiex ineħħu l-ilma jistgħu jiġu kkunsidrati biss bħala effettivi jekk dawn il-mezzi jkunu ta' kapaċità li jipprevjienu milli jakkumulaw ammonti kbar ta' l-ilma fuq il-gverta, jiġifieri ħafna eluf ta' tunnellati metriċi kull siegħa li huwa 'l bogħod ħafna mill-kapaċitajiet imgħammra fiż-żmien ta' l-adozzjoni ta' dawn ir-regolamenti. Sistemi ta' effikaċja għolja bħal dawn jistgħu jiġu żviluppati u approvati fil-futur (imsejsa fuq il-linji gwida li jridu jiġu żviluppati mill-Organizzazzjoni Internazjonli Marittima).
Il-Paragrafu 1.3
1. L-ammont ta' l-ilma akkumulat preżunt fuq il-gverta, b'żieda ma' kull tnaqqis skond il-paragrafu 1.1, jista' jitnaqqas għall-ħidmiet f'żoni ristretti ddefiniti geografikament. Dawn iż-żoni huma ddenominati skond il-għoli sinifikanti tal-mewġ (hs) li jiddefinixxu ż-żona f'linja mad-dispożizzjonijiet ta' l-Artikolu 5 ta' din id-Direttiva.
2. Jekk il-għoli sinifikanti tal-mewġ (hs), fiż-żona interessata, huwa ta' 1,5 m jew inqas, allura jiġi preżunt illi ma jkun akkumula l-ebda ilma addizzjonali fuq il-gverta ro-ro bil-ħsara. Jekk il-għoli sinifikanti tal-mewġ fiż-żona interessata huwa 4,0 m jew iktar, allura il-għoli ta' l-ilma akkumulat preżunt għandu jkun il-valur ikkalkolat skond il-paragrafu 1.1. Il-valuri intermedji li jridu jiġu kkalkolati bl-interpolazzjoni lineari (ara l-figura 3).
3. Il-għoli hw jinżamm kostanti, għalhekk l-ammont ta' l-ilma miżjud huwa varjabbli billi jkun dipendenti fuq l-angolu tal-mejl u sewwa jekk f'angolu partikolari tal-mejl it-tarf tal-gverta jkun taħt l-ilma u sewwa jekk le (ara l-figura 4). Għandu jiġi nnotat illi il-permeabbiltà preżunta ta' l-ispazji fuq il-gverta tal-karozzi trid tittieħed bħala 90 % (kif imsemmi fiċ-Ċirk. MSC 649), fil-waqt li l-permeabbiltajiet ta' l-ispazji migħaddra l-oħra huma dawk stabbiliti fil-Konvenzjoni tas-SOLAS.
4. Jekk il-kalkoli sabiex juru l-konformità ma' din id-Deċiżjoni jkollhom x'jaqsmu ma' għoli sinifikanti tal-mewġ inqas minn 4,0 m dan il-għoli sinifikanti tal-mewġ li jirrestrinġi jrid jiġi rreġistrat fuq iċ-ċertifikat tas-siġurtà tal-vapur tal-passiġġieri tal-vapur.
Il-Paragrafi 1.4 u 1.5
Bħala alternattiva għall-konforma mal-ħtiġiet ġodda dwar l-istabbiltà fil-paragrafi 1.1 jew 1.3 amministrazzjoni tista' taċċetta prova tal-konformità permezz tat-testijiet mudell. Il-ħtiġiet tat-testijiet mudell huma ddettaljati fl-Appendiċi ma' l-Annes I. In-noti ta' gwida dwar it-testijiet mudell jinsabu fil-Tieni Parti ta' dan l-Anness.
Il-Paragrafu 1.6
L-istandard tas-SOLAS 90 idderivat konvenzjonalment li jillimta l-kurva/i (KG jew GM) jistgħu ma jibqgħux applikabbli fil-każijiet meta jiġi preżunt “l-ilma fuq il-gverta” taħt it-termini ta' din id-Direttiva u jista' jkun jeħtieġ li tiġi stabbilta kurva jew jiġu stabbiliti kurvi li jqisu l-effetti ta' dan l-ilma miżjud. Għal dan l-effett iridu jitwettqu kalkoli biżżejjed li jikkorrispondu ma' numru adegwat ta' ħidmiet dwar kemm ikun fond il-vapur fl-ilma u t-trimmjatura.
Nota:
Il-Kurvi rriveduti KG/GM li jillimtaw il-ħidma jistgħu jiġi dderivati bl-iterazzjoni fejn l-eċċess minimu GM li jirriżulta mill-kalkoli dwar l-istabbiltà jiġi miżjud ma' l-input KG (jew imnaqqas mill-KG) użat sabiex jistabbilixxi l-ispazjijiet ħielsa (fr), li fuqhom ikunu msejsa l-kwantitajiet ta' l-ilma fuq il-gverta, b'dan il-proċess jiġi mtenni sakemm l-eċċess GM isir negliġibbli.
Huwa antiċipat illi l-operaturi jibdew din l-iterazzjoni bil-massimu KG/minimu GM li jista' jiġi sostnut raġjonevolment fis-servizz u jfittxu li jimmanipulaw l-arranġament tal-paratija tal-gverta li jirriżulta sabiex jimminimizzaw l-eċċess GM idderivat mill-kalkoli ta' l-istabbiltà tal-ħsara bl-ilma fuq il-gverta.
Il-Paragrafu 2.1
Rigward il-ħtiġiet tal-ħsara tas-SOLAS konvenzjonali il-paratiji 'il ġewwa mil-linja B/5 jiġu kkunsidrati intatti fil-każ ta' ħsara minn kolliżjoni fuq il-ġenb.
Il-Paragrafu 2.2
Jekk jiġu mwaħħla sporġaturi strutturali mal-ġenb sabiex jgħinu l-konforma mar-Regolament II-1/B/8, u bħala konsegwenza jkun żieda fil-wisa' (B) tal-vapur u b'hekk id-distanza B/5 tal-vapur, din il-modifika ma għandha tikkawża r-rilokazzjoni ta' l-ebda parti strutturali eżistenti jew ta' penetrazzjonijiet eżistenti fil-paratiji transversali prinċipali li minnhom ma jistax jgħaddi l-ilma taħt il-gverta tal-paratiji (are l-fiġura 5).
Il-Paragrafu 2.3
1. Il-paratiji/ostakoli transversali jew lonġitudinali li jkunu mwaħħla u jitqiesu sabiex jikkonfinaw il-moviment ta' l-ilma akkumulat preżunt fuq il-gverta ro-ro bil-ħsara ma għandux ikun strettament li “ma jħallux l-ilma jgħaddi”. Jistgħu jiġu permessi ammonti żgħar ta' tnixxija bla ħsara għad-dispożizzjonijiet tat-tneħħija ta' l-ilma jkunu kapaċi jipprevjienu akkumulazzjoni ta' l-ilma fuq “in-naħa l-oħra” tal-paratija/ostakolu. F'dawn il-każijiet meta t-toqob mal-ġenb tal-vapur biex l-ilma joħroġ għal fuq il-gverta ma jibqgħux jaħdmu b'riżultat tat-telf tad-differenza pożittiva tal-livelli ta' l-ilma, iridu jiġu pprovvduti mezzi oħra ta' drenaġġ passiv.
2. Il-għoli (Bh) tal-paratiji/ostakoli transversali u lonġitudonali għandhom ikunu mhux inqas minn (8 x hw) metri, fejn il-hw huwa l-għoli ta' l-ilma akkumulat kif ikkalkolat bl-applikazzjoni ta' l-ispazju ħieles residwali u l-għoli sinifikanti tal-mewġ (kif imsemmi fil paragrafi 1.1 u 1.3). Madankollu, fl-ebda każ il-għoli tal-paratija/ostakolu ma jrid ikun inqas minn dak li hu l-ikbar minn:
(b)
il-għoli bejn il-gverta tal-paratiji u l-punt iktar baxx ta' l-istruttura tan-naħa ta' taħt tal-gverti intermedji jew li jiddendlu, meta dawn ikunu fil-pożizzjoni mniżżla. Għandu jiġi nnotat illi kull spazju bejn ix-xifer ta' fuq tal-paratija u n-naħa ta' taħt tal-pjanċi jrid ikun “ippjanċat” fid-direzzjoni transverali jew lonġitudonali kif xieraq (ara l-figura 6).
Jistgħu jiġu aċċettati paratiji/ostakoli b'għoli inqas minn dak speċifikat hawn fuq jekk it-testijiet mudell jitwettqu skond it-Tieni Parti ta' dan l-Anness sabiex jikkonfermaw illi d-disinn alternattiv jiżgura l-istandard xieraq tal-kapaċità tas-sopravivenza. Teħtieġ l-attenzjoni meta jkun qiegħed jiġi ffissat il-għoli tal-paratija/ostakolu hekk illi l-għoli għandu jkun ukoll biżżejjed sabiex jipprevjieni l-għargħar progrssiv ġewwa l-firxa meħtieġa ta' l-istabbiltà. Din il-firxa ma għandiex tiġi ppreġudikata mit-testijiet mudell.
Nota:
Il-firxa tista' tiġi mnaqqsa b'10 gradi sakemm iż-żona korrispondenti taħt il-kurva tiġi miżjuda (kif imsemmi fil-MSC 64/22).
Il-Paragrafu 2.5.1
Iż-żona “A” għandha x'taqsam mal-fetħiet permanenti. Għandu jiġi nnotat illi l-għażla tal-“fetħiet għall-ħelsien ta' l-ilma” mhix tajba għall-vapuri li jeħtieġu l-galleġġjment ta' parti mis-sovrastruttura jew tas-sovrastruttura kollha sabiex tissodisfa l-kriterji. Din il-ħtieġa hija li l-fetħiet għall-ħelsien ta' l-ilma jrid ikollhom purtelli li jingħalqu mwaħħla magħhom sabiex jipprevjienu li jidħol l-ilma, imma li jħalli l-ilma jiskula.
Il-purtelli ma jridux jidependu minn mezzi attivi. Iridu jaħdmu minnhom infushom u jrid jiġi muri i;li ma jirrestrinġux il-ħruġ ta' l-ilma bi grad sinifikanti. Kull tnaqqis sinifikanti fl-effikaċja jrid jiġi kkumpensat b'fetħiet addizzjonali sabiex tinżamm iż-żona meħtieġa.
Il-Paragrafu 2.5.2
Sabiex il-fetħiet għall-ħelsien ta' l-ilma jiġu kkunsidrati effettivi, id-distanza minima mix-xifer ta' isfel tal-fetħa tal-ħelsien mill-ilma sal-linja tal-baħar bil-ħsara għandha tkun ta' mill-inqas 1,0 m.
Il-Paragrafu 2.5.3
Il-fetħiet għall-ħelsien ta' l-ilma jridu jkunu lokati fil-baxx kemm jista' jkun fil-paratija tal-ġenb jew il-pjanċi tal-qoxra. Ix-xifer ta' isfel tal-fetħiet tal-ħelsien ta' l-ilma ma jridux ikunu ogħla minn 2 ċm 'l fuq mill-gverta tal-paratiji u x-xifer ta' fuq tal-fetħa ma jridx ikun ogħla minn 0,6 m (ara l-figura 8).
Nota:
L-ispazji li għalihom japplika l-paragrafu 5, jiġifieri dawk l-ispazji li jkun fihom il-fetħiet għall-ħelsien ta' l-ilma jew fetħiet bħalhom, ma għandhomx jiġu inklużi bħala spazji intatti fid-derivazzjoni tal-kurvi ta' l-istabbiltà intatta u ta' bil-ħsara.
Il-Paragrafu 2.6
1. Il-kobor statutorju tal-ħsara jrid jiġi applikat mat-tul tal-vapur. Jiddependi mill-istandard tas-subdiviżjoni, il-ħsara tista' ma taffettwa l-ebda paratija jew tista' taffettwa paratija taħt il-gverta tal-paratiji jew biss il-paratija 'l fuq mill-gverta tal-paratiji jew għaqdiet varji ta' dawn.
2. Il-paratiji/ostakoli kollha transversali jew lonġitudonali li jirrestrinġu l-ammont preżunt akkumulat ta' l-ilma jridu jkunu f'posthom u marbuta sewwa l-ħin kollu meta l-vapur ikun fuq il-baħar.
3. F'dawk il-każijiet meta l-paratija/ostakolu transversali tiġrilhom il-ħara l-ilma akkumulat fuq il-gverta għandu jkollu livell komuni tal-wiċċ fuq iż-żewġ naħat tal-paratija/ostakolu bil-ħsara fil għoli hw (ara l-figura 9).
▼M1
PARTI II
IT-TESTIJIET MUDELL
L-għan ta’ dawn il-linji gwida huwa li jiżguraw l-uniformità fil-metodi wżati fil-kostruzzjoni u fil-verifika tal-mudell kif ukoll fit-twettiq u fl-analiżi tat-testijiet mudell.
Il-kontenut tal-paragrafi 1 u 2 ta’ l-Appendiċi ta’ l-Anness I jitqiesu li jispjegaw lilhom infushom
Il-Paragrafu 3 — il-Mudell tal-Vapur
|
3.1.
|
Il-materjal li minnhu huwa magħmul il-mudell mhuwiex importanti fih innifsu, kemm-il darba l-mudell kemm fil-kondizzjoni intatta kif ukoll dik bil-ħsara jkun riġidu biżżejjed li jiżgura li l-kwalitajiet idrostatiċi tiegħu huma l-istess bħal dawk tal-vapur attwali u wkoll li r-reazzjoni flessurali tal-buq fil-mewġ hija negliġibbli.
Huwa wkoll importanti li jiġi żgurat li l-kompartimenti bil-ħsara huma mmudellati preċiż kemm jista’ jkun prattikabbli, sabiex jiġi żgurat li jkun irrappreżentat il-volum korrett ta’ ilma ta’ l-għargħar.
Ladarba d-dħul ta’ l-ilma (ukoll ammonti żgħar) fil-partijiet intatti tal-mudell se jaffettwa l-imġiba tiegħu, għandhom jittieħdu miżuri sabiex jiġi żgurat li dan id-dħul ma jseħħx.
Fit-testijiet mudell li jinvolvu l-agħar ħsarat ta’ SOLAS ħdejn it-truf tal-vapur, ġie osservat li l-għargħar progressiv ma kienx possibbli minħabba t-tendenza ta’ l-ilma fuq il-gverta li jakkumula ħdejn il-ftuħ tal-ħsara u għalhekk jiskula ’l barra. Minħabba li dawn il-mudelli kienu kapaċi jissopravivu stati ta’ baħar għoli ħafna, filwaqt li nqelbu fi stati ta’ baħar inqas baxx bi ħsarat ta’ SOLAS inqas onerużi, ’il bogħod mit-truf, ġie introdott il-limitu ta’ ± 35 % sabiex dan jiġi mrażżan.
Ir-riċerka estensiva li saret sabiex jiġu żviluppati kriterji xierqa għal vapuri ġodda wriet b’mod ċar li minbarra li l-GM u l-ispazju ħieles huma parametri importanti fl-abbiltà tal-vapuri tal-passiġġieri jissopravivu, l-erja taħt il-kurva ta’ l-istabbiltà residwali hija fattur ewlieni ieħor. Għalhekk, fl-għażla ta’ l-agħar ħsara taħt SOLAS għall-ħarsien tar-rekwiżit tal-paragrafu 3.1, l-agħar ħsara għandha tittieħed bħala dik li tagħti l-inqas erja taħt il-kurva ta’ l-istabbiltà residwali.
|
|
3.2.
|
Id-dettalji tal-mudell
|
3.2.1.
|
Meta jiġi rikonoxxut li l-effetti ta’ skala għandhom rwol importanti fl-imġiba tal-mudell matul it-testijiet, huwa importanti li jiġi żgurat li dawn l-effetti huma minimizzati kemm jista’ jkun prattikabbli. Il-mudell għandu jkun kbir kemm jista’ jkun ladarba d-dettalji tal-kompartimenti bil-ħsara huma aktar faċilment mibnija f’mudelli akbar u b’hekk jitnaqqsu l-effetti ta’ l-iskala. Għalhekk huwa meħtieġ li t-tul tal-mudell mhuwiex inqas minn dak li jikkorrispondi għall-akbar bejn skala ta’ 1:40 u 3 m.
Instab matul it-testijiet li l-kobor vertikali tal-mudell jista’ jaffettwa r-riżultati meta jiġi ttestjat dinamikament. Għalhekk huwa meħtieġ li l-vapur huwa mmudellat għal mhux inqas minn tliet tulijiet standard fuq l-istruttura ’l fuq mill-gverta tal-paratija (l-ispazju ħieles) sabiex il-mewġ kbir tas-sensiela tal-mewġ ma jaqsmux il-mudell.
|
|
3.2.2.
|
Il-mudell f’termini ta’ ħsara assunta għandu jkun irqiq kemm jista’ jkun possibbli fil-prattika biex jiġi żgurat li l-ammont ta’ ilma ta’ l-għargħar u ċ-ċentru tal-gravità tiegħu huma rrappreżentati b’mod xieraq. Il-ħxuna tal-buq m’għandhiex tkun aktar minn 4 mm. Huwa rikonoxxut li jista’ ma jkunx possibbli li l-buq mudell u l-elementi tas-subdiviżjoni primarji u sekondarji f’termini ta’ ħsara jiġu mibnija b’dettall biżżejjed u minħabba dawn il-limitazzjonijiet fil-kostruzzjoni jista’ ma jkunx possibbli li tiġi kkalkolata bil-preċiż il-permeabbiltà assunta ta’ l-ispazju.
|
|
3.2.3.
|
Huwa importanti li mhux biss jiġi vverifikat il-fond fl-ilma fil-kondizzjoni intatta, iżda wkoll li l-fond fl-ilma tal-mudell danneġġjat jitkejjel sew għall-korrelazzjoni ma’ dawk derivati mill-kaloklu ta’ l-istabbiltà waqt il-ħsara. Għal raġunijiet prattiċi hija aċċettata tolleranza ta’ + 2 mm fi kwalunkwe fond fl-ilma.
|
|
3.2.4.
|
Wara li jitkejjel il-fond fl-ilma waqt il-ħsara jista’ jinsab meħtieġ li jsiru aġġustamenti għall-permeabbiltà tal-kompartiment bil-ħsara jew bl-introduzzjoni tal-volumi intatti jew biż-żjieda tal-piżijiet. Iżda huwa importanti wkoll li jiġi żgurat li ċ-ċentru tal-gravità ta’ l-ilma ta’ l-għargħar huwa rrappreżentat b’mod ċar. F’dan il-każ kwalunkwe aġġustament li jsir għandu jkun jiffavorixxi s-sigurtà.
Jekk il-mudell ikun jeħtieġ li jitwaħħlu miegħu ostakoli fuq il-gverta u l-ostakoli jkunu inqas mill-għoli tal-paratija indikat hawn taħt, il-mudell irid jiġu mgħammar b'CCTV sabiex kull “titjir” u kull akkumulazzjoni ta' l-ilma fuq iż-żona mingħajr ħsara jkunu jistgħu jiġu mmonitorjati. F'dan il-każ, reġistrazzjoni bil-vidjo ta' l-okkażjoni trid tagħmel parti mir-rekords tat-test.
L-għoli tal-paratiji trasversali jew lonġitudinali li huma meqjusa bħala effettivi biex jikkonfinaw l-ilma baħar li huwa assunt li ġie akkumulat fil-kompartiment ikkonċernat fil-gverta ro-ro bil-ħsara għandu jkun ta’ mhux inqas minn 4 m kemm-il darba l-għoli ta’ l-ilma huwa inqas minn 0,5 m. F’dan il-każ l-għoli tal-paratija jista’ jiġi kkalkolat skond dan li ġej:
Bh = 8hw
fejn Bh huwa l l-għoli tal-paratija; u
hw huwa l-għoli ta’ l-ilma.
Fi kwalunkwe każ, l-għoli minimu tal-paratija għandu jkun mhux inqas minn 2,2 m. Madankollu fil-każ ta’ vapur bil-gverti mdendla tal-karozzi, l-għoli minimu tal-paratija għandu jkun mhux inqas mill-għoli sal-parti ta’ taħt tal-gverta mdendla tal-karozza meta tkun fil-pożizzjoni mbaxxija.
|
|
3.2.5.
|
Sabiex jiġi żgurat illi l-karatterstiċi tal-moviment tal-mudell jirrappreżentaw lil dawk tal-vapur attwali huwa importanti illi l-mudell jiġi inklinat kif ukoll irrolljat fil-kondizzjoni intatta hekk illi jiġu vverifikati l-GM intatt u d-distribuzzjoni tal-massa. Id-distribuzzjoni tal-massa għandha titkejjel fl-arja. Ir-radju trasversali tal-girazzjoni tal-vapur attwali għandu jkun fil-firxa bejn 0,35B sa 0,4B u r-radju lonġitudinali tal-girazzjoni għandu jkun fil-firxa bejn 0,2L sa 0,25L.
Nota: Waqt li l-mudell fil-kondizzjoni ta' ħsara li jkun qiegħed jinklina u jirrolja jista' jiġi aċċettat bħala kontroll bl-għan li tiġi stabbilita l-kurva ta' l-istabbiltà residwali, dawn it-testijiet m’għandhomx jiġu aċċettati minflok it-testijiet intatti.
|
|
3.2.6.
|
Huwa assunt illi l-ventilaturi tal-kompartiment bil-ħsara tal-vapur attwali jkunu adegwati għal għargħar bla xkiel u l-moviment ta' l-ilma tal-għargħar. Madankollu, filwaqt li wieħed ikun qiegħed jipprova jnaqqas l-arranġamenti tal-ventilazzjoni tal-vapur attwali jistgħu jiġu introdotti effetti mhux mixtieqa fil-mudell. Sabiex jiġi żgurat li ma jiġrix dan, huwa rrakkommandat li jinbnew arranġamenti tal-ventilazzjoni fi skala ikbar minn dik tal-mudell, filwaqt li jiġi żgurat illi dan ma jaffettwax il-moviment ta' l-ilma fuq il-gverta tal-karozzi.
|
|
3.2.7.
|
Jitqies xieraq li tiġi kkonsidrata għamla ta’ ħsara rappreżentattiva ta’ sezzjoni trasversali tal-vapur li jolqot fir-reġjun tal-pruwa. L-angolu ta’ 15° huwa bbażat fuq studju tas-sezzjoni trasversali f’distanza ta’ B/5 mill-pruwa għal għażla rappreżentattiva ta’ vapuri ta’ tipi u daqsijiet differenti.
Il-profil triangolari isosceles ta’ l-għamla priżmatika tal-ħsara huwa dak li jikkorrispondi għal-linja ta’ l-ilma meta mgħobbi.
Barra minn dan, meta jiġu mwaħħla l-casings ta' mal-ġnub ta' wisa' inqas minn B/5 u sabiex jiġi evitat kull effett possibbli ta’ l-iskala, it-tul tal-ħsara f'dawk li huma l-casings tal-ġnub ma jridx ikun inqas minn 25 mm.
|
|
|
3.3.
|
Fil-metodu tat-test mudell oriġinali tar-riżoluzzjoni 14 tal-Konferenza ta’ SOLAS 1995 l-effett tal-mejl indott mill-mument massimu dderivat minn kwalunkwe ffollar tal-passiġġieri, twaddib tad-dgħajjes ta’ salvataġġ, riħ u tidwar ma ma ġiex meqjus għalkemm dan l-effett kien parti minn SOLAS. Ir-riżultati minn investigazzjoni wrew, madankollu, li jkun prudenti li jitqiesu dawn l-effetti u li jinżamm il-minimu ta’ mejl ta’ 1° lejn il-ħsara għal skopijiet prattiċi. Għandu jiġi nnutat li l-mejl minħabba t-tidwir tqies li mhuwiex rilevanti.
|
|
3.4.
|
Fil-każijiet fejn hemm marġinu fil-GM fil-kondizzjonijiet attwali ta’ tagħbija mqabbla mal-kurva GM li tillimita (derivata minn SOLAS 90), l-Amministrazzjoni tista’ taċċetta li jittieħed vantaġġ minn dan il-marġinu fit-test mudell. F’dawn il-każijiet il-kurva GM li tillimita għandha tiġi aġġustata. Dan l-aġġustament jista’ jsir kif ġej:
d = dS–0,6 (dS–dLS)
fejn: dS huwa l-fond fl-ilma tas-subdiviżjoni; u dLS huwa l-fond fl-ilma tal-bastiment ankrat.
Il-kurva aġġustata hija linja dritta bejn il-GM użat fit-test mudell fil-fond ta’ l-ilma tas-subdiviżjoni u l-intersezzjoni tal-fond ta’ l-ilma oriġinali ta’ SOLAS 90, d.
|
Il-Paragrafu 4 — Il-Proċedura għall-esperimenti
4.1. L-ispettri tal-mewġ
L-ispettru ta’ JONSWAP għandu jintuża għaliex dan jiddeskrivi l-ibħra b’tul limitat u b’dewmien limitat li jikkorrispondu mal-maġġoranza tal-kondizzjonijiet fid-dinja kolha. F'dan ir-rigward huwa importanti mhux biss li jiġi vverifikat l-aqwa perjodu taż-żmien tas-sensiela tal-mewġ imma wkoll illi jkun korrett il-perjodu taż-żmien ta' l-inkroċjatura żero.
Huwa meħtieġ li għal kull test, l-ispettru tal-mewġ huwa rrekordjat u ddokumentat. Il-kejl għandu jittieħed ħdejn is-sonda tal-mewġ li hija l-aktar qrib il-magna li tagħmel il-mewġ.
Huwa wkoll meħtieġ li l-mudell iġorr strumenti sabiex jiġu mmonitorjati u rreġistrati l-movimenti tiegħu (il-mejl, il-għoli tal-pruwa u l-għadsa tal-pruwa) kif ukoll l-imġiba tiegħu (fil-mejl, fil-għads u fit-trimmjatura) matul it-test kollu.
Instab illi mhux prattiku li jiġu ffissati l-limiti assoluti għal għoli sinjifikanti tal-mewġ, għall-aqwa perjodi u għall-perjodi ta' l-inkroċjatura żero ta' l-ispettri tal-mewġ tal-mudell. Għalhekk, ġie introdott marġinu aċċettabbli.
|
4.2.
|
Sabiex tiġi evitata interferenza tas-sistema ta’ l-irmiġġ mad-dinamiċi tal-vapur, il-karretta ta’ l-irmonk (li miegħu hija mwaħħla s-sistema ta’ l-irmiġġ) għandha ssegwi l-mudell fil-veloċità attwali tal-moviment tiegħu mal-kurrent. Fi stat ta’ baħar b’mewġ irregolari, il-veloċità tal-moviment tal-kurrent ma tkunx kostanti; veloċità kostanti tal-karretta tirriżulta fi frekwenza baxxa, oxxillazzjonijiet kbar ta’ amplitudni tal-moviment tal-kurrent, li jistgħu jaffettwaw l-imġiba tal-mudell.
|
|
4.3.
|
Huwa meħtieġ għadd suffiċjenti ta’ testijiet b’sensieli differenti ta’ mewġ sabiex tiġi żgurata d-dipendibbiltà statistika, jiġifieri l-għan huwa li jiġi ddeterminat b’livell għoli ta’ kunfidenza li vapur mhux sikur jinqeleb fil-kondizzjonijiet magħżula. Minimu ta’ 10 darbiet jitqies li jipprovdi livell raġonevoli ta’ dipendibbiltà.
|
Il-Paragrafu 5 — Il-kriterji tas-sopravivenza
Il-kontenut ta' dan il-paragrafu jitqies li jispjega lilu nnifsu.
Il-Paragrafu 6 — L-appovazzjoni tat-test
Id-dokumenti li ġejjin għandhom jagħmlu parti mir-rapport lill-amministrazzjoni:
(a)
il-kalkoli tal-ħsara lill-istabbiltà għall-agħar ħsara skond is-SOLAS u f'nofs il-vapur (jekk differenti);
(b)
it-tpinġija ta’ l-arranġament ġenerali tal-mudell flimkien mad-dettalji tal-kostruzzjoni u l-istrumentazzjoni;
(c)
l-esperiment ta’ l-inklinazzjoni u l-kejl tar-radji tal-ġirazzjoni;
(d)
l-ispettri nominali u mkejla tal-mewġ (fit-3 postijiet differenti għal realizzazzjoni rappreżentanti u għat-testijiet bil-mudell mis-sonda eqreb għall-magna li tagħmel il-mewġ);
(e)
rekord rappreżentattiv tal-movimenti tal-mudell, l-attitudni u l-moviment tal-kurrent;
(f)
ir-reġistrazzjonijiet bil-vidjo rilevanti.
Nota:
It-testijiet kollha għandhom jiġu mixhuda mill-amministrazzjoni.